بسم الله الرحمن الرحيم
القصة : مداوي جروحي (جواهـــر و بــــدر)
اتجاهها: رومانسي وجداني
الكاتبة: q8ia 3z
الجزء : الثامن و التاسع
الغاية: ما بعد العداوة غير المحبة
اقعدت جواهر من النوم في ثاني ليله لها بالمستشفى الساعه كانت 11 الظهر التفتت وما لقت بدر ...وراحت تغسلت و بدلت اهدومها وتعدلت شافت جنطة المكياج وخذت منها جلوس وردي فاتح عجيب حطته على شفايفها ظاق خلقها شافت تلفونها و اتصلت ببدر
بدر: الو
جواهر حست بشي داخلها يتحرك : صباح الخير بدر
بدر رد شاف رقم لانه ما انتبه له : صباح النور
جواهر: وينك
بدر: بشركة
جواهر: بتطول
بدر: لا ما راح اطول بس جواهر مضطر اصكر الخط تبين شي
جواهر بضيق : لا سلامتك
بدر: مع السلامه
....
دخل الدكتور على جواهر: صباح الخير
جواهر: اهلا دكتور صباح النور
الدكتور: ازيك يا جواهر
جواهر: الحمدالله (انتبهت جواهر انه ملفها مع هالدكتور)
جواهر تستفسر : لو سمحت دكتور وين د.خالد
الدكتور: والله خالد مش موجود فوصاني فيكي واالت (قلت) اوكي ما عنديش مانع
جواهر: اها
وقعد الدكتور عند جواهر وتستفسر منها ومتى بتطلع وما صدقت خبر انه باجر بيرخصونها
بريطانيا
لندن الساعه 4 العصر
عبدالرحمن : وااااااااااااااااو شغف خلصنا الامتحانااااااااااااااات
شغف: الله يعطينا العقل تو الناس ورانا سنه ونص
عبدالرحمن : شغوف عمري
شغف: عيوني
عبدالرحمن : ودي بياهل صغيرون
شغف بققت عيونها: نعم نعم نعم مابي بعد الجامعه ان شاء الله
عبدالرحمن طالعها بصدمه:شنو الي بعد الجامعه
شغف: ما راح ايب لي ياهل بكيفك
عبدالرحمن : لا حشاج بكيفج انتي ... شرايج يعني الراي راينا اثنيناتنا
شغف :وليه عبدالرحمن لا تعصب
عبدالرحمن : شغف انا ما تزوجت الا عشان الياهل
شغف انصدمت : يعني مو حب فيني
عبدالرحمن: الا بس انا ابي ياهل افرح قلبي فيه يسوي جو بالبيت
شغف بحزن : لا يعني لا
عبدالرحمن : لا رضيتي قولي لي انا طالع
شغف: عبدالرحمن لاحظ نفسك ترا انت بس كلمتك الي تمشي بالبيت ما كو تفاهم عندك
عبدالرحمن واهوا نازل بالدرج: لاني انا الرجال بالبيت
شغف: امبيه مو طبيعي واذا يعني ما فيها شي اذا تشاورنا
عبدالرحمن : مع السلامه
شغف: لحظة لحظة
طلع عبدالرحمن من البيت
شغف:يا ربي صاير ما ينطاق يا كلمتي الي تمشي يا خلاص زعلت !!! صراحه امره عجيب
الكويت
محمد واهوا طالع من دار الي سوو له بيت اهل بدر (خالته ) طلع من الغرفه الا ونورة بالوجه
نورة ببتسامه: حمود وين طالع
محمد انتبه عالميانه حمود! يا حليلها ما تغشمر : رايح لديوانيه
نورة:وصلني بالطريق معاك لجوجو
محمد: باجر بيرخصونها
نورة: يلا عاد قول والله
محمد: والله
نزلوا نورة ومحمد وشيخه تتحجى بالتلفون
شيخه : هذي الدنيا شسنوي بعد
نورة ومحمد :سلام
شيخه:وعليكم السلام...اقول حبيبتي باجر احاجيج عندي اهلي
عايشه رفيجتها : اوكي باي
شيخه واهيا تصكر التلفون : محمد بتروح
محمد: ايه تبين شي
شيخه : وين بتروح
محمد: ديوانيه
شيخه قامت من مكانها :لا ما ابي شي ... يلا باي
نورة ومحمد :؟؟؟؟؟؟؟؟؟؟؟؟
نورة : شسالفتها حمود
محمد: والله ما ادري شكلها متضايقه
نورة واهيا بتقوم: بشوفها
جرها محمد وقعدها عالقنفه وراح وراها
شيخه كانت طالعه للحديقه وقعدة فيها
محمد راح وقعد يمها عالمرجوحه ... شيخه ما تحملت ونزلت دموعها
محمد: حبيبتي انتي ليش هالدموع
شيخه: ما ادري احس تضايقه ودي ابجي وبس
محمد: تعوذي من بليس
شيخه: محمد ما ادري ليش متضايقه احس في شي بيصير
محمد يضمها لصدر: ما راح يصير الا كل خير
شيخه : ان شاء الله ... الله يستر
محمد باسها على راسها : عمري
شيخه بغت تغفا على صدره خصوصا انه توه داشين عالشتويه شهر 11 وحضنه دافي والجو بارد : هلا
محمد: تبين نطلع نتمشى شوي
شيخه : ما ابي مالي خلق
محمد: بكيفج .. بغا يقوم بس امسكته
محمد انتبه انها ماسكته حيل:امانه خلك لاتروح
محمد و اهوا يرد لقربها :حياتي شفيج
شيخه متمسكه فيه حيل : بس ما ابي شي بس ثواني ابي احس بحنانك ما ابي شي ثاني ... ثواني امانه
محمد ظامها بحنان: مو ثواني الاالعمر كله يا قلب محمد وروحه
*****************
بدر واهوا طالع من مكتب السفريات خصوصا انه حاجز للعمره
الا والتلفون يرن :نعم
اريام: قوه بيدر
بدر:وليه منج ...هلا
ايارم: ههههههههههه وسع الصدر وراك وراك
بدر بضيق : مقرود
اريام:وينك
بدر: توني طالع من مكتب السفريات
اريام: وين بتسافر
بدر: مكه
اريام: الله من زمان ما رحت لمكه
بدر: اقول قبل جم شهر وانتي فيها
اريام: هيه انت تتحجى قبل 4 شهور شهر 6 والناس ما مداهم يعطلون
بدر: مشكلت اهلج
اريام: اي فندق
بدر:التوحيد
اريام: اي غرفه
بدر :.......................
اريام واهيا تطالع ابوها : بدور بعدين احاجيك
بدر: يا صبر الله على خلقه..باي
اريام راحت لركض لأبوها : بابا حبيبي
ابو طلال: يا ربي يا المصلحه
اريام : يبه طلبتك لا تردني تكفا تكفا
ابو طلال : لا تقولين تكفا
اريام :يبا بليز بروح للعمره
ابو طلال: ومنو الي ماسكج
اريام: يبا بروح تكفا ودني
ابو طلال: يا بابا والله مشغول
اريام تعمدت تقول اسم بدر: شفت بدر على كثر الشغل الي عنده بيسافر مكه ليش انا ما اسافر لها
ابو طلال: روحي مع بدر رجال ثقيل ومتزوج (الاخ عباله مسافر مع مرته)
اريام مو مصدقه : مشكور يباااااااااا ....... راحت اريام مع ابوها مكتب السفريات واحجزوا بنفس الفندق ويم الغرفه...
اسكتت اريام عن بدر الي باجر سفرتهم الساعه 7 بليل
...............
بالمستشفى الساعه 9 بليل :
بدر: خلصتي اغراضج
جواهر: اساسا اغراضي زاهبه من زمان
بدر: اوكي ترا انا باجر مسافر
جواهر: وين
بدر: مكه
جواهر افرحت: خذني معاك
بدر: لا انتي تعبانه
جواهر: والله والله ما فيني شي
بدر: بوديج بس لا صرتي احسن
جواهر افرحت يعني بيجي يوم وبيوديها : اوكي
ارتاحت جواهر
بدر: تعشيتي
جواهر: مابي مو مشتهيه
بدر: ما يصير ليش ما اكلتي
جواهر: ما ابي
بدر: انتي ضعيفه ترا بعدين بتصيرين عود
جواهر: ما في احلا من الرشاقه
بدر: بكيفج انا تعبان وبنام
جواهر: تصبح على خير
بدر نام بالسرير الي اقبال جواهر وعطاها ظهره
____________
ببيت ابو بدر:
شيخه : محمد تدري انه احلا شي ربي رزقني فيه شنو
محمد: شنو
شيخه ببتسامه: انت
محمد: تدرين عاد شنو احسن شي في هالدنيا
شيخه: شنو
محمد : انتي
شيخه : محمد ورب البيت احبك
محمد:حبتج العافيه
نورة عرض: اه يا قلبي متى املج والله بتحوشني جلطه
شيخه تبعد عن حضن محمد: فال الله ولا فالج
نورة: بسم الله الرحمن الرحيم ... اشفيج
شيخه: شهالدعوه الي دعيتيها بروحي قام اوسوس اليوم
نورة: هههههههههههههه تخيلي عاد
قامت شيخه بزعل
جرها محمد وطاحت على ارجوله ومسكها من عند خصرها: البنت تتغشمر شفيج صايره جبريت
نورة وجهها صار احمر: اقول ترا العشا زاهب واركضت من الحيا
شيخه: بس ما احب احد يفتح هالمواضيع
محمد باسها على ارقبتها شيخه ما تحملت ماتت من الضحك
شيخه: بربك بس
محمد : بقولج شغله مهمه
شيخه اوقفت اقباله: قول
محمد : انا جوعان
شيخه : قوم تعشى... هههههههههههههههه
محمد: اي ادري انج فاهمتني عدل
شيخه بنعومه امسكته من عند ايده وجرته معاها راح محمد مع شيخه ونورة كانت مستحيه ... (اول مره!! في امل انها تصير بنت هههههه)
_________
بريطانيا لندن الساعه 12 بليل
شغف تكلم امها
شغف: يمه صاير عصبي كلش لازم اطيع كلامه عشان يصير حنون وطيب يحب السيطرة يبيني دايم تحت جناحه انا تعبت منه ومن تفكيره
ام شغف: يا يمه لا تسوين شي من لا شي ...
شغف: يا يمه اقولج قالي انا الريال وانا الي كلمتي تمشي واذا ما طعته قلبها زعل
ام شغف: يا بنتي كل الرياييل جذي طيعيه ترا المره الذكيه الي الي تمسك زوجها
شغف: شلون
ام شغف: المفروض لمن فتح لج الموضوع تبينين له انج تطيعينه وموضوع اليهال بالضبط موضوع مهم انتبهي لريلج وتأسفي منه خلي بينج وبينه شعره اذا شد ارخي واذا ارخى شدي واسمعي كلمتي اذا يبتي لج ياهل بيمسكه بتلقينه اقبالج اربعه وعشرين ساعه يلعب معاه ويستانس فيه ... بدال ما يطلع مع ربعه وانتي تعرفين بنات بليس
شغف حست بالخوف من كلام امه: يمه خوفتيني
ام شغف: مسكي ريلج بتمونين ما راح تلقين مثل عبدالرحمن
شغف: اوكي مشكورة يمه
ام شغف: العفو حبيبتي انتي...دقي علي دايم يمه
شغف: اوكي
ام شغف: يلا مع السلامه
شغف: الله يسلمج
صكرت شغف الخط بينها وبين امها ، واقعدت تطالع الساعه وخايفه لانه عبدالرحمن تأخر قامت اتصلت عليه للمره المليون واخيرا رد
عبدالرحمن بشوق لها بس يمثل عليها: خير
شغف :الخير بويهك .... انت ما تقول لي وينك
عبدالرحمن: انا بمكان بعيد
شغف: بعيد ولا قريب تعال انا امانه عندك انت ما تزوجتني عشان ترميني لي اخر الليل
عبدالرحمن: سوري مالي مزاج
شغف بقهر: عبدالرحمن تعال
عبدالرحمن: مابي غصب
شغف بخوف ورجفة بصوتها : حمني بليز انا خايفه ما قمت احب اقضي هالساعه هذي بذات بروحي ... والله سالفة هيثم ليما الحين ببالي تعال امانه ولي يخليك لي
عبدالرحمن انصدم السالفه صار لها سنتين وليما الحين تتذكر ساعتها : انزيييين انزييييييين بييج دقايق
شغف بحزن: انطرك...
دخل عبدالرحمن للبيت وراح للغرفه دخل لقى شغف ناطرته
عبدالرحمن : هذا انا عندج نامي
شغف تهز كتفها بدلع: مابي انام
عبدالرحمن يكتف ايدينه: عيل ليش متصل بالله عليج
شغف:كنت خايفه
عبدالرحمن : اقول شغف كسري الشر
شغف: عبدالرحمن باجر (free day) لا تصير ماصخ خن نسهر
عبدالرحمن تذكر انهم توهم مخلصين امتحانات وباجر عطله : مالي خلق اسهر
شغف بدلع : بس انا لي خلق
عبدالرحمن فصخ الكاجول ولبس له بيجامه : سهري بروحج
شغف واهيا تطالعه : يا مليق ابي اسهر لا تنام
عبدالرحمن يقهرها ويحط راسه عالوساده: لا عرفتي منو الي كلمته تمشي ذاك الحين قولي لي
شغف :هههههههههههه
عبدالرحمن يلف لها : في شي يضحك؟
شغف : اموت عليك لمن تعصب
عبدالرحمن عطاها ظهره: تصبحين على خير
شغف: اخاف صج بس
عبدالرحمن : وليييييييييييييه
راحت شغف بضحكة شغلت شكيرا واقعدت الاخت ترقص رقص ذوب عبدالرحمن مع انه اول مره يدري انها تضبط رقص شكيرا لهدرجه بطل حلجه عالاخر
عبدالرحمن : يلعن شكلج
وشغف : تعال
عبدالرحمن:تعال وبس ..
راح عبدالرحمن وقعد يرقص معاها اجنبي
شغف:حمني
عبدالرحمن .:نعم
شغف :انا اسفه بدال الياهل بيب لك درزن
عبدالرحمن وشغف :هههههههههههههههههههههههههه
الكويت : الساعه 4 ونص العصر
جواهر كانت تمشي واغراضها وراها اركبت مع بدر ...السياره :
جواهر بحزن: بتسافر
بدر يطالع الطريج : ايه
جواهر: الله يسمح دربك.. بدر
بدر لف عليها: نعم
جواهر: بتطول
بدر: لا باخذ 2 ليلتين وبرجع
جواهر: الله يتقبل منك ان شاء الله
بدر: منا ومنج ان شاء الله
جواهر لا شعوريا بجت
بدر: شفيج!!
جواهر تبجي من الشوق له: والله كان بودي اروح للعمره
بدر: صدقيني بوديج
جواهر واهيا نازله : بتنزل معاي
بدر: اكيد بسلم عليهم مو حلوه بحقي
راحت جواهر وبدر وراها واول ما ادخلت :سلام عليكم خاله
رفعه ام ثامر: هلا الحمد الله على السلامه وكانت بتمشي ولمن انتبهت لبدر راحت سلمت على جواهر سلم بدر على ام ثامر راحت جواهر واصعدت الدرج وكان وراها بدر... حست بدوخه ورد جسمها وضرب ظهرها صدره...
بدر بخوف: جواهر
جواهر ما ردت ...
بدر حط ايدينه على بطنها:جواهر
جواهر : بدر احس بدوخه قويه وبطني يعورني حيل
بدر رد لورى خطوه وسند راس جواهر على صدره ومسكها ورافعها ووداها لدراها حطها على السرير ..
جواهر : بدر بفرغ
بدر: اشفيج يومين بالمستشفى وما فرغتي الا الحين خليني اردج
جواهر حطت ايدها على فمها ركض بدر لها ورفع صدرها وحطها يم الزباله (تكرمون) وفرغت ,,, وداها بدر للحمام وتغسلت وردة للسرير وطول هالوقت معتمده على بدر اهوا الي ماسكها
جواهر : اه بطني يعورني حيل
بدر: يمكن من المغذي
دخلت مدام نهى وسلمت على جواهر
جواهر: كح كح كح
مربيه نهى: جواهر انتي ماخذه برد
بدر: والله يمكن ماخذه برد قامت تفرغ وحست بدوخه والحين تكح
مربيه نهى: ربنا شيفيج بسويلج شي دافي تشربينه
بدر: وانا طالع على ما آخذ اغراضي واروح للمطار يلا باي
جواهر: بدر
بدر لف عليها:شتبين
جواهر: تعال
بدر: اخلصي بروح قولي لي وانا واقف
جواهر: مابي احد يسمع
بدر راح لها: شنو
جواهر: اوووووهووووووو علينا .. قرب بقوله بإذنك
بدر استغرب شنو هالشي المهم الي ينقال بالاذن قرب بدر لجواهر
جواهر اول ما راحت لذنه لفت على خده وباسته... انصدم بدر وتنح واستغرب وكل شي ...جواهر تبوسه جوااااااااااهر مستحيل
جواهر: بس هذي اهيا بوسه مني لك
طالعها بدر ...ما عرف شيسوي! الاخ تنح وموقادر يشوف شي دق تلفونه الا ورفيجه جاسم على الخط .. طالع بدر جواهر
بدر: مع السلامه
جواهر بزعل: مالي بوسه
بدر وقف شوي وطالعها : لا مالج شي عندي
راح بدر وطنش فيها ازعلت جواهر واقعدت تبجي بجي يقطع القلب بدر واهوا راكب السياره حس نفسه حقير ليش عاملها جذي اقصاها بوسه يعطيها لها واهوا واقف ... ارتاح بسيارته وحلف انه يراضيها اول ما يرجع راح للبيت و سلم على الكل وراح للمطار
اريام: انت وينك طولت
بدر لف وانصدم بأريام : انتي شتسوين بالمطار
اريام ببتسامه: بسافر معاك
بدر: مستحيل عمي يوافق
اريام: مو مصدق اتصل عليه
بدر؟؟؟؟؟؟؟؟؟؟؟؟
اريام ارتاحت لانه بدر ما اتصل ..خصوصا انه ابو اريام عباله جواهر معاهم
بدر بطياره: ربطي احزامج
اريام: اوكي لا تزف ترا تو الناس ...(ابتسمت) ما بدت الرحله
بدر بضيق: الله يصبرني
اريام : امين حبيبي
بدر لف عليها وبجديه: انا رجال متزوج والله ورب البيت ان كررتي هالكلمه لطنش فيج والله والله ماتعينين مني خير ديري بالج
اريام امتلت الدموع بعيونها من الخوف : الله يعين جواهر .. وطالعت جدام
اريام: الحمدلله اني ماخذتك
بدر: ابرك لي انا الي برتاح منج
اريام: ابي ارجع
بدر: تدرين انه مستحيل عن العياره
اريام بقهر خصوصا انها تدري انه بدر يعرفها عدل..: بدر والله اخاف لمن احد يحاجيني جذي
بدر: ليش شلون تبيني احاجيج يا عمري انتي وقلبي
اريام صدقت بدر: واي شحلاتك خلك جذي
بدر لف عليها: طيب عيشي احلامج مستحيل اكلمج جذي
اريام بثقه: ما في شي مستحيل في هالدنيا ولا في شي بعيد عن رب العالمين
بدر: اقول اكرميني بسكوتج .. غمض عيونه وصورته اريام
بدر كان يسمع صوة الصورة بس ما فيه فلاش رفع عينه:انتي شتسوين
اريام: اصور
بدر: وليش
اريام: لا بس عشان تتذكر احلى سفره بحياتك
بدر بغى يبجي: يا الواثقه اموت على ثقتج حدج مصدقه نفسج
اريام: اي البنت حلاتها بثقتها
بدر: انزين جب بنام
اريام: يجبك تمسي على خير
بدر بغى يموت مو قادر يبلعها كلششششششش
اوصلو اريام وبدر للدمام وانزلوا
اريام: ليش ما سافرت لجده اقرب يا ذكي
بدر: خلاص بقول للطيران يخصصون لنا سفره اوكي لعنبو دارج ما حصلت
اريام: وانت الا تسافر اليوم
بدر طالعها بعصبيه
اريام بسلوب حلو: بدر ولد عمي الي ما يخلي شي لبنت عمه ويحبها
بدر بضيق: حبتج القراده مالت
اريام :هههههههههههههههههههه
بدر: وجعه شتبين
اريام: تكفا ابي اتشرا شوية اغراض وصوغه حق اهلي وحمواتي
بدر بتتنبح:حمواتج
اريام: اي شيخه ونورة ومها
بدر بعصبيه: ما تفهمين
اريام بخوف: شنو
بدر بعصبيه : جم مره قلت لج لا تحاجيني على اساس اني زوجج او حبيبج شنو بقرة ما تفهمين ... اهلج ما علمونج العيب ..المحستى ولا خلاص فصختي الحيا
اريام بجت : انزين انا مو زوجتك بس ممكن تعيشني حلمي لو يومين.. حلمت بعمري كله بقربك... تحمل هاليومين خليني اعيشهم على هالاساس لاتصدقني ...خذني على قد عقلي بس عيشني حلم عمري امانه
بدر تصلب بمكانه : امشي خلصيني مالي خلق لج
راحت اريام مع بدر لمطعم وقعد اكلو لين ما قالوا بس
دق ابو طلال
ابو طلال: قوة بدر
بدر: هلا والله عمي
اريام غصت بالاكل من الخوف
ابو طلال: لا تعبتوا شخباركم
بدر: بخير الله يسلمك
ابو طلال بضحكه: الله يعينك
بدر استغرب من ميانة عمه اوكي عمه متفهم بس مو لهدرجه : اي والله
ابو طلال: عسا ما اذتكم اريام
بدر:اذتكم
ابو طلال: اي انت ومرتك
بدر انصدم:بس انا مسافر بروحي ما معاي غير اريام
ابو طلال ما قدر يستوعب !: شنو ... انت عيل بروحك ومع اريام
بدر: اي اهي جتني وقالت لي انه ابوي موافق
ابو طلال: بس عبالي معاك مرتك ما هقيت انك بروحك؟؟ هي يمك
بدر :اي
ابو طلال: عطني ايها
بدر: يا عمي وسع الصدر ولا انت مو مواثق فيني
ابو طلال متفشل: الا واثق بس ليش العوبه ما قالت لي
بدر: المسكينه متولعه تبي العمره
ابو طلال : لالالالالا مو عذر
بدر: امسحها بوجهي يا عمي هالمره هذي بس
ابو طلال: عوبه ما ينفع معاها شي اقول انتبه عليها وانا ابوك
بدر: ابشر... توصيني بشي اجيبه معاي
بو طلال : سلامتك
بدر: الله يسلمك
بدر طالع اريام الي ناقعه ضحك:وجعه
اريام: ههههههههههههههههههه
قام بدر وخلاها راح خذا سيارته وركب واركبت يمه
اريام:بدر انا اسفه توبه نوبه
بدر: طسي وراج
ارايم: يوه كل هذا عشاني سافرت معاك
بدر: بدون علم ابوج
اريام: قلت له
بدر: جذابه
اريام اصرخت : ليش جذابه قلت لبوي بسافر مع بدر ووافق مو مشكلتي اذا ما سأل عني وعن مرتك ترا لوعتو جبدي كرهت دنياي بسبتكم اوف وقف وقف بنزل
بدر قرب لراسها : مو انا الي تصارخين بوجهه بطلي عيونج انا مو طلال ولا ياسر ولا عامر.... انا بدر
اريام تنحت واسكتت : طلعتني من طوري
بدر: مشكلتج تحملي عواقبها ..... ساق بدر وطول الطريج اريام هاديه ... قعدت اريام تلعب بأضافرها ...
اريام بهدوء: بدر
بدر طالعها: نعم
اريام: اسفه
بدر وده يذبحها بس ماسك نفسه ... وده تكون جواهر مكانها بس الله ما كتب : حصل خير
الساعه 9 ببيت ابو ثامر
جواهر: اقولج سافر للعمره بروحه كان ودي اروح معاه
نوف تعدل الاغراض: جان رحتي والله مكه تشرح الصدر
جواهر: قلت له
نوف: وشقال
جواهر: قال انه يبي يروح بروحه وبيوديني بعدين لين ما تتحسن حالته
نوف: حرام يمكن الرجال بياخذ راحته هناك يبي يكون بروحه
جواهر: يمكن بس انا فرحت قالي بيوديني على يوم
نوف: يعني
جواهر ببتسامه: بيراضيني
نوف: واو وناسه
جواهر قامت بسرعه للحمام
نوف: انتي شفيج!!!
جواهر: ما ادري مو قادره اتحمل نفسي
راحت جواهر لسريرها
نوف: اي لانه معدتج فاضيه انا نازله اقولهم يسونج سلطه
جواهر: ابي كرز
نوف...؟؟؟: كرز
جواهر: ايه ابي كرز
نوف: ومن وين اجيب لج كرز يا حظي
جواهر: ابي كرز ...
انزلت نوف ولا تلقا المربيه نهى: جواهر تبي كرز
مربيه نهى مستغربه: كرز
نوف: ايه كرز
راحت المربيه للمطبخ وقالت للطباخه اذا فيه كرز وجابت مربيه نهى كرز لنوف و جواهر
نوف لمن شافت الكرز: اووووه كل هذا لي حرام كثير
جواهر تاكل حبه ورا الثانيه وحبه ورا الثانيه... نوف تنحت خلصت مالها وراحت لمال نوف ... وحبه ورا الثانيه وحبه ورا الثانيه ..
نوف خافت وخذت صحنها:بس بس هذا لي
جواهر بغت تبجي نادت المربيه نهى
مربيه نهى: خير يا حبيبتي
جواهر: ابي كرز
مربيه نهى: بعد
جواهر: ايه بعد بعد
راحت مربيه نهى وجابت لها كرز
وقعدت تاكل اكل مو طبيعي
نوف بخوف: جواهر بس مو زين تكثرين
جواهر: انزين انزين بس هالحبه وخلاص
المشكله اقعدت تكمل حبه ورا الثانيه
نوره تكلم احمد بتلفون :
نورة: اي الحمدالله طلعت من المستشفى وباجر عندهم عشى
احمد: اها الحمدالله على سلامتها
نورة: الله يسلمك
احمد :الا ما قلتي لي مالج نيه تروحين مكان هالويك اند
نوره: طع هذا من صجك الناس عزايم ولازم اروح
احمد: انتي هيه وكل عزيمه بترزين وجهج فيها
نورة: اي عادي مرت اخوي
احمد: بكيفج عيل بشوف عيال عمي يمكن يروحون
نورة:ليش وين بتروح
احمد: خاطري اطلع للسينما
نورة: اي شي توك رايح السينما الاسبوع الي فات
احمد:عيل ما دريتي
نورة: شنو
احمد: نزلوا الجزء الجديد من عمروسلمى
نورة تنحت:لالالالالالالالالالالالالالا جذاب
احمد: والله
نورة: احمدو برووح بشوف تامر حسني
احمد حس بغيره : تحبينه
نورة:اوووووووووووه غرامي
احمد:اها
نورة:تبيني اغني لك اغنية من اغانيه
احمد: انتي مو تقولين قاطعه الاغاني وما ادري شنو
نورة: لا هذي حافظتها قبل لا اقطع الاغاني
احمد : يلا سمعينا صوتج الي مليان نشاز
نورة: اوكي...
حبيبي وانا جمبك ... تعرف بحس بأيييه ...
وانا في حضن قلبك ... ببقى عايز ااقولك ايييييييه...
يا محلا الدنيا وانا جمبك يا لك منايا محتاجلك
حبيبي يا عمري ما تسبنيش وحياة اغلا حاجه عندك
وما يحرمنيش منك وما يبعدنيش عنك
حبيبي النهار ده لازم تعرف حبك عاملي اجنان
انا بحبك بحبك ... حب ما حبووووووش انسان
وآه .. آه يا حبيبي وحياة اغلى حاجه عندك
وما يحرمنيش منك وما يبعدنيش عنك
يا محلا الدنيا وانا جمبك يا لك منايا محتاجلك
حبيبي يا عمري ما تسبنيش وحياة اغلا حاجه عندك
(تامر حسني ...وما يحرمنيش منك)
احمد انصدم من صوتها ما توقع صوتها لهدرجة لروعه ما قدر انه يعبر او يقول اي كلمه
نورة :لا يكون صكر الخط ... الو الو
احمد:اي معاج معاج
نورة: شرايك بصوتي
احمد: ما شاء الله حلو ما توقعته جذي خو انتي دايما تصدميني
نورة: ايه انا شي اسم الله علي ...
احمد:هاه بتروحين
نورة: اكيد وبعلم شيوخه اختي
احمد: اوكي ...براحتج ... يلا باي
نورة: بايات
احمد ما قدر ينام تذكر نورة شلون مخارج الاغنيه تطلع منها بنعومه انصدم مو مقعووول .....
مكه الساعه 2بليل فندق التوحيد
اريام حست بخوف مو طبيعي قامت من شقتها والبست ملفعها وراحت بغراضها لشقه بدر فتح بدر باب شقته وتنح بأريام تبجي
اريام: بدر الله يخليك بنام عندك والله خايفه
بدر تذكر انها صغيره وعمرها 18 : ادخلي
دخلت اريام واوقفت مستحيه...دخل بدر لداره وخذا قميصه والبسه وطلع واهوا يصكر ازراراته اريام المسكينه كانت ذايبه
بدر: اريام نامي بدار وانا بالدار الثانيه
اريام: اوكي
راحت اريام لدراه وصكرت الباب من غير ما تقفله وراحت للمكان الي كان نايم فيه ومالت براسها عليه وشمة ريحته اقعدت تبجي كان بودها تكون بقربه لو يوم لو ليله بس اهوا ما كان يعطيها فجه كلش ... نامت اريام
الكـــــــــويت:
نورة طلعت من دارها رايحه تعلم شيخه
شيخه : اي يا عايشه اقولج عندنا بالبيت من 3 ايام
عايشه: يا حماره ما علمتيني اشوفج مستانس بالجامعه
شيخه: هههههههههههههه اهوا الي يوصلني
عايشه: هين اوريج
شيخه: عواشه لا تزعلين والله ما ادري شلون صبرت 3 ايام واما علمتج انه معانا بالبيت << تتكلم عن محمد
عايشه: طيب ومتى بيروح
شيخه: لمن يرجع بدر من العمره
عايشه: يا حليله بدر بالعمره ومنو معاه
شيخه: بنت عمي
عايشه: بنت عمج ..؟
شيخه: اي قالت لأبوها ووافق ما ادري شلون لا تسأليني
عايشه: اي شي ... مسافره مع ولد عمها وابوها راضي حياتي انتي في انه بالموضوع اي ابو يرضى يخلي بنته تطلع ولد عمها حلوه هذي شكلنا بكندا واحنا ما ندري!
شيخه: اي والله بس يمكن ابوها راضي لانه بدر رجال ثقيل ومتزوج
عايشه: ولو
دقت نوره الباب
شيخه:حياج نونو
نوره: شيخه بنروح للسينما باجر بتروحين
شيخه: والله ما ادري
نورة: انا بروح معاج عشان ترضى امي ... لاني لو قلت لها بروح مع احمد بروحي ما ترضى امانه
شيخه: والله نورة ما لي خلق
نورة: تكفين خلي محمد يودينا امانه
شيخه: اوكي
نورة: انزين ما ودج تعرفين شنو الفلم
شيخه : شنو
نورة ببتسامه : الجزء الجديد من عمرووسلمى
شيخه : وااااااااو اكيد بروح ما يبيله
نورة: ههههههههههههههههه اوكي جهزي نفسج
شيخه: متى اي وقت
نورة: ما ادري
شيخه: حياتي تعرفين امي لازم الساعه 9 بالبيت
نورة: اوكي اوكي بس بنروح من الظهر لانه باجر في عزيمه ببيت جوجو
شيخه: اي فشله بعد لازم نكون موجودات
نورة: عدل كلامج
شيخه :اوكي يلا خليني احاجي البنت
نورة: منو
شيخه: عواش
نورة: ياحليلها سلمي لي عليها بليز
شيخه: يوصل
نورة:باي
شيخه: بايات
عايشه: يا حليلكم بتروحون للسينما
شيخه: يعني سمعتي
عايشه: ايه سمعت
شيخه: بتروحين
عايشه: لا ياحظي مرت خالي توها طالعه من الاربعين ومسوين عشا و لازم اكون موجوده
شيخه:هههههههههههه عذرتج
عايشه : علميني احداث الفلم لاني بروح اشوف عقب باجر
شيخه: اوكي
عايشه: يلا طولت معاج باي
شيخه: تصبحين على خير
عايشه: وانتي من اهله
بالسعوديه......... مكه...........الصبح بالفندق:
قامت اريام وتروشت وطلعت من الغرفه بعد ما ضبطت نفسها والبست احجابها صلت ركعتين وبجت دعت الله يهديها ويوفقها ويصلح بدر مع زوجته ماتدري ليش دعت لجواهر حست بدعاها طالع من قلبها وسمعها بدر وانصدم وخلاها تعيش حلمها هاليوم الي باقي له لانه من باجر مسافر... مع انه يكرها
بدر: يااااا هيه
اريام اضحكت: لي اسم
بدر: زوجتك وزوجتك بس على الطل
اريام : ههههههههههههههههه ... افتحت الباب .. صباح الخير
بدر: صباح النور يلا جوعان
اريام: والله بدر بقولك معلومه خطيره
بدر واهوا طالع للصاله: قولي
اريام: في شي اخترعوا قبل مية الف سنه سموه التلفون اطلب منه
بدر: يلي مو كفو كنت انطرج
ارايم: يلا يلا اطلب لي اي شي بروح اتعمر
اوكي طلب بدر واهوا كان يطلب رن تلفون
بدر اشأر لاريام تجيب التلفون اريام بلقافه كان المتصل رجال واسمه (راشد) بدر خله على الانتظار طلب وخلص ورد دق على راشد
راشد واحد من جماعة المسجد مع بدر وبيتهم اقبال يم بيت بدر
راشد: السلام عليكم
بدر: اهلا وعليكم السلام
راشد: وينك سافرت وما علمت
بدر: والله شسوي بعد
راشد: والله اسمع جاسم يمي واحنا بحوش الحرم بصراحه خفنا عليك تروح بروحك وانت تعبان
بدر: انتو اهني حياكم الله والله...بس انا مو بروحي
راشد: لا عاد من معاك
بدر طالع اريام: صراحه رايح مع بنت عمي
راشد : بنتك عمك
بدر: ايه بنت عمي لا يروح بالك حسبت اختي
راشد: اي عبالي عمرها قريب من عمرك تعال انت وياها لا تخلي الجاهل بروحها
بدر: هههههههههههههههه عمرها 18
راشد: ولو بزر
بدر:اوكي يلا باي
راشد: بايات
بدر صكر الخط وطالع اريام :هههههههههههههههههه
اريام: حمدالله على العقل
بدر: راشد رفيقي يقول عنج برز
اريام: يولي ما يهمني
بدر: يا بنت تعالي خليني اضبطه لج ترا محترم وما عنده سوالف بنات طيعيني ومزيون افدع لو تشوفينه يغمى عليج
اريام طالعة بدر وكأنها حبته: مابي
بدر: انتي شوفيه و بعدين يحلها الف حلال
اريام: اوكي
بدر: هههههههههههههه لا لا لا حرام اغشه فيج
اريام: وجعه والله اني مو لهدرجه عوبه
بدر بضحكة : عوبه منو هذا الي يقول عنج عوبه ؟؟؟
اريام : جب زين زعلت
بدر: عساج ما رضيتي
اريام بحزن: بدر
بدر يبي هاليلتين تعدي على خير: اوكي
وصل الريوق وتريقوا
الصبح ببيت ابو ثامر:
جواهر: وليييييييييه بيجون ناس اليوم
نوف اقعدت من النوم واهيا تفرك عيونها: يا صباح الخير اي
جواهر: نوف والله مالي خلق
نوف: وانا ابي انام بعد
جواهر: قومي خن نتسنع ترا الحريم بيجون بعد ساعه
نوف: اوف شدعوه
جواهر تقلدهم : سلمج الله يسمونه شاي الضحا
نوف: هههههههههههههههههه
جواهر : ملاقة عالاخر
نوف: صادقه
جواهر:واليوم بعد بيجون اهل بدر والبنات
نوف: اي اشوه خلينا نتعرف عليهم
جواهر: اووه عاد اريام بتكون موجوده اففف
نوف: خليها تنفقع مرارتها
جواهر ونوف:ههههههههههههههههههههه
بريطانيا لندن الصاعه 11 الظهر
شغف بعدت عن عبدالرحمن وقرت الرسايل المكتوبه
(رايه: قوموووووووو اليوم بسوي عشا خطوووبتي)
(رايه: شغف وينج يا بنيه تعالي ساعديني)
(رايه: ياااااااااااااااا ماما تعالي تعالي تعالي )
اما عبدالرحمن فمطنش ونايم.. راحت تسبحت وتنظفت وطلعت الا ورايه تدق تلفون
شغف:الو
رايه : شغف ابوي وافق
شغف :رايه من صجج
رايه:هيه والله تعالي
شغف: واكي
حمد بصراخ :قعدي بعلك (زوجج)
شغف:ههههههههههه افا عليك
صكرت شغف التلفون واقعدت تناقز على السرير
شغف: هيا هيا هيااااااااااا هووووووو هيا هيا هيااااا هووووو
عبدالرحمن طالعها ومو قادر ينسى شكلها لمن ترقص جرها من رجلها وطاحت عليه
عبدالرحمن: اه ما هقيت انج متيتنه
شغف: هههههههههه قوم اليوم عندي لك خبر حلو
عبدالرحمن ببتسامه: بترقصين لي
شغف:هههههههههههه شكلي ولعت فيك عدل
عبدالرحمن:حدج
شغف: قوم اليوم خطوبت رايه وحمد
عبدالرحمن فتح اعيون: بالله عليج
شغف :والله
فز عبدالرحمن وراح للحمام تسبح واتصل على حمد
عبدالرحمن:مبروووووووووووووووووووووووك
حمد: تعال حمني والله حاس كني بطير والله ما ادري شبسوي
عبدالرحمن:هههههههههههههههه يلا بيك الحين ثواني
راحت شغف البست وعبدالرحمن لبس وطلعو مع بعض وكلن راح لرفيجه
المسكينه رايه خايفه وكأنها اول مره تشوف حمد وحمد خايف اكثر ومومصدق عيونه من الوناسه...
السعوديه (مكه) الساعه 4 العصر
راشد كان قاعد ومعاه جاسم وراح لهم بدر توه متعمر مع اريام وخالصين
راشد: اهلا اهلا
بدر ببتسامه :هلا رشود
سلم بدر على راشد وعلى جاسم وقعدوا يسالفون
راشد: الا صج وين البزر
بدر: هههههههههه هذيج الي تقرا قرآن
راشد: يا حليها
بدر: اقول يا الكبير الي يسمعك ترا عمرك 25 مو لهدرجه بزر
راشد: هههههههههههههههه
جاسم:بدر
بدر: هلا
جاسم: شخبار مرتك
بدر ببتسامه: بخير قطيتها على بيت اهلها وجيت لمكه... اول ما ارد للكويت براضيها خلاص اشتقت لها موت
جاسم: ان شاء الله
راشد متنح بأريام مو معاهم كلش
بدر: انت ياهو بسك تتنيح بالبزر
راشد : ما شاء الله حلوة
بدر ... عيل لو تشوف جواهر شلون : اي حلوه بس بزر
راشد: وليييييييييييييييه
بدر وجاسم:هههههههههههههههههههههه
قامت اريام من مكانها ووقفت بعيد شافت راشد وقلبها فز له عيونهم تلاقوا تذكرت انها بالحرم ونزلت راسها ومشت شافها بدر واهيا رايحه جدامه
بدر: يلا عن اذنكم
راشد: اهيا مرتبطه
بدر: لا بس تراها عووووووووووووبه
راشد: هذا الحلو بالبنت
الكل: هههههههههههههههههههههه
راح بدر لأريام: حسبي الله على عدوج
اريام : ليش؟؟
بدر: الرجال تحطم واهوا اول مره يشوفج
اريام واهيا سرحانه : يهبل
بدر انصدم منها :هيييييييييييييييييييه انتي
اريام بضيق:خلني اقول الصج والله مزيون ما جذبت يا بخت الي بتاخذه يا بدر اشهد انها بتعيش بالجنه ...
بدر:هههههههههههههههههههه اي شي
اريام و اهيا تحلم: سبحان الله رب صدفه خير من الف ميعاد شوف شلون تلاقينا ولا تلاقينا بأشرف مكان على وجه الارض سبحان الله
بدر يطالعها ميت ضحك: ههههههههههههههه مصخره
اريام:يا رب يا رب يا رب اذا كان فيه خير لي ارزقني فيه يارب
بدر:؟؟؟؟؟؟؟
ارايم: بدر ولد العم الي ما يقصر يطيع اخته الحلوه الصغيره
بدر: الحين صرت اخوج هاه صج ملعونه
اريام: اي انت اخوي ( وكنت حبيب قلبي(
بدر بضحكة: امس تقولين زوجي
اريام : يوووووووه انزين الي اهو اسمعني (هذي الحياه مجبوره انساك(
بدر ماسك نفسه من الضحك وماخذها على قد عقلها : هاه
اريام: امدحني عنده يعني قول اني اعرف اطبخ (هذا حظي وانكتب مالي نصيب معاك ... بس بتضل اول حب لي ومستحيل انسى ايامنا(
بدر: لالالالالالالالالالا انا ما اجذب انتي زين اذا سويتي بيضه سنعه
اريام: حرام عليك والله اعرف اطبخ واغسل واضرب اوتي كل شي
بدر: لا صراحه انتي حرمة بيت يعني مزهبه كل شي
اريام ببتسامه ثقه: افا عليك يا ولد العم اعجبك
بدر: والله يا اريام شكله تولع فيج
اريام اسرحت
بدر : اقول حجيه انا جوعان امشي يا عسا ربي يكملج بالعقل
اريام: بتضبطني يا خوي
بدر : بضبطج
اريام والفرحه غامرتها: عشت عشت
لندن الساعه 7 بليل:
رايه: امبيه خايفه
شغف: هههههههههههه يا حلوج قاعده تتحجين كويتي اصلي
رايه: بس تراني متمسكه بكلمة هيه ليل حينه
شغف:هههههههههههه فديتج وفديت اهل الامارات
دخلت هيفا (هيفا اخت حمد اصغر منه بسنتين ) ..: واهل السعوديه
شغف :هذي حماتج
رايه مستحيه:اي
شغف:حي الله هيفا
هيفا: هلا والله
شغف: واخيرا شفنا حماتج
هيفا : ايه حمد يعرف ينقي
استحت رايه
شغف وهيفا :ههههههههههههههههههههههه
هيفا : شغوفه شرايك نخليها تنزل بروحها
رايه بخوف: لالالالالالالالالالالالالالا
شغف بضحكة : فكرة حلوه
هيفا : يلا مشينا
رايه: لالالالالالالالالالالالالالا
هيفا: شفيك يا بنت نمزح
شغف: هههههههههههه يعني مستحيه .. يلا يا صبايا خلونا ننزل
رايه مستحيه حدها...انزلت رايه وكانت الصاله مليانه حريم
وانزلت واهيا ميته خوف وشغف وراها ... ومعاهم هيفا راحت سلمت على ام حمد وخالته واقعدت وشغف مو قادرة تمسك ضحكتها
<<<<صوب الرياجيل<<<<
عبدالرحمن : يا ريال حلو
حمد بخوف: اقسم
سلمان ناقع ضحك:ههههههههههههههههههه
عبدالرحمن: والله
حمد يطالع سلمان الي ميت ضحك على شكله :سلمانو
سلمان يأشر بنفي لانه مو قادر يتحجى من الضحك
حمد: الله ياخذك
عبدالرحمن : والله تهبل والله
سلمان: اي تهبل على قولته بس بقولك شغله مهمه
حمد يطالع نفسه بالمنظره: قول
سلمان: حاول قد ما تقدر ما تخلي ويهك طمامه
عبدالرحمن وسلمان :هههههههههههههههههههه
حمد : امحق ربع
عبدالرحمن: اشوف طالعني وعدله عبدالرحمن
حمد:اوريك يا سلمان بتجيني بليله الملجه والله لضحك عليك
سلمان (مخطوب) : اوكي اوكي ... وقام ساعده
ومر اليوم وصار حلمهم وجمعتهم مع بعض وتمت الخطوبه
الساعه 9 بالكويت بيت بو ثامر:
نرجس جا لها مسج من اريام ( نرجس اذا وصلتي للبيت دقي علي بقولج شغله حلوة ... شفت واحد مزيون من ربع بدووور واسمه راشد حده كووووول اسكتي حبينا بعض من اول يوم وبدوور قال لي بضبطه لج اول ما توصلين البيت دقي علي)
نرجس شافت المسج وضحكت
جواهر: نرجس شفيج
نرجس على نياتها: الخبله اريام دازه لي مسج
جواهر بتذكر: ليش اريام ما جت
نرجس تطالعها مستغربه:ليش انتي ماتدرين
جواهر ونوف كانت تصب لنرجس شاي:شنو
نرجس: اساسا الكل يدري انه اريام وبدر رايحين عمره بروحهم
جواهر انصدمت :شنو شنو عيدي
سارة: امبيه انتي ما تدرين
نوف تصلبت
جواهر: لا مستحيل
نرجس: اليوم مكلمتها تقول انها مع بدر بنفس الشقه بعد تعرفين اريام صغيره مستحيل تصير بشقه بروحها
جواهر انصدمت وراحت دارها بهدوء تفكر والكل راح ما بقى الا نوف راحت نوف بعد ما راحوا الحريم وانتبهت للهدوء الي بدار جواهر
نوف ادخلت: جواهر
جواهر دموعها تنزل بهدوء: لا نوف مستحيل
نوف: لا تصدقين دقي وتأكدي
دقت جواهر على بدر وكلها امل بتكذيب الخبر...
بدر كان يتابع التلفزيون واريام تدز مسجات لنرجس عن راشد الي سلب عقلها
جواهر :الو
بدر ببتسامه: هلا جواهر
جواهر: بدر وينك
بدر : بمكه
جواهر:ومنو معاك
بدر مو قادر يتكلم... تذكر انه ما قالها واهوا بثاني ليله له لمكه ما عرف شبيقول : ... ا...ان,,,..انا معاي...ار..يام
جواهر :حقير وخاين
بدر وقف:جواهر لحظه انتي فاهمه الموضوع غلط
جواهر وتصارخ: تقولي لا تسافرين اثاريك تبي تروحون بروحكم
بدر: لا و ربي لا فهمتي الموضوع غلط لحظه جواهر استهدي بالله
جواهر: انت انسان... انت حرام ينقالك انسان
بدر حس بضيق: والله مو فاهمه الموضوع والله
صكرت الخط جواهر وبجت
نوف:امبيه يعني صج
جواهر: اي بروحهم
نوف:ابيييييييييييييييييييه قويه
اقعدت جواهر تبجي بجي يعور القلب دق وليد على نوف
وليد:نوف انتي وينج لوعتي جبدي ساعه انطر
جواهر اسحبت التلفون من نوف وكانت تبجي: وليد تعال
وليد بخوف لمن سمع صوت جواهر الي كانت زعلانه عليه من ايام خطوبتها وشايله بقلبها مع انه يموت فيها ويحبها حب الاخو الاخته : عمري جواهر شفيج!
جواهر: تعال وليد
وليد:اوكي اوكي... ثواني وانا عندج
راح وليد لغرفة جواهر ودق الباب ودخل
وليد بحنيه الاخوه: جواهر يا قلبي انتي شفيج منو مضيق صدرج!
جواهر تبجي : شفته يا وليد خاني وراح مع غيري ما يبيني.... بدر خلاني وراح مع اريام للعمره بروحهم وانا لمن قلت له بدر بروح وياك العمره رفض وقال لي مستحيل وحطي لي امية عذر اثاريه رايح معاها واهوا يدري اني اكرهها
وليد: استهدي بالله ترا الناس مالهم الا ضاهر يمكن يكونون على نيتهم
جواهر: بس البنت تحبه
وليد: اي بس يا جواهر انتي احسني النيه يمكن اهوا يحبج انتي وبس
جواهر: وليد اقولك خان حبه لي
وليد: استغفر الله ...
جواهر: وليد امنه شور علي يا اختك شسوي تدري فيني وبحالي مالي احد غيرك انت اخوي
وليد انتبه واخيرا افهمت احساسه انها اخته:يا قلب اخوج انتي
نوف بجت واخيرا كلن فهم شعوره : امبيه ما اتحمل<<بجت
جواهر : وليد انا ما اقدر اعيش من دونه والله سبوع ونص وانا متعلقه فيه موت اسبوووووووووووووع بس وما ابي وحده تاخذه مني احبه يا ناس احبه
وليد: انتي نامي وارتاحي وصدقيني ما راح يصير الا كل خير
جواهر: وشلون انام واهوا معاها شلووووووووووووووون!
وليد: جواهر لا تخلين بليس يلعب براسج
جواهر: تركني ... تركني وخلاني
حطت جواهر راسها عالمخدة وطلع وليد ونوف جواهر افسخت الحجاب وقامت من مكانها خذت لها ورقه بعد ما حست انه بدر تركها وكتبت له رساله تودع فيها حبيب قلبها بدر وروحها الي ما راح تنساه كتبت هالرساله بعد ما جتها فكرت الانتحار ببعد بدر عنها وسفرته مع اريام وشيطان الي ما خلاها ولين ما دخلت هالفكره براسها.... كتبت رسالتها مودعه بدر و الحياه
بسم الله الرحمن الرحيم
الي زوجي العزيز وحبيبي ...(بدر)...
بدر: انا انتمى وانت تقرا هالرساله ما تبجي وانا لمن فكرت اني انتحر... ولا تقول انا السبب لاني الكل تخلى عني حتى انت تدري... تدري اني كنت اتمنى حنانك ..لكن حسافه!
مالقيت منك الا الصد ... الهجر... النسيان ... الحقران.... انا الغلطانه ... ايه نعم انا غلطانه... انا الغلطانه لاني ما حافظت عليك ولا قدرت اعبر لك عن حبي الي بقلبي... كلنا غلطنا..
كلنااااا كلنا انت مو قادر تتحمل اسبوع زياده وتعطيني فرصة ولا انا قادره استقبل وجودي في حياتك... بدر انا احبك.. لا لا لا مو احبك وبس... اموت فيك هيمانه بحبي لك ... بدر احبك... وما راح انساك والله...احبك احبك يا فدوة عمري... ترا الحلم (مكه) راح اعيشه معاك وراح ازورك بحلامك ... يعني ما راح اخليك...
تدري محد في هالدنيا عطني حنان كثرك... حبيبي لا تستغرب تقول اسبوع شويه؟... ترا هذا الاسبوع اكثر اسبوع اخذت فيه حنان... : ( ما راح انساك ابدا ابدا...وحبك بحافظ عليه زين زين... سجلت لك صوتي وانتمى يعجبك ... مع السلامه حبيبي
جواهر غنت واهيا تسجل صوتها:
غبنا عن بعضـــنا سنين انا وينــي و اهوا ويــــــــــن
انا دنيـا انا ويـاه على هالقــلب محسـودين محسوديـن
تركنـي وانــا محتــاجة وعمــري انطفـــــا سراجــــة
قلبــــي بصــده اتفاجــــاه بعـــد ماكنـا احلــى اثنيــن
ابي اعرف عن اســراره وشنــهي اخر اخبـــــاره
وشـــــلي يدور بفكـــاره بعـــد ماغــاب عني سنيــن
انـا خـايف لقـى ثـانـــي نــوى بالمــره ينســاني
حتـــــــى ولو خلانـــي تـــرا يبقــــى من الغـاليـن
راحت جواهر ودموعها تنزل راحت للحمام (تكرمون) ومعاها قلاس ماي وفتحت الخزناه وطلعت الحبوب وخذتهم كلهم ودقايق الا والحبوب بدت بالمفعول حست جواهر بظلام الي يكسيها حست بالبرد... انها خلاص مو قادة تتنفس ما تحملت وغمضت عيونها
ببيت ابو بدر:
شيخه حست قلبها ينغزها قامت من نومها الساعه 1 وتبجي وتصايح الكل راح لها امها واختها نورة ومها ومحمد المسكين الي قام من نومه وركض لها
شيخه بصراخ: يمه جواهر فيها شي
ام بدر: لحمدالله على العقل البنت توها طالعه من المستشفى ما فيها الا العافيه
شيخه تصارخ وتشاهق: لا لا لا حلمت انها جايتني بالحلم تقول لي الحقي علي قبل لا اموت
محمد :اعوذ بالله منك يا بليس استهدي بالله.. استغفر الله
صارخت شيخه وراحت للتلفون وتدق وتدق وتدق ...جواهر ماترد
شيخه: ماتت والله ماتت
مها ونورة خافو
محمد :نورة مها روحوا داركم
راحوا بخوف
شيخه:امبيه امبيه
محمد دق على بيتهم ... قامت المربيه نهى الانه غرفتها تحت وراح للخط لانه محمد دق عليها اكثر من مره
مربيه نهى: الو
محمد: مربيه نهى بليز شوفي لنا جواهر نبي شيخه تكلمها
مربيه نهى بخوف: ليش شسصاير
محمد: ولا شي بس حلمانه فيها وتبي تكلمها
راحت المربيه نهى للغرفه ودقت على جواهر الباب دقت دقت ما ردت جواهر
مربيه نهى: ماترد يا محمد
محمد خاف: ادخلي عليها
دشت نهى وما لقتها..: موو موجوده
محمد: يمكن مني مناك دوري
راحت مربيه نهى للحمام(تكرمون) كانت بتشوفج جواهر يمكن تتسبح وانصدمت برجول وحده طالعه من الحمام (تكرومون) شافتها مربيه نهى وتصلبت
محمد: الو الو الو
مربيه نهى صرخت صرخه رجة البيت كله
محمد بخوف:الوو
مربيه نهى: جواهر ... جواهر... طايحه عالارض
صكر محمد التلفون وخذها شيخه وام بدر لبيتهم واهوا طالع كانت نورة ومها قاعدين بالصاله من الخوف نورة راحت معاهم...
راح ابو ثامر شال جواهر من على الارض وشاف ورقتين على الارض خذاهم واهوا ماشي دخل المستشفى مع جواهر وام ثامر وريم تبجي (الظفر ما يطلع من اللحم) ودخلوها عالعنايه
الكل برا كان ينطر رد الدكتور
بدر في هالوقت كان يسمع صوت جواهر الي دازته له من تلفونها وكان يدق عليها
اريام: هاه ردة
صرخ بوجهها بدر لا شعوريا: انتي السبب انتي السبب
اريام تبجي: والله ما كان قصدي
بدر بصرخه: جب ولا كلمه
دق بدر على جواهر :
محمد ومحتاس ينطر حمد اخوه يجي خصوصا انه تلفون جواهر معاه ومطنش فيه :الو
بدر بستغراب : محمد
محمد: هلا بدر
بدر: محمد شجاب تلفون جواهر عندك
محمد: ماكو ولا شي نسته وخليته عندي
بدر بخوف: محمد ولي يعافيك قول الصج
محمد: ....................
بدر: محمد وغلات شيخه عندك قول ليش هالازعاج عندك
محمد: والله صراحه بدر ... مرتك
بدر وقف قلبه: شفيها
محمد: مرتك جواهر
بدر:ايه ايه
محمد : بالعناية
بدر تصلب حس بالبرد يلف بكل جسمه ...
محمد بخوف: بدر بدر
بدر لا شعوريا نزلت دمعته : حالتها خطيره...صح
محمد بحزن: ايه
بدر: ليش ارجعت تتعب شمنه
محمد : والله ليما الحين الدكاتره عندها
بدر: اوكي اوكي انا بجيكم
محمد: اوكي.. مع السلامه
بدر قعد يبجي جنه جاهل طالعته اريام وما تحملت اقعدت تبجي معاه
بدر: يا خوفي تموت وتخليني
اريام: الله يشفيها
بدر طالعها وبهدوء: والله والله لو يصير فيها شي والله محد بيفكج مني ... وسالفة المسجات ... مسج واحد يوصلني منج من بعد اليوم ... والله لحفر قبرج بيدي وارميج فيه... وانا برد للكويت واقطج على اهلج وان رجعت وشفت شيفتج والله بتندمين... والحين طسي روحي زهبي اغراضج بنروح للكويت
اريام راحت تزهب اغراضها واهيا حاسه انه الدنيا شوي وتصك عليها حست بذنب جواهر وحست بالحزن على حال بدر... اركبت السياره معاه ووصلو للمطار وكلموا اذا فيه طياره رايحه للكويت ولقوا بعد 3 ساعات وحجزها بدر ... وبهالوقت قعد يستغفر واريام تدعي لانها توه يصحى فيها الضمير واحساسها بالذنب
..........بتبع ........
وقريب واخلصه ونزله لكم ان شاء الله باجر 
