مدرسات الاجتماعيات دشوا بليز #تجمع#

[يالبا قلبي]

انا بعد مدرسة اجتماعيات ابتدائي

 

[warda_76]

وانا بعد انشاءالله اكون مدرسة اجتماعيات وفلسفة للثانوية يمكن على الكورس الثاني الله كريم .. اشرايكم بالتدريس بالثانوية وخاصة في منطقة مبارك الكبير القرين؟؟؟

 

[عيون سارة]

فوق
وينكم

 

[أطــياب79]

أنــا مدرسة اجتماعيات بالمرحلة الابتدائــية ( صبيان ) وياني نقل الى المرحلة المتوسطة وانشالله اتوفق مع الكبار
بصراحة بنات ناظرتي حسبي الله عليها طفشتني من المدرسة وودي اعرف عن البنات في المتوسط شلون التعامل معاهم؟
وجزاكم الله خير واللي تحب تسأل اي سؤال يخص المرحلة الابتدائية انشالله بفيدها

 

[monera]

هلا اطياب الله يوفقج بالمتوسط
واشلون على النقل انتى اللى طلبتى النقل ترى التعامل مع المتوسط مريح والبنات كبار وفاهمين مايحتاج تعيدى عليهم الكلام

بس التعامل وياهم يكون بحدر لانهم بداية المراهقة ومايحبون الصراخ والعصبية


وان شاء الله تتوفقين وعلمينا اى المراحل راح تدرسين

 

[عصفورة الكويت]

هلا والله ...
أنا بعد وياكم .. ابتدائي بنين ..أدرس تربية وطنية .. اتمنى فعلا ان يكون تجمع موفق لان فعلا محتاجين له ...

أعمالي الحالية :
مطلوب مني اني اسوي مجلة عن الاجتماعيات وتوني مبلشة فيها وقاعدة احاول اجمع افكاري ومواضيعي ...

وعندي برنامج اذاعي الاسبوع الجاي وابي افكار حلوة وابي همتكم معاي ...



وحااااااضرين للحلوين

 

[الفجر البعيد222]

هاي مدرسات شلونكم
اختي وردة عاد تصدقين اغلب ثانويات القرين متشددين ويطفشون المدرسات
يمدحون الاحمدي
والله يوفقج

 

[الفجر البعيد222]

أختي اميرة بطلتي انتي بأي منطقة الاحمدي ؟
اي صف ادرسين ؟

 

[أطــياب79]

ياجمــــاعة احد عنده فكرة عن مدرسة غرناطة متوسطة بنات ؟ منطقة :eh_s(1):

منطقة العديلية

لاني والله ياجماعة قعدت سنة في مدرسة.........ابتدائي بنين طلعت عيني الناظرة حسبي الله عليها ومابي تتكرر تجربتي بالظلم والحسرة وانا عن نفسي حبيت البنات اكثر

 

[الفجر البعيد222]

أطياب
لا والله ما اعرفها
انشالله البنات يساعدونج
ما ابي اضيق خلقج بس دام انج بوزارة التربية توقعي كل انواع الظلم والحسرة
والله يوفقج وين ما كنتي

 

[الفجر البعيد222]

البنات وينكم ما عندكم افكار حلوة حق مادتنا ؟
اوكي اليوم بس بديت اشغل راسي وافكر لان البنات بالصف كلش ما يشاركون فقررت اسوي تقويم باخر الحصة
وهو عبارة عن لوحة حجمها وسط فيها 4 اظرف وبأخر الحصة اخلي البنات يشاركون ويطلعون يفتحون الظرف ويشوفون شنو السؤال
وطبعا كل وحدة تجاوب تختار هديتها من صندوق مغلف بطريقة حلوة داخله مذكرات او اقلام او ستيكرات تناسب عمر البنات انا ادرس خامس
وزينت اللوحة بستيكرات على فراشات وزهور الوانها حلوة وجذابة للطالبات اللي بهالعمر
وانشالله باجر ببلش وانشالله اشوف مشاركة ايجابية من الطالبات
حسافة ما اعرف انزل الصورة عشان تشوفونها
شكلها هذي طريقة قديمة بس انا ما عندي خبرة وكل شي اسويه بسيط احس انه انجاز كبير
والله يوفق الجميع

 

[monera]

مشاء الله عليج حلوة الفكرة عاد تصلح لسادس

 

[ابلة مهارة]

سلام عليكم أنا بعد أبلة اجتماعيات
وأدرس المرحلة الابتدائية

 

[ابلة مهارة]

منهو تدرس ابتدائي

 

[عيون سارة]

السلام يا ابلات شلون المتوسط
لان تو وصل للمدرسة قرار نقل وانا بصراحه خايفة حدي من الطالبات ومن المنهج ومن الاداراة

الله يفرجها عليكم جاوبني احد يعرف عن مدرسة القيروان المتوسطة او اذا فية مدرسة زينة بحولي لاتبخلوا على بالرد

واشلون تدريس المتوسط سهل او صعب

 

[al.shai5aa]

انا درست ثانوى سنتين بس عقبها قعدت بالمتوسط 9 سنوات من اروع ما يمكن واللى تبى مساعدة بدفاتر التحضير او دروس بور بوينت انا بخدمة خواتى

 

[Miss Golden]

الله يوفقكم بنات وين ماكنتوا ان شااءلله..

أطياب..

الله يوفقج حبيبتي و ان شاءالله ترتاحين بالمتوسط مع البنات.. وانا متاكده انج راح ترتاحين ان شاءالله والبنات راح يحبونج لانج تهبليييييييييييين :*

​

 

[al.shai5aa]

أ نا من صجى اتكلم ليش محد يرد على :eh_s(14):[/CENTER]

 

[فيروز]

مرحبا خواتى مدرسات الاجتماعيات اناتعيين جديد متوسط بصراحه ضايعه من كثر الشغل اللى عندنا التحضير يطلع فيه اخطا ءومعطينى اشراف ادارى ولازم سجل خاص بكل مشرفه تشتغل فيه واسبوعيا تشوفه الوكيله من غير مجلة الاجتماعيات اللى لازم اسويها وكل اسبوعين اغير المواضيع ولازم يكون عندج سجل خاص بالفائقات والضعيفات نشتغل عليه طول السنه وفى اى لحظه تطلبه الناظره من غير الحصص الاضافى عشان نلحق المنهج عشان الاختبارات اخر الشهر ومشددين على تنوع الوسائل لازم اجهزه العرض والفيديو والمسجل وشغلات مو عرفتها لازم استخدمها وعندى درس الاسبوع الجاى بورقة عمل مو عارفه شلون طريقة استخدامها ودرس بوربوينت يعنى شنو عندنا بالمدرسه بس فالحين سوى وحطى وشيلى بدفتر التحضير وبس لاو معطينى برنامج اذاعه اطفاء اخر بئر نفط فى الكويت :0bee2e8d89:موعارفه شنو اسوى فيه رئيسة القسم تقولى الناظره تبى شغل مميز طيب وتحب المعلمه المتميزةشلون اشتغل بكل هذا الشغل وابدع فيه ياليت تساعدونى مالى الا انتم اللى عندها فكر ه عن اى موضوع تفيدنى تصدقون اليوم كان عندنا يوم المعلم ماكرموا نص المعلمات والمعلمات الجدد ماعطوهن اهميه ولاذكرونا بتكريم والله انى انقهرت يعنى كل هالشغل والكرف ولاحتى كلمة شكر شلون نبدع وحنا لاتقدير ولاشكر صج قهررررررررررر:eh_s(14):

 

[الفجر البعيد222]

مرحبا خواتى مدرسات الاجتماعيات اناتعيين جديد متوسط بصراحه ضايعه من كثر الشغل اللى عندنا التحضير يطلع فيه اخطا ءومعطينى اشراف ادارى ولازم سجل خاص بكل مشرفه تشتغل فيه واسبوعيا تشوفه الوكيله من غير مجلة الاجتماعيات اللى لازم اسويها وكل اسبوعين اغير المواضيع ولازم يكون عندج سجل خاص بالفائقات والضعيفات نشتغل عليه طول السنه وفى اى لحظه تطلبه الناظره من غير الحصص الاضافى عشان نلحق المنهج عشان الاختبارات اخر الشهر ومشددين على تنوع الوسائل لازم اجهزه العرض والفيديو والمسجل وشغلات مو عرفتها لازم استخدمها وعندى درس الاسبوع الجاى بورقة عمل مو عارفه شلون طريقة استخدامها ودرس بوربوينت يعنى شنو عندنا بالمدرسه بس فالحين سوى وحطى وشيلى بدفتر التحضير وبس لاو معطينى برنامج اذاعه اطفاء اخر بئر نفط فى الكويت :0bee2e8d89:موعارفه شنو اسوى فيه رئيسة القسم تقولى الناظره تبى شغل مميز طيب وتحب المعلمه المتميزةشلون اشتغل بكل هذا الشغل وابدع فيه ياليت تساعدونى مالى الا انتم اللى عندها فكر ه عن اى موضوع تفيدنى تصدقون اليوم كان عندنا يوم المعلم ماكرموا نص المعلمات والمعلمات الجدد ماعطوهن اهميه ولاذكرونا بتكريم والله انى انقهرت يعنى كل هالشغل والكرف ولاحتى كلمة شكر شلون نبدع وحنا لاتقدير ولاشكر صج قهررررررررررر:eh_s(14):

الله يعينج حبيبتي هذا التدريس كراف بكراف
ما عندي فكرة عن المتوسط بس انصحج اهتمي بالمادة العلمية اول شي والاشياء الثانية اللي تقدرين عليه سويه
وبالنسبة للمجلة دوري مكتبة تسويها لج وريحي بالج