مخطوبه ولكن مو أي شخص يعجبني شوفو مشكلتي الي محيرتني

[طريق السعاده]

لاتاخذين الامور بسطحيه

دام مو بشع شكله وتقبلتيه لاتطمحين للوسامه

اعرف رجال وسيمييييين وجميلين ونفس الواحد بخشمه :/

كان ودك بواحد كل ماحب يكسر فيك قال انا احلى منك وابيض منك وبالله تعالي قدام المرايا خل نشوف من احلى غير نظرات البنات للوسيم والتحرشات الي تصير


اخوي وسيم وبالسوق انتحر انا من الغيره لو انا زوجته بيجيني جلطه وربي يدقونه البنات وبعضهم تحاول تدخل بيني وبينه عشان تصك بكتفه

كان عادي ماتفرق معك هالامور ارفضيه وانتظري الوسيم

اذا الرجال زين واخلاقه زينه وشكله مقبول ويخاف الله فيك نصيحه من اخت لاتفكرين بسطحيه للزواج اما لو بشع ومابلعتيه خير شر لا هنا اقولك استخيري ثاني وشوفي احساسك اذا ملتي للرفض ارفضي ..

 

[نونه المنكوشه]

معقوله تفكيرج جذي محدود

 

[امـ خــزامـى]

انا مع نااتشووو

واضيف شغله كيف صلاته ؟ يمدحوونها ؟ مواظب عليها وبالمسجد ؟
هنا اقولك استخير وتوكلي على اللي ماتنام عينه

الشكل اخرررررررررر الاهتماامات
وللامانه مو كل جميل مغرور زوج اختي حلو وعااااااااااادي عنده لانه رجال مقتنع ان جمال الرجل رجولته

 

[عناقيد الجنه]

تبين واحد جذاب على قولتج ولا مملوح وطبعه خايس و أسلوبه مو حلو وأخلاقه مو شي

ولا واحد شكله عادي وسمعته طيبة

الكمال لله وحده ماكو أحد كامل لازم الريال في عيوووووب خل يصير يصير شكله ما يعجبج أحسن من أشياء ثانية

 

[برنسس كاتي]

حبيبتي الشكل مو مهم
وبالعكس ما تبين واحد حلو ويجذب بنات ويشوف نفسه عليج ويخونج :\
بعدين صديقيني امن تتقربين منه وبتحبينه بتشوفينه احلا واحد بالدنيا صدقيني ..
وبالتوفيق

 

[لذه السكر]

انا كنت مثلج قبل لا اتزوج وسبحان الله الله رزقني ريال مو جميل بصراحه بس والله كل ما شفته اقول الحمدلله ما اخذت حلو يشوف نفسه والا البنات ركضه عليه والا اخلاقه زفت ويكرهني عيشتي

وبعدين ياقلبي العين تتعود عالشكل مع الوقت راح تتعودين عليه وتحبين اطباعه بس اذا اطباعه زفره هذي شرقعها

 

[شادن33]

عمرج 27 مؤ صغيره

حبيبتي اختاري اللي فيه دين واخلاق هاللي يبقي مع السنين والعشرة

 

[مدّهره !]

الجمال والوسامه ممكن تتغير مع الزمن


وممكن تتغير مع الحوادث طيحة سيارة مرض أي شيء !!!!!


فـ سبحاان الله مو شيء مضمون جماله ؟؟؟



لكن الدين وحُسن الخلق مضمونه لأنها نابعه من تربية ومباديء الشخص

 

[كاملة الدسم]

اهم شئ القبول والراحة النفسية إذا موجودين توكيل علئ الله
والجمال والوسامة ما تفتح بيت

 

[كاملة الدسم]

وهل انتي مزيونة وتوب التوب عشان ماتتنازلين عن كون شكله عادي؟
لا تزعلين عن كلامي يأمها بنات جمال وجاه وكل شئ وخذوا رياييل
قد يكونون اقل من عاديين في نظرج بس عشان الأخلاق والدين

 

[al-musk]

طبايعه الحلوة واخلاقه ومعاملته الطيبه راح تخليه ملك جمال بعينج واذا انتي ماهمتج كل هالاشيا وفكرتي بسطحيه فرديه ليش تضغطين على نفسج

 

[انسام الكويت]

الحين خليتي طيبته وسمعته وأخلاقه بصوب وكزتي على شكله ........ عشان مو مزيون ما اعجبج

عادي حبوبه لا تتزوجين قعدي ونطري فارس احلامج وكل ما يزيد عمرج سنه هذا ويهي اذا تقدم لج احد

الحين يتزوجون أم 20 و22 وانتي 27 والعمر يمشي وتبين واحد طقة مهند وغيره حبوبه الوحدة تتهم بالمحتوى من داخل

قبل المحتوى من خارج اللي اهو شكل تبين واحد مزيون موبيدنا هذا نصيب نطري هالمزيون وإذا ياج وافقي لكن ... أنا استغرب

من اللي دور ريل مزيون كثر ما تهتم بانه تكون أخلاقه زينه وسمعته طيبه بين ناس ...؛

 

[om_ibrahim]

اهم شئ بالزواج القناعه والشكل مو شرط من شروط الزواج اهم شي الريال مو بخيل ولا راعي سوالف وبنات ويصلي ويخاف ربه فيج ويصونج أستخيري وإذا انتي مرتاحه نصيحه وافقي لو كل بنت بتقول نفس كلامج جان ما تزوجوا والله يكتب الي فيه الخير ويتمم عليكم

 

[taliya]

عطيه فرصه تعرفي عليه اكثر و شوفي يمكن تعجبج احلاقه وتفكيره و تنسين الشكل
بس اذا حسيتي ان مو مناسب لا توافقين
معززه مكرمه مدلله بيت اهلج ولا لايعه جبدج ومسؤوليه مو حابتها فوق راسج ب بيت ريلج

 

[اذوب بكلامه]

والله يقلبي استخيري هذا اهم شي والجمال مو كل شي ياكثر الي اعرفهم بس العكس الزوجه مو حلوه ابدا وزوجها وسيم وفيه كل المواصفات الحلوه وميه وحده تتمناه وعايشين حب ورومنسيه ويموتون على بعض
و اهم شي ياقلبي التقبل بينكم وربي يهديك للقرار الصح

 

[شــــــــــــــوقــــه]

قعدي معاه بعد

تناقشو اكثر يمكن ترتاحين حق اسلوبه و عقله و تلقائي تنسين شكله

 

[بنوته ستايل]

اذا حبيتيه راح تشوووفينه اجمل شخص بالدنيا واذا تزوجتي مزيون وطبايعه شينه راح تشوفينه اجكر شخص بالدنيا

 

[Um Tuki]

لين حبيتيه بعدين بتجوفينه اجمل واحد بالدنيا

وبتغارين عليه بعد

 

[سعادة قلبي وياه]

استخيري حبيبتي والله يوفقج ترى الشكل مو كل شي

ادري كل بنت قبل تقول مثل كلامج وانا منهم اوووو ماكان في بالي جذي كان في بالي بيني احلى من جذي

بس يوم صليت وارتحت صججججج وافقت وصااار بعيوني احلى واحد

 

[دموع النسيان]

حبيبتي صح الشكل مهم بس الاخلاق اهم واذا هو شكله عادي ومقبول ليه ترفضين بس انتي استخيري ووكلي امرج لله