لطشته لج من منتدى ثاني تقدرين تسوين خلطه شوفي
التقشير بالبيبي فيس :
أول جيبوا هالطلبات لازم تشترونها كلها :
1ـ محلول بيبي فيس رقم 1(Baby Face NO 1- ASTRINGENT)
2ـ بيبي فيس رقم 3 (Baby Fac RX3)
3ـ مضاد الالتهابات (Fucicort)
4ـ غسول ( سيتافيل )
5ـ واقي من اشعة الشمس ( ايفين أو روك ) بنسبة 60 بالميه
كيفية الاستعمال:
للي عندهم دوام راح اكتب هالطريقه مثل ماكتبتها اختي دريم ........................ بس انا طورتها في المرحله الثانيه من الاستخدام .....................( الاستخدام للوجه والرقبه)
اليوم الاول :
اغسلي وجهك بالغسول المنظف ، بعدين امسحي كامل وجهك من غير فرك بقطنه مشبعه بمحلول البيبي فيس 3 ، وركزي عالمناطق الداكنه ، ولازم تستخدمون هالغسول ( لانه غسول طبي للبشره الحساسه ويزيل اثار البقع مع الاستخدام المتواصل ) ، وبعده حطوا ( الفيسي كورت ) مباشرة عشان ماتلتهب البشره ، واختاري يوم الخميس مثلا الصباح ، وفي الليل عيدي نفس العمليه ، وإذا توضيتي حطي الفيسيكورت على طول
تحذير: لاتتعرضين للشمس في هذا اليوم ، ولا الحر او التعرق او حتى الجفاف . وإذا كنتي حامل مستحيل تسوينها لانها مضره للحوامل.
اليوم الثاني :
اغسلي وجهك بالغسول واستخدمي الواقي من اشعة الشمس ، وإذا كان عندك دوام ورجعتي بالظهريه اغسليه بالغسول واستخدمي الفيسيكورت ، وقبل لاتنامين اغسليه بعد بالغسول وحطي الفيسيكورت ، راح تلاحظين قشور ، لا تخافين هذي بشرتك تتجدد .
اليوم الثالث :
اغسلي وجهك بالغسول وحطي الواقي وبالامكان تحطين ماكياج اذا كنتي مضطره ، وإذا رجعتي من الدوام اغسلي وجهك بالغسول وحطي بيبي فيس رقم واحد وبعده حطي الواقي ، وبعدها كل ماغسلتي وجهك ، اغسليه بالغسول السيتافيل ، وبعده امسحي وجهك بالبيبي فيس 1 ، وكرري العمليه كل خميس بنفس الترتيب
هذي الطريقه اتبعتها في الاسبوع الاول ( اللي هي المره الأولى ) بس بعدين زدت الجرعات لاني كنت بعطله وقتها ....................... والتعديلات :
1ـ صرت استخدم البيبي فيس 3 ، لمدة يومين ورا بعض بنفس طريقة اليوم الاول اللي كتبتها مسبقا .
2ـ اليوم الثالث ارتاح فيه أول ماقوم من النوم ادهن وجهي بزيت اللوز المر ( لانه شديد الترطيب ويساعد على تفتيح البشره ) وافركه بشويش لين تنزل القشور واقعد فيه تقريبا نص ساعه او حسب وقتي بعدين افركه من جديد بشويش ، بعدين امسحه بقطنه نديه عشان اشيل الزيت الفائض ، وبعده اغسله بالغسول وامسح وجهي بالبيبي فيس رقم 1 بعدين احط الفسيكورت .
استخدميه لمدة اسبوعين او ثلاث اسابيع بالكثير ................... واللي تمنيتو في احلامي دلوقتي لقيتو .................. لووووووووووووووووووول
تحذير : ترا وجهك ممكن يحمر ، وراح يحرقك شوي ، والقشور تفشل ممكن تبان ، واللي بشرتها حساسه تتبع الطريقه الاولى ، واللي فيها حبوب تستخدم الريتن قبل هالطريقه باسبوعين على الاقل لين يصير وجهها مافيه التهاب او حبوب صديديه ، لان البشره الملتهبه ممنوع عليها التقشير .
