مدارس الاطفال و الافضل ؟؟التسجيل قائم!!

[موني موني]

مساء صباح الورد بنات منتداي الغالي...

بنات .. انه الحين بلوية المدارس و تسجيل عيالي الله يحفظهم بالمدارس ..

و انه اتكلم عن المدارس الخاصة ..


الكبير الله يحفظه .. kg1
و الصغير .. pre kg

و بالنسبة لي حوووسة المدرس الاغلبية يقولولي kg1 فل و سكروا التسجيل فيه

سجلتهم بالمدرسة الامريكية ثنائية اللغة اللي بخيطان ... الصراخه كنت ماخذة عنهم فكرة وااايد زينه ..

قدموا عيالي مقابلات شخصية عندهم ... جان تطلع النتيجة .. دقت على السكرتارية المسؤولة بالتسجيل .. تقولي ولدج الكبير مو مقبول وولدج الصغير مقبول !!!!!!!!!!!!!!


استغربت ؟؟؟؟


للعلم .. بالمقابلة ولدي الكبير الله يحفظه جاوب على اغلب اغلب الاسئلة و بالانجليزي .. عرف كل الالوان اللي سئلته الابلة ما عدا البني ..

و عدلها الله يحفظه من الواحد لي الاعشرين بالانجليزي ... و جاوب على اغلب الاشكال بالانجليزي ..

و تقولي مو مقبول ؟؟؟؟

قلت لها شنو السبب .. قالتلي انجليزيته مو قوية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

قلت لها عيل انه شحقة مدخلته مدرسة امريكية .. و بعدين اهو ما راح حضانه .. و ثالثا لا امه امريكية و لا ابوه انجليزي ؟؟؟؟؟؟؟؟؟؟؟؟؟؟؟؟؟


قالتلي اجيك مع الادارة و اتصل فيج ؟؟؟ طبعا لا دقت ولا شي انه دقيت عليها ثاني يوم .. قالتلي انه اسفة اثنيناتهم مورفوضين ؟؟؟ لان انجليزيتهم مو قوية ؟؟؟؟


فالصراحة حطيت عليهم اكس

و توكلت على الله لاني اعرف شنو امكانيات عيالي و مو مثل هالمدرسة اللي بتوقفنا ..

فحطيت اساميهم عند مدرسة الابداع بس ويييتنغ ... بس لانهم بيفتحون مدرسة يديدة مكانها مكان جامعة الخليج و جامعة الخليج ودوهم مشرف ...

و قدمت على مدرسة دسمان الحضانه اوكي بس الكي جي (( الروضة )) ويتنغ قائمة انتظار..


و قدمت مدرسة الجياة ثنائية اللغة اللي بالسالمية مالت ابراهيم الخليفي و بعد جم يوم الله يحفظهم مقابلتهم ...


و كلمت مدرسة التكامل ... ما عندهم حضانة ...


بنات احتاج رايكم .. و نصحوني بالافضل .. و اللي تعرف بسياسة المدارس اللي ذكرتها اتفيدنا بليييييييييييييييييييييييز ..


مع تحياتي .. بانتظاركم

 

[اناناس22]

انا نفس مشكلتج بالظببببببببببط ... نفس اعمار عيالي ونفسج هم ايسه بالمدارس ، اليوم رحت الابداع قالولي فل واحتمال يفتحون مدرسة يديده بس لي الحين ماحصلوا الترخيص؟؟

يعني مو اكيد ، وسمعت في مدرسة المعالي اللي بسلوى بس مكانها مو شي .. سلوى على طول زحمه وشوارعها واقفه

التكامل فل ومافي حتى ويتنج .. الرؤية شلونها ؟ سألتي عنها والا لا .. باجر بشوفها يقولون زينه !

 

[الفاتنة]

روض الصالحين

القطوف

الباكستانية الي بحولي

الكويت البريطانية الي بحولي جدام مطعم فرح

البيان

 

[موني موني]

انا نفس مشكلتج بالظببببببببببط ... نفس اعمار عيالي ونفسج هم ايسه بالمدارس ، اليوم رحت الابداع قالولي فل واحتمال يفتحون مدرسة يديده بس لي الحين ماحصلوا الترخيص؟؟

يعني مو اكيد ، وسمعت في مدرسة المعالي اللي بسلوى بس مكانها مو شي .. سلوى على طول زحمه وشوارعها واقفه

التكامل فل ومافي حتى ويتنج .. الرؤية شلونها ؟ سألتي عنها والا لا .. باجر بشوفها يقولون زينه !

هلا و غلا حبيبتي ...


انه بالنسبة لي صعبة اروح درب لي سلوى .. و التكامل ما فيها حضانه .. و الرؤية انه مو حابة مو عن شي بس جذي ...

انه سجلت في مدرسة الحياة اهو صاحبها نفس اللي كان ماسك التكامل ..(( ابراهيم الخليفي )))

عطلهم نفس عطل الحكومه .. و ثنائية لغة .. يدرسون العلوم و الرياضيات بالعربي و الانجليزي ..

و مع اكل احترامي لكل الديانات .. بس هالمدرسة ما عندهم احتفالات بالهالوين و هالسوالف ..

و بعد جم يوم مقابلة عيالي الله يحفظهم ...

شوفي شيصير معاج و طمنينا على عيالج

 

[Dalo3a in Texas]

هذا الرابط يمكن يفيدج

http://q8yat.net/showthread.php?t=202

 

[موني موني]

روض الصالحين

القطوف

الباكستانية الي بحولي

الكويت البريطانية الي بحولي جدام مطعم فرح

البيان

بالنسبة لروض الصالحين كنت في البداية وااايد متحمسة لها .. بعدين خذيت راي الاهل (( انه خالتي عضوة في جمعية الديسلاكسيا )) تقول وااااايد قاعد اتييهم حالات مصابين بالديسلاكسيا من مدرسة روض الصالحين ....


و مابي نظام انجليزي .. افضل النظام الامريكي ...

 

[شانيل نمبر 5]

اسمعوا سالفتي
بنتي من عمرها 3 سنوات واهي بحضانه البريطانيه وبالانخليزي ممتازه
واللحين سجلتها بالاجيال واطلعت نتيجتها قالوااااااااااااااااااااااااااااااااا
مرفوضه

قلت شلون بنتي ممتاوه باللغه قالوا اصلا بنتكج ماتكلمت ولا كلمه؟؟؟؟؟؟
مستحيل لانه بنتي متعوده علي الاجواء الدراسيه
وانا اسأل بنتي فالت اي يمه تكلمت قالت اشياء وايد

اكو سياسه قعده تسويها المدراس الاجنبيه؟؟؟
ماادري شنو

لا وازيد من الشعر بيت اصلا بنتي مولوده في بريطانيا اقعدت 4سنوات وتوني استقراني بالكويت
وادخلت حضانهmanchester اهي احسن الحصانات
ويقولون بنتي ماتعرف انخليزي؟؟؟؟

 

[Dalo3a in Texas]

والله مشكله هالمدارس

ساره من صجج مدخلتها اجيال حطيها بمدرسه انجليزيه قويه وقديمه عنددج اللي بالجابريه واللي بسلوى توب

 

[شانيل نمبر 5]

والله مشكله هالمدارس

ساره من صجج مدخلتها اجيال حطيها بمدرسه انجليزيه قويه وقديمه عنددج اللي بالجابريه واللي بسلوى توب

هلا والله فيكج
صح المدرسه الانخليزيه قويه بس دوام زوجي بالعارضيه الصناعيه وقريبه وايد من مدرسه اجيال
وهالسنه وايد تعبت مع بنتي حرام دايم تتأخر ووزوجي يتأخر علي دوامه

 

[PiNkIsH]

اللي تعرف احد او عندها فكره عن مدرسة المستقبل ثنائية اللغه الاامريكيه اللي بفحيحيل تفيـــــــــــــــــدني تكفون ابي انقاذ ابي اسجل بنتي فيها لانها اقرب شي لي و لزوجي فياريت تفيدوني بليــــز

 

[موني موني]

اللي تعرف احد او عندها فكره عن مدرسة المستقبل ثنائية اللغه الاامريكيه اللي بفحيحيل تفيـــــــــــــــــدني تكفون ابي انقاذ ابي اسجل بنتي فيها لانها اقرب شي لي و لزوجي فياريت تفيدوني بليــــز

هلا و غلا بنات حياكم ...

بنكش حبوبة عاد اليوم حاطين اعلانهم بالجريده ...

انه شخصيا افضل ثنائية اللغة...


بس ما اعرف عنها شي ... ان شاء الله البنات يفيدونج ..

 

[موني موني]

اللي تعرف احد او عندها فكره عن مدرسة المستقبل ثنائية اللغه الاامريكيه اللي بفحيحيل تفيـــــــــــــــــدني تكفون ابي انقاذ ابي اسجل بنتي فيها لانها اقرب شي لي و لزوجي فياريت تفيدوني بليــــز

هذا الرابط يمكن يفيدج

http://q8yat.net/showthread.php?t=202

مشكوووووووووورة حبيبتي .. نورتي

 

[اناناس22]

مدرسة الحياة جم رقمها ووين صايرة ؟

وثاانكيو على هالموضوع الحلو

 

[موني موني]

مدرسة الحياة العالمية ثنائية اللغة

مكانها ورى الجامعة الامريكية بالسالمية

رقمهم 5750826

اول شي اتحطلج موعد للمقابلة و لما تروحين الموعد مال المقابلة تدفعين سعرها و اهو 25 دينار للطفل غير قابل للاسترجاع..

و بعد المقابلة بيوم يبلغونج بنتيجة المقابلة .... و اذا كل شي اوكي تدفعين مبلغ 100 دينار كحجز مقعد انج تظمنين مكان طفلج ..

 

[كاشونه الاصليه]

ابي أسأل ابي مدرسه قريبه مني بالعاصمه زينه وقويه انا بنتي باسرار القبندي خاصه وما ودي احطها حكومه اخمل عندنا وولدي بدش هالسنه ابي مدرسه زينه مدرستها نظام باكستاني امتحانات واملاء وماكو لعب ولا شي عقدو بنتي

 

[MaMi]

بالنسبة لروض الصالحين كنت في البداية وااايد متحمسة لها .. بعدين خذيت راي الاهل (( انه خالتي عضوة في جمعية الديسلاكسيا )) تقول وااااايد قاعد اتييهم حالات مصابين بالديسلاكسيا من مدرسة روض الصالحين ....


و مابي نظام انجليزي .. افضل النظام الامريكي ...

امبيه موني موني شتطلع الديسلاكسيا هذي !!؟؟ اول مره اسمع فيها !!!

 

[موني موني]

الديسلاكسيا .. اهي عسر القراءة ..

خالتي اخصائية نفسية .. و ووايد حالات قاعد اتييهم و بالذات من مدرسة روض الصالحين .. انه في البداية كنت وااايد متحمسة لها بس يوم خالتي اسمعتني وانه اسولف بالزوارة عن المدارس قالتلي حطي بالج ... هالمدرسة لاء..

مع ان انه عندي وحده من رفيجاتي بناتها االله يحفظهم بهالمدرسة و كل شي تمام .. بس اهمه كبار ,, بالثانوية يعني ..

و الديسيلاكسيا اهو يبين على الطفل من عمر 4 سنوات ..

 

[موني موني]

بنااااات و اللي حابة تعرف اكثر عن الدسلكسيا شوفو الموقع ...

الجمعية الكويتية للدسلكسيا..........


http://www.q8da.com/q8da/html/

 

[عنايد]

موني موني انا بعد حايسه نفسج ومادري شسوي

رحنا الباكستانيه بخيطان لان انا يهمني العربي بعد مو بس الانجليش وباجر اتوهق فيه بس فول ورفضونا ومادري وين اروح

ابي مدرسه زينه تكون في محافظة الفروانيه او حوالينها ماتكون بعيده

 

[alshamali]

شوفوا انا اكثر وحده اهتم بالتدريس وافتريت على اقلب مدارس الخاصه بالكويت طبعا الابداع توب بس اذا عندج ياهال وايد ترى غاليه يعني الابتدائي يبدي من 2000 دينار شدعوه


المهم انا ولدي بحضانه المدرسه الذكيه اهي كان اسمها جذي بس الحين صار اسمها الدانه ثنائيه اللغه امريكيه
انا رحت عشان اسجله بالروضه مالتهم وكنت متردده بس عقب ما فريت المدارس كلها شفتها شي عجيييييييييييييييييييييييييب انا الحين ولدي بالحضانه بس ماشاء الله عليهم اهتمام شي مو طبيعي ويهتمون بالتدريس اكثر من اللعب يعني تخيلوا انا ولدي يداوم من الساعه 7 لي الساعه 1ز30 بس يدرس ومن الساعه 1ز30 لي ساعه 3 يلعب اذا طولوا اهله عنه ورحت الروضة ماشاء الله عليهم الياهال شي عجيب ادب واخلاق وابلاتهم لبنانيات واجانب حتى هنود ما عندهم بس والله انصحكم فيها واهي قويه والانجلش مال الروضه يي من امريكا وتخيلوا طلبه kg1 يقرون كتب اولى ابتدائي ماشاالله عليهم ودوامهم وايد حلو يعني يطلعون 2ز30 عقب ما يحلون كل الواجبات نعاهم واذا عندهم حفظ يحفظونهم داخل المدرسه روحو شوفوها )