مدرسات رياض الأطفال

[مسافات]

السلام عليكم

مدرسات رياض الأطفال ممكن مساعده؟
أنا ناويه أتخصص رياض أطفال بس مو عارفه شي عن هذي المهنه

عندي جم سؤال و ياليت تجاوبون عليه..

هل هذي الوظيفه متعبه أو مريحه؟

و شلون الأطفال معاكم؟

متى يبدأ الدوام و متى ينتهي؟ يعني قبل أو بعد مدارس الإبتدائي و المتوسط و الثانوي؟

و المعاش كم؟ هل في زياده على المعاش؟ متى تاخذونها؟

إذا أخذت امتيازات كم يزيد المعاش؟

المتزوجه تتعب بهالوظيفه أو عادي؟

جزاكم الله خير

 

[katkota78]

ما انصحك والله من اخت لك لا اعرفك ولا تعرفيني كرف على غير معنى وبهرجه عشان خاطر عيون هالموجهات المايقات الي لوعو جبودنا ما يهتمون بالطفل لا قطي فلوسك بهالصف وزيني وصبغي والله مشكلتي مو مع الاطفال منهم وكل يوم وثاني يدخلون عليك وينتقدون وكل وحده كلامها غير قطيعه نصحتي لك تخصصي اجتماع ودرسي تربيه حياتيه ابتدائي ابرك لك وبس ,,,,,,,,,,تحسين منبطه جبدي

 

[مسافات]

هههههههه صج منبطه جبدج.... الله يعينج

تسلمين و يعطيج العافيه

 

[nero]

والله اختي المهنه وايد حلوه

بس صعب تلقين اداره زينه

وما يفرق تعب المتزوجه عن العزبه .. المتزوجه وراها مسئوليات بالبيت هذا الفرق لول


الدوام على كثر الشغل الا اهوا ممتع .. الدوام من 7 ونص ليما 12 وثلث ..


والمعاش اول تعيين 750 .. بس مع استقطاع التامينات .. 688

ومع الامتيازات ما يزيد معاشج .. بس كل سنه زياده 10 دنانير

 

[rr202rr]

بختصاااااااااااااااااااار متعب لكن اللي راح تتكيف معاااااه تلاقيه عااادي
وانا عني شغل الروضه يلحقني للبيت مو شرط اشتغل واسوي وسائل لكن يكفي بااااالج مشغول بمنبه ومحاتاة دخلة موجهه ومشرفاااات

بس ماتدرين وعسى ان تكرهوا شيئا وهو خبر لكم

 

[عالي مستواها]

انحااااشي لا يحوشج

انا تربية عملي سببت لي عقد نفسية مستحييييل اتوظف مدرسة روضة مستحيييل مستعدة أقعد بالبيت ولا أرجع للهم اللي كنت فيه

المشكلة والله مو بالأطفال كثر التعب اللي من المشرفات والموجهات ما يعجبهم شي وكل شي لازم يعقدونه شغل وكرررف ومصاااريف شي مو طبيعي صراحة

 

[أم سعـود]

هل هذي الوظيفه متعبه أو مريحه؟

(( وظيفه حلوه وبسيطه وكل مامر عليج سنوات من الخبره زادت سهولتها اكثر ))

(( اللي يتعب فيها الاعداد للحلقه ،،، او اللاصفي ))



و شلون الأطفال معاكم؟


(( حلاااااتهم ايهبلون ،، ذوله عصافير الجنه انتي كسبيهم بيعطونج من قلبهم ويدورون رضاج ))



متى يبدأ الدوام و متى ينتهي؟ يعني قبل أو بعد مدارس الإبتدائي و المتوسط و الثانوي؟


(( من 7.20 إلى 12.20 ننهد قبلهم احنا ونطلع قبل الزحمه ))



المتزوجه تتعب بهالوظيفه أو عادي؟ ماجربت :eh_s(6):]​

 

[القرآن ربيع قلبي]

بالعكس وظيفة حلوة وسهلة انا اشوف مدرسات عيالي مرتاحين ووناسة وسوالف وحلو وقهوة يمكن تتعبين اول شي لانه جديد ةعليج الشغلة بس بعدين عادي واهيا احسن شي للمتزوجة لانه تطلعين مبجر بالعكس توكلي على الله وبعدين كل صف فيه شوية وشدعوة يداومون وكل صف فيه مدرستين والروضة كلها يمكن 6او7 صفوف بالكثير

 

[Toadette]

ام الشيوخ انتي اششششششششششششششششششششششكره مو مدرسه روضة
وحمدي ربج

أول شي انا يديده ...

هل هذي الوظيفه متعبه أو مريحه؟

متعبة بس حلوة

و شلون الأطفال معاكم؟

حلوين بس عليهم حركات بس تحبينهم

المتزوجه تتعب بهالوظيفه أو عادي؟

اعتقد انها تتعب بس الله العالم انا مو متزوجه

اهم شي الاستخاره .. شوفي شنو تطلعلج

 

[حب شمسي]

كل كلام خواتي صح والله المشكله مو في الاطفال ولا المنهج ولا المشرفات المشكله في التوجيه
الموجه تقولج اول السنه كلام واخر السنه كلام وكل سنه كلامها غير واذا جاتج موجه كلامها غير عن الثانيه
والللللللللللللللله يعينا على الحريم اذا تسلطوا

 

[لباس التقوىk]

هل هذي الوظيفه متعبه أو مريحه؟
وظيفة متعبة من حيث الجدول يعني عندج حصص+فرصة توقفين عليهم بالفرصة لمدة ساعة ممنوع تقعدين على الكرسي
غير المطعم تودينهم وتشرفين عليهم غير النشاط الصباحي تغنيين وتوقفين
يعني راح تمشين مشي بالروضة ياتدودينهن المطعم والا النشاط والا الفرصة

غير الحصص كل حصة لها وسائل وتقديم الدرس بصورة غير مباشرة للطفل يعني صعوبة في تقديم الدرس

و شلون الأطفال معاكم؟
الاطفال خاملين مايعطونج الاجابات بالحصة ال ا واحد والا اثنين

متى يبدأ الدوام و متى ينتهي؟ يعني قبل أو بعد مدارس الإبتدائي و المتوسط و الثانوي؟
الساعة
7ونص=يبدا=الى=12وثلث
طول=فترة=الدوام=عندج=حصص=ماعدا=ساعة=الا=ربع=لج=راحة
شفتي=الكراااااااااف؟

دوامنا=ينتهي=قبل=جميع=المراحل=الثانية

و المعاش كم؟ هل في زياده على المعاش؟ متى تاخذونها؟
685=المعاش=والزياده=10=كل=سنة=فقط

إذا أخذت امتيازات كم يزيد المعاش؟

المتزوجه تتعب بهالوظيفه أو عادي؟
تتعب=بسبب=كثرة=الوسائل+المشي+الفرصة+الرقص

 

[asma]

انا مدرسة روضه وحلمي من صغري بس جربت وانحشت

كل سنواتي اجازات بمعنى ومن غير معنى قريب بيفصلوني

والسبب اولا النقد لدرجة التجريح بشخصك

من الناظره الموجهه المشرفه

ثانيا الرقص والاغاني وهو شي الزامي

الوقفه والحركه الدائمه دون راحه

المحاتاه الدائمه بالعمل وخارجه

الطلبات اللي ماتخلص واخرها صار بتدوين الاسامي

اللي ماتدفع لهم ولطلباتهم حطتج بالبلاك ليست

لازم تكونين فنانه شامله ومحترفة رقص غناء تنطيط

وتلحين وتأليف ورسم ومخترعه لازم الاختراع مايبون

شيء ببساطة الاطفال لازم تعقيد واستنتاج واختراع

واعصري مخج واستعيني بعلماء ذره اذا حصلتي عشان

يساعدونج على الحلقه

عناد وغيرة ووقاحة بعض المعلمات اللي تحط الحره بالمعلمه

اللي معاها بفصل فلا يوجد تواقيت مثبته بقرع جرس يجعل بعض

المتسلطات ياخذون من وقتك لتلازمي الاطفال كل اليوم واغلبه

او تكون زميلتك من معلمات المطرشانيات اللي ماالهم شغل

بالتدريس مهنتهم تدريب حفلات تسجيل اغاني تسوق

حق الناظره محاضرات وورشات ماتخلص واكليها انتي

لاتوميني من حر مافيني كله مر علينا

 

[3so0ola]

هل هذي الوظيفه متعبه أو مريحه؟
مافي وظيفة مريحة وهي عادية لامتعبة ولا مريحة بس اذا بتتميزين بتتعبين اكيييد بس كل شيء بحسابه


و شلون الأطفال معاكم؟
احباب الله لوووووووووول يعتمد عالمنطقة صراحة


متى يبدأ الدوام و متى ينتهي؟ يعني قبل أو بعد مدارس الإبتدائي و المتوسط و الثانوي؟
يبدي 7.30 لي 12.20 بس 12.10 يطق الجرس
واكيد قبل باجي المراحل

و المعاش كم؟ هل في زياده على المعاش؟ متى تاخذونها؟
المعاش 688 وكل سنة زيادة 10 ولما تصيرين الدرجة الثالثة جنه الزيادة 50 والدرجة الثانية 100 وهكذا جنه مو متأكدة بس يزيد


إذا أخذت امتيازات كم يزيد المعاش؟
كل 3 امتيازات تترقين ولما تترقين يزيد


المتزوجه تتعب بهالوظيفه أو عادي؟
عادي جدا وبالعكس وابلة الروضة مكيفة تدرين ليش ؟؟
لان نطلع 12.20 عطيني وظيفة يطلعون مثلنا ؟؟
يعني تطلعين وتطبخين غذاج وتتسبجين وتكشخين على ما ايي زوجج هي هي هي


ونصيحة حبي شغلج ومالج شغل بالحريييم وظيفتنا تهبل للي يعرف لها ويفهمها

 

[3so0ola]

وبالنسبة للراحة تختلف يوم ساعة الا ربع ويوم ساعة و25 دقيقة

والرقص وهالسوالف وناسة احسن من اقعد على مكتب ويصير فيني دسك وامراض الدنيا

وراح تحسين انج طفلة وااااايد وتصغرين 4 سنين من عمرج لووووووول


انا عمري 23 بس احس اني بالثانوية لوووووول والكل يقووولي جنج ياهل حركاتج وسوالفج

 

[dark-sound]

اختي اذا حبتي شغلج والاطفال بترتاحين

والعكس صحيح

 

[مسافات]

تسلمووووووووووووووووووووووووووون جميعآ ما قصرتوا...

يعطيكم ألف عافية..