محلات الهديا بالجمله

[7la alko0on]

السلام عليكم بنات
انا حابي اجي زياره عمل للكويت وابي اعرف المحلات اللي تبيع مستلزمات الشوكولاته والهدايا بالجمله
واللي تعرف محلات تبيع الحلى الكويتي بالجمله لاتبخل علي
يعطيكم العافيه حبيباتي مقدما
​

 

[كويتيه برونزيه]

تنور الكويت حبوبه

روحي سوق الديره تحصلين

وبالاسواق الباقيه تلقين سوالف تغليف والتوزيعات

 

[زيتونه مرت باباي]

حيااج الله ..

عندج سوق الديره ..

اذا تقصدين تبين حق التوزيعاات .. عندج بحولي بشااارع بيروووت بيااع الورد اللي اجبال دار الشفااا ..

وتلقين توزيعااات بالاسوقه الشعبيه ..

وان شاء الله اكون فدتج ..

حيااج ..

 

[Ga6waah83]

سوق الديره مثل ما قالو البنات
بس ديري بالج خل يعطونج شي فرش ....​

 

[7la alko0on]

كويتيه الديره منوره باهلها الله لايخلينا منهم

زيتونه يعطيك العافيه الله لايحرمنا هالطله

بنت الروضان شقصدك بالفرش
يعني في صواني وتغليف حبات الشوكولاته قديمه وجديده؟؟؟

 

[الباروونة]

اب اب اب لعيووونج

 

[HearT ChocolaTe]

شلون حلويات بالجمله ؟
حلويات الكويت الشعبيه في بسوق الديره وسعرها مو غالي
بس بالجمله ؟ ما ادري او اني ما فهمت قصدج

بالنسبه لمستلزمات الهدايا في لاكشيت بحولي شارع دار الشفا
وبياع الورود مقابل دار الشفا

حياج الله قلبي بديرتج الثانيه ومرحبا مليوون =)

 

[7la alko0on]

البارونه يعطيك العافيه ياغاليه

HearT ChocolaTe حبيبتي انا ابي اجهز محل كامل وابي اعرف اذا فيني اخذ جمله من الكويت بدال ما اجيب الاكسسوارات من لبنان
وودي اعرف عن الحلا الكويتي اللي دارج عندنا بالسعوديه بشكل كبير من وين يجيبونه

 

[فتافيت الكويت]

موفقه حبيبتى

 

[HearT ChocolaTe]

آها الله يوفقج حبيبتي
بس المحلات اللي قلنا لج عنهم بحولي للاكسسوارات
شغل صيني وشتان بين اكسسوارات لبنان

موفقه يا قلبي وحياج الله بديرتج الكويت

 

[صفاءء]

مشاءالله تنورين الديره يالغاليه

 

[7la alko0on]

فتافيت يعطيك العافيه ياغاليه

HearT ChocolaTe يعطيك العافيه حبيبتي وماقصرتي

صفاء النور نورك ونور اهل الكويت الطيبين

 

[مالك امل ازعل]

رفع

 

[7la alko0on]

ميرسي مالك امل