مدرسات الابتدائي...ضبط الصف و الثواب والعقاب..شاركونا

[Heavenz]

السلام عليكم

شلونكم بنات شخباركم مع الصيف؟

جنه العطله انتصفت .....................ودي ما تخلص:eh_s(22):

المهم شي كنت افكر فيه....... بما اني مفكره أدرس أولى ابتدائي

ابي اعرف طرق لضبط الصف........Class manegment

جان زين كل وحده تقولنا طريقتها لعل و عسى نوصل لافضل طريقه

لضبط الصف!! انا اقسم الصف مجموعات وبالمقابل اقسم السبورة

على العدد واللي يجاوب وينتظم احط له صح لما ينتهى الدرس اوزع

عليهم ستكرز او اي شي

........................................................................

نقطه ثانيه ابي اعرفها .... الثواب و العقاب!!!

طبعا مابي زف ولا صراخ لانهم اطفال صغار واصلن ينسون شحقه

تعاقبوا!!

ابي شي يكون فعال و بنفس الوقت غير مكلف!!


اللي عندها أفكار لا تبخل علينا

وانا راح اجمع اللي عندي و انزله لكم باذن الله

 

[ريفيل]

والله حبيبتي الحمد لله ان مدرسه اولاد خمس سنوات ومشهود لي بضبط صفي طريقتي باختصار اول اسبوعين اكون جادة جدا جدا بس مو عصبيه صارمه من ناحيه الواجبات نظافة الصف ترى هالشغلة تلعب دور كبيرخصوصا لما تكون قبلج حصة مدرسه مهمله والاولاد اذكياء لا يغرج .. بعدين شوي شوي الينارتاح لهم يرتاحون لي يبتدون يحبوني وما يبون ارد مثل قبل مو صديقتهم فيصير الصف مثل العجينه بايدج من صج يحبونج ونصيحة لج لوجة الله احترميهم عامليهم معامله جدا راقية.. علشان المشاغب تنكسر عينه والشاطر يبدع .. وسلامتج

 

[ضحـاوي]

ضبط الصف يعتمد على شخصيتج

 

[Heavenz]

ماقصرتوا حبايبي

ادري ان الشخصيه تلعب دور والحمدلله شي مشهودي لي

لكن ابي تكنيكات ابي افكار مبدعه........بليز ابي دقه اكثر في الوصف!


ويسلمو اللي ردوا

 

[عنايد]

اذا بتدرسين اولى الله يعينج لازم تكون من زبائن بو 100 قبل لما كنت ادرس اولى بين فتره وفتره لازم اروح مشوار مخصوص لبو 100 عشان اشتري للبنات لاني لما ادش بالهدايا من يشوفونها عند الباب كل وحده تقعد بمكانها ولا كلمه وبين فتره وفتره انوع بالهدايا يعني مره اجيب لهم حلاو مره هدايا
وطبعا التشجيع المستمر لهم حلوه يابطله يا شاطره والنجوم والوجوه الضاحكه ارسمها لهم عالدفاتر وطبعا مع الحزم والجد ما اضحك معاهم من اول مره لا عقب مايعرفون اني حازمه ومتشدده مايمنع تمر مواقف نضحك مع بعض عليها والله يعينج عليهم بيصير فيج ضغط من غير شر عليج لانهم جابو لي الضغط وصرت عصبيه نااااااااااااااااااار

 

[رفرف]

البنات ما قصرو وزيادة على جذي انا ماصرخ ولا شي يعني اول ما ادش الصف تدرين يكون فوضى اوقف واطالعهم بس بحزززم واللي تسولف اخزها لين يصخوووووووون تالي اسلم لأنج ان صرختي عمرهم ماراح يسكتون ...

ومرة هدايا ومرة نجوم ومرة هابي فيس ومرات اعلق شعار على مريول البنت المتميزة مرة اخليها تساعدني مع البنات كتشجيع لها ...

والعقاب اخذ كرسي اخليه بزاوية الصف والمشاغبة تقعد فيه ...

 

[ضحـاوي]

ستروبري ,, انا فهمت تبين راي وبس ما فهمت انج تبين افكار وابداعات

ولا يصير خاطرج الا طيب اعطيج الي عندي والي شفته من الابتدائي

والبنات ما شالله مو مقصرين بعد

ابتدائي ترى مو هينين يبيلهم احد يضبطهم

عجبني كلام عنايد يوم تقول انج راح تكونين من زباين بو ميه ههههههه

صج عنايد يابتها ,,,,,,,, اليهال يموتون على الهديه ومستعدين يسوون لج الي تقولينه بس ياخذون الهديه

واذا الكبار رابع وخامس فهذولي المعامله معاهم تختلف شوي

يبي لهم شدة ويبي لهم لين لانهم احيانا ما ينعطون ويه ويمصخونها حبتين

واذا شديتي معاهم تحسين يكسرون الخاطر ,,,,,, ولو زفيتيهم تحسينهم كبار ويحسون ويندقرون

فاحسن شي انج تضحكين معاهم بس تنبهينهم ان وقت الضحك ضحك ووقت الجد جد

و على العموم التدريس في ابتدائي ممتع حده

 

[مشغوله و محتاسه]

والله حبيبتي الحمد لله ان مدرسه اولاد خمس سنوات ومشهود لي بضبط صفي طريقتي باختصار اول اسبوعين اكون جادة جدا جدا بس مو عصبيه صارمه من ناحيه الواجبات نظافة الصف ترى هالشغلة تلعب دور كبيرخصوصا لما تكون قبلج حصة مدرسه مهمله والاولاد اذكياء لا يغرج .. بعدين شوي شوي الينارتاح لهم يرتاحون لي يبتدون يحبوني وما يبون ارد مثل قبل مو صديقتهم فيصير الصف مثل العجينه بايدج من صج يحبونج ونصيحة لج لوجة الله احترميهم عامليهم معامله جدا راقية.. علشان المشاغب تنكسر عينه والشاطر يبدع .. وسلامتج

اخاف هذي انا وانا ما ادري ؟؟!!!!!
لوووووووووووووووول

نفس الحجي كنت بكتب ..
و نفس عدد السنوات
و أدرس صبيان !

ههههههههههه


لي عوده ان شاء الله اكمل الرد :eh_s(9):

مشكووووره strawberry خوش موضوع

 

[كويتية حلوة2]

أولى مأساة الله يعين ابلات اولى انا دشيت لهم اختبار تشخيصي طلعولي قرون منهم بس انا اشوف الأبلات الي معانا يودون معاهم هدايا ولوحه جيوب وعدد الجيوب على عدد البنات وكل وحده تيمع نجوم بهالجيوب او ورود او اي شي سويه بالكمبيوتر والي تيمع اكثر لها هديه يعني تشجيع وترغيب والله يعينج

 

[Heavenz]

يسلمو حبايبي ........كملوا عفيه

فكره الجيوب حلوة احتمال انفذها هالسنه!!

خامسه و رابعه مو مشكله اعرف اتعامل معاهم وهم اولى لكن ابي افكار

منكم بما انكم في الميدان!!!

اسلوب الصراخ مستبعدته تماما لان اللي تصرخ تكون اول الخسرانين

وصحتها بالهدر....والصراخ يجهد عضلة القلب اكثر من الجري


وعسى الله يسر امورنا يارب


انتظر المزيد من الافكار

 

[الرهف]

السلام عليكم ورحمة الله وبركاته،،،
والله حبيت استفيد وافيد انا صار لي 7 سنين ولله الحمد ما اصارخ ولا اطق كلش .عندي طريقتين :
الاولى معروفه ابو 100 :
يعني اول السنة في بنات ما يعرفون طريقتي بالصف وبالذات سنة اولى وثانية فكنت امر عليهم قبل حصتي واقول لي يبي هدية لازم يعدل طاولته ويطلع الكتب وما يصيح لما اجي الحصة الجايه مثلا / وكان ينفع لما تعودوا
ومرات ما اعلم اشوف منو الشاطر ( كاني اكلم جهال)متعوده اعذروني.
وفي طريقه ثانية علمتني رفيجتي عنها جزاها الله كل خير.
اول ما ادخل للصف احط مكان بالسبورة واسوي جدول ارسم نجمة* والجدول الثاني B.l)black List)
يعني قائمة النجوم والقائمة السوداء( طبعا اول شئ استخدمي قائمة النجوم بس منها البنات يستانسون حيل . وبعدها حيطيهم اثنينتهم ( يعني كافئ وعاقبي إلي يطلع اسمها اكثر من مره بالنجوم كافئها والعكس صحيح .
حيل انفعت معاي

 

[Heavenz]

الرهف افكارج حلوة............


نبي بعد


على فكره انا ما اخلى البنات يحطون اي شي على الدرج كل كل شي داخل الدرج

هم انتباهم الله بالخير و هم جدامهم كتب والله ماراح ينتبهون

لكن هالطريقه جدا فعاله معاي

انطركم بنات

 

[رفرف]

انا مدرسة حاسوب اطفي شاشات الأجهزة واخليهم يلفون كراسيهم صوبي علشان ما يلعبون بالكمبيوتر ويطقطقون وانا اشرح ...
ولي خلصت يلفون كراسيهم ويشتغلون ...

وطبعا سلة الهدايا موجودة بكل حصة لو ما اعطي احد كافي يشوفونها

 

[مشغوله و محتاسه]

بنااات ..

ذكرتوني بطريقه كنت اعذب فيها تلاميذي لووول

كنت اييب 3 جياس بطاط او بفك من المقصف ... و اعلقهم بالمغناطيس على السبوره :eh_s(9): فكانو يحليلهم يقعدون مرتبين علشان يحصلونه ..

استخدم هالطريقه بالحصص المتأخره ... لان الانتباه يكون قل و الانجليزي يبي مخ نظيف و صاااااحي ..


و للامانه ... مرات اصرخ شوي عالتلاميذ... لان الصبيان غيييييير ... يبون شوية حزم .. بس عاد مو صراخ اللي جنها تبي تولد :eh_s(20):
مثل ما يسوون بعض الابلات .. و الطق نااادر .. ولكن موجود للي يتمادى ولا يطق ربعه ... مثلا اذكر في واحد طقيته عدل لاني اكتشفت انه مضطهد واحد فقير يا حرام و يخليه يبوس جوتيه ... انقهرررررت و طقيته و هددته و من يومها ما عادها ...ودقيت على ابوه و قلت له علشان يشوفون من وين تعلم هالحركه؟؟ هم اخاف في احد
مسوي معاه جذي ... بس اللي اتطق .. لازم اتطق بيدها مو بمسطره علشان تعرف شكثر عورت الياهل حرام و عشان ما تخلي اثار عليه .... لان الهدف الضبط و شوية تخويف مو تعذيب

النكته اني اطق مرات ... اعلي صوتي مرات .... بس انقهر لما اشوف وحده اتطق :eh_s(20): تهقون انفصام بالشخصيه ؟؟ لووووووووووووووووول

جني شطيت شوي عن الموضوع ؟؟؟ السموحه يا بنات :eh_s(17):


ابو 100 حلووو ... بس مرات ما يعجبهم اللي اعطيهم اياه ... عشتوو هم يعرفون الغالي و الرخيص ... و الستكرز موجوده بكل حصه ... السنه اللي فاتت شريت من المباركيه وكان سعرهم رخيييص ... فكنت اعطي ورقه كامله للمتميز .. :eh_s(9):

 

[wroodeldar]

انا مازيد على خواتي

اهم شي ماتصرخين على اليهال
اذا صرختي ضاعت هيبتج
كثر ماتكونين هاديه وحازمه
والهدايه ماتكثرينها من فتره لفتره
اذا تعودوا عليها خلاص تصير ماتهمهم

 

[فوز الكويت]

شوفي حياتي انا مدرسة اولى وعربي بعد يعني يبيله انتباه ومخ فاضي علشان تقدر الابلة تعبيه بالمعلومات فأهم شي إنج من تدخلين الحصة من اول يوم تعلمينهم على شخصيتج بهدوء وبنظرة ثاقبة في عين كل طالبة حتى تعرف شخصيتج وتخاف ولكن بدون رعب وراح تحترمج من بعدها وما راح تسوي اي شي يضايقج وعلميهم انج ما تحبين الازعاج وما تحبين الصف الوسخ وخاصة بعد الفرص وعلميهم ان الصف النظيف يدل على نظافتهم في البيت وحببيهم في ان تكون ريحة الصف حلوة فأول ما يخلصون الأكل يحطون ريحة حلوة في الصف فراح تشوفين كل وحدة تتسابق انها تحطي عطر حلو وتسأل الأبلة عنه هذا عن نظافة الصف وريحته أما عن المشاركة والنشاط فحفزيهم للمشاركة والدراسة من خلال انج تعطينهم مرة هدايا من بو 100 وفي اخر الشهر تسوين هدية قيمة وتغلفينها وتخلينها على الطاولة وتقولين هذي الهدية راح تكون للبنت المميزة اللي شاركت اكثر وحدة وحصلت على اكثر الهدايا وطبعا ما ننسى البنات الضعيفات فلازم انج تشجعينهم حتى لو غلطوا فمجرد انها ترفع ايدها اكثر من مرة رغبة منها في المشاركة فجامليها انتي وعطيها هدية بسيطة وقولي لها لانج اليوم شاركتي وايد بس أبيج باجر أحسن من جذي بعد علشان تحصلين هدية أكبر فما راح تتصورين شكثر راح تتغير وأنا صارت لي هالحالة فمرة كانت عندي بنت حييييييييييييييل ضعيفة كنت أتركها وما أسألها وأصلا ما كانت تحاول تشارك فمرة كنت في الليل نايمة في فراشي اتذكرها وكسرت خاطري فقمت أسولف مع ريلي وأقوله عنها ان شكلها ما يوحي انها كسلانة فقالي شوفيها كلميها شجعيها قلت شكثر اشجع الصف بس ما احس انها تهتم ففكرت وفكرت لين وصلت لشي وانا الحين من 6 سنوات كل سنه أطبقه وأحس انه مفيد وايد للضعيفات وهو أني سويت دفاتر خاصة للضعيفات وكنت أحطي في كل دفتر صور رهيبة أسويها بالكمبيوتر على طريقة أسئلة ونسخ جمل والله انه خلال اسبوع شفت شي ما تتصورونه من هالبنت شفت انه خطها صار عجيييييييب والله حتى أحلى من خطي وعلى السطر تكتب وتنقش في رسم الحروف وتقلدني في رسم حرف الكاف والحاءوالراء ولما شفت جذي والله اني بجيت من الفرحة وكنت كل يوم ألمها وأحظنها وأبوسها حيييل من الوناسة وكانت تحمر من الخجل وتستانس ، فسبحان الله تغيرت البنت فصارت تنطر حصة العربي وتكتب الواجبات اول بأول وتنافس المتميزات وصارت درجاتها من الضعيفة للممتازة حتى لما يه الموجه وشاف درجتها تغيرت طلبني وسألني شلون وشكك فيني لين وريته دفترها استغرب واستانس في نفس الوقت وكافأني جدام كل المعلمات وأتذكر يت أم البنت وشكرت فيني وايد ولما انتقلت البنت للمتوسطة يت أمها وكانت شارية لي هدية حيل قيمة وكانت البنت من المتفوقات بس أنا ما قبلت الهدية لاني ما درستها برابعة بس درستها باولى بس قالت لي كلمة أثرت فيني لولا ربج ثم لولاج ما كانت بنتي اليوم مع هالمتفوقات في هالحزة حسيت بالفخر والوناسة إني ما ظلمت البنت ، وصج انها هالطريقة ما راح تفيد كل البنات فبعض البنات عندهم تخلف دراسي ما راح نقدر نغيره بس راح تغيرين بعض البنات اللي ما فيهم شي بس فيهم خوف أو عدم ثقة فما لازم نتركهم ونتتبعهم ونشوفهم تغيروا خير وبركة ما تغيروا احنا نكون سوينا اللي علينا ورضينا ربنا ورضينا نفسنا بس أهم شي ابتعدي عن الصراخ والطق فما راح تحصلين منهم الا الكره والابتعاد عنج واهم شي كره المادة.

 

[Heavenz]

نظر عيني يا بنياتي ........ فديتكم والله

والله استفتدت من خبراتكم<<<<<<<<<<ماجنه لها 7 تدرس

المهم بسألكم عن شي دايما عند الاجانب شي اسمه بطاقه سلوك

تعطى ولي الامر في كل اسبوع و ينكتب فيها كل شي بدقة من حل

واجبات الى سلوك في الصف الى مشاركة وحضور و غياب وقراءة

يعني تحطين خانات معينه و تحطين مثلا جم صح او درجة او ممتاز

جيد ضعيف؟؟؟؟


انا ماطبقتها لاني توني قريتها من مذكرة اسرار التدريس

كنت شسوي من الكسل اخلي كل بنت تحط ظرف رساله في اخر كتابها

واقولها راح اكتب حق امج رساله .....طبقتها شويه بعدين ما قدرت

عشرين حصه و كراف و احتياط و مناوبه تعبت نفسيا!!

المهم نبي نكمل الموضوع لما نوصل الى افضل حل ونبي نستمتع

بخبراتكم و تجاربكم و سوالفكم ....فرصه الواحد يسولف ويستانس

بمجال عمله


بعد قلبي انطركم....

 

[Heavenz]

قوة حبايبي بحطلكم 101 طريقه تشجعين الطالبات بعبارات حلوة

طبعا انجلش

ولج الحريه في انج تختارين والا تستبعدين اللي تبينه من هالعبارات


101 Ways
To Praise A Student !!!


Wow * Way To Go * You're Special * Outstanding * Excellent * Great
* Good * Neat * Well Done * Remarkable * I Knew You Could Do It
* I'm Proud Of You * Fantastic * Super Star * Nice Work
* Looking Good * You're On Top Of It * Beautiful * Now You're Flying
* You're Catching On * Now You've Got It * You're Incredible * Bravo
* That a way * You're Fantastic * Hurray For You * You're On Target
* You're On Your Way * Awsome * How Nice * How Smart * Good Job
* That's Incredible * Hot Dog * Excellent * Dynamite * You're Beautiful
* You're Unique * Nothing Can Stop You Now * Good For You
* I Like You * You're A Winner * Remarkable Job * Beautiful Work
* Spectacular * You're Spectacular * You're Darling * You're Precious
* Great Discovery * You've Discovered The Secret * You Figured It Out
* Fantastic Job * Hip Hip Hurray * Bingo ! * Magnificent * Marvelous
* Terrific * You're Important * Phenomenal * You're Sensational
* Super Work* Creative Job * Super Job * Fantastic Job* You're Nifty
* Exceptional Performance * You're A Real Trooper * You Are Responsible
* You're Are Exciting * You Learned It Right * What An Imagination
* What A Good Listener * You Are Fun* You're Growing Up
* You Tried Hard * You Care * Beautiful Sharing* Outstanding
* Performance * You're A Good Friend * I Trust You * You're Important
* You Mean A Lot To Me * You Make Me Happy * You've Got A Friend
* You Make Me Laugh * You Brighten My Day* I Respect You
* You Belong * You Mean The World To Me * That's Correct
* You're A Joy * You're A Treasure * You're Wonderful * You're Perfect * * Awsome * A+ Job * You're A Ok * My Buddy * You Made My Day
* That's The Best * A Big Smile * To Me You're A Winner
* Lucky Me to Have A Student Like You!!
* What Would I Do With Out You In My Class?
* You're The Best * I Believe In You


سي يا ....

 

[لوتس]

strawberry
السلام عليكم يا حلوه
الحل عندي وآنا أم هندي
اشتبين بأولى عوار راس وبجي ونواح وسناسين:eh_s(11)::eh_s(11)::eh_s(11):
ويمكن ما تحصلين كلنكس لوعة جبد بصراحه
آنا أقول تدرسين ثالثه وايد أحسن ناس كبار وفاهمين
وعجال بعد خاصه إذا ربج وفقج بعد وصار
بصفج بنيتي أوووووووووووووووووووه:eh_s(15): بترتاحين على الآخر
وسلامتس:eh_s(8):

 

[Heavenz]

بعد قلبي لوتس

وعليكم السلام والرحمه

يشرفني والله اصير مدرسة بنتج يالغاليه


لج منى كل الحب اللي في العالم


وبحاول افكر بموضوع ثالثه