مخلل فريج عقاب&صويلح

[سـديم]

مسا الخير & صباح الخير حسب الوقت الي تقرونه فيه <__رايقه


السالفه ومافيها انو انا وزوجي منجنين على مخلل فريج عقاب ونفسه صويلح..بين فتره وثانيه نروح ونتعشى هناك..من كثر ماهو عاجبنا زوجي طلب يشتري منهم برطمان بس للاسف طلعو مايبيعونه..

المهم انا سويت حالي داهيه قلت طريقته سهله وموناته بسيطه قالي يالله ياعبقريه زمانك شنو قلت خل وشوي ليمون وفيه شي زايدينه خاص فيهم يعني سر المخلل قال وش الجديد مسويه زحمه وتعرفين واخرتها ماعندك سالفه..

انا طاح وجهي :eh_s(16):

المهم انا حبيت اسوي له مفاجئه واسوي المخلل له..وقلت مالي غير بنااات الكويت يفزعون لي..


بليز الي تعرف طريقت مخللهم والنكهه الخاصه الي يحطونها ياليت تفيدني..

 

[ورود خذلتها العاصفه]

للاسف ماعرفه وزوجي صج يموت على مخلل فريج صويلح

بس انا بسالج عن فريج عقاب اكلهم حلو ولا لا يعني نفس شغل صويلح

 

[سـديم]

مشكوره اختي كرستاله لانك رديتي على ..حتى لو ماتعرفين على الاقل عبرتيني..

بالنسبه لاكلهم الي انا اطلبه مجبوس دجاج وقبوط ..وكلهم يسوونه نفس الشي بس الفرق الي لاحظته انا وزجي انو صحن فريج عقاب اكبر من صويلح..
ان شاء الله ترد وحده تعرف مخللهم..

 

[||الجـــواهـــــر||]

الللللللللله صاجه والله الاجار مالهم عجييييييييييييب
ذايب ونكهته فيها كمون عجييييييييييبه اللي بفريج صويلح
بس للاسف ماعرفه انشالله البنات يفيدونج

 

[جارة القمر]

آجار الخضار المشكلة

المقادير:
ثلاثة ارباع كوب ثوم عجم
نصف كيلو جزر
نصف كيلو ملفوف
نصف كيلو قرنبيط
اربع حبات من الفلفل الأخضر الحار مثقبة
ملعقتين صغيرتين كركم
ثلاثة ملاعق طعام كزبرة محمصة صحيحة أو حسب ذوقك
ملعقة طعام كمون محمص أو حسب ذوقك
ملعقة طعام الحبة السوداء (حبة البركة)
15 كوب ماء
ثمانية اكواب خل ابيض
ملح

الطريقة :
ينقى الثوم ويغسل وينقع لمدة يوم واحد (24 ساعة) على أن يبدل ماؤه
ويسلق في ماء مملح
تغسل الخضراوات ويقطع القرنبيط إلى قطع متوسطة الحجم ويزال لب الملفوف من الأسفل وتفصل الأوراق كل على حدة ويقطع الجزر حلقات أو اصابع حسب الرغبة
يغلي الماء ويضاف الملح والكركم
تضاف الخضراوات إلى الماء المغلي بالترتيب (الجزر ثم الثوم ثم القرنبيط ويقلب الخليط بتأن
عندما تلين الخضروات قليلاً يضاف الملفوف ويقلب ويجب مراعاة عدم طبخ الخضراوات
أكثر من اللازم حتى لاتصبح لينة جيداً
تصفى الخضروات وتترك لتبرد
أثناء ذلك يغلي الخل ثم يضاف إليه الملح والبهارات
تضاف الخضروات والفلفل الحار في مرطبان جاف ثم يصب عليها الخل وتضاف
فصوص الثوم وقليل من البهارات
يقفل بأحكام ويترك الآجار لمدة 3 أيام في خزانة المطبخ وبدرجة حرارة الغرفة ثم يستخدم
يجب مراعاة عدم استخدام ملعقة او شوكة رطبة عند الغرف منه حتى لايعفن...وبس خلاص


منقووووووووووووول

 

[جارة القمر]

http://www.q8yat.net/showthread.php?t=314340&highlight=%C7%E1%C2%CC%C7%D1


http://www.q8yat.net/showthread.php?t=384467&highlight=%C7%E1%C2%CC%C7%D1


http://www.q8yat.net/showthread.php?t=530491&highlight=%C2%CC%C7%D1

 

[فرفورة2]

سبحان الله انا قبل فترة كنت ابحط نفس موضوعج لانه قبل فترة كان زوجي عازمي عالعشا يوم طلعت من الاربعين بمطعم فريج بوصويلح وكنت مثلج انبهرت وانجنيت على الاجار مالهم وكنت ابسالهم اذا يبيعون منه وانا طول الوقت بس قاعدة واقول الله ياحلو اجارهم وزوجي مستغرب ويقول شكله حيل اعجبج جان اقوله اي والله حتى فتح نفسي عالعشا اكثر
ولما طلعنا وخلصنا نسيت ما سالتهم اذا يبيعونه او لا
والله يابنات اني من رديت البيت مغير كل اشوي اطري الاجار من كثر ما هو عاجبني وثاني يوم على طول دقيت على اختي اقولها عن الاجار واقوله بحياتي ما ذقت مثلة حتى تقولي اختي بس خلاص شوقتيني اروح عندهم بس علشان اذوق اجارهم
بس شوفوا المفاجاة قبل كم يوم وانا رايحة اشيل بيتي واشتري اغراض الثلاجة وانا متعودة اتشرى من مركز سلطان
بس هالمرة شاءت الظروف اني اتقضى من جمعية الفروانية لانه خالتي صندوقها هناك وقال زوجي خل نشتري منها قلت اوكي ولا وانا قاعدة افتر بالجمعية ولا اطيحلكم على اجار كويتي شكلة من بره يفتح النفس وقلت الا اخذه لاني احب اجرب
الشغلات الجديدة وخصوصا انه مكتوب عليه شغل كويتي مية بالمية
بس تبون الصج انه طعمة صدمني نفس طعم الاجار اللي كليته بالمطعم يجنن استخفيت وقمت كل اشوي اقول حق الخدامة
روحي حطيلي منه بغيت اكل العلبة كلها مو مصدقة نفسي ومن الوناسة رحت على طول ادق على خواتي واقولهم
وشكلي بروح اخذ منه بعد حق بيت اهلي يمكن مو موجود بكل الجمعيات لانه الفروانية بعيدة عليهم
ومكتوب عليه من مصنع معرفي وفي منه انواع بس انا خذيت اللي مكتوب عليه اجار مشكل نفس اللي بالمطعم
روحي وجربيه بس ها مو اروح الجمعية القاج قاشه الاجار كله خليلي اشوي خخخخخخخخخخخخخخخخخخخ
تبين الصج اشتهيته الحين بروح ابطل الثلاجة واطيحله
هالله هالله فيني لاتنسيني بالدعوات اذا اعجبج

 

[شمعه الجلاس 00]

انا ذقت الابجمعيه الفروانيه بس حق فريج صويلح احلى تحسي فرش اتوقع نلقى حريم تبيع اجار كويتى