مخزون البويضات

[حبي زوجي فديته]

مساء الخير ياكويتيات
بغيت اسالكم منو عندها مخزون البويضات ضعيف

الدكتور عوور قلب الدكتور البلجيكي الدكتور الفاطمي يقولي انتي مسويه 3 ملرات اطفال انابيب وماانقسمت البويضات بسبب البويضات جودتها ضعيفه ومخزون بويضاتج حق وحده عمرها 40 سنه عوور قلبي يقول اكثر الخليج جذي لان حرب ايران والعراق انتشر اليورانيوم قلت له عندي خواتي شكثر كل وحده عندها 4 و3 و5 ماصار فيهم شي شمعنه انا جان يقول لازم تطلع وحده من العايله جذي يقول لان مخزوني بيويضاتي ضعيف مايتكون جنين ولاتنقسم البويضات الله كريم منو نفس حالتي وحملت وقالي موبس من ريلج الضعف حتا منج انا انصدمت انا رايحه حق دكتور ناهض ودكتولر حازم ودكتوره مهجه ودكتور عصام محد منهم قالي هالحجي هذا اول دكتور يقولي مو بس من ريلج الضعف حتا منج ااااخ الله كريم

ادعولي انا تعبانه ححييل


يارب ترزقنا
ولاحول ولاقوة الا بالله العلي العظيم والله كريم

 

[حبي زوجي فديته]

طمنوني بنات الله يخليكم

ادعولي

 

[اخت خالتهم]

انا اختي بويضاتها صغييييره تقول مع المنشطات مادري شسمها ما تصير اكثر من نص واهي لازم 8 او 18

المهم ان خذت منشطات قووووووووووية و حملت ما شاءالله بس قوية قوية

 

[شافوك بحساسي]

اللّھٌ يرزقج ييأرب

 

[سعودية بالكويت]

الله كريم أختي ماعليج من الدكاترة وخرابيطهم

شوفي غيره أحسن لج ودام اللي قبله ماقالوا لج شيء

وربي يرزقج يالغالية​

 

[[[ عيون جابر ]]]

غيري هالدكتور الي يحبطج وياكثرهم الدكاتره الزينين
ياربي يرزقج الحمل السليم عاجل غير اجل

 

[يارب احمل بولد]

غيري الدكتور افضل لك وكولي فيتامينات وداهي ممتازه عن تجربه تطلع لك اجنه من الدرجهالاولى

 

[ثنايا الورد]

البنات صاجين الواحد مو ناقص احباط ابدا احسن تشوفي دكتور ثاني
ربي يوفقج ويسعد ايامج ويفرحج بشوفة ضناج يارب

 

[أم الليالي]

شوفي دكتور ثاني أحسن شي والله يرزقك بالذرية الصالحة تامة الخَلق والخُلق اللي تسر خاطرك آمين يا رب العالمين

 

[ابدا يالغالي مانساك]

شهلاكلام الفاضي شنو ايران والعراق من هالدكتوووور
بقولج شي تبين بويضاااااااااااتج تكبر عليج بعصير الاناااااااااناس بعد ماتغسلي من الدوره
دداومي عليه
قولج قصة عضوه معانا كان الدكتور يقول انتي ماعندج بويضات وخرابيطهم اللي ماتخلص هي شسوت داوووووووومت علي الاناناس
وسوت سونار الدكتور انصدم من حجم بويضاتها قال انتي ماخذه تنشيط شي
وربي رزقها وهو يقول مستحيل تحملين بعد
ربج فوووووووووووقهم وهو الراااااااااااازق
وبعد حافضي علي قفشة سمسم علي الريج وعسل العويد لتنشيط البويضاااااااات
وربي بيرزقج ان شالله
وبعد استخدمي المرمريه زينه بعد وتوكلي علي الله حبيبتي

 

[برنسيسة2007]

والله اعررف وحده تعالج وتحوس بين اعشاب ودكاتره يعنيييي خبرررررره بالكر والفر والعذاب والتفكير
قالتلي والله كل وحده تراجع تبي تحمل لازم تكون دكتورة نفسها
يعني لاحظت التناقض والاحباطات
سمعي حبيبتي تركي عنج البشر وروحي للي خلق البشر
وتذكري سذدنا زكريا عقيم وزوجته عاقر وكباااار في السن ورزقهم ربنا سبحانه وتعالي داومي علا ربي لاتذرني فردا وانت خير الوارثين قومي اللي وبسجده من الركعتين ادعي والحي بالدعاء وقولي وانتي ساجده اربعين مره ربي لاتذرني فردا وانت خير الوارثين واستمري اربعين يوم على هالطريقه لان الله في قص ة زكريا قال بما فيه معناه واعدناه اربعين ليلة وهذا سامعته من شيخ يقول اثنين سووا هالطريقه وحملت حريمهم
ياناس احنا مسلمين وعندنا رب رحيم رزاق جواد كريم
اسال الله العظيم ان يرزقنا جميعا المسلمين والمسلمات الذرية السليمه يااارب العالمين

 

[Dodo80]

حبيبتي انا بعد قالي فاطمي انه مخزوني قليل وحملت مرتين بس صار اجهاض هذا يعني انه المخزون ماله شغل بالحمل

 

[لورا 22]

كلام يتصدق !!!
شهالحرب واليورانيوم اللي ما أثر الا عليج
يبه خرابيط دوري غيره
والله يرزقج ان شاء الله

 

[KOKO_284I]

اب

لعيونج

وانتي قاعده اتقولين ان هذا كلام الدكتور وعند اللهه ماكو شي بعيد

 

[حبي زوجي فديته]

خواتي بقسم هذا


عسا ربي يرزقنا ويعطينا الصبر والاجر يااارب
واشكر كل وحده ردت

 

[_ظل الياسمين _]

ربى يرزقج هالشهر قادر ياكريم....

 

[سوزي الشرقية]

اجل اني مثلش مأثره علي حرب الخليج واليورانيوم اقول تركيه عنش وروحي شوفي غيره

 

[حبي زوجي فديته]

يارب يارحيم ترزقنا يارب الشهر الكريم


يارب العالمين

رب لاتذرني فردا وانت خير الوارثين

 

[حبي زوجي فديته]

يااارب الله يرزقنا يااارب

 

[ام جي جي الحلوه]

الله يرزقج الذرية الصالحه الي تفرح قلبج
ويرزقني ويرزق كل محرومه