محتارين وين تسافرون؟؟؟ تعالوا شوفوا هولندا صور

[& شهد &]

الدوله اباحت عرض فبم يشتكم زوجات النبي محمد امهاتنا
صلى الله عليه وسلم

والله ما ازورها لو علاجي فيها وشفائي

الله يخسف فيهم الارض ويزلزلها من تحت رؤسهم بسلامة المسلمين اللي فيها

 

[طوق البنفسج]

ياحلوين أنا بروح شهر العسل هولندا أمستردام أول مرة أروح فأبي أسماء المناطق الحلوة ولسوقة وكل شي حتى الأكل وشلون الدولة غالية رخيصة وإذا على الخاااص أحسن وشكرا أنا بروووح نهاية شهر 7

الديره روووعه انا الصيف الي طاف رحت لها ..

الجو قمه دايما غيم و يحوشنا رذاذ مطر .. اتهبل

بامستردام سكني بدام سكوير .. كل شي يمج المكاتب السياحيه و السوق و ساحه الحمام هذي لو تقعدين يوم كامل ما اتملين منها .. و بعد محطه القطار ما تاخذ 10 مشي ..

و فندق امستردام عندج فكتوريا هذا جباله المحطه .. و كرواون بلازا هذا صاير جدامه السوق يعني رايحه رداه على السوق .. ايهبل

و الاماكن و الرحلات تاخذينها من المكاتب السياحيه كل يوم في رحلات و رحلانهم تبدي من ال 10 ماعدا رحلات بلجيكا يمشي الساعه 8 او 9

وروحي روتردام اتهبل قعدي فيها عالاقل 3 ايام سوقها اينن و كله شي راقي و فيها اكبر مينا بالعالم .. اخذي رحله الباخره لمده ساعتين اتمشيج على المينا كله و تقعدين بره او داخل وايد حلوه ..

و فيها روتردادم بعد البيوت المكعبات غريبين .. و فيها برج طويل بعد تركبينه ..

و هم تقدرين اتروحين رحلات بلجيكا من امستردام

رحله اتروحين انتويرب مدينه الالماس و بروج اتينن هذي اخلى شي عجبني ابلجيكا .. و الرحله الثانيه بروكسل و المنطقه الثانيه ماذكر شسمها .. و بعدين ردينا رحنا بروكسل بروحنا بدون قروب ..

و رحنا بعد كولون .. هذي مدينه المانيه صغيره و كلها سوق بعد .. و فيها مصنع كاكاو بس رحنا لها يوم واحد تحسفنا انه ما قعدنا فيها اكثر ..

بس هولندا اختيار موفق

 

[السدرة2]

مشكوره بس ما طلعت الصوره

 

[MissChoco]

حسافه ماطلعت الاصور

وخالتي راحتلها وضاق خلقها هههه تقول تملل وايد

 

[غيـ الناس ـر]

انا رحت لها بشهر العسل اول 8 .. وسكنت بنص المدينه بالسنتر على قولتهم ..


ناسهم محششين على قولتهم .. بالنهار صخه وبالليل يبتدي الصراخ والصيحه بس والله والصج ينقال انهم اطيب ناس باوروبا .. يمشون ويتبسمون بويهج مو نفس الالمان والفرنسيين +_+


وبعدين بيني وبينكم الديره وصخه وناسها وصخين يعني الوصخ يمشي بالقاع والناس الارض عندهم حمام !!


شفت واحد يمشي ويا ولده بو سنتين الظاهر توهم معلمينه عالحمام واحنا بالسوق وقف الولد وفصخه هدومه وخلاه يبول تكرمون بالبالوعه بوسط السوق وقعد يصفق له مستانس ان ما سواها على روحه .. ناس وصخه وكل مكان تشمون ريحة خياس بس والله ناسهم حليوين ..

والقعده فيها ما تستاهل اكثر من 4 ايام

 

[مشمشة رمانة]

حبيبتي انا كان شهر العسل هناك وايد استانسناوايدعندج مدينة شخيفننق على البحرويمها لاهاي اهناك يسمونهادنهاق وعندج مدينةفولندام واهي مينةصغير وفيها استوديوهات تصوير الي يلبسونج ملابس الهولنديين الي قبل فوق ملابسج وشوفي إذارحتي لاهاي روحي مكان ينقالة مادوردام كلشي قزم فيها المباني وكل شي تشوفين هولندا بس على صغيرة وايد حلو المكان مايتطوف بصراحة وإذابغيتي تروحين المانيا في مدينة كولون مري بعدها في مدينة احلى اسمهادوسل دورف عجيب السوق فيها والتاكس فؤي عندهم اقل من باريس وهولندافراح تلاحظين السوق في هولندا الاغلبية عندهم سيل حتى يلحقون يبعون وانشالله اكون افتدج

 

[tota-tears]

صج روعه