*مداوي جروحي* قصة كويتيه رومانسيه >>جواهر وبدر<< تأليفي

[Mess Sweet]

عفيه نزلي البارت اللي وراه الفجر
ملييييييييت وانا انطر حددددي متشوقه

 

[{*مشكلتي قلبي*}]

همن انا بليززز
كووويتيه لا تتأخرين علينااااااا



مشكتي}...

 

[كادي::::]

بليييييز نزلي اليوم بارت بليييييز

 

[q8ia 3z]

باااااااااااااااااااااااااااااااااااااااااااااااااااااااااااااااااااااااااااااااااك << بقوه

شلونكم ... شخباركم ... بنات بنزل البارت اليوم الفجر ان شاء الله او بليل .... لاني قربت اخلصه ....




تشجيعكم عجيييييييييب ... ومسوين جو روعه بالقصه ... فديتكم...



كووووووويتيه عز

 

[{*مشكلتي قلبي*}]

اوكي حيااااااااااااااتووووووووووووووو ننتظرج ... مشكوووووورة عالاهتمام

 

[عاشقة البحر 93]

ناطرينج حبوبة

 

[q8ya36]

ناطرينج

 

[q8ia 3z]

بسم الله الرحمن الرحيم

القصة : مداوي جروحي (جواهـــر و بــــدر)
اتجاهها: رومانسي وجداني
الكاتبة : q8ia 3z
الجزء : السابع
الغاية: ما بعد العداوة غير المحبة

المستشفى الساعه 9 الصبح... قعدت جواهر من النوم وشافت بدر جدامها نايم بسرير المرافق رهف قلبها ما تدري شصار فيها كأنها قعدت من الحلم الي اهيا فيه تذكرت لمن كان يحاول يقرب صوبها تذكرت لمن كان يوبسها وتذكرت شلون قرب يمها و شلون هانته وتذكرت صبره عليها وعرفت انه كان بيصبر عليها بس انها غلطت بإهانته .. قامت من مكانها ووقفت تحاول تفتح الابر عشان تروح للحمام بدر كان نايم فضغطت على الجهاز وجت لها النيرس عندها وساعدتها وراحت ... راحت جواهر للحمام و تغسلت وطلعت... وشافت بدر ليما الحين نايم قربت لها وتأكدت انه نايم باسته على خده بهدوء وراحت لسريرها فرحانه غمرها فرح مو طبيعي بس عشانها باسته واهوا نايم ... كان شكله عذاب و مبين عليه بسابع نومه .. امسكت المضاد وبغت ترده ولم دخلة عورها حيل صرخة صرخه مو طبيعيه قام بدر من نومه راح لها ودخلت النيرس بسرعه وجواهر دموعها صاروا انهار بدر سحب راس جواهر لبطنه لانه اهوا واقف واهيا قاعده وحط ايده على راسها... ظمته واهيا امسكت فخذه ودموعها انهار من العوار ...
بدر : شسالفه ليش تتألم
النيرس : العرق عندها مصكر
بدر : شوفي لها عرق ثاني يقدر يمشي فيه المضاد بسرعه
النيرس: اوكي بس راح يعورها زياده اول ما يمشي مع الدم بتدوخ حيل
بدر: اوكي يلا
دخلت النيرس المضاد بعرق ثاني ومشا مع الدم جواهر صاحت من الالم الي زاد عليها
جواهر: آآآآآآآآآآآآآآآآآآآآآآآآآآآآآآآآآآآآآآآآآآآه
بدر:ميخالف تحملي الحين بيخف
نيرس : اوكي الحين زين
جواهر حست بدوخه
بدر خاف : شفيها
نيرس: العوار خف عليها فعشان جذي داخت من الالم
بدر: اها... مشكورة
سند بدر جواهر وغطاها حست جواهر بنعاس ونامت ... قام بدر راح للحمام وتوضا صلى ركعتين ان الله يهديه ويهديها ويهدي جميع المسلمين ويشفيها ويشفي جميع المسلمين ... قعد بدر على الكرسي الي جدامها وظل يطالعها ويفكر انه يسافر للعمره اول ما تطلع... وتذكر سالفة الطلاق واتصل على محمد
محمد توه قاعد خذا التلفون بنشاط : الهين
بدر: هلا والله بنسيب شلونك
محمد: بخير الله يسلمك
بدر بجديه: محمد ابي منك طلب
محمد: امر
بدر: ما يامر عليك عدو .. ابيك تجيب اهلي من المزرعه وتنام عندهم بالبيت لين ما ربي يفرجها
محمد ما يدري شالطبخه : اهلك اجيبهم فهمناها انام عندهم ليش؟
بدر:جواهر تعبانه وانا بقعد عندها
محمد : ما تشوف شر شفيها
بدر بضيق : انهيار عصبي
محمد : لا لا لا وشلون جاها
بدر: ما ادري والله يا محمد تكفا لا تسألني بروحي متضايق بس اسمع
محمد: هلا
بدر: لا تجيب لهلي سيرة علمهم العصر اوكي
محمد : بس انا ما اقدر انام عندهم
بدر : يوه يا محمد شيخه وملكت عليها نورة ومها جهال وامي خالتك ... شنو بعد لو عبدالرحمن موجود قلنا ميخالف بس انت اخوي وما اقدر اامن عليهم عند غيرك
محمد: بس وين مرت ابوها عنها... اختها... خوالها او عمامها
بدر: لا مرت ابوها واختها علاقتهم مو ذاك الزود
محمد : يلا اوكي بس متى امر اهلك
بدر: الساعه 11 الظهر
محمد : اوكي ارتاح انت ووسع صدرك ... فلها وربك يحلها
بدر: تسلم يا محمد و الله لولاك اضيع واتشتت والله
محمد: افا عليك انا اخوك غصبن عنك
بدر: عيل خل شيخه تحرم عليك
محمد: لا خلاص هونا حسبت اخوك
بدر و محمد: ههههههههههههههه
بدر: محمد ما وصيك فيهم
محمد:الي يسمعك يقول البيت بعيد عنك بتجيهم
بدر: ايه اكيد بس ماراح اخلي جواهر هذي امانه بردها مثل ما خذتها
محمد بخوف : شقصدك يا بدر
بدر: الايام بتفهمك
محمد : اوكي ... يلا باي
بدر: بايات



بريطانيا
لندن الساعه 7 الصبح
شغف واهيا داخلة للجامعه: يمه يا ربي سهل علي امتحاني
عبد الرحمن: اجمعين
حمد : صباح الخير يا معاريس درستو ولا لا
عبدالرحمن: ايه درسنا عسى الله يستر
حمد: ههههههههههههههههههههههههههههههه ما اظن
عبدالرحمن:يعني خرناها شوي
حمد بتحذير: اي والله طنشو بالدراسه
الكل: ههههههههههههههههههههه
شغف تذكرت كلام عبدالرحمن : عن اذنكم
عبدالرحمن اتبسم عرف انها خايفه يزعل عليها : اذنج معاج
حمد: شفيها ... مزعلها
عبدالرحمن بضحكة:هههههههههههههههههههههه لا
حمد: يا رب تهديهم ... انا قلت لك شي يضحك
عبدالرحمن : لا بس موصيها تقطع علاقتها معاكم
حمد متنح: اشكره استح شوي
عبدالرحمن :هههههههههههههههههههههههههه
حمد: ماشي يلا انا رايح
عبدالرحمن ضم رفيجه : يا معود والله اموت من الغيره والله
حمد : ايش قالولك باخذها منك
عبدالرحمن :هههههههههههههههههه والله مو قصدي شفيك
حمد لف عليه : يعني البنت خلاص ما راح تسلم
عبدالرحمن يقلده : يا رب انك تهديه ... لا يا خبل اقولك سلام وبس
حمد احترمه و خلها براحته : براحتك يا خوك مرتك بكيفك
عبدالرحمن ببتسامه : هاه وين رايه
حمد حط ايده على قلبه : اقولك فاتحتها بالموضوع الخطبه


رايه قاعده مع شغف بالكافتريا :
رايه : قالي انه بيخطبني ويبي يعرف رايي
شغف ببتسامه : يلا عاد قولي والله
رايه: هيه بس ترا يمكن ما اوافق
شغف بحزن: ليش
رايه بضيق: لانه مو من جنسيتي و ان قلت لبويا وحاسه انه ماحيوافق
شغف : شدراج يمكن يرضى
رايه حطت راسها عالطاوله : حتى ولو وافق ما راح اوفق
شغف :لا عاد لا تقولينها ... حرام عليج الريال شاريج الكل يعرف شكثر يحبج
رايه دمعتها انزلت : صعبه يا شغف صعبه
شغف اوقفت : لا مو صعبه من يقول يروح يجرب... وانتي اذا بتحبينه بتعيشين معاه بسعوديه
رايه : والله احبه بس الظروف اكبر مني ومنه يا شغف
شغف:قومي قومي وطولي بالج لا تخلين الشيطان يبعدكم عن بعض انتي ما تدرين يمكن ابوج يوافق وابوج يعرف حمد عدل ويعرف اخلاقه
رايه: هيه
شغف : وسعي الصدر ...


حمد وعبدالرحمن وسلمان رايحين للقاعه
حمد : يا رب والله اني شاك انه ابوها ما راح يوافق
سلمان : قول ما تقول .. ربك بيحكم مو ابوها
عبدالرحمن : صاج
حمد:ليش مو حاسين
سلمان بجديه: اذا ابوك ما وافق بالبنيه صر على رايك
حمد : ابوي موافق بس ابوها
سلمان : ولين مو اهني المشكله
عبدالرحمن ببتسامه: يا معقدين
الكل طالعه :؟؟
عبدالرحمن : انروح له كلنا مع ابوك واهلك و نتحجى كلام راييل يا هالبنت يا فلا
سلمان : حلو ... يا بنت يا فلا
حمد شاف رايه وشغف داخلين مروا اثنيناتهم بهدوء شغف ساكته خوف من زعل عبدالرحمن ... ورايه ساكته لانه مالها خلق
حمد قال بصوت عالي : يا هالبنت يا فلا
عبدالرحمن وسلمان اضحكوا
شغف واهيا تقعد بكرسيها كانت خايفه لانها شاااااااطره واول مره تحس انها مو دارسه عدل
راح لها عبدالرحمن واهيا بالقاعه باسها على راسها ونزل جسمه لها : يا خوافه
شغف ارفعت راسها: والله خايفه مو دارسه عدل
عبدالرحمن :احسن اقولج امس ادرسي ادرسي ما درستي عدل تستاهلين
شغف بغت تبجي: اسكت ولي يعافيك موصله حدي
عبدالرحمن يهديها : ما عليج الامتحان سهل
شغف: الله يسمع منك
دخل البروفيسور يشيك على القاعات واللجان ودخل من بعده الدكتور وكان الامتحان بمنتهى السهوله لدرجة انه الطلاب افرحوا من الامتحان الي اول مره يجيكهم مباشر وسهل ... وتابت شغف وقعدت تدرس لامتحانها الثاني دراسه سنعه ...


الكويت الساعه 11 الظهر
محمد يدق على شيخه: الو
شيخه بفرح : هلا والله وغلا
محمد : هلا فيج شلونج اليوم شخبارج
شيخه: بخير الله يسلمك وانت
محمد: تمام اقول
شيخه: هلا
محمد: يلا اطلعوا جايكم توني ادخل للمزرعه
شيخه : ليش وين بدر
محمد: شكلج ما تبيني
شيخه بخوف: لا ترقع شفيه بدر
محمد: ما فيه شي
شيخه: عيل ليش ما جابنا
محمد: المسكين مشغول شوي وقالي اجيبكم
شيخه : قول والله
محمد ما يبي يحلف: شيخه انا ما اجذب
شيخه استحت على وجهها : اسفه
محمد: قبلنا اسفج يلا اطلعوا
شيخه : اوكي
______________
ام بدر: هاه جاء بدر
شيخه بحيا : لا محمد
ام بدر: وليش وين بدر
شيخه :ما ادري يقول محمد انه بدر حده مشغول
ام بدر: الله يعينه نادي نورة ومها
شيخه:اوكي .....
نوره : يوه يا لوعت الجبد ردينا للبيت يعني مدرسه باجر يووه
شيخه : نورة نادي مها
نوره: كاهي وراي
شيخه: ماشفتها
نورة: ما يشوف الا القلب
شيخه: على طاري القلب حزري فزري منو برا
نورة: منو
شيخه ببتسامه : محمد
نورة: ليش وين بدر
شيخه : مشغول... اقول نورة
نورة بدون نفس: هاه
شيخه : انا شكلي حلو
نورة: تكفين مالي خلق لج .. تهبلين والله تهبلين
اركبوا كلهم وتأخرت شيخه شوي
ام بدر: وشلونكم وشخباركم
محمد : بخير الله يسلمج خاله انتي شلونج
ام بدر: بخير دامك بخير
محمد: دوم
نورة بلقافه : اي محمد شمسوي
محمد يطالعها عالمرايه : بخير
نورة: اي يقولون انه باجر الاحد في عطله صج ولالا
محمد: يقولون ولا تقوله
نورة درت انه محمد فهم النغزه << المسكينه تسأل عن احمد : لا يقولون
محمد : والله ما ادري بس احمد ما جاب لي طاري العطله
نورة ابتسمت من سمعت اسمه :يا حليله شلونه
محمد: بخير
نورة : عساها دوم
محمد يطالع الجرأه : دام عزج
نورة : ونبض قلبي وايامي
الكل: ؟؟؟؟؟؟؟؟؟؟؟
محمد :الا وين شيخه ؟
نورة: اي ما تبي الا شيخه.. وتطالع الا شيخه داخله ... جبنا سيره القط آم ينط
محمد : هلا والله وغلا يا بعد كل من قام وقعد
شيخه استحت : هلا فيك
ام بدر: يا حليل حمد ويوسف الي ماله دور ... شلونهم
محمد بضحكة: يوسف يزقح (عمره 13 سنه < للتذكير) احمد اخوي يا ربي هالرجال كل ما شفته طرا علي نورة متهاوش مع الدكتوره بالمعهد
نورة ببتسامه : ادعس ... دع العقل جانبا وتمتع بالدلاخه
الكل:؟؟؟؟؟؟؟؟؟؟؟؟؟
محمد : والله يصلح لج
ام بدر: ليش شمسوي
محمد بضحكة : شاق سجل الغياب
الكل: ههههههههههههههههههههههههههههههه
محمد : عمره 19 وما ادري متى بيكبر
الكل: هههههههههههههههه
نورة: خوش فكره
الكل يطالعها
نورة : لا تخافون ما راح اسويها
مها: يا ربي يا ضيقة الخلق
نورة: تكفين توني ناسيه ضيقة الخلق ذكرتيني انا بروح اشبك بشوف مواضيعي بالمنتدى
محمد يدري انه نورة تكلم احمد بالماسن : اقول لا تشبكين
نورة:ليش
محمد : احمد طالع
ام بدر: واهي شعليها منه
نورة انصدمت خافت من امها
محمد انصدم عبالهم يدرون : لا بس الشبكه خربانه
شيخه متنحه : ومن يقول
محمد : انا اقوله
شيخه: بس امس شابكين بالمزرعه
محمد : اووووووه خلاص اسف
شيخه والكل سكت ونورة درت انه محمد يرقع لها
نزلوا كلهم .. وشيخه كانت زعلانه
محمد : اقول خاله
لفت ام بدر واهيا كانت داخله اما البنات فكانه يشيلون الاغراض
ام بدر: هلا
محمد : جهزيلي غرفه بنام عندكم
الكل تنح
ام بدر: ليش
محمد : بس بنام عندكم اليوم ولا مو مرحب فيني
ام بدر: لا حشاك حياك الله بس شسالفه
محمد ببتسامه : بعدين ...
شيخه اوقفت وخلت الخدم يشيلون عنها
شيخه بزعل: حياك الله العين اوسع لك من المكان
محمد يدري انها زعلانه وطنش ببتسامه لانه بيروح للصلاه : يا عمري تسلمين
ركب سيارته وراح
شيخه تنحت طع هذا ما راضاني ولا هم يزعلون... راحت معصبه
نورة: يووووووووووووه يوه يوه
الكل:؟؟؟؟؟؟؟؟؟؟؟؟
نورة : باجر مدرسه
ام بدر: نورة ولي عني ما لي خلق لخبالج
نورة: بروح اقرا لي كتاب ابرك لي


المستشفى الساعه 12 الظهر بدر توه مخلص من الصلاه
محمد يدق... : تقبل الله طاعتك
بدر: هلا محمد منا ومنك... وينك
محمد: توني طالع من مسجد الي يم بيتكم
بدر: اها
محمد: هاه شلون جواهر الحين
بدر: والله انا توني طالع من المصلى ورايح لها اليوم صارخت من العوار
محمد واهوا يركب السياره : ليش
بدر: العرق مصكر
محمد مره كان بالمشتشفى فعارف الالم: اخ اخ ... اه
بدر: شفيك
محمد: اوف بدر والله يعور الله يعينها بروحها صغيره
بدر: شنسوي بعد
محمد:شخبارك انت
بدر: تعبان
محمد: تعال للبيت وريح
بدر: لا اهيا ما عندها احد
محمد: مو معقول وين اهلها ليله كامله بالمستشفى ومحد يدري عنها
بدر: شسوي ما تبي احد يدري
محمد بجديه : انتو صاير بينكم شي
بدر:................
محمد : والله اني داري يا رجال انا بيجيك الحين
بدر: ماله داعي
محمد : مو بكيفك واهلها لازم يجون يشوفون بنتهم
بدر: اوكي تعال...باي
محمد: بايات

راح بدر لجواهر وكانت قاعده
جواهر: اهلا بدر تقبل الله طاعتك
بدد واهوا يصكر الباب: منا ومنج
جواهر: بدر روح للبيت وارتاح
بدر: اساسا بروح بس اسمعيني
جواهر: نعم
بدر: اهلج لازم يدرون
جواهر تضايقت : بس انا ما ابيهم يدرون
بدر بعصبيه: لي متى يعني
جواهر: لين ما ربي يفرجها
بدر: انا الغلطان مخليج على كيفج
جواهر: اوكي دق على خوالي بس
بدر: خوالج اهني
جواهر: اي بياخذون اسبوع وبيردون
بدر: حلو عطيني الرقم
جواهر خذ تلفوني فيه الارقام مسيفه
راح بدر وطلع برا واهوا يطالع الارقام انتبه لوجود اسم غريب تتخيلون شنو ؟؟؟
حبيب روحي
انصدم بدر منو هذا الي اسمه حبيب روحي .. دخل بدر على جواهر وحذف عليها التلفون جواهر تنحت
بدر: تبين النصيحه
جواهر: شفيك بدر
بدر: دقي على حبيب روحج عشان يقعد معاج صدقيني راح يونسج
جواهر: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بدر: مع السلامه
جواهر: بدر تعال تعال
طلع بدر من الغرفه واهوا معصب مو قادر يستقبل ؟؟ تهينه يا الله ساكتين وبالعينها وتخونه بعد !!!
قامت جواهر وشالت المغذي وراحت وراه
بدر: انتي شلي مطلعج ارجعي لا طراق ينسعج
جواهر: مابي تدخل معاي
بدر: ماراح ادخل
جواهر: بكيفك بوقف معاك
سحبها بدر من ايدها ودخل على دارها : احنا بجناح امبراطوري تدرين يعني شنو.. يعني الشخصيات الهامه معاج بنفس الجناح يعني بتلقين شرطه وبودي جارد بكل مكان وبتلقين صحافه انثبري بغرفتج لا اذبحج
جواهر طالعته ببتسامه : تدري منو حبيب روحي
بدر: ما يهمني
جواهر: لا صدقني يهمك
بدر: اذا طلعتي ما تلومين الا نفسج لا طلقتج سوي الي بتسوينه
جواهر: ؟؟؟ طلاق
بدر: لا شكو بعيش معاج .. اي طلاق انا كرامتي ما تسمحلي اعيش مع وحده هانت رجولتي انا كل شي عندي الا الكرامه
جواهر: بس يا بدر انت حبيب روحي
بدر تنح ...
جواهر: انا اسفه تعليت عليك وتكبرت وادري هنتك بس ترا حتى انته هنتني وقربت صوبي غصبن عني
بدر: لاني زوجج
جواهر: ولو
بدر: اسمعيني دقي على الي اهوا خليه يقعد عندج انا عندي شغل الدنيا والدين... يلا مع السلامه
جواهر: بتروح لأريام صح
بدر : مالج شغل اعتقد الي بيننا انتهى... لا تتسألين
جواهر انصدمت باين عليه متغير حيل حيل مو بدر الي انا اعرفه
طلع بدر الا ومحمد بوجه
بدر: انت شعرفك بالجناح والمكان
محمد : وعليكم السلام .. الحمدالله على سلامة جواهر
بدر تفشل : اسف محمد... الله يسلمك
محمد بتسامه : يلا خن اسلم عليها
بدر: بس شعرفك بمكانها
محمد ببتسامه: خو الي يسئل ما يضيع
بدر: استغفر الله... يا ربي ماني قادر اوقف انا بروح للبيت وبفهمهم
محمد: الله معاك انا بدخل عالصاله
بدر : يوه نسيت تعال دخل بدر محمد عالصاله وبعدها دخله على جواهر وكانت تبجي
بدر: جواهر هذا محمد يبي يسلم عليج
محمد طالع بدر بعصبيه لانه مبين على جواهر انها ماتبجي من العوار من بدر واضح :الحمدالله على السلامه جواهر
جواهر كحت عن الغصه الي فيها : الله يسلمك محمد
محمد: شلونج
جواهر: بخير
محمد: دوم ان شاء الله
جواهر: تسلم
محمد: جواهر انا برا اذا بغيتي اي شي تراني موجود
جواهر: تسلم
بدر: ترا محمد بيكون بصاله انا برتاح بالبيت وبرد مع الاهل وانتي دقي على اهلج الرجال وراه التزاماته
جواهر: ان شاء الله
طلع بدر وطلع وراه محمد
محمد: انت مجنون ولا صاحي
بدر: لا صاحي
محمد: شهالمعامله الزفته
بدر: ما لك دخل
محمد: الا لي دخل
بدر: ولييييييييييييه
محمد: حرام عليك حتى ولو شنو ما تعاملها جذي خاف ربك فيها
بدر: يوه انا طالع
محمد: يا بدر
طلع بدر وخلا محمد ...محمد قاعد بالصاله يتابع التلفزيون
جواهر دقت على جدتها (كلامهم شوي عربي وشوي انجليزي على فرسي ...يعني خليط لا تلومونهم)
جواهر: السلام عليكم
جدتها نضال:وعليكم السلام جواهر يا عمري فينك
جواهر: بالستشفى
نضال: شنو تحسين فيه
جواهر: فاتيغي (تعبانه= فرنسي)
نضال: سلامتك
جواهر: الله يسلمج ... جده لا تتأخرون تعالوا لي
جدتها : اوكي يا حياتي حنجيك (بنجيج)
صكرت الخط ونامت على ما جت جدتها وصفاء ووفاء وخالتها مسره مع خالها قاسم ووجدي و محمد)
جواهر: اهلا وسهلا
سلوموا وقعدوا عند جواهر
محمد: يا قاسم شلونك شخبارك
قاسم: بخير وانت
محمد: تمام ولله الحمد
صفاء : الرجل الي برا تغي جنيال (حده روعه : تفسير بالكويتي (
جواهر: يا بنت هذا ملج
صفاء تنحت مو عارفه المعنى
جواهر: ماري (مع تشديد الياء بالفرنسي(
صفاء:اها
جواهر : شلونكم
وفاء: بيان (بخير فرنسي(
جواهر: وشمسوين بالمدرسه
وفاء : تغي بيان (يعني ممتاز(
جواهر: دوم ان شاء الله
وفاء: جوجو
جواهر: تكفين تراني مو زينه بالفرنسي انكليزي اتحجى بلبل
وفاء: لا ميزون دو لا بدر اي سوووووبيييير (بيت بدر فخم(
جواهر: حده ...
وفاء: لو صالون اي غرااااند (تذكرت امتحان الفرنسي هههههه(
جواهر: وي
وفاء: اي بورويانت (ازعاج)
جواهر تذكرت نورة :هههههههههههههههههه بور موا بار اي كالم (في رايي انه هادي(
صفاء: اهيا على كثر ما بنعلم فيها لازم تتكلم فرنسي بس تعرف عربي
جواهر:لا يبا زين ما طلعت عن المألوف كلماتها سهله احسن من الصعبات
صفاء: اها
جواهر اقعدت تسولف و استانست لوجودهم
دخل بدر مع ام بدر ونورة وشيخه ومها
ام بدر : يا خنت حيلي يا جواهر وظمتها
جواهر: هلا والله خاله
ام بدر اقعدت يمها : يمه شلي فيج شلي يعورج
جواهر ببتسامه : بخير يا خاله بس شوية تعب
نورة: جوووووجوووووووو حبيبتي ما تشوفين شر عساه بعدوينج
جواهر: تسلمين نونو
نورة: تكسرين سريرهم بالعافيه ...
الكل:ههههههههههههههههههههه
شيخه :جواهر يا عمري ما تشوفين شر والله زعلت لمن دريت
جواهر: الشر ما يجيج ان شاء الله
مها : هذا شنو (تأشر على المضاد)
نورة :يوه جهال ..هذا مغذي
مها: انزين ليش حاطينه
نورة: عشان تصير قويه
مها: واذا شالوه
نورة :تتعبين
مها: ومتى بيخلونه عليها؟
نورة بدت تطفر: لين ما تتحسن
مها: يعني يومين؟
نورة: اي
مها: انزين وشلون حطوه؟
نوره: اسئلي الدكتور
مها: هذا حق الكبار ولا الصغار؟
نورة: كلهم
مها: انزين اذا انا ..
نورة تقاطعها : اسكتي اسكتي
بدر كان قاعد :هههههههههههههههه
مها بخوف اركضت له واقعدت على رجله
نورة : يا العميا ترا في كراسي... قومي كسرتي رجله من صغرج يعني
بدر ظمها لي ورا: حارة قلبج
نورة: باطه جبدي مدلعها زياده عن اللزوم
بدر: مالج دخل
جواهر متحسره ودها تكون مكان مها
ام بدر: يا حيا اهل تونس شلونكم
مسرة: والله بخير والحمد الله
ام بدر: دوم
مسرة: تسلمين
شيخه طلعت لمحمد الي كان بالصاله الي برا (غرفة جواهر كبيره وفيها قعده وبرا في صاله خاصه
محمد كان قاعد لمن شاف شيخه وقف : هلا حياج
شيخه بزعل: تدري خذت بخاطري منك
محمد لف جسمه عليها:افا ليش الحلو زعلان
خافت شيخه من الي داخل بالصاله : وخر يا دعله عيب
محمد: ههههههههههههههه
شيخه: الغلطان الي يبين لك
محمد : شلي مزعلج
شيخه: لمن صرخت اليوم بالسيارة ما توقعتك جذي عصبي
محمد: ههههههههههه انا اسف حبيبتي
شيخه تطالعه: حمودي
محمد رهف قلبه لها: نعم
شيخه : اخاف باجر ترفع صوتك علي مثل اليوم
محمد: شدعوه
شيخه : ما ادري بس على قولتهم احساس
محمد قرب لها باسها بهدوء ابتسمت له شيخه : ما راح ازعلج لا تحاتين... لا غلطتي راح اعصب وبس تدرين ليش
شيخه: ليش
قرب محمد لها وباسها على شفايفها بهداوه : لاني حااااااااار
شيخه :استح
شيخه راحت داخل ومحمد ضحك
بدر واهوا طالع الا اقول محمد
محمد واهوا يقعد : هلا
بدر:مشكور تعبتك روح البيت ارتاح
محمد : اوكي
مها طلعت : بروح معاك
محمد :يلا تعالي
بدر :لحظه لحظه نادى شيخه
شيخه: نعم بدر
بدر: روحي مع محمد و مها
شيخه دون نقاش لانه مبين لبدر انه تعبان: اوكي
راحت شيخه مع محمد وقعدت جدام ... محمد ظابط نفسه لانه مها معاهم ... مر الوقت بسرعه وراحوا خوال جواهر
ام بدر: يلا عاد مصخناها بالقعده البنت بترتاح ورجال بيقعد مع مرته
بدر بجديه : على طاري مرته يمه ابيج بموضوع ضروري
ام بدر: خير يمه
بدر طالع نورة وسكتت ام بدر
بدر: باجر ان شاءالله

ام بدر: لا يا يمه اليوم
جواهر اعرفت انه بدر بيحاجيها بموضوع الطلاق
راحت ام بدر مع بدر للكافتريا واتصل على سايق على ما يجي فتح مع امه الموضوع بجديه
بدر: يا يمه اسمعيني ولا تعصبين
ام بدر بخوف:جواهر فيها مرض جايد
بدر: لا لا ان شاء الله
ام بدر: عيل شسالفه
بدر: لا بس بقولج انه الي راح اقوله شي يخصني ويخص حياتي انا
ام بدر: قول وقفت قلبي
بدر: انا يا يمه بطلق جواهر
ام بدر: شنوووووو بتطلقها
بدر: يمه لا تعصبين
ام بدر:ليش البنت فيها شي ينعاب (قصدها انه البنت لمن خذاها كانت اساسا بنت ولالا)
بدر :لا يمه اهي بنت والله لمن جيتها بنت
ام بدر: عيل عوووبه
بدر: لا يا يمه
ام بدر: جننتني يا بدر تحجى شفيك
بدر: يمه انا ما ابي جواهر
ام بدر: انزين ليش انا ابي افهم ليش؟
بدر: يمه البنت هانتني
ام بدر بستغراب: جواهر؟
بدر: اي جواهر
ام بدر: شقالت بالضبط
بدر: قالت لي اني ماني برجال
ام بدر: ؟؟؟؟؟؟؟؟؟؟؟؟؟؟؟؟
بدر: والله ما اجذب والله
ام بدر: ما تقول هالكلمه الا واكوا انه لا تقول
بدر بخجل : اي في انه
ام بدر: والي اهي
بدر: عاشرتها بإكراه
ام بدر مو مصدقه الخبر الي سمعته : انت يا بدر انت الحنون انت
بدر: اي بس هذا مو دافع انها تقول هالكلمه لا ابيها تعرف عدل معنى كلمتها
ام بدر: لو كل واحد بيطلق امرته عشان قالت له انت مو رجال جان كل الحريم تطلقوا
بدر: انزين واذا اهي ما تبي تعطيني حقي الشرعي يا يمه بربج ولا ربي يحرمنج مني .. .عمرج قلتي لبوي انه مو رجال
ام بدر: لا
بدر: عمرج منعتيه من انه يقرب صوبج .. يعني من رغبته فيج
ام بدر: لا
بدر: خلاص عيل
ام بدر: يا بدر اسمعني البنت توه جاهل عمرها ما تم الـ18 وانت رجال وعمرك 25 انت ملاحظ فرق السن بينكم ولالا يا بدر يا قلب مويمتك الفرق 8 سنين
بدر: لا مو فرق
ام بدر: تحبني
بدر ببتسامه رفع ايده وحطها فوق امه : بالله عليج هذا سؤال
ام بدر: انت تحبني
بدر: اموت على الارض الي رجلج تمشي عليها
ام بدر: تعزني تغليني عندك لي بقلبك قدر
بدر :اي وقدرج كبير ومحدن وصل له
ام بدر: لا تطلق جواهر... ترا البنت يتيمه لا ام ولا اخ و لا اخت ومرت ابوها الله العالم فيها ... يا بدر يا روح امك انت البيوت اسرار محد يدري عن الي داخلها
بدر: بس انا فكرت وخلصت
ام بدر: الله يهديك اسمع عيل خلك 3 شهور معاها وعقب طلقها
بدر : نعم 3 شهور
ام بدر: انت ملتزم وتعرف المده...
بدر سكت ما قدر يتحجى
ام بدر: وتسكن عندك وبدارك
بدر : لا لا لا
ام بدر: هذا كلام ربك ورسوله ؟ ولا بتلقد الناس واليوم تتطلق يعني اليوم ورقتها ما راح توصل الا بعد 3 شهور دام هالراس يشم الهوا
بدر: يمه ما ابيها
ام بدر: اذا انا غاليه عندك تتم عندك 3 شهور
بدر بنرفزة : استغفر الله ... عيل تقعد ببيت اهلها اسبوع عقب تقضي باقي فترتها معاي
ام بدر: وليش ان شاء الله
بدر : خليها تقعد مع خوالها شوي قبل لا يسافرون
ام بدر: انزين يلا تعال
بدر راح مع امه لجواهر ونوره
نورة : والله يا جواهر حرت قلبي كله تسأل عن بدر
جواهر: الا انا باطه جبدي
بدر دخل عليهم : ومنو هذي الي فاقعه مرارتكم
نورة بغت تقولها (اريام)
جواهر: وحده من معارف نورة
بدر: وانتي شعرفج فيها
نورة: من كثر ما اسولف لها عنها
بدر: قصدج من كثر ما تحشين ...
وصلت لبدر رساله (رفعت راسي لسمها ماهو غرور بس اداري الدمعه في غيابك عذبتني.. )
نورة: من منو
بدر بهداوء: من اريام
ارتفع ضغط جواهر وتذكرت كلمة اريام لمن احلفت انها بتاخذ بدر غصب
نورة بصوت واطي: جبنها سيرة القط اما ينط
ام بدر ما جاز لها الي سمعته : وعلى اي اساس تدز لك الرساله
بدر : انا بيني وبينها رسايل
ام بدر ارتفع ضغطها: زوجتك
بدر تنح من امه: لا
ام بدر: عيل اكيد خطيبتك
بدر: لا يا يمه
ام بدر: هاه عرفت عيل حبيبتك
بدر بجديه : يمه الله يرضا لي عليج شتقولين
ام بدر: جيب التلفون
بدر: يمه هذي خوصوصياتي
ام بدر: بدر هات التلفون
بدر: اسف
ام بدر تنحت : قام اقول لك هااااااات التلفون
بدر مد لأمه التلفون وفتشت برسايل وقرت شمسي اريام ( لزقت العنزروت )
ام بدر: ههههههههههههههههههههههههههه
بدر: فهمتيني
ام بدر: الله يعينك
بدر: من زمان
ام بدر: تصرف معاها لا اسوي شي تندم عليه
بدر: يصير خير
نورة : يا يمه السايق تحت
ام بدر: يلا جواهر يا عمري انتبهي على نفسج
جواهر ببتسامه: اوكي
ام بدر بجديه: انتبه عليها زين وحطها بعيونك
بدر: اوكي اوكي .... باسها على راسها وباس نورة ... طلعوا
تمت جواهر مع بدر
بدر دق على اريام :الو
اريام : اهلين حبيبي
بدر: يا خبله امي قرت المسج
اريام بخوف: جذاب
بدر طلع من الدار جواهر ..: والله العظيم
اريام:ابيه بدر خايفة
بدر: لا تخافين انا اتصرف لا تدزين مره ثانيه
اريام : بدوري
بدر ...وع عليج : نعم
اريام : احبك
جواهر راحت لبدر بعد ما شالت المغذي: خذت السماعه بخفه وصكرت الخط
بدر بعصبيه: منو الي اذن لج
جواهر: مو انا زوجتك
بدر: ومن قال
جواهر: لا من تطلقنا ذاك الحين خذ راحتك
بدر مو مصدق راح لها وخلت التلفون ورا ظهرها : ماكو
قرب لها بدر وعيونه عالتلفون
بدر : جواهر عطيني التلفون
جواهر: ماااااااااابي
بدر قرب لها وكأنه يحظنها ...: عطيني
جواهر من كثر ما بدر قرب عندها بغت تطيح مسكها بدر من ضهرها : يا الخبله هاتي
جواهر متنحه لانه بدر ظمها
بدر يطالعه القرب بينهم ومو مصدق ... بهدوء خذا التلفون
جواهر : مو انت ما كنت تحبها...
بدر : ما كنت ... كنت
جواهر: والحين
بدر: تبدلت الاوضاع
جواهر بضيق : يعني ؟
بدر: ما في شي يدوم على حاله يا بنت الناس
جواهر : مو كنت تقولي والله لخليج تحبيني غصب
بدر: كنت
جواهر: بس حلفت ووعدت
بدر: نعم شنو شنو... لا حبيبتي ما وعدت حلفت
جواهر: وشنو الي تغير
بدر: كل شي
جواهر: يعني..
بدر : خلاص انتهينا
جواهر: وانا
بدر ما هان عليه : الله معاج
جواهر دموعها تنزل: شيفهم الناس اني طاهره
بدر انصدم...
جواهر: شنو بيقولون الناس لا قلت لهم طلقني
بدر تنح...
جواهر واهيا تشاهق: تدري شنو بيقولون
بدر: مشكلتج ... ذنبج
جواهر: بيقولون (...) ماتمت عنده اسبوع
بدر انصدم!!!!!!!!!!!!!!!!!!!!!
جواهر: ذنبي اني بنت توني صغيره عالزواج ولا عرف راسي من كرياسي
بدر: مشكلة اهلج
جواهر صرخت بوجهه : اي قلتها اهلي اهم السبب وانت ساعدتهم انت الاساس
بدر :لا ترفعين صوتج بوجهي ثمني كلامج
جواهر طنشت لانها حست بتعب ... راحت لسريرها ودخلت المضاد شوي شوي ورجع المضاد مع دمها ورمت نفسها على السرير ..
جواهر:ومتى انا بطلع
بدر بنرفزة : الله العالم
جواهر: ظاق خلقي
بدر: بس مو كثري
جواهر لفت على جنبها الايمن وتذكرت نوف..دقت عليها
نوف: اهلين جوجوووووووو
جواهر: نوف وينج
نوف: قاعده بالبيت
جواهر: نوف انا بالمستشفى تعالي
فزت نوف من مكانها : يا عمري متى ووين
قالت لها جواهر وعلى طول اركبت سيارتها ثواني الا واهي عند جواهر
نوف:جواهر عمري
جواهر ضمت نوف وطلع بدر
جواهر: نوف شلونج شخبارج
نوف تبجي: بخير يا عمري انتي الي شلونج
جواهر: انا تعبانه تعبانه حيل
نوف: عساه بعدوينج ولا فيج
اقعدت جواهر تقول لنوف كل الي بقلبها وعن حزنها ... وعن بدر وطلاقها وعن وليد وانها طلعت تحب بدر ولا تقدر على فراقه وانها اندمت قد الشعر الي براسها ومو متحمله يوم بدونه ... بدر كان يسمع جواهر ومنصدم من الي يسمعه ما يدري انه جواهر تولعت فيه بمده اقل من اسبوع ...
جواهر: اهوا الوحيد يا نوف الي عطاني الحنان ... اهوا الوحيد الي احس بالامان معاه...انا ...انا (غصت بهالكلمه) ابـــــــــيـــــه نوف قولي لي شوري علي شسوي وين اروح شلون بخليه 6 ايام وانا معاه بس ... تخيلي حبيته تولعت فيه قمت اخاف عليه من نسمت الهوا والله والله والله ابيه ما ابي غيره خليه يسامحني

جواهر بجت وحاولت تهديها وبدر انصدم من كلامها وحب انه يروح للعمره بس لمن يخرجونها ويرتاح شوي...جواهر من بعد البجي كله نامت وارتاحت ونوف سلمت على بدر واهيا طالعه ووصت بدر عليها وراحت لبيتها واهيا تتذكر كلام جواهر وعلقها ببدر فيه مده اقل من اسبوع ...استغربت شلون بدر قدر انه يلفها بحبه ... لهدرجه حبته... لهدرجه اثر فيها ؟؟؟....


هذا انا اختم الجزء السابع على اوتار الامل الي بيجمعهم او بيفرقهم ... ليش الكل بجى على جواهر وليش الكل حزن عليها ؟؟ جواهر بتطلع من المستشفى بس هل بتم على الحياه ... انطرووووووووووووني بالجزء الي بيغير مسار القصه ... بين عودة بدر لجواهر وتخلي جواهر عن الحياه.. متى برجعون لبعض ومتى بيتصالحون ومتى بيبدأ الحب بالقصة ويمليها.. خلكم معاي... مع فائق شكر وتقديري **q8ia 3z

 

[Mess Sweet]

يسلموووووو يا قلبي
والله روووووووعه

 

[Mess Sweet]

بس بغيت اسألج متى تنزلين البارت اللي وراه ؟؟
وسووووري على الازعاج بس حدددي متشوقه وابي اعرف شيصير لجواهر

 

[عاشقة البحر 93]

ناطرينج حبوبة ونبي البارت يكون اطول بعد ويعطج العافية فيدتج

 

[q8ia 3z]

مس سويت

عاشقة البحر 93

يسلمووووو عالمرور ... والتشجيع الحلو:ggdw:


انا حاليا بجمع بارتين مع بعض لانه الاحداث مرتبطه ببعض وبيكون طووووووويل حده

اتمنى انه ينال استحسانكم ... وراح انزل على يوم وترك ... اما اذا خلصته مبجر ما عندي مانع انزل بيومه

 

[Mess Sweet]

ناطرينج حياتوو
لاتطولين علينا فديتج

 

[q8ya36]

نا طرينج

 

[كادي::::]

عفية كمليهااااااااااااا
متى البارت الياي
ما ني قادرة اتحمل ابي التكملة

 

[Mess Sweet]

اي صح حتى اناااااااااااااااااااااااااااااااااااااااااااااا ما اقدر اتحمل
بس نبي البارت اللي تنزلينه طوييييييييييييييييل
وسوري ع الازعاج

 

[katko0o0ta99]

وااااااااااااااااااااااااااو عجيييييييييييييييييييبه روياتج ماشاء الله عيشتينا بالجوووووو


وعفية لاتطولين علينا بالباااااااااااااارت

<< سجلينى متابعة دائمة لروياتج

 

[عاشقة البحر 93]

نزليه تكفين كله بيوم واحد والله ماني قادرة اصبر لايوقف
لايوقف


بس اذا عندج ظروف على راحتج اهم شي راحتج فديتج وشكرا على هالبارت الي يننن

 

[Jro7 Al.nass]

تسليمين ياكاتبتنا الرائعة..ناطرينج أحرمن الجمر لاتتأخرين خيتو..القصة وااااااااااااااايد حلوة

 

[بنت العز ماتنذل]

تسلمين قلبي ويعطيج الف عااافية
القصة روووعه نفس راعيتهاااا
ومتااابعيييييييين