مخنوووقه،فيني كتمه ماني عارفه شسوي،لدرحه اني ابببجججي

[@ كويتيه @]

ثقي بنفسج وحبيها وقطي كل شئ ورا ظهرك
واللي مايبيج صدقيني مايستاهلك

هونيها واتكلي على الله وتقرب منه أكثر وأكثر

كلاامهاا صح !!:rerrerek::rerrerek::rerrerek:
واكثري من الدعاء والصلاه

 

[كنت و كنت]

حبيبتي أنتي ..
مالج شغل فيهم
خل همج بدراستج و مالج شغل بالاصدقاء اكثرهم حق المصالح
ولا تهدمين حلمج على ناس ما تستاهل دمعه منج
بعدين شنو يعني ما عندج رفيجه مو اخر الدنيا
و ان شاءلله ربي يرزقج صديقات تحبينهم و يحبونج
و الله يفرج همج و يرزقج اللي تبينه ​

 

[تسمح لي آحبكـَ]

والله كلامكم على راسي وعيني

ماقصرتو كفيتو ووفيتو حبايبي

يعطيكم الف عافيه

 

[سكوتي بذوقي]

اختي الغاليه

اهتنمي بنفسك ودراستك

شوفي مستقبلك احسن وانجحي

نجاحك لك ولأهلك الوالده تفرح لما تتخرجين والوالد بعد

اخوانك وخواتك الكل يفتخر فيكِ ويقول ربينا بنتنا صح وهاذي ثمرة تربيتنا

وترى الصديقات بهذا الزمن مايدومون

تعوذي من ابليس واقري قرآن واستغفري

ربي يوفقك ويسعدك

 

[تسمح لي آحبكـَ]

اللهم امين

شاكره لج مرورج

 

[الغاليه نونو]

" كل هذا فيج وانا مادري ياويل قلبي ويلاه

حبوبه شايله الدنيا علي راسج وتشكين والله وحده مثلج المفروض تحمد الله وتشكره باليوم مليون مره لانه صرف عنها بنات السو المصلحجيات الله يحبج يمه قولي الحمدلله هالشي مايبيله بجي وصياح حبوبه

انتي اشزينج جنج البخت بس ناقصج الصلاة اييييي من كلامج مبين انج متهاونه بالصلاة اذا قلتيلي تصلين وماتخلين فرض اقول لج صح يمكن تصلين يمه بس صلاتج عاده موعباده لان صلاة العبااده تريح صاحبها واللي تلتزم بقراءة القرآن الله يبدل ضيقتها فرح ويشرح صدرها يمه ويبعد عنها الضيقه

الله سبحانه قال ..... ومن اعرض عن ذكري فإن له عيشة ضنكا

كلام الله سبحاانه مافيه نقاااش 1+1=2
انتي الحين لازم تعيدين حساباتج وتقومين بكل شموخ وتقولين انا بنت اليوم وباجر والمستقبل اللي ناطرني لازم اغير حياتي للافضل وماخلي اي بنت تهزمني ولا اخلي اي موقف يهزني لا تستسلمين هالنمونه وتيأسين يمه الحياه جدامج حلوه اخذى الحلو اللي فيها وعيشيه بحلاوته بذكر الله سبحانه ووخري عن ويع الراس والخمبقه الزايده اللي ماوراها الا النكد طريجين جدامج
طريج يريحج ويوديج للراحه بالدنيا والجنه بالاخره والطريج الثاني يوديج لليأس بالدنيا وتخسرين اخرتج ياقلبي

ترا بنات الحلال موجودين مومعني انج انجرحتي من وحده شملتي الكل بهالموقف لاياقلبي في بنات سنعات تقربي منهم باللسان الحلو والاخلاق الطيبه في بناات ياخذوونج وياهم الدروس ومجالس الذكر ومعروفين بالجامعه هذوله اللي يعينونج ياقلبي والصحبه اطيبه صدقيني سوي اللي قلت لج عليه وبتشوووفين اشلوون بترتاحين وتدعيلي ياقلبي

 

[تسمح لي آحبكـَ]

" كل هذا فيج وانا مادري ياويل قلبي ويلاه

حبوبه شايله الدنيا علي راسج وتشكين والله وحده مثلج المفروض تحمد الله وتشكره باليوم مليون مره لانه صرف عنها بنات السو المصلحجيات الله يحبج يمه قولي الحمدلله هالشي مايبيله بجي وصياح حبوبه

انتي اشزينج جنج البخت بس ناقصج الصلاة اييييي من كلامج مبين انج متهاونه بالصلاة اذا قلتيلي تصلين وماتخلين فرض اقول لج صح يمكن تصلين يمه بس صلاتج عاده موعباده لان صلاة العبااده تريح صاحبها واللي تلتزم بقراءة القرآن الله يبدل ضيقتها فرح ويشرح صدرها يمه ويبعد عنها الضيقه

الله سبحانه قال ..... ومن اعرض عن ذكري فإن له عيشة ضنكا

كلام الله سبحاانه مافيه نقاااش 1+1=2
انتي الحين لازم تعيدين حساباتج وتقومين بكل شموخ وتقولين انا بنت اليوم وباجر والمستقبل اللي ناطرني لازم اغير حياتي للافضل وماخلي اي بنت تهزمني ولا اخلي اي موقف يهزني لا تستسلمين هالنمونه وتيأسين يمه الحياه جدامج حلوه اخذى الحلو اللي فيها وعيشيه بحلاوته بذكر الله سبحانه ووخري عن ويع الراس والخمبقه الزايده اللي ماوراها الا النكد طريجين جدامج
طريج يريحج ويوديج للراحه بالدنيا والجنه بالاخره والطريج الثاني يوديج لليأس بالدنيا وتخسرين اخرتج ياقلبي

ترا بنات الحلال موجودين مومعني انج انجرحتي من وحده شملتي الكل بهالموقف لاياقلبي في بنات سنعات تقربي منهم باللسان الحلو والاخلاق الطيبه في بناات ياخذوونج وياهم الدروس ومجالس الذكر ومعروفين بالجامعه هذوله اللي يعينونج ياقلبي والصحبه اطيبه صدقيني سوي اللي قلت لج عليه وبتشوووفين اشلوون بترتاحين وتدعيلي ياقلبي

معاج حق،بس الحمدلله اصليها بوقتها واصلي قيام الليل واقرا سورة البقره واستغفرولله الحمد

الله يوفقج يالغااليه ادعي لي لاتنسيني من دعواتج

 

[قمرية الفيس]

البنات ماقصروا كلامهم حيل منطقي​

 

[عويتقة]

عسى ربي يفك ازمتك ويفتح عليك ابواب الخير ويااا رب

 

[تسمح لي آحبكـَ]

امين يارب ماقصرتو

 

[مس روبنز]

حبوبه لا يضيق خلقج ولا تكدرين خاطرج آنا صارت معاي نفس حالتج مع ذلك ما استسلمت صح إني فكرت أقعد بالبيت وأوقف قيدي لما تتخرج اللي مضايقتني بس
بصراحه حسيت بتفاهتي شنو يعني رفيجتي وزعلت ولا ما تبيني ما تشوف شر ما أوقف طريجي عشانها من تكون أصلا صح معاي من سنين بس اللي باعك بيعه وآنا أشوفها ألحين بكل مكان بالكليه وكل ما مريت سلمت "السلام عليكم" وهي مسكره الجامات كيفها آنا عارفه نفسي ما غلطت عليها وفوق هذا رحت وتنازلت وتأسف لها بس هي ولا بالبال فعادي طاف ما أحرق أعصابي ويكون بعلمج لوكرها فوق لوكري بعد تصدقين :rgewrg:
وصارت معاي فماده وخذت هي فيها درجه كامله وآنا بيالله نجحت فأيقنت بالنهايه إن صداقات الجامعه معظمها مصالح يا خذون منج اللي يبونه و(بالخش والدس دراستهم من تحت لي تحت وتقولج ما درست) تالي يقطونج بحر ألحين اللي يبي مني أي شي أسمح له بالتصوير بس ياخذ أوراقي وكتبي ومذكراتي مافي أمل وقبل الاختبارات باسبوع مالهم أملين​

آنا عارفه إن وضعي مختلف عن وضعج بس قلت أعلمج إن البنات بهالزمن ما ينوثق فيهم إلا من رحم ربي​

حبيبتي آنا أقولج فتحي صفحه يديده وخلج قريبه من أمج وخواتج أكثر وما يمنع تكونين صداقات جدد بس انتبهي بالاختيار وادعي ربج يرزقج بالصديقه الصالحه المخلصه ويبعدج عنج صاحب السوء وما تدرين يمكن تكون خيره لج تركج لصديقتج السابقه آنا عارفه وحاسه 13 سنه مو شويه بس شتسوين بعد هذا قضاء الله وقدره وحاولي تنسينها وما كأنها موجوده على قيد الحياه​

وعسى الله يوفقج وييسر لج أمرج ويحبب خلقه فيج​

ما قصرت الغاليه بس عندي تصحيح للآيه اللي ذكرتها:​

الله سبحانه قال ..... ومن اعرض عن ذكري فإن له معيشة ضنكا

 

[Fanisea'a]

حياااتي مريت بوضعج لما خليت رفيجاتي لوجه الله ... لقيت صعوووبه عشان اتعرف ع جدد

ما اقولج اني ماحسيت بضيييق و بوحده تعبت لدرجة اني قمت احلم ان يكون عندي رفيجات (( صحبة صالحة )) ...

بس شوي شوي الامور تتعدل انتي بس خليها ع ربج و بيفرجها ...

لو تشوفين مشكلتج من ناحية ثانيه بتلقينها هيييينه مجرد علاقات اجتماعية فاشله هالمرة .. هالوقت ... هالسنه ... فيعني عااادي والله الكل يعاني من هالشي ... الاغلبية مو الكل عشان محد يعلق ع كلامي :\

عسى الله يفرج همج ويناولج اللي في بالج يرزقج بالصحبة الزييينه

 

[meera15]

حبيبتي تحمليني انا اكبر منك وعندي خبرة بالحياة
اللى تمرين فيه اسمه عدم تكيف مع الوضع الجديد وهذا شي
طبيعي لكل شخص بس يعتمد شدته وقوته من شخص لي شخص
حسب بيئته وتربيته
كل ما صارت البنت بالتحديد في بيئه مغلقه وتربية متشددة يعني
(تحت امها) وما تطلع بروحها , تعاني وايد اذا راحت الجامعة أو تزوجت صغيرة


خلاصة الكلام
المشكلة فيك مو بالمجتمع اللى حواليك

والحل
عززي ثقتك بنفسك بقراء كتب بهالمواضيع
تكلمي مع شخص تثقين فيه ويكون ناجح في حياته العمليه
او تكلمي مع الاخصائية الاجتماعية في الجامعه عشان تساعدك
ترى مو عيب , العيب انك تسكتين وبعد كم سنه تلاقين نفسك معزوله وما تعرفين الا ناس محدوده

فكري بالمستقبل وراك زواج يعني زوج وعايلة راح تدخلين عليهم وكذلك وظيفة والمنافسه فيها قويه

الله يوفقك

 

[تسمح لي آحبكـَ]

اميييين يعل ان شاء الله كل وحده ردت علي او دعت لي بظهر الغيب يعلها وين ماتروح

موفقه،وميسره امورها،ويفرج همها،ويحقق لها اللي ببالها،ويعطيها على قد نيتها

اللهم امييييين ويبعد عنكم كل مكروه وكل شر

 

[أإلع ـشق دلع ـهـأإ]

لييش شدعوه !!

أحذفيهم كلهم ورآ ظهرج !!

لآ تضيقين خلقج ع الآشكآل هذي ّ!!

الآشكآل هذي ترى مآيهمهآ شي تعيش وأنتي اللي بتتعبين .

عيشي حق نفسج .. خلي علآقتج صطحيه مع الكل !!

مو كل مآتتعرفين ع وحده خلآص خليتيهآ صديقتج وقلتي لهآ كل شي !!

لااااااااااااااااااااااااااااااااااا

أضحكي وسولفي معآهم وعآمليهم عآآآآآآآآآدي بس بحدوووود ..

بآجر رآح تتوظفين بتشوفين العن شي

 

[متوترة]

سسسسسسسسسسسسسر من اسرررررررررررررررررررار سعادتي ولله الحمد

غير تعلقي بالله سبحانه وتعالي ..

انا عندي مبدا ومحافظه عليه طول عمري ماشيه علي الى هاللحظه..

الشيء الي فيه مصلحه لي ويطلبه مني حد ما اعطيهم عارفه ليش؟ لانه ممكن تزعل البنت لكن اذا ردت البيت بتعرف ان الحق معي ماعطيها شي ومصلحتي فيه اكثر..
يعني لتبدين باحد على نفسج نهائيا.
عيشي حياتج ولاقوه بالدنيا تستاهل انج تضيعين احلى ايام شبابج عشان شويه بنات مصالح ..
خذيها مني الي يحترمج احترميه والي مايقدرج وماخذج مصلحه اعطيه طاف
صلي اخر الليل عشان ترتاح نفسيتج وادعي ربج
ترا الكليه كلها اقنعه×اقنعه عسى الله يقوينا

 

[تسمح لي آحبكـَ]

شاكره لكم مروركم ماقصرتو

 

[طأقتن تسبدي..!]

,,

ياحياتي عورتي قلبي والله .. نصيحة مني هالزمن الكل مايبي غير مصلحته ,,
لا تبدين احد على نفسج .. حبي نفسج,, تقربي من ربج ., وطنشي كل شي
حطي هدفج قدامج واسعي انج تحققينه ,, صدقيني اذا عشتي لهدف راح تتغير حياتج ,,
طنشي ,, طنشي ,, وهم طنشي

,,}
​

 

[Bronzya Q8]

بصراحه انا عندي مبدأ موكل وحده ضحكت معاج وسولفت سالفه سميتها صديقتج الصداقه اكبر من سالفه وضحك الصديقه الصج الي تغليج اكثر من نفسها وتخاف علئ مصلحتج وتحاتيج والبنات الي بالكليه الي تكلمتي عنهم هذول مجرد زميلاات يعني تشوفينها تسلمين عليها وتكون العلاقه سطحيه معاها واذا علئ بنات المصلحه ياكثرهم وانتي مايصير تخلينهم يأثرون عليج لانهم بأختصراح انتي ماهميتهم ولا همج مستقبلج وبالنهايه انتي الي بتخسرين بس المفروض منج انتي تثبنتين لهم العكس وان انتي اقوئ من ان يأثرون عليج و نصحه اخويه لاتخلين هالشي يأثر عليج و صديقاتج الي بالثانويه ليش ماتتواصلين معاهم واصليهم هذول اهمه الي يستاهبون كلمة صديقاات واستانسي وقرري تبدين صفحه جديده كلها ثقه بالنفس والله يوفقج بالسنه الجديده وانشالله تاخذين امتاز بكل المواد و تعوضينها والرسوب بماده مو نهاية العالم ادري قرقت واايد بس حريتيني بصراحه السموووحه واتمني تكونين استفدتي من الي قلته *وتقبلي مروري و قرقتي الطويله 

 

[al_kadee]

الله يعينج انا جذي أول مادشيت الكليه حاشني اكتئاب مو طبيعي منها لدرجة اني أبجي بأول اسبوع لاني كنت امشي بروحي
ومااعرف احد رفيجاتي تطشروا اللي تجاري واللي تربيه اساسيه انا الوحيده اللي بالجامعه بس الحمدلله بعدها قمت اتعرف على بنات معاي بالمحاضرات بس مو اللي حيل معاهم لا اتمشى معاهم بس بالمحاضرات اقعد سوالف على مايدخل الدكتور واذا شفتهم برا المحاضره سلام وعليكم السلام لين نطرت سنتين ودشت بنت خالي الكليه لحظتها وناااااااااسه حيل تمنيت اني ماتخرجت
لان على طول نتمشى ونضحك ومع بعض بالكفتيريا

ونصيحتي لج لاتاخذين الأمر بالشي المهم قولي عادي هذا أمر تافه ما يأثر على دراستي ولا تصادقين البنات المصلحجيات
بطيهم بوجيهم قولي تبيني مصلحه بس آسفه,,


وعودي نفسج تكونين اجتماعيه مع الكل سولفي مع هذي وهذي وهذي مو تركزين على وحده وتنصدمين فيها وبشخصيتها
وتبجين وتقولين مالي حظ بالرفيجات