مخطوبه ولكن مو أي شخص يعجبني شوفو مشكلتي الي محيرتني

[ღ•»الًـجٌـوِرٌيّ«•ღ]

السلام عليكم ياعسولين ,,

بنات انا عمري 27 وخاطبني شخص اممم الصراحه سمعته طيبه واخلاقه وماسمعنا احد ذمه والنعم فيه بس مشكلتي معاه الشكل انه شكله عادي مو حلو :eh_s(*): بس مو جيكر لا عادي يعني اقل من المملوح
بس مو هذا شكل فارس احلامي يعني
انا وحده صراحه عندي الشكل مهم احب زوجي الي بعيش معاه يكون مملوح او حلو في جاذبيه جذي المهم انه يعجبني طبعي جذي شسوي :bbbiu:

وهشخص مافيه اي شي بس متردده من الشكل اخاف اوافق عليه واندم واتحسف وماينفعني الندم بعدين ويمكن بعد ماحبه بعد الزواج انا محتاره شسوي ​

 

[Nono-mesho]

حبيبتي مو كل شي بالشكل اهم شي اخلاقه و شتبين بواحد مزيون ياذيج باجر،،، و وبعدين لي حبيتيه بتشوفينه اجمل ريال ،،،استخيري ربج و الله يسهل عليج و يكتبلج اللي فيه الخير،،،
و على فكره هالزمن مافي رياييل سنع الا قله فاذا اهو زين توكلي على ربج
الله يوفقج

 

[<miss botamba>]

انا عن نفسي الصراحه كان عندي لستت اشياء كنت اشوفها ضروريه بالزوج واغلبها مو مهم

بس اشوف المفروض البنت كل ماتكبر تركز عالمهم مو القشور !!

اهم شي يكون في توافق بالاشياء هذي

توافق بالدين والمذهب

توافق اجتماعي تكونون من نفس الطبقه

توافق مادي لا اهوا اغنى منج ولا انتي اغنى منه

واهم شي يخاف الله مانبي ملتزم بزياده ولا فالها مره وحده

واحد يكون دينه لنفسه مو لغيره



والله يوفقج

 

[حبي مودي..]

حبيبتي الجاذبيه والوسامه ماراح تنفعك اذا عقله معفن بصراحه الرجال اهم شي اخلاقه وعقله وتفكير يا قلبي رمزي على اشياء اهم عشان ماتندمي بعدين ..

 

[نـعـومـه]

شوفي موشرط الشكل اهم شي انتي متقبلته

!! تخيليه معاج عالغدا العشا تقعدين يمه يمسك ايدج تتقبلين هالشي !!؟؟

اذا مومتقبله كلش لاتوافقين لان اهم شي القبول لان ةايد بنات وافقو عن عدم قتاعه وتوهقو بس اذا متقبلته حتى لو شوي وافقي وطبعا اهم شي الاستخاره

 

[saro0ona]

الصراحة انتي مو صغيرة
لو بنت تقول نفس كلامج بس عمرها 21 اقولها عادي رديه
بس 27 يعني فرصج بدت تقل
و اذا على الشكل مدام انج قلتي انه مو جيكر ف مع العشره راح تشوفينه زين
بالذات اذا كانت شخصيته حلوة و اسلوبه حلو

و اذا مقوماته الباجية كلها زينه ف انا اشوف غلط تردينه و الله يكتبلج الي فيه الخير

 

[ناتشوو]

بصراحة مااشوف من المنطق
تردين واحد زين
فقط لانه مو وسيم

دام مو كارهته وفي قبول مبدئي
تعوذي من ابليس
واستخيري واستشيري اهلج


الزبدة
اللي فيج خوف وقلق من الزواج والتغيير
المقبل
نفسه مو سالفة وسامة
والله اعلم

 

[DivaQ8]

انا قبل كنت مثلج بعدين تغيرت نظرتي 180 درجه
حلاته المرا تكون احلى من ريلها
الجمال حق المرا
الريال لازم يكون شهم و زين و يلدعج و يريحج
هذا اهم شي
خل اقولج شغله الريال اذا كان حلو يصير مغرور
اخوي حلو ماشاءالله و مرته هم حلوه مافيها شي
بس الناس يشوفونه احلى منها
ساعات إذا بيطفرها يقولها انا احلى منج
طبعا على غشمره واهي تتقبل هالشي بس لو انا مكانها
يمكن راح اتضايق
اذا الريال زين و ما يعيبه شي و ارتحتي معاخ مع العشره راح تشوفينه احلى واحد بالدنيا
حتى لو كان مو حلو
بس اهم شي يكون نظيف و مرتب و مقبول

 

[M!SS.LOBY]

استخيري
الله يوفقج

 

[Pinky -cat]

حبوبه انتي قعدي بينج وبين نفسج شوفي تقدرين تقعدين وياه ، تتقبليه بكل امور الحيات ولالا هني قرري

 

[Patcholli]

السالفه سالفة تقبل ..
هالانسان لما شفتيه ارتحتيله ولا نفرتي منه ؟؟
لما تكلم اندمجتي معاه ولا حسيتي ان لايعه جبدج منه ؟؟
حبيبتي اهم شي ان يكون في قبول وانج تستلطفينه بالبدايه
وماتكونين نافره او مغصوبه عليه

 

[الله يجازيك]

والله ان زوجي اوا ما خطبني كان بعيوني سحت وهو مو جميل كلش بس فيه شي حببني فيه اللي هي رجوووووولته
ترا للجمال مو كل شي ..وحلاته انتي تكونين احلى منه ..هذا هو زوجي جيكر بس اموووووت عليه واشوفه بعيوني ملك جمال خخخخخ <<خاني التعبير

 

[جوري الصالح]

حبــــوبـــة مـــوفـــقة
مــن حـــقــك تخــتــاريــن شـــريك حيـــاتــك

 

[rose2012]

نفسي وايد ادقق ع شكل الخطاب مابي اسمر او متين او قصير او وايد طويل او ملامح ويهه مو مرتبه
الحين البنات راح يقولون لج لا تتدلعين كبرتي
بالله ماتقبلته حتن بعدين ؟*
انزين مو يمكن ترفضه و ييلها مزيون بعده
مادري انا لو خذيت واحد مو عاجبني راح انفس عليه على اقل شي و اقارنه بالمزايين و اتحسر*
بس يمكن لو حبيتيه غير لان الحب يعمي العيون ويخليه بعينج مهند*

او يمكن لا مادري اعاني من نفس الشي

 

[Shinexo]

آستخيري

 

[ღ•»الًـجٌـوِرٌيّ«•ღ]

مشكورين على الردود الي تريح شوي

بس طبعي شسوي اتمنى اتزوج شخص يعجبني بكل شي ومزيون بس مو حيل المهم يكون حلو وعاجبني مملوح يعني

وهذا مادري حتى افكر ببعد الزواج شلون طبعه وشلون بعيش حتى معاه الله كريم

 

[اميره بكلمتي]

الصراحة الجمال جمال الروح مؤ جمال الوجه ترا والله لو الرجل جيكر بس اهم شي سمعته زينه ويصلي ويخاف الله فيج وحنون وطيب والله بتشوفينه أجمل رجل بهالدنيا لايغرج الشكل الخارجي اهم شي الشكل الداخلي

 

[ميس الورود]

استغفري واستخيري و ترتاحي ان شالله اذا استخرتي وربي الشكل مو كل شى تخيلي تاخذين واحد حلووووو ويخووونك

 

[honey lust]

لا بعد الزواج اذا حبيتيه بتشوفينه اينن و عسل على قلبج اصلا بتتعودين على شكله

لا تحاتين هالامور

 

[حبيبي مالكني]

مع العشرة راح تحبينه لو شكله مو حلو
الريال باخلاقه
مويعني انا اقولج اخذي واحد جيكر
بس انتي تقولين اهو عادي
يعني مو جيكر
مافي احد كامل بهالزمن
دامه ريال زين لا تضيعينه من يدج