مدارس منطقة الفروانية التعليمية (الابتدائي) .. فزعتكم يا بنات

[جووورية]

السلام عليكم ورحمة الله وبركاته



ابي مدرسة ابتدائي حلوة وادراتها زينة وناظرتهم مو شريرة هذا اهم شرط

في منطقة الفروانية التعليمية

يفضل في العارضية / صباح الناصر / الفردوس

بشرط تكون ابتدائية بنات مو صبيان

في بنات امدحوا لي ام حبيبة بصباح الناصر .... شرايكم ؟؟
وناس ذموا لي سبيكة الخالد بالعارضية ؟؟ شرايكم ؟؟




فزعتكم يا بنات ابي اكتب نقل ضروري ردوا علي بسرعة :tomato2:

 

[I love zainaB]

والله ياقلبي انا ماجربت هذي المدرستين انا جربت الفروانيه ابتدائيه خوش مدرسه

 

[زيـטּ عَبْس]

حبيبتي راجعي قسم النقل

دشي على الموظفات بنفس حلوة .. وسلام وكلام عسل يعسل

والله العظيم اهما يعرفون المدارس الزينه وغيرة

واللي عليها طلب نقل كثير من المعلمات

وموفقه يارب

 

[هنوف الزين]

الله يعينج مشكلة النقل
أم حبيبة مدرسه قمة التسيب يعني اسم مدرسه والا اهياا اصلها جمعات وقعدات وسوالف
وراااحة لااخر درجه لان الاداره حلووة

 

[جووورية]

زينب >>> مشكورة على الرد


ابلة خلود >>> هالموظفات اخذي منهم حجي ,,, !!!

هنوف الزين >>> هذه المطلوب بس ان شا الله تضبط معاي





حبايبي مازلت انتظر باجي ردودكم و فزعتكم يا كويتيات

 

[القرآن ربيع قلبي]

انا ماجربت الا فاطمة بنت قيس بالعارضية قبل قديما يعني والحين سمعت انها نموذجية بس خوش مدرسة بالنسبة للغير وشكرا

 

[جووورية]

مشكورة ام شيوخ ما قصرتي




وين الباجي بليز ساعدوني الوقت يمر وانا ماقدمت طلب النقل

 

[الخ ـير]

مادري اتمنى جيت الوقت المناسب

والله انا توني متخرجه يعني بعدي ماتوظفت هههههههههههه وشايله هم المدرسه الي برووح لها

بس اللي اسمعه من خواتي وحريم اخواني

عندج مدرسة احمد عطيه الاثري بالفردوس يمدحونها حيل ادارتها
,’,

وهم مدرسة الوليد بن مالك نفس شيء بالفردوس ,’,

وبشرينا عنح ااذا نقلتي

 

[جوجي55]

السلام عليكم .ماهي أفضل مدرسة في منطقة الأندلس والفردوس وهل الأندلس تابعة لمنطقة الفروانية التعليمية ؟

 

[نونا 3000]

ام حبيبة احزاب انحاشي

 

[conan-89]

رد : مدارس منطقة الفروانية التعليمية (الابتدائي) .. فزعتكم يا بنات

شنو احسن مدرسة صبيان بمنطقة الفروانية؟