مخطوبه و بفضفض

[متفائلة خيرا]

احسن حل احسن حل خوديها مني نصيحه
لازم تحسمي الامر وتسوي ملجة ويتحدد موعد العرس
خليه يحس بالمسؤلية ولازم تتكلمي معه وتقولي له لازن تتقدم خطوة في موضوعنا ليكم سنة 5 اشهر نفس الشي ترا طول الخيط يضيع الابرة ويمكن يزهق ويددور وحده تانية يخطبها
قولي له ان لازم يصير شي رسمي ولاعاد تتصلي بيه لازم تعرفيه قيمت نفسك مو اطنشي وايد
استغفري ربك
وعليك الاستغفار بنية ان ربي يسهل لك الملكة والزواج

 

[M!ss CoLoRz]

الحل في يدج

وقفي مكالمات وقولي له تبيني تعال املج

ثقلي عليه وعزي روحج ولا تقولين ما اقدر

إذا للحين يبيج بيي يملج وإذا ماطل انتي بعد فهميها

 

[سعادة قلبي وياه]

بالعكس سالفتج تعور القلب بس ثقلي عنه وانتبهي لأمتحاناتج وجوفي بعدها شلووون ولا تستعيلين على شي

 

[شطانه طفله]

الله يسهل عليج يارب

 

[طيبة83]

لا مصاخه صراحه خاطبج من سنه وما ملجتوا عشاو واحد مريض ولا واحد توفا؟!

اقطعي مكالماتج معاه

وخل اهلج ياخذون حل جذري ويحسمون الموضوع

ترا بيضيع عمرج وانتي تنتظرينه

امساك بمعروف او تسريح باحسان

 

[حشمه]

لا مصاخه صراحه خاطبج من سنه وما ملجتوا عشاو واحد مريض ولا واحد توفا؟!

اقطعي مكالماتج معاه

وخل اهلج ياخذون حل جذري ويحسمون الموضوع

ترا بيضيع عمرج وانتي تنتظرينه

امساك بمعروف او تسريح باحسان

انا مع الاخت طيبه الموضوع طول سنه ممكن ضروف مثل ماقلتي

ونصيب وخيره بس سالفه مكالمات وغيره قطعيها يبي شي عنده

امه تكلم امج وتتفقون بس مكالمات مالها نهايه لان الموضوع ماراح

يخلص الا اذا احد تحرك

 

[عطاء أنثى]

حبيبتي
البنات وضحوا لج انه غريب عنج ومايجوز لج تكلمينه وانا ماابي اعيد هالنقطه


بس انتي الحين خليج صوب دراستج انسيه شوي

 

[Patcholli]

انا ملجت عقب وفاة عمي ب 5 شهور
بس ملجه وبدينا التجهيز
اختي شنو الظروف الي مانعه الزواج ؟
واهلكم راضين بهالوضع ؟ انكم تكلمون بعض ومخلينها سبهلله محد ناوي يحط حد لهالعلاقه
كلميه بكل صراحع وقوليله انا بعديت اتعب من هالوضع
علي اي اساس حبيتو بعض عقب الخطبه بدال ماتصير خطبه وتعارف وزواج
صارت خطبه مكالمات علاقة حب بدون زواج
لا اختي كلميه ولكمي امج قوليلها شنو وضعي ؟

 

[مس روبنز]

أول شي غلط انج قاعده تكلمينه والغلط مشترك مو بس عليج ومفروض الحين تقطعين الاتصالات أو تغيرين رقمج

وإذا ملجتي يجوز لج تكلمينه لأنه يعتبر زوجج أما ألحين فهو ريال غريب



ثاني شي ماله داعي الطواله بالموضوع والظروف هذي طبيعيه ما الواحد يوقف حياته عشانها

وإذا على الحفله مو لازم بلاها أو تكون عائلية ولا اتمون جذي معلقين



وشدي حيلج بدراستج والله يوفقج ويكتب اللي فيه الخير​

 

[المظلومة1]

هاي السوالف عبط تري

قولي لامتج صار له سنة يكلمني يعني لو يبون يخطوبن كان جاو مو يكلموني ويروح

انت لا تردين علي الاتصال يبيج يجيج

حتي بعد الخطوبة لا تطولين شهر وخلاص روحي له

 

[Um Tuki]

أكبر غلط انج حاجيتيه
شنو انا ريلج ؟؟ وين العقد .. !!
شظمنج ان مايروح يخطب غيرج
خلاص مافيج شي يركص وراه عرفج و فهمج

طبيعي يمل منج

قاطة نفسج .. ليش تغيرت وليش تغيرت صرت ماتحبني ..
اذا من الحين جذي شبقى حق عقب
تحملي نتايج فعايلج
هاملة دراستج ليش ؟
عشان ربعج عرسوا وانتي ليحين
والا عشان الحبيب تغير عليج

منهو اللي نافعج بالضبط ؟؟ من اللي بدوم لج ؟ الربع والا الريل والا شهادتج سسلاحج ؟

غيري رقمج و حفظي مابقى لج من كرامة

 

[Zinab BH]

حبيبتي مشكلتج سهلة صكي تلفونج واذا دق لا تردين واذا يبيج يسوي المستحيل وتملجون سنة كافية حتى لو تحبينه معليه دوسي على قلبج والله يوفقج حبيبتي