مخطوبه ولكن مو أي شخص يعجبني شوفو مشكلتي الي محيرتني

[جوك احلى جو]

سنج ممتاز للزواج الزمن تغير ولج الحق تختارين شريك حياتج الزواج مولعبه ياكثر البنات الصغار بالعمر ومنفصلات ياها الشقا مبجر !!

بخصوص الشكل ساعات واحد اقل من عادي بعيونج احلي شي بالعالم والعكس صحيح

بس في شغله الاهم اهي القبول احيانا جميل وماتقبلين واحيانا عادي وترتاحين له جدا
هذا اهم شي والاخلاق بعد

تعرفي عليه بوطولي فتره الخطوبه وان شاءالله الله يكتب لج اللي فيه الخير

 

[مولاي الفرج]

مافي شي اسمه فارس احلام لان مستحيل تاخذين نفس اللي ابالج بالضبط الا ما ندر

بس بنفس الوقت اذا انتي مو متقبله الشكل لاتوافقين

صراحه اللي بتاخذينه لازم تكونين مقتنعه فيه اقل شي 99 بالمية !

 

[ღ•»الًـجٌـوِرٌيّ«•ღ]

يعطيك العافيه عل الردود مالحقت ارد عليكم كلكم

بس كنت متردده بشكل لانه انا جذي لوول شسوي ابي اخذ واحد يعجبني يعني بس ماكلمته ولاقعدت معاه علشان احكم على الاشيا الثانيه وهل اذا وحده فيكم كانت مكاني بتوافق على شخص مو عاجبها اهم شي تتزوج وبس وتفتك من حجي الناس في وايد بنات جذي تفكيرهم تتزوج وبس عاجبها ولالا

 

[modern]

عمرك 27 المفروض تفكرين بوعي اكبر الحين و تعرفين مصلحتك زين
وايد رجال ماشالله على جمالهم و متعبين نساوينهم مو كل شي الشكل
ولو انتي حلوة و هو مو حلو يا زينكم يدلعك طول عمره

 

[مولاي الفرج]

لا شعليج من كلام الناس

وايد شايفه الناس تتمنى الخير يدورون وين الناقص فيج ويعايرونج فيه

فكري بنفسج وبس لان هذي حياتج

 

[سور المدينه]

اذا حبيتيه بتشوفين اجمل رجال العالم

بس اذا كان فيه صفات ماتقدرين تتقبلينه ابد ولا راح تتقبلينه فرفضي

 

[نوفآ]

الله و اكبر عليييكم !!!!
الله اللي خالقه مو هو اللي خالق نفسه عشان تتشرطون بهالاشياء
بصرراحه انتي مغروووووره و روز بعد ولا احد يزعل
تردينه عشان وجهه !!
هذا رجاااال مو بنت تحورف بعمرهاا
شكثر المزايين الماصخين وقليلين الادب شاللي يفيد تاخذين مزيون يحر قلبج بالبنات وهو واثق بجماله !

الله يهدديكم

 

[نوفآ]

بعدين ي عمري بنبهج ع شغله
عمرج 27 العمر كله ان شاء الله
فرضا ما وافقتي ونطرتي لين جا اللي يعجبج وتزوجتي
يمكن اذا كلش ما طولتي بيكون عمرج 28
حملتي بسرعه والله تمم عليج وولدتي
بعد 10 سنين
الطفل عمره 10 وانتي 38
فرررررق كبيييير و حييييييل
حتى اذا كبر تفكيرج مو بنفس مستوى تفكير الطفل

فكري بالموضوووع اكثررر

 

[classic--91]

حبيبتي صج الشكل مو أهم شي بس لج حق ان يكون مهم في اختيارج باجر بيصير زوجج طول العمر وبيصير بينكم علاقة خاصة و حميمة اكيد ضروري يكون مقبول بالنسبة لج..
أهم شي انتي تشوفين ان شكله مقبول أو جذاب.. و على فكرة الجاذبية ساعات ما يكون لها علاقة بتفاصيل الشكل اهو مجرد chemistry على قولتهم او ساعات شخصية الواحد تضيف حييييل على شكله.. ممكن يكون انسان شكله عادي و مو جاذبج لكن بس قعدي معاه و سولفي و سمعي اسلوبه يمكن تطيحين في غرامه لوووول
والله يكتب لج كل خير ان شاء الله

 

[إباء]

هـلا ياقلبي
بقولـج شي العمر اللحين يحكم عـاد مـادي إذا تفرق عندكم بمحطيكم ولا لأ
أحنـا عندنـا أهلنـا 25 يعتبرونهـا دخلت قطـار العنوسـة صج تخلف بس بعد شتسوين
خطبوني نـاس والحمد لله مو ناقصنـي شي بس تخيلي آشكرا يسألوني يوم جـاوا يشوفوني كم عمرج !؟ كم عمرج !؟ أقسم باالله حسسوني 40 مع أن أمي قايله لهم يوم سألوهـا باالتلفون عن عمري بس كأنهم يبون يذلوني
مع أني شكلي أبببببببببببد مـايعطي عمري والله الشاهد على ماأقول بس مجتمع متخلف شتسوين لذلك نصيحـة حسبي لهاالشي حساب !؟
السؤال الأهم لارديتيه تضمنين يجيج اللي أحلى منـه !؟ هذا السؤال
وأنتي تقولين أن كل شي آوكيـه بس شكلـه عادي
آشوا أنه مو جيكـر
أنـا أقول فكررررررررري زين وحطي العمر في بالج
أدري البنت من حقهـا تختار بس في أشياء تحدج وواقع مـاقدر ننكره بعد شنسوي
فكري زين ياقلبي في اللي قدام وحسبي لكل شي حساااب

​

 

[مولاي الفرج]

حبيبتي شصار عليج طمنينا

 

[قمرية الفيس]

انا ترى اول ماشفت زوجي هم نفسج ماكنت اشوفه حلو ولاجير وما كان كشيخ حيل بس بعدين اكتشفت انه حيييييل حلو لما المرة تكون اجمل من الرجال والله يعينها الصراحة الي زوجها احلى منها

 

[أحلى البشر]

اهم شي القبول وتحسين قلبج مايل له

اذا هالشي مو موجود لاتورطين نفسج وتورطينه معاج ماراح يسوي عمليات تجميل الريال

 

[M!SS.LOBY]

استخيري

 

[M!SS.LOBY]

اهم شئ ملتزم ويصلي ويخاف من رب العالمين
وسيرته الذاتية حلووووووووة

 

[نوفو البطة]

وييه يا ويلج اذا صار ريلج احلى منج ماجربتي شيصير بعدين راح يشوف نفسه عليج خليج على مينونج لا ايلج اين منه وعادي خل يصير اجكر منج بالعكس علشان يموت فيج ؛)