*مداوي جروحي* قصة كويتيه رومانسيه >>جواهر وبدر<< تأليفي

[كادي::::]

waitting u 3la fire

 

[miss 3yara]

نزلي البارت الفير

 

[كادي::::]

36eeeeeeeeeeeeeeena 2l mw3d
mta r7 2tnzleeeeeeeeeeeen 2l part 2l yay

 

[just doodii]

القصه مرااااااااااا تجنن اهنيييييييييييك
بليييييييييز كمليها

 

[Mess Sweet]

كويتيه عز<< فديييييييييييتج والله انتي اللي شوفت نكج تشرح الصدر
وافريل لافين هذي عاد غير هذي حبي كلللللله امووووووووت فيها << بس مو كثر روايتج
يلااااااا حبوبه ناطرين الروايه على احر من الجمرررررررررررر​

 

[عاشقـة الجـنـة]

اوووووووووووووووف منج يا كويتيه عز صج ترى بتمصخين روايتج والسبه تأخيرج

<< ( بتمصخين ) >> عادي اموون صح

المهم ترى والله صج بتخلين الناس تمل منج جذي نزلي البارتات بسرعه ..

تسجيلنا بالجامعه وخلصنااااا منااااا يا لله مالج عذر نزليهم اهووووووووووو

يلاااااااااااااا..

 

[miss 3yara]

ناطرينج

 

[sarah^_^cool]

انا متابعتج من البدايه بس ما كنت احط كومنتس القصه عجييييييييييييييييييييييييييييييييييييييييييييييييييييييييبه حدها ابداع مسكين بدر الله يعينه و جواهر المسكينه امها ميته و نصدمه ان وليد يحبا حب (الاخت) بعديين طلعتلها اريام والله القصه بجتني :0bee2e8d89: يلا حبي لا تطولين علينه

 

[عاشقة البحر 93]

بنات يمكن كويتية عز عندها ظروف كل تاخيرة وفيها خيرة حرام اهيا اخر مرة نزلت بارتين مع بعض يعطيها العافية

ننطرها وانشوف لا نحكم جذي ولو نطرنا مدة اطول ما تمصخ القصة بالعكس يزيد شوقنا نبي انعرف

تيك يور تايم كويتية حبوبة ناطرينج

 

[Mess Sweet]

صح كلامج عاشقه البحر
كويتيه اخذي راحتج فديتج

 

[عاشقة البحر 93]

تسلمين Mess Sweet فديتج وكويتية اخذي راحتج حبوبة وان شاء الله يكون البارت طويل

 

[Mess Sweet]

الله يسلمج حبوبه
شدعوا ما قلنا الا صج
كوييييييتيه اخذي راحتج واحنا بننطرج

 

[miss 3yara]

ناطرينج

 

[katko0o0ta99]

كويتية وينج عسى المااانع خييييييييييير يااااااااااااااارب

 

[Mess Sweet]

كويييييييييييييييييييييييتيييييييييييييه وييييييييييييينج
انا بديت احاتي

 

[عاشقة البحر 93]

كويتية حبوبة طمنينا عليج عسى ما شر طولتي هالمرة

 

[sarah^_^cool]

هااااااااااااااااااااي انا توني اشوف القصه عجيييييييييييييييييييييييييييييييييييييبه يلا لا تطوليين

 

[sarah^_^cool]

اقصد البارت ** يلا لا تطوليين

 

[q8ia 3z]

بااااااااااااااااااااك

جست دودي

ساره كول

يا هلا فيكم منضمين معانا في التشجيع ...


اصايل الكويت < يسلمو على المرور العطر


كادي << انا معلمتكم بالموعد اني بنزله اليوم


مس سويت << يا حياتي والله احبج


عاشقه الجنه << يسلموووو


عاشقه البحر 93 < يالب قلبج والله ... فديييييييتج


كتكوته 99 << موجوده


بنات حتى ولو عندي ظروف وما اسمحت لي ادخل صدقوني ما راح اطنش فيكم والله ...


خلصت الجزء العاشر واتمنى يعجبكم

 

[q8ia 3z]

بسم الله الرحمن الرحيم

القصة : مداوي جروحي (جواهـــر و بــــدر)
اتجاهها: رومانسي وجداني
الكاتبة:q8ia 3z
الجزء : العاشر
الغاية: ما بعد العداوة غير المحبة

دخل الدكتور لغرفة العناية المركزة وشاف حالت جواهر واهوا طالع طلع بوجهه بدر
بدر: دكتور طمني
الدكتور: والله لسه تحت رحمة ربنا (ليما الحين تحت رحمة ربنا)
بدر: دكتور حالتها خطيرة
الدكتور:والله بجد حالتها خطيرة .. ولكن في استجابه منها
بدر ابتسم: يعني تتحسن
الدكتور: شوي .. مش كتير يعني
بدر: الحمدالله الله ينور عليك يا دكتور
الدكتور بس هتبقئ بالعنايه كم يوم
بدر: يعني جم يوم دكتور
الدكتور: مش هي جايه الساعه وحده اليوم
بدر: اي
الدكتور: والساعه دل وقت 10 يبقى بدها تكون على الاقل 3 ايام
بدر: دكتور تكفا ما وصيك
الدكتور : ما تخفش ماحنا خايفين عليها مثلكو (ما تخاف احنا نخاف عليها مثلكم)
راح الدكتور وطلع بدر من المستشفى رايح للبيت
ودخل البيت شاف الهدوووووووء يعم بالبيت طلع لغرفته وشاف الدرج بجى ما تحمل صعد بثقل لين وصل الباب وبخوف بطل الباب وشاف الغرفه ودموعه تنزل شاف اغرضها عالتسريحه ماتحمل...فتح كبتها وخذا البيجامه الي كانت لابستها لمن قرب صوبها بعد ما تسبحت تذكرها لمن كانت تبخر الغرفه فيها ظمها على صدره وخذها صورتها بجى بجى ... لين ماتعب راح لمكان الي كانت تنام عليه قط ثقل جسمه عليها تذكرها تذكر اجمل ايامه... حزن على حاله ... حس بضيقه وعرف انه ما في شي يحسسه بالقوة والراحه الا القران ... قام من مكانه وقرا قران و اذن الظهر وصلاها بداره وقعد يدعي لربه ويدعي ويستغفر وقرا دعاء الهم ... : اللهم إني عبدك، وابن عبدك ، ابن امتك ناصيتي بيدك، ماض فيّ حكمك ، عدل في قضاؤك أسألك بكل اسم هو لك ، سميت به نفسك، ، او انزلته في كتابك ، او علماته احد من خلقك ، او استأثرت به في علم الغيب عندك ، ان تجعل القــــــرآن ربيـــــــــع قلبـــــي، ونـــــــور صــدري، وجـــــلاء حــــزني وذهــــــــــــــاب هـــــــــــــــمي.
ارتاح بدر وحس بنشراح بصدره ونام واهوا مرتاح...


ببيت بو طلال:
اريام : انا احس بتأنيب الضمير
نرجس : اي احسن عشان تشوفين حضرتج شمسويه
اريام تبجي: يا بنت قلت لج خلاص خلاص عورتي قلبي بروحي الي فيني مكفيني ....
نرجس: لا والله يعني حستي تو الناس يا معوده جان كملتي نومج
اريام بصرخه : بس
نرجس : اقول باي
اريام: نرجس
نرجس:حسافه انج بنت خالي واني بنت عمتج والله
اريام بضيق:نرجس لا تلوميني امانه لو ياخذ غيرج عبدالله بالله بالله شيصير فيج
نرجس تصلبت ما اعرفت شبتقول
اريام : شفتي وتلوميني ... انا والله ماعرفت شعوري الا الحين تدرين اني احسبه حسبة اخوي والله
نرجس:اي بس تو الناس ... انتي تأخرتي
اريام : نرجس انا تعبانه والله
نرجس حست فيها خصوصا انهم متربيات مع بعض: اه يا اريام اه ما ادري متى بتعقلين ليما الحين جاهل
اريام : بكبر بس لمن اتزوج راشد
نرجس: اقول يا بزر
اريام ابتسمت تذكرت راشد : نعم
نرجس: تروحين معانا
اريام: وين
نرجس: ببنروح للمستشفى
اريام: لالالالالالالالالالالالالالالالالالالالالالالالا
نرجس: وليش ما تبين تروحين
اريام :خايفه
نرجس: بكيفج
اريام: انا بروح لها بس لمن ينزلونها عالجناح
نرجس: براحتج عيل بروح مع سارة ... باي
اريام: اوكي ... بايات


الساعه 3ونص ومذن توه يأذن فز بدر من نومه وتسبح وارتاح طلع من الحمام ولبس اهدومه ... واهوا طالع من الغرفة سمع ازعاج... استغرب طلع بسرعه وشاف الصاله
بدر بخوف: نورة ليش هالازعاج
نورة: ماكو حمني وصل
بدر: خوفتيني
نزل بدر وشاف عبدالرحمن ... فز عبدالرحمن وقرب لخوه وضمه...
بدر: الحمد الله على السلامه
عبدالرحمن :الله يسلمك
بدر:يلا بروح المسجد
عبدالرحمن : يلا بروح معاك
بدر : شغف شلونج
شغف: بخير ولله الحمد
بدر: الحمدالله على السلامه
شغف: الله يسلمك
محمد واهوا نازل: السلام عليكم ...
لف عبدالرحمن وببتسامه : حمود
محمد تنح : ووووووووووووووووووووووووووه
نزل محمد من الدرج بسرعه
شيخه بخوف : شوي شوي
ضم محمد عبدالرحمن
محمد : حمد الله على السلامه
عبدالرحمن: الله يسلمك
محمد: اهلين شغف الحمدالله على السلامه
شغف: الله يسلمك
محمد:يلا يلا بيقومون الصلاااااااااااااااااااااه
طلعوا ثلاثتهم
عبدالرحمن واهوا طالع :انت شلي منومك في بيتنا
محمد : يوه سالفه طويله عريضه
عبدالرحمن : ذكرتني بأيام قبل والله وناسه
بدر ما كان معاهم ... كان سرحان بجواهر... راحوا للمسجد
شغف: غريبه محمد ينام عندكم
شيخه: اي
شغف : ليش
شيخه قالت لها السالفه
شغف: امبيه يعني اهي طلعت من المستشفى وارجعت له
شيخه :ايه بالضبط
شغف: اها... حطت ايدها على بطنها .. وبهمس: اه
ام بدر وشيخه بخوف: شغف فيج شي
شغف: ما ادري بطني يعورني
ام بدر: انتي شماكله
شغف: والله ما كلت من مطعم
ام بدر: عيل شفيج!
شغف : ما ادري
..............
نورة بغرفتها وتكلم احمد...

نورة : اي احمد مالي خلق اروح معاهم للمستشفى ما ابي اخاف
احمد: نورة يا عمري ما يصير تقعدين بالبيت بروحج
نورة :لا ماراح اقعد بروحي لاني بروح بيت عمي
احمد: منو
نورة: عمي طلال
احمد تذكر عامر ...: لا ماكو الا هذاج البيت ما احبه
نورة: انا بروح لغسق
احمد : ماكو بروحي ما اوطن عامر هالمره بتروحين
نورة اغمرتها الفرحه : انت تغار علي
احمد بجديه : ايه
نورة: وه وه من قدي
احمد : نونو
نورة ببتسامه : عيوني
احمد ضحك : ههههههه تسلم لي عيونج ... اهيا كلمه وحده وما راح اكررها لا يعني لا
نورة: بس خاطري اروح لغسق
احمد : نورة انتي مو جاهل برابعه ثانوي اذكرج جان نسيتي
نورة: يعني من كبرك الحين تراك بأولى جامع
احمد :اوووف نورة اووووووووف
نورة : ليش تتأفف قلت الصج
احمد: صكري الموضوع
نورة:مابي ابي ارووووووووووح
احمد: ان رحتي لا تفكرين تتصلين علي اوكي
نورة: وليش
احمد : ما ادري عنج
نورة: حبيبي حمود والله ضايق خلقي
احمد :روحي لخاله منى بناتها كبرج
نورة تستعبط عليه : بس منال ودلال اكبر مني بسنه
احمد بقهر : وغسق اصغر منج بسنتين
نورة: هههههههههههههههههههههههه
احمد : شلي يضحك بالموضوع
نورة: انت مبين عليك ما تحب عامر
احمد: الا ما ابلعه
نورة:ليش
احمد:جذي.. اهوا ما سوا لي شي الجذب خيبه... بس اكرهه ما اواااااااااااااااااااااطنه
نورة: عشانه ولد عمي
احمد : يمكن
نورة: اقول احمد
احمد : قولي
نورة: احبك
احمد : اكرهج
نورة : لا والله
احمد :اي والله
نورة:باي
احمد: اقول يا هيه
نورة بزعل: لي اسم
احمد: غني لي
نورة: مابي ما تستاهل
احمد :افا ... الغاليه زعلت
نورة : اي تقول اكرهج
احمد: هههههههههههههه صدقتي
نورة: خو انتو يا الشباب ينخاف منكم
احمد: انا ولد خالتج يا الخبله
نورة : جب
احمد : عمري
نورة :..........
احمد :قلبي
نورة:...........
احمد : احبج
نورة: حبتك القراده
احمد :هههههههههههههههههههههههههه
نورة: اضحك
احمد : والله احبج ورب البيت كانت غشمره
نورة : لا تعيدها
احمد : اوكي غني لي ابي اسمع صوتج
نورة: شغني لك
احمد :اي شي
نورة :طيب امممممممم امممممممم ...
احمد مو متحمل يبعد عنها لو يوم: يا الله صج انج سكره
نورة: هههههههههه اي اي اي
احمد:هاه
نورة:لقيتها
احمد : يلا
نورة : احم احم (غنتها بكل احساس)
اذا ناوي تروح ابفهم وين اروح تخليني اعيش بعدك بألم وجروح...
واذا عني مشيت واذا غيري لقيت منو غيرك انا بلقى يا روح الروح....
يعني ترضاها علي تترك ايدينك ايدي تنسى من عايش عشانك ان كان ميت ولا حي ...
واذا نويت تعشق تحب ثاني امانه لا تنساني لاني احبك موت...
طمني عليك اذا حسيت بأي اذى بتلقاني معاك بقلبك اذا بكى...
منو يحس فيني انا اذا ذقت بالعنا منو يداري قلبي بيوم اذا شكى...
يعني ماشوفك بعد ولا اسمع صوتك ابد واذا ضاقت علي دنياي مالي غيرك اي احد...
تذكر هالمكان انا وانت زمان تذكر يوم تسقيني حب وحنان...
اذا ناوي الغياب برضى بالعذاب وبرضى وانا في قلبي الم واحزان
خلاص روح الله معاك وبخلي مكانه بهواك واذا خايف انا انساك انسى روحي ما انساك...
واذا نويت تعشق تحب ثاني امانه لا تنساني لاني احبك موت... ( اذا ناوي تروح .... احمد الموسوي)

احمد : لك يسلم لي هالصوت
نورة استحت : اقول
احمد : قولي
نورة :ترا بحياتك ما غنيت لي
احمد : تبين اغني لج
نورة: أي
احمد: انا اسمع لمحمد عبده
نورة:الله قول
احمد :اوكي
لو سألني الورد عنك علميني وش أقول
وإن وصفت أول جمالك كيف أبوصل آخرة
كيف وإنتي روضه من حلاها كحلت عين الفصول
رقتك ورده وروحك كـ الطبيعه الساحرة
عذبه الأطباع وأكثر , إنتي يالعف الخجول
من لفيتي الدنيا وإنتي , مثل غيمه ماطرة
عاليه أصل ومطرها كل ماجاد بنزول
مثلها إنتي كريمة , وهي مثلك طاهرة
ميزك ربي بملامح , زادها نور وقبول
وبعيون منها غارت ألف نجمة ساهرة
هذا غير الشمس ياللي جاها من حسنك ذهول
وكتبت في مدح زينك لين صارت شاعرة
مذهله في كل حاجه , إنتي يابنت الأصول
في هدوءك في كلامك والمعاني العاطرة
لك تفاصيل إبتسامه تاخذ ألباب العقول
باردة عالقلب كنها نسمه حلوة عابره
هذي إنتي وما أبالغ لو أقول إن العذول
من كثر طيبك دعالك بالسعاده الغامرة
صدقيني إنتي غير , وصدقيني لو اقول
إنتي يا روضة زمنناّ إنتي حاجة نادرة

نورة: واااااااااااااااااااااااااااااااو
احمد : اهداء للي في قلبي
نورة : منو..!
احمد : انتي..

قدر احمد انه يطلع نورة من الحزن الي فيه وطلعت نورة لمنال ودلال لكن اصدفت انهم بالمستشفى فقالت للسايق بابو انه يروح لبيت خالته سارة ... دخلت نورة البيت... طلعت نورة ركض فوق بعد ما انتبهت انه البيت فاضي وافتحت الباب غرفة احمد الا واحمد نايم
نورة ببتسامه افتحت النور وراحت اقعدت على طرف السرير : احمد قووووووم
احمد بطل عيونه : نونو
نورة:يس
احمد: الساعه جم ..؟
نورة: 5 العصر
احمد استعدل وكان لابس بيجامه وشورت
نورة حست بحراااااااااااج : انا تحت
احمد : اوكي حياتي
انزلت نورة تحت المسكينه تحطمت ... تسبح احمد ونزل لها... وقعد يمها
احمد : انتي ليش ما رحتي لمنال ودلال
نورة :رحت والله رحت
احمد: اها
نورة: بس طلعوا مو موجودين بالبيت ... كانوا بالمستشفى
احمد: وليش ما رحتي المستشفى
نورة بحزن : مااااااااابي
احمد فهم انها ما تستحمل جو المستشفى وخصوصا شكل بدر
احمد : اوكي تبين نطلع لمكان
نورة : اي... بس بعلم امي
احمد : اوكي
نورة دقت على امها : الو ماما
ام بدر بالمستشفى : هلا يمه نورة وينج دلال ومنال اهني
نورة: اي رحت لهم وما لقيتهم
ام بدر: عيل انتي وينج
نورة: انا ببيت خالتي سارة
ام بدر: شتسوين اهناك .. خالتج اهني
نورة: يمه بروح مع احمد امانه ما احب جو المشافي
ام بدر تدري انه نورة تكره المستشفى بسبت ابوها لمن مات كان قاعد بالمستشفى : اوكي احمد يمج
نورة: اي
ام بدر: عطيني احمد بكلمه
نورة عطت السماعه احمد واحمد رد جسمه عالكنبه: هلا خاله
ام بدر: هلا احمد
احمد : شلونج خاله شخبارج
ام بدر: والله يا احمد تعبت,,, اقول
احمد: هلا
ام بدر: دير بالك تجيب نورة للمستشفى الكل يبجي لا تجي اهيا ما تتحمل اوكي يمه
احمد: اوكي
ام بدر: احمد والله لو اني مو واثقه فيك جان ما خليتها تطلع معاك
احمد :افا عليج يا خاله بخليها بعيوني
ام بدر: تسلم يلا مع السلامه
احمد : الله يسلمج


نورة:يلا خن نطلع
احمد خذا تلفونه وسويج : يلا



بالمستشفى الساعه 6 المغرب:

دخلت سارة ونرجس...
اوقفت سارة مصدومه شافت عبدالرحمن ... هذي اول مره تشوفه من بعد ليلة عرسه .. امتلت عينها بالدموع ... عبدالرحمن يدري انها تحبه بس ما كان يعطيها وجه لا اهيا ولا بنات العايله ... نرجس شافت سارة .. انتبهت نرجس لنظرات سارة الي كانت على عبدالرحمن من بعيد
نرجس: سارة حياتي تعالي
سارة: ما اقدر
نرجس: ليش
سارة: عبدالرحمن موجود
نرجس بحزن انفطر قلبها تدري حب سارة لعبدالرحمن مو لعب مثل اريام وتدري انه سارة كاتمه بقلبها عشان ما تخرب فرحة عبدالرحمن ... او تفرقهم عن بعض...
نرجس قربت لها وظمتها : خلاص الي راح راح
نرجس حست بالخوف ... خافت على عبدالله يتركها
راحوا وشافت شغف قاعده يم ام بدر سلمو عليهم
شغف ما كانت تعرف سارة عدل وعبدالرحمن ما علم شغف عن سارة انها تحبه لانه ناسيها واساسا ما كان يعطيها وجه ولا كان بينهم اي شي سوا حب الطفوله الي من يوم الي بلغ فيه عبدالرحمن تغيرت نظرته لها وبتعد عنها...
ساره راحت لبدر وكان يمه محمد ... سلمت على بدر وتحمدت له بسلامه ودعت انه الله يقوم جواهر بسلامه
راحت سارة لا شعوريا لعبدالرحمن ... ماكانت حاسه بنفسها
راحت وانتبهت شغف لها

عبدالرحمن كان يتكلم بالتلفون مع حمد:

سارة : عبدالرحمن
عبدالرحمن انتبه لصوت ولف: لحظه حمد
انصدم عبدالرحمن من لمن شافها وتموا حوالي دقيقتين محد قادر ينطق بكلمه ... شغف انقهرت من الي شافته
سارة انزلت دموعها : شلونك
عبدالرحمن ببرود : بخير .. وانتي
سارة: مو زينه
عبدالرحمن : تعبانه
سارة: اي
عبدالرحمن: من شنو
سارة: بعدك
انصدم عبدالرحمن سارة انسانه خجوله : اقول تراني ريال ومتزوج اذا نسيتي تراني موجود اذكرك
ساره : ريال...
عبدالرحمن : ايه
سارة: لهجتك تغيرت
عبدالرحمن : ايه من زمان
سارة : هم اطباعك
عبدالرحمن :هذا انا ما تغيرت
سارة: امبله
عبدالرحمن : اقول ترا وقفتنا مو حلوة مع بعض
سارة نزلت راسها : الحمد الله على سلامتك ... اليوم راد
عبدالرحمن شاف الحزن بعيونها : الله يسلمج اي اليوم
سارة: اوكي مع السلامه ... وراحت
عبدالرحمن : الله يسلمج ...
حمد : صدمه ...
عبدالرحمن عاااااااادي : شنو الي صدمه
حمد:انت كنت تحب قبل شغف
عبدالرحمن: لا
حمد: شنو لا والي سمعته
عبدالرحمن: يا حمد اهيا الي تحبني
حمد: وجايز لك هالوضع
عبدالرحمن: لا لا لا
حمد: ما ادري عنك
عبدالرحمن: يا حمد والله ما اعطيها ويه والله
حمد: اي مبين من صوتك وبرودك
عبدالرحمن لف شاف شغف معصبه: ولييييييييييييييه
حمد:شفيك
عبدالرحمن: شغف معصبه شكلها شكت
حمد: صارحها بالموضوع
عبدالرحمن :اوكي باي
حمد: بايات



بدر كان سرحان مو يم احد ... وشيخه كان مبين عليها التعب ومحمد مو مخليها بروحها ... واما حمد فنظرات منال بتاكله من العصبيه ..
منال: يمه بروح
ام حامد: وين
منال: للكافتيريا
ام حامد : روحي
راحت منال وكان مبين عليها العصبيه .. راح بعدها بشوي حمد
منال واهيا تضغط عالمصعد بعصبيه.. حمد راح لها
حمد: منولتي شفيج
منال بعصبيه:مالك دخل
حمد: مالي دخل ...!
منال: ايه مالك دخل
حمد: اقول طالعيني
منال حابسه دموعها: مابي
حمد: منال
منال طالعته : هاه شتبي
حمد: شلي مضيق خلقج
منال: اسئل روحك ...اوووف
حمد: شفيج!
منال: المصعد مو راضي يتبطل
حمد: مناااااااااااااال
منال لفت عليه: شتبي
حمد: قولي لي شنو الي مزعلج
منال: انت
حمد: اوف انا
منال: اي
حمد: وليش شمسوي
منال: ما تشوف نفسك شلون تطالع ريم
حمد: ههههههههههههه جاهل
منال: مالت عليك
حمد: هههههههههههههه غيورة
منال اركبت المصعد وجت بتصكر على حمد وركب حمد بسرعه
منال: اوووف منك اووووووووف
حمد : منال تدرين انج الوحيده بقلبي
منال: ايه قص علي
حمد : يا الله
منال: جب ما اكلمك ... مدة بوزها جدام
حمد: يا رباااااه مش طبيعي
منال المسكينه استحت
حمد: انتي تصيرين اوف لمن تعصبين
منال ببرود: قول والله
حمد ابتسم: حبج عبدالله
منال:ياااااااااااااااااااااااااااااااااااااي
حمد: ههههههههههههههههههههههههههههه
منال: انت سخيف
حمد : افا
منال: حدك بعد
انفتح المصعد وراحت منال للكافتيريا ... اقعدت وقعد يمها
منال: قوم
حمد: طرده
منال: قلت قوم
حمد: بقعد معاج
منال: ما ابيك
حمد مثل عليها : عيل مو تقومين تتزعلين وتعصبين ... باي (قام من مكانه )
اهني خافت منال وراحت وراه : مالت علي زين مو غلايه
حمد : ههههههههههههههههههههههه
منال: امحق تغليت خمس دقايق وزعلت
حمد: امثل عليج يا المقصة
منال بجت
حمد: بجيه
منال: جب جب جب وربي انت انسان مو طبيعي
حمد: ادري ماكو مثلي
منال : وااااااااااااااااااااااااااااااااااااااااااااااااااااي..راحت
مسكها حمد من ايدها : وين وين
منال حست برجفه بكل جسمها : بروح للكفتيريا
حمد بجديه : رجلي على رجلج
منال ببتسامه ذوبته : تخاف علي
حمد: عندج شك
منال: يا ربي لا تحرمني منه
حمد: منو
منال : انت يا الخبل
حمد: خوووووووووووووووووش اسلوب صراحه
منال: هههههههههههههههههههههههه






بالمستشفى مر الوقت بسرعه .... وجت الساعه 9 الكل راح ما بقى الا ام بدر وبدر وعبدالرحمن وشغف ...
ام بدر: يا يمه انا بروح تبي شي
بدر: لا يمه
ام بدر: عيل تعال معانا البنت ما راح تحس فيك
بدر: مابي يمه روحي ارتاحي
ام بدر: يا يمه وين ارتاح وانت تعبان
بدر:يمه ما فيني الا العافيه
ام بدر: انزين يمه عشان خاطري ال يا جت الساعه 11 تعال لا تطول
بدر: ابشري يمه ... باس راسها
ام بدر: انتبه على نفسك
بدر: اوكي
عبدالرحمن: بدر اذا تبي شي دق
بدر: اوكي مع السلامه
الكل: الله يسلم ... راحوا وقعد بدر عند حبيبته.. زوجته ... جواهر


شغف كانت هاديه طول الطريق...
عبدالرحمن : يمه
ام بدر: هلا
عبدالرحمن : يمه وين نورة
ام بدر: طالعه
عبدالرحمن: وين ومع منو
ام بدر: مع احمد وين عاد ما ادري
عبدالرحمن : شنو شنو شنو ومن متى قامت تطلع معاه!!!
ام بدر: انا الي قلت له
عبدالرحمن : والله خوش عفيه ... صفق واهوا يسوق
ام بدر: شفيك
عبدالرحمن ما يبي يعصب خصوصا انه يكلم امه : ليش تخلينها تطلع معاه
ام بدر: نورا امس جت للمستشفى بغت تموت ضاعت عاد انا قلت لها لا تقعد بالبيت بروحها
عبدالرحمن : وقلتي لها تروح بيت خالتي سارة
ام بدر: لا اهي الي راحت
عبدالرحمن : يمه ذكريني ... خالتي ام محمد عندها بنات
ام بدر هاديه ... لانه تدري عبدالرحمن معاه حق : لا
عبدالرحمن : دام لا ليش راحت لهم ...
ام بدر: يوووووووووووووه لا عادت
عبدالرحمن حس انها امه تضايقت .. دق على نورة
نورة: اهلين حمني
عبدالرحمن: وينج!
نورة : برا
عبدالرحمن :ادري برا وينج
نورة: عبدالرحمن شفيك انا طالعه
عبدالرحمن: انتي ما تفهمين قام اقول وين ويييييييييييييين
نورة بخوف: طالعه للبحر
عبدالرحمن :بهالبرد!
نورة: اي متضايقه وقلت لأحمد يطلع معاي
عبدالرحمن : والله خوش عفيه عليج شاطره تعالي البيت الحين وان وصلتي تعالي لصاله انطرج.. احسابج معاي... تعالي بسرعه
نورة: عبدالرحمن انا ما تأخرت والله الساعه 9
عبدالرحمن بهدوء: كلامي واضح
نورة: اوكي باي
عبدالرحمن :بايات....
ام بدر: عبدالرحمن شفيك يمه
عبدالرحمن : يا يمه يا قلبي مو حلوه بحقها تطلع مع احمد
ام بدر: بس ولد خالتها ويبيها ما فيها شي
عبدالرحمن : لا فيها وفيها بعد
شغف اهني ما تحملت عوار بطنها : اه اه ااااااااااااااااااااااااااااااااااااااااااااا
عبدالرحمن وام بدر لفو عليها
شغف من كثر العوار طاحت على الكشن ولوت بطنها وصارت مثل الربيانه
عبدالرحمن من الخوف سكت
ام بدر: شغف يمه شفيج
شغف :بطني بطني
راح عبدالرحمن للمستوصف
.. انزلوا وودخلت شغف عالدكتورة
الدكتورة بعد ما افحصتها
عبدالرحمن: دكتورة اشفيها
الدكتور:عفوا منو انت
عبدالرحمن : انا انا زوجها
الدكتورة: مبروك زوجتك حامل
عبدالرحمن : لالالالالا قولي والله
الدكتورة تضحك: والله
ام بدر مستانسه مو عارفة شتسوي تيبب ولا تصارخ من الوناسه
عبدالرحمن :يمه يمه بصير ابو
ام بدر بجت
عبدالرحمن: يمه ليش تبجين
ام بدر: بشوف اعيالك
عبدالرحمن :هههههههههههههههههه ... وحضن امه وباس راسها
ام بدر: تعال خن بارك لزوجتك
دخلت ام بدر و عبدالرحمن
وشغف كانت بتطلع لهم ومبين عليها التعب
ام بدر: مبروك انتي حامل
شغف اسكتت ...
عبدالرحمن: شغف اشفيج
شغف دموعها امتلت بعيونها وما قدرت تكتم البجيه وبيجت : يعني انا ... انا بصير ام وبيصير عندي بيبي
عبدالرحمن :ايه.. وغمز لها عين ... مني انا
ام بدر: هههههههههههههههههههههه الله يقطع ابليسك
طلعوا من المستشفى ... راحوا للبيت
نورة كانت قاعده بالصاله وخايفه من عبدالرحمن اول مره يكلمها بهالاسلوب... دخلوا البيت ام بدر وعبدالرحمن وشغف
نورة : اهلين ليش تأخرتوا
عبدالرحمن :كنا بالطبيب
نورة: اها
ام بدر: نورة قومي باركي لشغف حامل
نورة ببتسامه :مبروووووووووووووووك ... راحت سلمت عليها وراحت لعبدالرحمن الي معصب عليها
نورة منزله راسها: مبروك حمني
عبدالرحمن بجديه : حيوانه ما ادري شمسويه فيني لعنبو دارج ماني قادر اشوفج زعلانه ارفعي راسج
نورة ارفعت راسها ببتسامه ودموعها ماليه وجهها: ما ادري من دونك شبيكون حالي يا خوي
عبدالرحمن عورة قلبه نورة بهالكلمه سحبها من ايدها وضمها: اياني واياج تعيدينها
نورة: اوكي ... ضربت صدرة عالخفيف: بيصير عندك ولد ونقولك يا ابو هههههه
عبدالرحمن:هههههههههههههه
ام بدر: اه يا الله انا تعبانه وبنام
عبدالرحمن: ماتعشيتي
ام بدر: ماني مشتهيه
عبدالرحمن:لا بتاكلين وبوكلج غصب
نورة: هههههههههههههه تخيلي
قاموا كلهم على السفرة ودق تلفون نورة (المسكين احمد يحاتيها)
نورة ردة: اهلييييييييييييييين
احمد: هاه نورة شصار
نورة: والله يا اسوم بخير وانتي
احمد : اسوم ...؟
نورة: دوم ان شاء الله والله الحمد ماشي الحال ادق عليج بعد ربع ساعه
احمد مستغرب: عليج..؟ نونو انا احمد
نورة : هههههههههههههه ادري قالت لي امينه
احمد : امينه منو
نورة: اوكي ان شاء الله
احمد: شسالفه يا بنيه!!!!!!!!!!!!!!!!!!!
نورة: الله يسلمج
صكرت الخط ... طع هاذي شلون تكلمني ... يمكن عندها عبدالرحمن!
نورة كلت وراحت فوق
عبدالرحمن: اي كلمي احمد وسلمي لي عليه
نورة واهيا تصعد الدرج: ههههههههههههههههههههههههههههههههه
عبدالرحمن: والله تعبت ... بكيفها على الاقل تطخ شوي واهيا تحاجيه من سيره العرس
شغف واهيا : كثر خيركم ... انا رايحه تبين شي خاله
عبدالرحمن لاحظ هدوؤها: شغوفتي فيج شي
شغف طالعته بحزن : لا
ام بدر: لا يا يمه ما ابي شي
شغف: تصبحين على خير.... باست راسها وراحت لدار عبدالرحمن
بطلت دار عبدالرحمن وتذكرت اخر مره لمن باسها واهم مو متزوجين ...
ابتسمت على فصلاتهم وضحكهم وايام قبل واشتاقت لأهلها ... راحت وتبدلت وانسدحت .. انزلت دمعتها كان ببالها الف سؤال وسؤال..
يا ربي منو سارة هذي؟ وشتطلع! وليش عبدالرحمن سكت اول ما شافها!
عبدالرحمن واهوا دخل: شغف
شغف لفت عليه وهوا يقفل الباب: شتبي
عبدالرحمن راح لها: شفيج يا قلبي
شغف تذكرت كلمة امها ... لاتضيعين ريلج بخبالج: حبيبي مافيني شي
عبدالرحمن :لا فيج ومبين
شغف ما تحملت:اي فيني وفيني .. وفيني
عبدالرحمن شالها وقعدها على ارجوله: شفيج
شغف: منو سارة هذي
عبدالرحمن ابتسم وبانت ضروسه: بنت عمي
شغف:ادري انها بنت عمك بس ما لاحظتوا نفسكم
عبدالرحمن قاطعها: اسمعيني
شغف:هاه
عبدالرحمن: من الاخر... البنت كانت تحبيني
شغف: يا سلااااااااااام قولها اشكره اخبره
عبدالرحمن: يا الله اسمعي اسمعي
شغف: اسمع
عبدالرحمن: اهي تحبني بس يشهد الله ما حبيتها .. كانت بينا صداقه قويه قبل لا ابلغ .. بس لمن بلغت تفارقنا وانا الي قطعت العلاقة ... وانا اساسا كنت مفارقها لاني كبرت وابي احتك بالشباب ... فهمتي
شغف: يعني حب طفولي
عبدالرحمن: ايه بس اهيا ما نست
شغف: اه يا قلبي
عبدالرحمن: سلامتج يام سالم
شغف بققت عيونها: ام سالم
عبدالرحمن: ايه اسم ابوي
شغف باست راسه: لا تكفا ... ما ابي اصير ام سالم .. ام محمد .. خالد ... بدر.. الي اهوا الا سالم
عبدالرحمن ببتسامه : اقول سالم وبس
شغف : مااااااااااااااااااابي
عبدالرحمن: مو بكيفج الولد ولدي
شغف: يا سلام وهم ولدي
عبدالرحمن : بس لولاي جان ما صرتي حامل صح ولالا
شغف عطته كف خفيف: يا وصخ
عبدالرحمن :ههههههههههههههه
شغف ماسكة الضحكة : ويعه ... وخرت عنه...
مسكها عبدالرحمن واهوا ناقع ضحك : هاه شقلتي انا غلطان ولالا
شغف وجهها احمر: وخر عني
عبدالرحمن : مابي ولهان
شغف: جب روح لحب الطفوله
عبدالرحمن: تكفين طلبتج
شغف لفت عليه: شتبي
عبدالرحمن : بنام بحضنج ترا من زمان ما نمت بحضنج
شغف: عياااااااااااااااااااااااااار
عبدالرحمن: ايه بنام يم ولدي ما ابيج
شغف: جب جب والله قمت اغار منه
عبدالرحمن يطفرها: يمكن تصير بنوته حلوه
شغف: حمني حبيبي
عبدالرحمن واهوا يقرب لها : هلا
شغف بحيا: منوا غلى انا ولا بنتك
عبدالرحمن : هههههههههههههههههههههههههههههههه.. خلاها وقام من السرير يبدل
شغف استعدلت: قول الصج
عبدالرحمن يطفرها واهوا يلبس: تبين الصج
شغف: ايه
عبدالرحمن: ترا قبل 6 شهور بالضبط....
شغف: ايه ؟؟؟
عبدالرحمن: كنت ابدل وانتي معطتني ضهرج تذكرين
شغف:..........ايه..............؟
عبدالرحمن: الحين صايره قويه عين تطالعيني وانا ابدل عيب بابا عيب
شعف بجديه : حمني
عبدالرحمن بضحكة: خلاص طالعي حلال حلاااااااااال خو ادري جسمي يذوب
شغف بعصبيه : حمني.................!!!!
شغف استخفت منه وراحت له: انا سئلت لا ترقع منوا غلا انا ولا بنتك
عبدالرحمن واهوا يلبس قميصه:تبين الصج
شغف ببتسامه: يس
عبدالرحمن يطفرها: اكيد بنتي لانها من دمي
شغف بغت تموت: وانا
عبدالرحمن: انتي مرتي وغلاتي
شغف بقهر : تفووووووووووووووووووووووو عليك
وراحت للسرير وانسدحت تقعد تبجي مثل الجهال
عبدالرحمن:هههههههههههههههههههههههههههههههه
شغف: اكرهك يا خاين العشرة يا ناكر المعروف
عبدالرحمن: هههههههههههههههههههههه شدعوه هههههههههه .. راح لها
شغف: شتبي
عبدالرحمن ماسك الضحكة: وخري بنام
شغف: السرير شكبره لنفرين اذا ما تشوف
عبدالرحمن: الا اشوف بس بنام اهني
شغف تتغلا : شمعنه
عبدالرحمن كاتم الضحكة : بنام يم بنتي ممنوع
شغف انقهرت ولفت عنه: ممنوع طس... مالت عليك انت وبنتك
عبدالرحمن : هههههههههههههههههههههههه امحق ام
شغف اقعدت تبجي بحرقه .. قرب لها عبدالرحمن وظمها
عبدالرحمن: انتي مصدقه انه بنتج بتوصل لغلاج
شغف: جايز
عبدالرحمن: تخسي .. باجر بتتزوج وبخليني محد قاعد بقربي غيرج
شغف: يعني.. !
عبدالرحمن : القلب ما يحكمه اثنين
ارتاحت شغف وطارت من الفرحه
شغف لفت عليه وتقابلت نظراتهم.... قرب لها عبدالرحمن وباسها على شفايفها
شغف: حمني... اوعدني انك ما تفارقني ولو انا الي غلطت
عبدالرحمن : وعد لأصير لج لزقه
شغف : احلى لزقه



محمد.... و.... شيخه:
شيخه: اففففففففففف البيت بدونك وع
محمد: ههههههههههههههههه يا حياتي
شيخه: الود ودي انحاش لاعت جبدي
محمد : الا شيخه بدر ما رد
شيخه: امبله توه يرد
محمد: يا عمري عمره... انتي شلونج الحين
شيخه: تعبانه
محمد: خلاص مو لازم تجين باجر خلج بالبيت وارتاحي
شيخه :لا بجي
محمد: جيتج لا راح تقدم ولا راح تأخر ... اقعدي ارتاحي صحتج تهمني يا غلاتي
شيخه: واااااااااااااااي محمد الله لا يحرمني منك
محمد: شيخه
شيخه: هلا
محمد: قولي واي مره ثانيه
شيخه:ههههههههههههه وااااااي
محمد: اوف عجيبه
شيخه: انزين اسكت
محمد:بربج ما ودج تكونين بقربي بهالظروف
شيخه بحزن: امبله ودي
محمد: خلاص عيل
شيخه: محمد
محمد:نعم
شيخه: انت تحبني
محمد:ايه
شيخه: قول والله
محمد: والله




بعيد عن اجواء الحب الي تعم عليهم في نسان تدور حوله القصة زعلان متضايق مهمومه يقرا القران ويصلي .. يقوم الليل ويدعي انه الله يقوم زوجته بسلامه.. بدر ... قعد يقرا ويصلي لربه وراح للمسجد صلى الفجر ورد... اهوا حاط راسه على المخده تذكر كلمة رفيجه جاسم.... لا تقول يا رب انا لي هم كبير... قول يا هم انا لي رب كبير.. حس بكلمات ونام



الصبح الساعه 9 الكل نايم وتعبان قام بدر تفطر وطلع للمستشفى ... راح لقى الدكتور.. سئل عن جواهر مبارك الــ...
الدكتور: ااا جواهر مبارك نزلوها الجناح اليوم الساعه 7 الصبح
بدر ... ابتسم ....ضحك.. صرخ من الوناسه... نزلوها الجناح اليوم
الدكتور: سبحان الله ... االمروض تتم اليوم .. الي اهوا اليوم الثالث وباجر ينزلونها لكن ربك حلها
بدر : تدري ليش
الدكتور تنح: ليش
بدر: بنصيحه
الدكتور: ايه ايها
بدر ببتسامه لمن تذكر جاسم واهوا يقولها له ... : لا تقول يا رب انا لي هم كبير... قول يا هم انا لي رب كبير
الدكتور ضحك: ونعم بالله ...
راح بدر و طلب منهم يحولونها من عومي الى جناح الامبراطوري وحولوها للجناح جواهر كانت نايمه واول مانزلوها للجناح الامبراطوري راح لها بدر فتح الباب وشافها ما تحمل قرب لها وشافها باسها على راسها... بجى من الفرح .. بجى من الحيا لربه ... اه يا رب... يا واسع المغفره... يا واسع الرحمه.. تغسل وسجد سجدة الشكر
جواهر بطلة عيونها وشافت بدر جدامها وبهمس: بدر
بدر قرب لها: قلبي انتي وكلي
جواهر: ماي
بدر فهم انها عطشانه وعطاها ماي ... شربها وافتحت عيونها وطالعته ... كأنها صار لها سنه مو شايفته
بدر ببتسامه: تو ما نور هالكون بوجودج
جواهر :......................
بدر: جوجو
جواهر: اطلع برا
بدر: ............................!!!!!!!!!
جواهر: مالي خلق ارفع صوتي اطلع برا
بدر: لا ما راح اطلع وبتسمعين السالفه بس انتي الحين نامي وارتاحي
جواهر: انا مليت من النوم ........ اطلع اطلع ما ابي اشوفك
بدر: جواهر اسمعيني افهميني
فجأة الا واحد يدق الباب راح بدر وعلى ما طلع من الدار وعبر الصاله انصدم بوجود 3 رياجيل ..
بدر:خير
الرجال الاول: معاك المحقق فهد الـ......
بدر: هلا و الله خير
فهد: هذي غرفة المريضه جواهر مبارك الـ...........
بدر: اي
فهد: لو سمحت نبي نحقق معاها
بدر: على اي اساس
فهد: نبي نعرف منها اسباب الانتحار
الدكتوره سلوى (عمرها 44 : هذي اهيا الدكتورة الي قلت لكم عنها من اول جزء ..انساونه طيبه وحبوبه ورحومه وطيبه مبينه من عيونها)... : بدر انت زوجها صح
بدر: اي
د.سلوى: لازم يحققون معاها
بدر: اوكي ثواني
راح بدر لجواهر والبست جواهر لفتها واهيا ما تدري وين الله قاطها
دخلو المحقيقن بس الدكتورة ما اسمحت الا لثنين والثالث نطر برا

محقق فهد: السلام عليكم جواهر
جواهر: هلا وعليكم السلام
بدر كان قاعد يمها عالسرير
محقق فهد: جواهر .. نبي نسألج جم سؤال ..بما انه الروح مو ملكج فهي ملك لخالقها ... نبي نعرف هل لج اعداء
جواهر: لا
محقق فهد: في احد هددج
جواهر: لا
محقق فهد: في احد تكلم بعرضج
جواهر: لا
محقق فهد: طيب ... زوجج عمره هانج
جواهر كانت خايفة موت منهم : لا
المحقق فهد : انزين عمره طقج
جواهر تذكرت يوم بدر يعطيها كف : لا ما مد ايده
بدر انصدم
المحقق فهد : طيب صارت بينكم مشاكل
جواهر تذكرت مشاكلها : لا ما صارت بينا مشاكل
المحقق فهد : مرت ابوج مأذيتج بالبيت
جواهر: لا
المحقق فهد : عيل ليش انتحرتي
جواهر: بس لاني كنت تعبانه ولاعت جبدي وكلهم ماحسوا فيني ... انتحرت عنهم كلهم على اساس ارتاح
المحقق فهد: لا اكيد في انه
جواهر: تبي الصج
المحقق فهد: اي
جواهر: احس اني وحيده
بدر طالعها منصدم
المحقق فهد مستانس اخيرا تحجت: وليش تحسين نفسج وحيده
جواهر: بدر سافر للعمره وما خذاني معاه حسيت بالوحده .. خصوصا اني متعلقه فيه حيل
المحقق فهد ماكان مقتنع في كلامها : اوكي اي شي ثاني تحبين تضيفينه
جواهر: لا
المحقق فهد: اوكي مع السلامه
طلع المحقق فهد واهوا مو عارف ... معقوله !!!!!



بدر ببتسامه : اثاري قربي عذاب
جواهر: اخاف صدقت بس
بدر: عيل شنو
جواهر: ابعد الشبهات عندك وعن الخبله اريام
بدر :اه يا رااااااااااااااااسي .. ... .. جواهر اسمعيني
جواهر: قلت لك مابي



دكتورة سلوى دخلت عليهم: قوة يا حلوة
جواهر ببتسامه : دكتورة
د.سلوى: هلا جواهر
جواهر: انتي الي كنتي تشرفين على لمن كنت بالعناية صح
د.سلوى: صح
بدر: مع اني ما شفتها
جواهر: بس انا شفتها
بدر: عيل شفتيني من دخلت لج
جواهر: لا يمكن كنت تعبانه حزتها
بدر: كل شي جايز
د.سلوى: بدر لو سمحت لو ما عليك امر ابي اقعد مع جواهر شوي
طلع بدر وقعدت د.سلوى مع جواهر...
د.سلوى: جواهر انا كنت اجيج لمن كنتي بالعنايه
جواهر: ادري بس انا
د.سلوى: جواهر انا بالاول بعرفج على نفسي... اسمي سلوى وعمري 44 متزوجة بس ربي ما رزقني بعيال ولمن قريت عن حالتج انج حاولتي الانتحار رحت لج وقلت لازم اشوفج خصوصا انج كنتي يائسه من الحياه .. ورحت كان ببالي اني بشوف بنت متوسطه الجمال بس انصدمت... انتي حلوة انتي حللللللللوه ... ليش تنتحرين تعلقت فيج وقمت اشوف تقاريرج كل يوم واروح اسئل المستشارين على اساس اعرف عنج...
جواهر:ليش كل هذا
د.سلوى: جواهر اعتبريني مثل امج
جواهر نزلت راسها : اساسا انا ما شفت امي
د.سلوى: ادري قريت عنج كل شي
جواهر: وبحياتي ما شفتها الا بالصور
د.سلوى: جواهر
جواهر:هلا
د.سلوى: اعتبريني امج
جواهر: لي الشرف دكتورة
د.سلوى: جواهر انتي مبين عليج زعلانه مع زوجج
جواهر:اي
د.سلوى: يا جواهر هذا زوجج تعرفين يعني شنو زوج
جواهر: بس هو ما يحبني يحب اريام ومسافر معاها وحضرته يقول عن نفسه مظلوم واني فاهمه غلط
د.سلوى: طيب ليش ما تسمعين له
جواهر: مابي
د.سلوى: تحبينه
جواهر بحزن: اموت فيه
د.سلوى : بتتركينه
جواهر: اي... من عقب الي سواه
د.سلوى: تاخذه منج بنت بليس
جواهر ودموعها بعيونها: عليها بالعافيه
اوقف د. سلوى: يا الخبله زوجج تحطينه بين عيونج يموتون البنات ما يقربون صوبه الا بدر يا جواهر .. محد كان يسهر الليل غيره بالمستشفى محد يبجي كثره .. محد كان يحبج كثره صدقيني بتخسرين دنيا جان خسرتيه
جواهر انصدمت .... : طيب سبشوي تعبت منه
د.سلوى: حاولي حاولي
جواهر: واذا فشلت
د.سلوى: الفشل بداية النجاح
جواهر: ما ادري ما ادري





بدر كان يغير بالتلفزيون ويفكر بجواب جواهر لمن سألها المحقق.. كلها لا لا لا والمفروض ايه ايه ايه ... !!!...فجأه الا ام بدر داخله ...
بدر: هلا والله بالغاليه .. حظنها من الفرحه
ام بدر: هلا فيك يا عمري الحمد الله على سلامتها
بدر: الله يسلمج
ام بدر: وينها ...؟
بدر: داخل عندها الدكتورة ...
قعدة ام بدر عند ولدها
بدر : يمه
ام بدر: هلا
بدر: احظنيني مثل قبل ايام ما كنت جاهل
ام بدر: وي اسم الله عليم اساسا ليما الحين اشوفك انت وحمني صغار..
ظم بدر امه وحط راسه بحظنها
ام بدر مبتسمه: ما قلت لك
بدر: شنو
ام بدر: اخوك حمني
بدر: شفيه
ام بدر: بيجيله ولد
بد: يلا عاد
ام بدر: والله
بدر: يا حليله حمني بيصير ابو
ام بدر: ايه الفال لك
بدر: ان شاء الله
ام بدر: بدوري يمه اشصار على موضوع الطلاق
بدر: لا هونت خلاص
ام بدر ببتسامه: ياعمري
بدر غمض عيونه يحس بدفا صدر امه وحنانها ...
ام بدر: يوه يا يمه اشفيك
بدر: مشتهي انام بحضنج
ام بدر: انا بروح اسولف مع جوجو
بدر: اوكي انا بنسدح واتابع التلفزيون
ام بدر: بكيفك
راحت ام بدر لجواهر
جواهر:هههههههههههه بخليه بعيوني
ام بدر: السلام عليكم
جواهر بفرح: عمه
راحت ام بدر لجواهر..: ياروح عمتج ورحضنتها وبجت
جواهر: شفيج
د.سلوى: استأذن
جواهر ببتسامه: اذنج معاج
ام بدر: ليش يمه فكرتي تنتحرين عسا ماشر
جواهر: لحظة ضعف عسا الله لا يعودها
دخلت جدتها نظال
نظال: الله يسامحك على هالعمله يا جواهر
وفاء: جوجووووووووووووو (ظمتها)
جواهر: والله ما فيني الا العافيه
مسرة: كيفيك يا جواهر
جواهر :بخير
صفاء: سافا
جواهر: سافا (بخير(
جدتها نظال: ياماما شو بيكي
جواهر: ما فيني شي
جدتها نظال اكيد
جواهر : اكيد
وفاء: فقدناك كتير كتير
صفاء : وي (اي(
جواهر: ما تفقدون غالي ان شاء الله
جدتها نظال احظنتها: لك ربي يخلي اياك
جواهر:امين






ببيت ابو ثامر :
ابو ثامر: جواااااااااااااهر نزلوها بالجناح
ريم بفرح: اخيرا .... راحت ركض البست وطلعت مع ابوها ورفعه نايمه وثامر نايم
ريم دخلت بفرح وشافت جواهر
جواهر مستغربه لهدرجه اعرفوا قيمتها
ابو ثامر حظن بنته:يا بابا سامحيني تكفين
طلعت ام بدر واقعدت عند بدر...: يا عزي ابوها يبجي
بدر ابتسم: عاد انتي ما تصدقين طقعة العنز تبجيج ههههههههههههههه
ام بدر طقته عالخفيف: وي خنت حيلي ابوها
بدر: ايه ابوها




ريم واقفه تطالع جواهر وما تحملت طلع بو ثامر
جواهر: ريم شفيج
ريم : فقدتج
جواهر:!!!!!!!!!
ريم راحت لها وضمتها: جواهر تكفين سامحيني امانه
جواهر ابتسمت ومتلت اعيونها بدموع: يا عمري مسامحتج والله
ريم بجت : انا .,, ان,,, انا اسفه .... خلج معاي مالي اخت غيرج
جواهر بجت : وانا بعد مالي اخت غيرج
نوف ادخلت عليهم وانصدمت : واوووووووووووهووووووووو وناسه تصافيتوا ما بغينا
ريم سلمت على نوف: ما عرفت قيمتها الا يوم الي فقدتها
نوف راحت لجواهر وضمتها: يا وصخه يا حقيرة لمن بغيتي تموتين ما دقيتي علي عشان اودعج او يعني اموت معاج .... الدنيا زفته
جواهر:ههههههههههههههههه
نوف: عيديها شوفي شبيصير لج
وليد كان برا وبدر يطالعه ومعصب ... وليد كان فرحان ودخل ودخل وراه على طول بدر
جواهر ببتسامه : اخوووووووووووووووووووي
وليد: فداج العمر وراعيه
بدر:!!!!!!!!!!!! اخوي
وليد: ليش يا جواهر ليش
جواهر: كنت متضايقه وقتها... وانت اخبر
بدر انصدم مو خاشه عن وليد شي
وليد: يا عمري عسا الله يقومج بالسلامه
جواهر: الله يسلمك يا خوي
نورة: ياهووووووووووووووو انا هنا
جواهر بصرخه: نوووووونوووووووووو
نورة اركضت لجواهر وضمتها: جوجو قلبوشتي عساج تكسري سريرهم بالعافيه
الكل: ههههههههههههههههههههه
جواهر: نورة والله احبج
نورة بفخر: ادري ادري
مها دخلت وسلمت على جواهر واركضت لبدر
بدر رفعاها باسها ونزلها
مها: وينك
بدر: كنت مع جواهر بالمستشفى
مها: بدر ما قمت اشوفك كلش
بدر: ما عليه بتشوفيني وتملين
شيخه واهيا تدخل: الحمدالله على السلامه
جواهر افرحت كل ذولي يحبونها: الله يسلمج
شغف كانت وراها: السلاااااااااااااااااام
جواهر بفرح: وعليكم السلام
شغف: شلونج
جواهر:بخير
دخل عبدالرحمن:قوة جواهر
جواهر: هلا والله عبدالرحمن
عبدالرحمن: الحمدالله على السلامه
جواهر الله يسملك
دقايق الا والعايله الكريمة كلها موجوده
نرجس: يوه يا جواهر خوفتيناه عليج
جواهر:ههههههههههه انا غلايه
ساره: جد ترا حركتج سخيفه تدرين بغلاج خلاص لا تعيدينها
جواهر: ههههههههههههههههههههههه
اذن الظهر والكل راح وفضت الدار وما كان فيها غير جواهر وبدر..
بدر: حبيبتي انا طالع اصلي بالمصلى تبين شي
جواهر: لا سلامتك
بدر راح لها وجواهر تطالع ..: خلي تلفوني عندج
جواهر : اوكي
طالعها بدر وراح وصل للباب وابتسم ما اقدر انه يمر وما يبوسها ... رد لها
جواهر : شفيك
بدر: لج عندي شي
جواهر : شنو....؟
بدر قرب لها وباسها على خدها: تذكرين لمن قلتي لي .. بدر انا مالي شي عندك
جواهر امتلت عيونها دموع ياعمري ذاكرني وذاكر البوسه!
بدر:هذي مني لج... طلع بدر وراح يصلي
وشافت التلفون وحكتها ايدها الا تفتش فيه
امسكت التلفون واقعدت تقرا الرسايل وتشوف الارقام قرت اسمها بتلفونه وضحكت (زوجتي حبيبتي) واهي تقرا الاسامي كان فيه .. سلوة قلبي(امه) .. الغاليه(شيخه) .. مطيورة (نورة) ... صياح (راشد ) .. الذرب (محمد ) .. طماطه (جاسم) ... حنون (حمد) ... وتقرا العيارات وتضحك تضحك مو طبيعي طاحت عينها على هاللقب..لزقت عنزروت راحت للرسايل تبي تقرا رسايل اريام ومالقت شي الا بالرسايل المرسله
(تعالي خلينا نتفاهم.. بدر) << قرت انه بتاريخ المزرعه
(انا عمري ما حبيتج وانتي تدرين ما عطيتج وجهه لا انتي ولا غيرج)
(اريام فكيني من شرج خليني اعيش مرتاح)
(بلعنه.... بطقاق احسن تستاهلين)
( يا بقرة وينج انا عند ماي زمزم)
(خلي راشد وتعالي ماعليج منه ) << منو راشد!!
( اريام ترا وصلت حدي بروحج مسافره معاي وانا مدري) << جواهر انصدمت سافرت واهوا ما يدري ملعونه
(اوكي بكلم راشد بس بس اوف الرجال شك بنظراتج)
(يقولج بزر هههههههههههههههههههههههههه)





جواهر دار ببالها اسإله منو راشد هذا ومن يكون ...!
اسمعت صكت الباب وردة التلفون بسرعه ...!
يا ترى شنو بيصير بينهم من مواقف رومانسيه..!
وشنو بيصير بأبطالنا... وشنو دور الدكتورة سلوى في نصحها لجواهر...
شغف وعبدالرحمن
محمد وشيخه
حمد ومنال ...
صفت القلوب بين جواهر وعايلتها وبينهم كلهم... بس اريام ماتبي جواهر تفهمها غلط اذا زارتها... يا ترى شنو بيصر... وشنو المواقف الي بتجمع ابطالنا ... وشنو المفاجئه الي مجهزها بدر لجواهر... ترقبوني بالجزء الحادي عشر مع تحياتي لكم يا قرائي...دومتم بود (*q8ia 3z *)