مدخل علم اجتماع - الدكتور عبدالله محمد اللنقاوي اشرايكم فيه

[c a t w o m a n]

يعطيكم العافية بنات العلوم الاجتماعية للي عندها فكرة عن هالدكتور بهالمادة ياليت تفيدنا .. اشلونه من ناحية المعاملة والدرجات وشرحه للمقرر .. هلب ​

 

[c a t w o m a n]

..
..
...

 

[Artya 【ツ】●]

آنا مسجله معااج

يمدحووووووووونه

 

[c a t w o m a n]

نايس .. يلا الحمدالله طلع زين .. ما في معلومات اضافيه عنه اشلون طريقته بالشرح وجم بروجكت وهالأشياء

 

[Artya 【ツ】●]

من تقييم الدكاتره




الدكتور روووووووووووووووووعة+رووووووووووووووعة+رووووووووووووعة

الدكتور اينن ومحاضرته تونس وما تملل ويعطي درجات بالهبل يقولكم انا اساميكم عاجبتني بعطيكم 3 درجات وبونص بريزنتيشن 3 درجات للي يبي و10 درجات الحضور والغياب الكل بدون استثناء بس لا تشوفونه لما يحاسب على الغياب يوميا اخر شي ولا كأنه محاسب على شي وامتحاناته سهلة ويساعد اذا احد سألة في الامتحان يشرحله

ونوعه يعلق ويضحك بس والله ما يقصد شي وحتى اذا زعل منه احد شوي يراضيه الدكتور يهبل

مدتيريم واحد بس وانا اصلا ما درست ولا شي والمدتيرم اخذ 23 من 45 وبالفاينل بدعت وعطاني B بلس



---


هالدكتور عجيب عنده كاريزما رهبيه.. كل شي يقوله داش بالامتحان.. يشرح عدل ويعطي اسئله.. بس عيبه شي واحد مايحب احد يعارضه وتجنبوا مناقشته بأي شي لانه متعصب لرأيه .. يعطيك انطباع انه جد ومايضحك بس حليو و راقي بتعامله مع الطالبات حريص على الغياب ويسامح بالتاخير .. احسن دكتور يعطي علم اجتماع


-------


خووش دكتور و يعطي درجات و حبوب و وايد يسولف
بس لا تدق عليه مرته اللبنانيه بالمحاضره لوووووول
امتحاناته سهله بس يبيلها دراسه عدل عدل لأن اييب من بين الاسطر
و يهتم بالغياب وايد
بس ساعات يقعدنا بوقت اطول من المحاضره :/







والكثير الكثير

 

[farro7a]

بنوته من صجج هالكلام عن اللنقاوي :eh_s(12): يمكن غلطانه بالاسم

لالالا بنات انا تخصص اجتماع ماخذه عنده مادتين
ماكو اسلوب كلش وكل متنرفز غير ان كل يستهزأ بالبنات وقت البرزنتيشن ويبدع بالتطنز
امتحاناته اوكي حلوه وسهله :bbbiu:بس وقت الدرجات صدمه :lkmnkl:
ولما الاسامي بالارقام ولازم تحفظينه ويااااااااااااا ويلج اذا نسيته راح يعطيج رقمج بس عقب ما يهزاج
واللي تتاخر طبعا يطردها ويعصب اذا وقت الشرح تسالينه ويطق الطاوله وااااااااااايد:eh_s(4):
اخر الكورس يقول اذا حاججتينوي بالدرجات راح انزل قرديكم كلش ما يعرف
مره وحده من البنات فشله وقت البرزنتيشن وهزأها بالمحاضره وطلعت من المحاضره تبجي وعقبها بيوم يت اهي واخوانها واهم مجسمين لوووووووووووول اهو قالنا بالمحاضره انا اخاف من المجسمين تخيلي صار كل ما يمر يمها يعتذر هههههه:dddds: حتى جدامنا لووووول حبوبه انا مابي اخرعج بس هذا الصج وكل البنات بالكليه يقولون جذي
دايم يقول اذا سقطتكم لاتدعون علي تخيلي وايد طاح بالمستشفى اهو اشكره قالنا بالمحاضره هالسالفه
ماعلي يا قلبي شدي حيلج وسوي اللي عليج وموفقه يارب

 

[Artya 【ツ】●]

آنا قالولي العكس !! @@

البرزنتيشن إجباري عنده؟؟؟؟؟؟؟؟

 

[noo7a]

انا اخذت عنده مدخل علم اجتماع
امبيييي حده زين
فروحه حرام عليج حده حده زين
لو يحصلي اخذ عنده مره ثانيه ما اطوفها
انا درجتي بالمدتيرمات لاباس فيها و الفاينل بدددددددعت و يوم شفت القريد عجيب زايدني وايد
والبرزنتيشن مو اجباري بس يعطي عليه بونس
و مره كان يبي يسوي استبيان وزعه علينا الي تقدر تسوي و عطاها بونس
و ندوه الي حضرها يكتب تقرير و بونس بعد
و عطانا بونس الكل 3 درجات جنه
يعني يمشي و يعطي بونسات
و غشمرجي بس بحدود و ادب محاضرته متعه
لا تطوفونه

 

[c a t w o m a n]

يا إلهي .. ما يندرى .. اشراي البنات بعد بالدكتور بمعاملته و جريداته .. كويس ولا مش كويس

 

[c a t w o m a n]

..
...
....
.....

 

[S.O.S]

انا كنت ماخذه عنده قبل 3 شنين .. كللللش ما عجبني اسلوبه .. كله معصب وشايف روحه ويفشل الاوادم ..
مره نسيت احط تلفوني سايلنت ودق ..>>> وصدددددح الجسمي (( والله ما يسوىىىىىىىىىى اعيييييييييش الدنيا دوووووووووونك )) لوووووووووووووووووووووووووول
فشلني فشله .. كرهت روحي .. مالت عليه .. يعني الواحد شنو ؟؟ ما ينسى ؟؟ لووووووووووووووووووووول

 

[c a t w o m a n]

يالهوي @_@

 

[جواهر جلكسي]

اخذتها عند الشلال رووووووووووووعه والماده سهله ..........

 

[روحي فداك]

لا والله بالعكس
الدكتور حقاني
بس شوي جدي ومايحب الغلط .. كل دكتور جذي تقريبا
يعني التلفون والتأخير xxxxx مايغشمر فيهم
والبرزنتيشن اجباري حق اللي درجاتهم نازلة
وبالنسبة للي تقول يتطنز عالبنات وقت البرزنتيشن حرام عليج
اهو مايتطنز الا على اللي يقرون واهمه يقدمون .. ويتضحكون
بس اذا قدمتي باسلوب واحترام مايقولج شي

وبصراحة المادة حلوة صج ان فيها علماء واايد بس سهلة
والدكتور زين وانا خذيت عنده 3 مواد
ثنتين a ووحدة -a

وأنصحج تسجلين عنده​

 

[EviL^^GirL]

اهم شي انج اذا رحتيله المكتب بتكلمينه من عند الباب
لاتدخلين داخل عشان مايطردج

توصيات المدام الله يسلمج لووول

 

[c a t w o m a n]

لول من عند الباب عاد .. ماشي عشانها نوقف عند الباب .. من ناحية التأخير ايللي عرفته انه شديد لكن أنا عندي مادة بالتربية وبين هالمادة ومادة اللنقاوي 20 دقيقة تهقون يمدي أوصل بالتايم .. في مجال أشرحله الوضع ويسمحلي بالتأخير مثلا .. :080402ask_prv:​

 

[• MuFFiN •]

زيــن ومو زيــن

بس بالقريدات مو شــي اهووا بالمحاضرة حليييو بس يضغط ضغاااط مو طبيعي وامتحاناته مو هينــه

 

[c a t w o m a n]

ممممم ... بعد شنو راي البنات فيه .. ايللي ماخذين عنده بالتحديد

 

[c a t w o m a n]

..
...
....
.....
......

 

[Artya 【ツ】●]

آنا عن نفسي زين ولا مو زين بآخذ عنده وافتك ،، بعد شنسوي ،، إذا بنآخذ الماده على حسب الدكتور زين ولا لا ماراح آنخلص ،، كا وايد طلعوا منه a

آنا وايد حذروني من دكاتره وخذيت عندهم وجنه العيد ،، عادي طلعت بقريدات زينه و في ناس ظلموه بالحجي ،، فأنتي لمن اتجربين غير والله ،، يمكن يطلع زين بالنسبه لج آما غيرج لأ !

انتي سوي اللي عليج ،، والله ما يضيع تعبج إن شاء الله