مدرسات الانجليزي ...دخلووووااا حالالالالالا....

[celen]

بنات أنا مدرسه أنجليزي توني فريش ؟؟؟ شايله هم الامتحانات للطلبه

أشلون أسويها؟؟ سمعت أن في كتب تساعدني بس مادري شنو هالكتب

رحت مكتبه العجيري والسنافر سألت عطوني المرشد مال الطلبه.

بليز ساعدوني شنو أسم الكتاب اللي يساعدني في وضع أمتحانات طلبه الابتدائي.

heeeeeelppp meeeeee please

 

[catee 80]

حبيبتي مافيه اسهل من امتحانات الابتدائي
طريقة وضع الامتحانات محددة في ورقة من التوجية
يعني اذا بتتعبين راح يكون لما تحطين الصور وهذا يعتمد على مهارتج بالكمبيوتر

 

[raw]

صح كلام حلا
في ورقة من التوجيه تقولج بالضبط جم سؤال في كل فئه ونوعية الاسئلة اذا اختيار من متعدد او صح وخطأ
كل شي واااااااااااااضح وضوح الشمس
بس اللي يبيلج تبدعين فيه اهو اوراق العمل صور ورسومات
وبعد الوسائل التعليميه مع انها متوفرة من الوزارة بس هم يبيلج شوي تبدعين علشان انتي بعد ما تملين من التدريس كل يوم بنفس الطريقه
انا شخصيا شريت تلفزيون ووصلته باللب توب واعرض الدرس كأنهم يطالعون فلم كرتون بالتلفزيون
صراحه طريقه حيل مفيده وتغنيج عن طباعة الصور او انج تكبرين لوحة الدرس خساير مالها معنى وآخر شي يا اما يتشققون او انج تملين وتسوين غيرهم اما اللاب توب الكل عنتده والتلفزيون الله لا يخسر ابو 21 بوصه ب30 دينار كبير وشحلاته
وعن تجربه اذا شافه الموجه بيطيح حلجه لين القاع من الوناسه

واتمنى اني اكون فدتج
وموفقه كل خير ان شاء الله يا ابلتنا

انتي اي مدرسه اذا ممكن؟

 

[raw]

واتمنى بعد من كل معلمة انجليزي او رئيسة قسم انها تشاركنا خبراتها
وتصير هذي ديوانيتنا
نسولف ونحل مشاكل بعض ونتعاون
بس لازم تمرون عليها كل ما شبكتوا


اشرايكم بهالاقتراح؟

 

[الجــادل]

انا متوسط ما عندي فكره عن الابتدائي


بس عموما اطلعي على نماذج اختبارات سابقه عساس تاخذين فكره

 

[هوى الدار]

raw
فكرتج رووووووعه ماشالله
بس شلون توصلين اللاب تةب بالتلفزيون واذا ابي اسوي اجتماع وابي استعمل اللاب توب شنو اقتراحاتج ؟؟

 

[catee 80]

raw
ماشاءالله عليج تصدقين مفكرة بهالطريقة بس مو تلفزيون
والدرس شلون عرضتيه يعني نقل من سكنر او بالبوربوينت
انا صراحه مجهزة كل شي بالكمبيوتر حتى التحضير
والراب اب اوراق عمل مسويته
وان شاء الله انجز كل خططي بدون تدخل بعض الناس

 

[raw]

هوى الدار بعض انواع اللاب توب يكون فيها مكان اسمه t.v. out اذا موجود باللاب توب تروحين محلات الكمبيوتر تقولين له الي واير تي في اوت تركبين الواير باللاب توب والصوب الثاني يكون مثل الواير مال الفيديو ابو ثلاث الوان اصفر واحمر وابيض توصلينهم عادي بالتلفزيون وتضغطين الدقمه مالت ال a.v بالتلفزيون ولما توصلين الوايرات تروحين للاب توب وتضغطين على زر function وزر f 5 وتضغطين ليما يوصل للاختيار اللي فيه صورة تلفزيون ولاب توب على طول تلقين اللي باللاب توب طلع على التلفزيون

وطبعا تقدرين تسوين الشغله هذي بالجتماعات وعلى حسب موضوعج
بس انا مرة استأذنت ابلات الحاسوب وسويت اجتماعي بمحتبر الحاسوب عشان اقدر استعمل الداتا شو واخلي باقي الابلات يطبقون معاي
رئيسة القسم حيل استانست

واي استفسار انا حاضره

 

[raw]

raw
ماشاءالله عليج تصدقين مفكرة بهالطريقة بس مو تلفزيون
والدرس شلون عرضتيه يعني نقل من سكنر او بالبوربوينت
انا صراحه مجهزة كل شي بالكمبيوتر حتى التحضير
والراب اب اوراق عمل مسويته
وان شاء الله انجز كل خططي بدون تدخل بعض الناس

بعض المرات تكون صور من الكتاب مسويتها سكانر ومرات صور من الانترنت عشان اقدم الكلمات الجديده ومرات الدروس اسويها بالباور بوينت وأعرضها وأشغل المسجل معاه واليهال يستانسون ويتسدحون من الوناسه
بس اذا ما عندج وقت - سوي اللي انا سويته وهو كالآتي:
كل درس سويه سكانر صوره صوره يعني مو الصفحه كامله لأ كل صوره بروجها ونظميهم على طريقة فولدرات كل فولدر وحده او درس ولما توصلين اللاب توب شغلي الفولدر اللي تبينه سلايد شو وشغلي معاه الدرس بالمسجله-
أحسن ولا تدشين بمتاهة الباور بوينت وتعورين راسج

جربوا هالطريقه وادعوا لي
واللي تاخذ امتياااااااااااااااااااااااز
عليها بالعافية
وما قلتيلي انتي بأي مدرسه؟
باين عليج نشيطة تبارك الرحمن
انا دفاتر تحضير ما شريت

 

[هوى الدار]

زين رو ما عليج امر شنو اجتماعج الي قدمتيه بالداتا شو ؟

 

[raw]

اجتماعي كان عن نظرية الذكاءات المتعدده وشلون نقدر عن طريق ملاحظتنا للطلبه
نستخدم النظريه لصالحنا

 

[هوى الدار]

رو انتي اي مرحله تدرسين ؟؟؟
وعسى الله يخليلج عيالج ويعوضج ان شاءالله

 

[raw]

انا ادرس بالابتدائي

 

[هوى الدار]

انا بعد ابتدائي
ياليت رو نستفيد من بعض صراحه افكارج حلوه

 

[raw]

حبيبتي انا حاضره اللي تامرين فيه

 

[هوى الدار]

رو انتي اي منطقه تعليميه ؟

 

[نجمه*]

معاج ابله ثانوي بس رفيجتي ابتدائي اسالها لج

يعني الله يخليج ابتدائي وانجليزي شيبيله والله امتحاناتهم خربوطه مربوطه لاتشيل همهم بالمره ان شاء الله بيجيج وقت تسوينهم وانتي مغمضه

الله يوفقج في حياتج المهنيه ويعينج عالتدريس

 

[Simple^Lady]

بالنسبة للامتحانات تقدرين ادشين موقع وزارة التربية وتشوفين الامتحانات وتاخذين فكرة عنها
وبالنسبة لأختي raw ‎‏ حلوة فكرتج ان نسوي ديوانية لمدرسات ا لانجلش نشارك بعض اقتراحاتنا ومشاريعنا

 

[Simple^Lady]

بالنسبة للامتحانات تقدرين ادشين موقع وزارة التربية وتشوفين الامتحانات وتاخذين فكرة عنها
وبالنسبة لأختي raw ‎‏ حلوة فكرتج ان نسوي ديوانية لمدرسات ا لانجلش نشارك بعض اقتراحاتنا ومشاريعنا بس طبعا موبموضوع اختنا لأن العنوان مارا ح يوصل المعنى انه ديوانية لازم نسوي موضوع بأسم ديوانية للأنجلش ستاف

 

[فرحه عمر]

raw
يعطيك العافيه على الفكره الحلوه . بس حبيت اسئل عن التلفزيون ؟؟ هل هو متوفر بالصف و انتي تستخدمين الوصله بس!!! و لا تروحين لمختبر الحاسوب؟؟