محلات ملابس البيبي

[مس كرز]

:eh_s(9):هاي بنات قولو افكاركم حق تجهيز البيبي ومن وين واذا عندك ملابس لبيبي الاول تخلين الثاني يلبسهم

 

[(أم نونو)]

انا لما كنت اجهز لبنتي بجري شهر 1 جبتها شريت كل شي من سنتر بوينت وحق الاستقبال اخذتلها لفه كشخه

والحين انا حامل توني محلله وولادتي بتصير في شهر 1 اذكانت بنت اكيت بلبسها من ملابس اختها وبشتريلها جم قطعه جديدة

واذا ولد لا بيكون كل شي جديد

والله يتمم علينا

 

[المكسيكيه]

ما ادري والله

 

[رغوووده]

انا بجريه واخذت من كل بستان زهره خخخخخ

عندج سنتربوينت وعندج لولو هايبر في عندهم شغلات جنهم سنتربوينت وبعد جابتلي اختي من ارض المعارض كان عندهم اطقم للبيبي اطقم ناعمه مالت استعمال يومي مو ملوت مناسبات وبعد جابولي مهادات من الشعبيات تلقين للاستعمال اليومي

^^^ هذول للمهادات والتبانات والاتسوس والدلاغات والكبابيس والشغلات اللي جذي

اما للفلات الاستقبال والمهادات الكشخه والملابس الذربين عندج محل كل لحظه اللي بالمهلب تحت ونفسه بالافنيوز وعندج بالنقره تحت محل العندليب وواحد ثاني ناسيه اسمه بس تلقينه بالسطره اللي قدام العندليب وبس هذول اللي ببالي الحين

وبخصوص اذا عندج ملابس قديمه من اولدج او بنتج اللي قبل هذا فانا مااشوف فيها شي بالعكس البيبي يكبر بسرعه عليهم عادي لبسيهم للبيبي الجديد بس مايمنع تشترين جم قطعه جديده وملوت الاستقبال اكيد جدد والله يسهل عليها الحمال والولاده

 

[حرم بدر]

اى عادي يلبسون من بعض لكن احلا شى الخوات او الاخوان يتلابسون الهدوم مشتركه حتى واهمه كبار عادي

بس اهمه شى مو قدم وطايف عليهم مليون سنه هههههههههههههههههههه


والله كل مكان يبيع شى زين انروحله يعنى لا تحددين وانا احب لبس سنتر بوينت وماكس ورد تاغ

 

[x.Lina.x]

بجر اب اب

 

[نـور الكويت]

انا بجر ..

بس ملابس سنتر بوينت وااايد حلووو وذربين ورخيص حيييل ..

والاسوواااق الشعبيه اخذي منهم عندج عيد النصااار حييييييل يمدحونه ... بس والله مارحتله لان تجهيز البيبي إن شاءالله على خالتي ام ريلي ..

وعندج بيبي لوف وعندج بيبي كير حلووو خواتي ياخذون منه ويمدحوونه حييل

اما الاستقبال امدحوولي واحد بنقره حق سوااالف الاستقبال

 

[كلاسيكال]

بجرية وللرررررررررفع

 

[شفايف كرزيه]

عندج سنتر بوينت
ومذكر كيررر
وعيد النصار بالمباركيه عجيب لا يطوفج من ملابس البيبي ولج قمصان النفااااس
من الي كل شي للحامل موجود واسعاره تجنن حلةه ومعقوله
وعندج الاسواق الشعبيه اخذ منهم جم شغله
بس اللي صج اخذ منه كل اغرضي سنتر بوينت وعيد النصار


والله يهون علينا

 

[Violetta]

انا شلت ملابس الي قبل بس بصراحه تحسفت لو متصدقه فيهم احسن لانه ماراح ينلبسون السوق كل يوم شي يديد
و بالنسبه لتجهيز البيبي
سنتر بوينت حلوين و الجميع و نكست و مذركير

 

[عبث طفله]

سنتر بوينت كد ومد عن تجربه .. ماانصح ببجايم مدركير لانهم يتمططون بسرعه حتى نكست بسرعه يخربون من الغسيل البجايم والافرولات ..

النصار حق استعمال الاربعين جم غسله وتقطينه ..

باباز وماماز عندهم شغلات حلوه بس غويلي شوي ..

حق الاستقبال مجمع اللي قبال الايوب على ما اعتقد السندس فوق في الدور الاخير محل عجيب حق الاستقبال كفر للام والبيبي شغلهم حلو ..

بروي شغلهم حلووو للمواليد

 

[بخـــارى]

عادي البسهم مال الي قبله اذا نظاف وغالين ومو مكروفين
والبنات كفوو ووفوا

 

[وزيره الخارجيه]

بجريه واستفدت منكم

 

[نور القمر 14]

قوة بنوتات انا بالشهر السابع بنصه تقريبا قاعده اجهز من سنتر بونت لانه في تنزيلات الي 16/6 فبصراحه فرصه حلوه حق التجهيز وفي محل بسوق الديرة جنب عطورات اجمل اعتقد اسمه بيبي جونير بالسرداب تخصصه ملابس اطفال من الولاده الي عمر اعتقد 5 او 6 سنوات وفيه كل شي ملابس لفات مميات كفرات سليب باق للمواليد اغراض السباحة يعني روحي هالمحل وخلصي شغلج مرة وحدهواسعره رخيصه نفس سنتر بوينت وذا ودج اتغيرين اخذي للمستشفى لون ابيض او اف وايد وركبي عليه شي راح يكون لبس البيبي مميز جداااااا



:33_1185028183: :33_1185028183: :33_1185028183:

 

[~*~الملكة~*~]

بنات محل بيبي لوف وبيبي كير وين صايرين !!!

 

[عالمي المجنون]

أنا بجر

و ٣ /٤ اغراضي من سنتر بوينت تشوق أغراضهم

و من لولو هايبر و مذركير و النصار جم قطعة

و مهادات طالبتهم من برا و جم طقم من المعارض

وانا ارتب جنطة البيبي اكتشفت أني شاريه له واايد ملابس

 

[مس كرز]

يعطيكم العافيه بنات

 

[om_3azoz]

انا جهزت جم طقم من سنتربوينت
ومذركير عجبني جم افرول خذيتهم

وعلى ولدي خذيت من سنتربوينت ومذركير وعيد النصار


والحين فيني بنوته وشريت لها وهم طلعت ملوت ولدي لان في افرولات حرام يدد ملبوسين مره او مرتين امي يايبتهم من فرنسا
وفي جم شغله غاليه ماخذتهم حرام اقطهم الصراحه بلبسها ملوت اخوها ههههههههههههههه

والحين ماشريت وايد لان حرام راح يصيرون صغار لمن اطلع من الاربعين اروح اشتري لها

 

[kookiss]

انا مادري والله حيرانه

 

[ليمون ونعناع]

بنات في محل اسمه برينتاprentalعندهم فرع بالمارينا يم محل فيرجن ستور
ملابس حوامل وملابس بيبي وحتى اثاث والعاب وااايد راقي وخامات الملابس قطن زبدة اتينن
اتشوف تقولين غالي بس لمن تستعملينهم تعرفين ليش لان مايتغيرون باللبس والغسيل وباااااردين
*انا خذيت لي ملابس حوامل وانشالله باخذ حق البيبي بعد الاربعين