مدرسة المعالي ( تعالو نتناقش بالي صار بالاجنماع اليوم )

[xxx]

السلام عليكم

::
::

شلونكم ؟؟؟

::
::

شرايكم باجتماع اليوم ؟


انا الحمدالله وايد مرتاحه وكلام الاستاذة (( منى بورحمة )) وايد مقنع


:eh_s(8):

 

[mooomooo]

ولا شفتج

اشلونج وشخبارج ؟

انا بعد كنت هناك وكنت قاعده اول شي

انا بعد وااااايد ولله الحمد مرتاحه

 

[xxx]

ولا شفتج

اشلونج وشخبارج ؟

انا بعد كنت هناك وكنت قاعده اول شي

انا بعد وااااايد ولله الحمد مرتاحه

هلا والله

ماشاءالله الاجتماع يهبل

بس ماعطونا اسعار حسافة

جيكي على الخاص :dddds:

 

[mooomooo]

اوكييييي

 

[قلبي*خضر]

????? عن شنو تتكلمون؟؟؟

 

[mooomooo]

????? عن شنو تتكلمون؟؟؟

عن مدرسة عيالنا المعالي
كان اليوم الاجتماع عشان مكان وموقع المدرسه اليديد

 

[شيهانه]

وين الموقع الجديد ؟؟؟؟؟؟؟

 

[mooomooo]

الفروانية

 

[xxx]

mooomooo
ماكو الا انا وانتي هههههههه

 

[mooomooo]

mooomooo
ماكو الا انا وانتي هههههههه

اي والله

شكله هالموضوع لي ولج بس هههههه

يمكن عشان في اجتماع باجر ان شاء الله حق قريد

:tek:

 

[مفرفشة ومنعنشة]

آنا ان شاء الله بروح اجتماع اليوم لما سألت المدرسة قالولي ان الاجتماعين نفس الشي لكن قسموا الي عيالهم بالروضة عن الابتدائي عشان المكان
قولولنا شنو اهم شي قالوه بالاجتماع ؟

 

[مفرفشة ومنعنشة]

رحت االاجتماع أمس والحمد لله وضحولنا وايد امورنا وما قصروا جاوبوا على كل استفساراتنا ...
والحمد لله بعد ما طلعت من الاجتماع رحت للمالية وسجلت عيالي :ggdw:

 

[nanah]

بنات أنا ما رحت بس شنو قالوا عن المدرسة؟ ترخيصها وأسعارها ومبناها بيكون مع المنصور أو بروحهم؟
يعني أهم شي شقالوا؟

 

[مفرفشة ومنعنشة]

بالنسبة للترخيص قالت منى بورحمة ( نائب مدير مؤسسة التعليم الاهلي ) ان الترخيص الحالي مستمر الى 30/8/2008 وان المؤسسة رفعت دعوى على التربية وسواء كسبوا الدعوى او خسروها فالمدرسة ان شاء الله مستمرة وراح يكون اسمها المعالي العالمية وبطبقون فيها نظام يديد اهو ال IP وهو نظام عالمي بحيث ان الطالب المتخرج من مدرسة تتبع هالنظام ممكن ينقبل بأي جامعة بالعالم وطبعا هالنظام وايد قوي ومفيد للطالب ، وراح يزيدون ويركزون على استخدام الكمبيوتر ، لمدرسة الي بالفروانية بيفصلونها تماما عن مدرسة المنصور يعني نفس طريقة المعالي الحين مع مدرسة الاندلس يم بعض لكن مفصولين نهائيا وما لهم علاقة ببعض ، وراح تتوسع المعالي كل سنه على حساب مدرسة المنصور بحيث ان خلال جم سنه تصير المدرسة كلها للمعالي بروحها ، وتكلمت عن الباصات وانهم بحاولون ما تكون دورة الباص اكثر من ساعة عشان اليهال ما يتعبون .
وبالنسبة للاسعار تقول ان الي ردوا سجلوا عيالهم ( اعادة قيد ) بسوون لهم خصم ، وهالخصم مستمر لين يتخرج الطالب من الثانوية ان شاء الله ، واذا في احد سجل عياله بمدرسة ثانية ودفع ال 100 د.ك مالت التسجيل ووده يرد المعالي راح يعفونه من 100 التسجيل وبيعتبرون ان كأنه دفعها ( هذا الي فهمته ) ، بس في شغلة مهمة هالخصم للطلبة المستمرين فقط يعني اذا عندج طفل ثاني ودخلتيه المدرسة كتسجيل يدي ما راح يعاملونه معامله الاول ( مثال : آنا عيالي اسم الله عليهم اثنين بالمدرسة وان شاء بستفيد من الخصم ، اخوهم الصغير اذا بغيت ادخله الحضانه راح يعاملونه كطالب يديد بالرسوم اليديدة )
الاسعار :
الحضانة ( 1140 د.ك )
الروضة ( المستمرين 920 د.ك - المستجدين 1380 د.ك )
الابتدائي ( المستمرين 1160 د.ك - المستجدين 1740 د.ك )

 

[xxx]

الاسعار :
الحضانة ( 1140 د.ك )
الروضة ( المستمرين 920 د.ك - المستجدين 1380 د.ك )
الابتدائي ( المستمرين 1160 د.ك - المستجدين 1740 د.ك )

مشكووووووورة على الاسعار

توني ادري بيردون الحضانه قالو خلاص مافي

 

[mooomooo]

يعطيج العافيه يا قلبي عالشرح

وانا بعد مثلج عيالي اثنين مسجلتهم

والثالث ان شاء الله راح اسجله السنه اليايه اذا ماسجلته هالسنه حضانه



والحمدلله عالاجتماع وضح امور كثيره وارتاحت نفسيتنا

وربي يوفق عيالنا وعيال المسلمين اجمعين

 

[أمووونه]

شلونكم ياحلوين
عندي سؤال - اهي تبع المعالي اللي برميثية والتكامل بصباح السالم ولاهذي المدرسة غير ؟

 

[dl3_wl3]

شدعوه على هالرسوم بالفروانيه جذي اذا جذي في مدارس وايد احسن ومعروفه بهالسعر

 

[dl3_wl3]

على سبيل المثال دسمان ثنائية اللغه والغانم والتكامل نفسها

 

[dl3_wl3]

اكاديمية الخليج البريطانيه