محمد نشمي العنزي >>>>ساعدوني بليز

[شـواقهـ]

الأخت اللي تقول خافوا الله

أولا اتوقع قلنا محترم كشخص وتعامله أوكي

بس تكلمنا عن طريقة تدريسه ونظامه .. حبينا نقول الصج للبنت عشان ماتتوهق إذا ماتحب الحفظ

والحمدلله عني شخصياً كنت احضر عنده طول الكورس

وكنت ماخذة عنده مهارات اتصال يعني قواعد وفهم لو تغيب البنت عن المحاضرات صج بتضيع

وهو ماقصر بدل لا يسهل علينا، عطانا كل قواعد العربي من الألف إلى الياء (3 كتب) لدرجة ان خلص الكورس والكمية للحين ماخلصت!!

وآخر شي طلعت بـ b- ولله الحمد بعد كرف عنيف وكنت مستجدة من قرادتي وكان يسمينا مجاهدات وفعلا كانت مادته جهاد

 

[وجودي كافي]

شنو خافوو الله


اخاف سابين الرجال واحنا ماندري

احنا قاعدين نقول عن طريقه تدريسه ماسبيناه ولا تكلمنا عن اخلاقه عشان تجين وتقولين خافو الله

وانتي منو دايسلج علي طرف شهالاسلوب لي علموج اهلج الادب حاجيني :eh_s(4):



وبعدين انا اخذت عنده الصيفي هذا بالعكس شطبلنا من المنهج والمدتيرم عطانا فل مارك فيه بدون لا نمتحن صراحه مستغربه من كلامكم

لانه حيل شطب وما عطانا آيه بس قصيدتين ودبلنا البونس بالعكس اكثر الشعبه B وفوق لانه من عادته يعلق الدرجات وصراحه انا كنت خايفه من درجتي من عطاني درجه حلوه وماقصر بالبونسات وونسنا حيل بالامتحان اللي عطانا درجته بدون لا نمتحن

 

[منار البربرية]

وانتي منو دايسلج علي طرف شهالاسلوب لي علموج اهلج الادب حاجيني :eh_s(4):



وبعدين انا اخذت عنده الصيفي هذا بالعكس شطبلنا من المنهج والمدتيرم عطانا فل مارك فيه بدون لا نمتحن صراحه مستغربه من كلامكم

لانه حيل شطب وما عطانا آيه بس قصيدتين ودبلنا البونس بالعكس اكثر الشعبه B وفوق لانه من عادته يعلق الدرجات وصراحه انا كنت خايفه من درجتي من عطاني درجه حلوه وماقصر بالبونسات وونسنا حيل بالامتحان اللي عطانا درجته بدون لا نمتحن

معقوله ؟؟؟؟؟ والله يا حظج ماشاءالله والله اذا جذي صار معاج

لان معانا لا تعليق:eh_s(2)::eh_s(2)::eh_s(2):

وعموما تعامل الدكتور يتغير من كورس لي كورس

نتكلم عن طريقة التدريس

اما الاخلاق فالانسان المحترم محترم لنفسه ،،،

 

[وجودي كافي]

معقوله ؟؟؟؟؟ والله يا حظج ماشاءالله والله اذا جذي صار معاج

لان معانا لا تعليق:eh_s(2)::eh_s(2)::eh_s(2):

وعموما تعامل الدكتور يتغير من كورس لي كورس

نتكلم عن طريقة التدريس

اما الاخلاق فالانسان المحترم محترم لنفسه ،،،

اي والله اللهم لك الحمد حتي شكثر كان يقول براعيكم بالتصحيح

 

[لجلك سهى فكري]

دنيا حظوووظ

 

[وجودي كافي]

دنيا حظوووظ

ههههه قولي ماشاءالله تبارك الله ههههه

 

[يا حبيبي يارب]

اخواتي العزيزات
انا طالبة سابقة عند الدكتور محمد نشمي العنزي
وماخذة عنده ثلاث مواد وكانت درجاتي ( b+ A - B
مهما قيل في الدكتور من مدح او نقد لاذع
عندي شهادة بقولها فيه والله شاهد علي :
1 - دكتور حقاني حقاني ( ما ياخذ بالواسطة )ويخاف الله
بالدرجات و يقول هذي شهادة امام الله
2- متفاني
3- جاد في تعليم الطلبة
4 - يعتمد على جدية الطالب لذلك اللي مو جاد وكسول
لا. ياخذ عنده
5 - يعتمد على كل مهارات التعليم ( تحليل - معرفة
مهارات الكتابة - القراءة الطويلة - الحفظ ) يعتمد على تحفيظ النصوص واستغرب انه قرر
بالفصل اللي تقول عنه الاخت انه قرر عليهم نصين
بس ً!!! عادة متوسط الحفظ عنده 4الى 5 نصوص
6 - ثقافته الدينية عالية لكن ما يفرق بين
المحجبة او غير المحجبة و لا يفرق بالمذاهب
7 - يركز على الحضور والغياب
8- يطالب بالكثير لانه رايه ان الطالب
ما يتعلم شي بالمدارس ولازم يتاسس من جديد
9- كان يبرر طريقته بالطلب الكثير من الطالب
بانه طالب علم وتربى على يد شيوخ العلم
10 - بشكل عام اقدر اقول ان افضل وصف لهذا
الدكتور انه لا سهل و لا صعب لا طيب ولا قاسي
لكن حيل حيل جاد في تدريسه
واللي ما تشتغل نصيحة لا تاخذ عنده*

 

[منار البربرية]

^
^
^
والله كنا جادين بس ما شفنى خير وهالرأي نسبي يختلف وكل وحده لها اسباب احتفظ فيها لنفسي