محتاره و خاايفه ومتوهقه

[ليش يادنيا93]

السلام عليكم

:eh_s(2):

مشكلتي عن مخالفات المرور

انا يوم من الايام كنت دايسه 150 بالسياره وطفت اشاره الحمرا كنت بلحق علا امي
وصورتني الكامره

ورحت اليوم عشانبدفعها لانه ابوي قالي بيسوي دفتر السياره بعد يومين
واذا درا اني طايفه الاشاره بيعصب علي ومارح يخليني اسوق

رحت الاداره واللي عطتني ورقه المخالفه قالت انهالمخالفه مقفوله
لازم توقيع من الضابط دشي عليه

دشيت عليه جان يقولي منو رائد قلت له رفيج ابوي قالي وانتي يايه تتوسطين له قلت لا قلت انا اسوق سيارته بنات قعد يتطنز جان يقولي لج خلق تروحين العاصمه ولا مالج خلق
قلت له مادلها جان يقولي نطري نطرت بعدين جان يقول لاا مانقدر نسويلج شي روحي العاصمه
هذي بالعاصمه مو اهني حررني صج

انا مادل العاصمه متوهقه واخاف اسوق بعيد حدي المنطقه العاشره
وماقدر اقول حق اهلي بيعصبون حيل
انا سمعت انه المخالفه اذا كانت السرعه فوق 140 يسحبون الليسن 3 اشهر
وانا فوق ال140 متوهقه اخاف يسحبون ليسني بعدين شلون اداوم وان درا ابوي بيقتلني مارحيخليني اسوق مره ثانيه

منو تقدر تساعدني
ماني عارفه شسوي

ببجي:eh_s(2): خايفه من ابوي

 

[روح رفيجآتي]

الله يهديج بس ..,’

 

[el.mlkaa]

هههههههههه ياعممممممريييييي ليش بتبجين شدعوه عادددي تووووكلي على الله وبعدين هاذا شكو يطنز يستضرف الاخ ؟

بسس لححضه لححضه انا خوي كله مخالفات بس ولا مره سحبوو الليسسن منه !!!

 

[pink Barbie]

حبيبتي قولي حق امج وانتي وياها روحوا العاصمه
او اختج رفيجتج والا بنت خالتج خالج اخووج اي احد يدل ويكون ثقه ان ما يوصل الحجي حق ابوج
وانتي الله يهداج ليش بايعه عمرج جذي تطوفين اشارة حمره مع سرعه حدج قويه :/
الله يهديج ويعينج :***

 

[شوشو الشقيه]

بايعه عمرج تسوقين 150
ليكون فاكره نفسج صبي هههههههههههه
حتى الشباب ما يسوقون عند الاشارة بهذه السرعة
ما عندج اخ
و ويا امج روحي

 

[ورده الجورية]

انتي بايعه عمرج
اخوي توه مسوي حادث من هل السالفه
واحد طايف حمره ودعمه
من قوت الطربه انقلبت سيارت الريال​

 

[روانتي 12]

سلام عليكم . .

روحي مع رفيجتج او اختج او اخوج او اي احد قريب منج ويكون ثقة . .

 

[Đ₥яŋỳ♣7βҜ]

وآآآآآآآآآآآآآي @@ !!!
آلله يحفظج , حمدي ربج آلله يستر
روحي مع آمج أو أحد آكبر منج و ثقه !
و ديري بآلـج .. تـرآ حـدجج متهـوره ;'o ؟​

 

[mo0onya]

تستاهلين وعساه لج !! ويارب ياخذونه ولا يردونه !:eh_s(14):

احد يسوق 150 !! بالله عليج لو ماتخافين على نفسج خافي على خلق الله !! :eh_s(1):
لو دشيتي بسياره ثانيه شذنب الناس يموتون ولا يصير فيهم شي عشان حضرتج بتلحقين على امج !!:eh_s(4):

استغفر الله يارب ياليت يسحبونه منج عشان تتادبين ... دامج مو كفو الليسن لا تاخذينه وتبلشين خلق الله
توه اخو رفيجتي متوفي عمره 17 سنه توه متخرج دخلت فيه سياره مسرعه .. قستها على اخواني الله يحفظهم ... ومابي اي مراهقه طاايشه تعرض حياتهم للخطر عشان اي سبب كان !
​

 

[ليش يادنيا93]

تستاهلين وعساه لج !! ويارب ياخذونه ولا يردونه !:eh_s(14):​

احد يسوق 150 !! بالله عليج لو ماتخافين على نفسج خافي على خلق الله !! :eh_s(1):
لو دشيتي بسياره ثانيه شذنب الناس يموتون ولا يصير فيهم شي عشان حضرتج بتلحقين على امج !!:eh_s(4):​

استغفر الله يارب ياليت يسحبونه منج عشان تتادبين ... دامج مو كفو الليسن لا تاخذينه وتبلشين خلق الله
توه اخو رفيجتي متوفي عمره 17 سنه توه متخرج دخلت فيه سياره مسرعه .. قستها على اخواني الله يحفظهم ... ومابي اي مراهقه طاايشه تعرض حياتهم للخطر عشان اي سبب كان ! ​

مشكوره اختي علا الرد الحلوو هذاا دليل علا اخلاقج الفاضله وحلوه دعوتج

الحمدالله خلصت المخاالفه وسويتهاا
وانا لمن كنت دايسه كنت شايفه انه الشارع فااضي وماادعمت بخلق الله ولاا ذبحتلي انسان
عشان تقولين جذي لاذبحت احد ذيك الساعه تعالي كلميني وشكراا لج

 

[fofo90]

الحمدالله على كل حال

 

[mo0onya]

مشكوره اختي علا الرد الحلوو هذاا دليل علا اخلاقج الفاضله وحلوه دعوتج

الحمدالله خلصت المخاالفه وسويتهاا
وانا لمن كنت دايسه كنت شايفه انه الشارع فااضي وماادعمت بخلق الله ولاا ذبحتلي انسان
عشان تقولين جذي لاذبحت احد ذيك الساعه تعالي كلميني وشكراا لج

شعلق شخلي ؟!:rgewrg:
اول شي اخلاقي الحمد لله لا سبيت ولا غلطت عليج .. وحتى لو اسلوبي شديد تستاهلين وهاذا بسبب فعلج اغلط مو مني والطريج !
وبعدين لا حول ولا قوة الا بالله ... ناطره تذبحين احد انتي عشان تتادبين وتتعلمين من غلطج ؟ ترا مو كل مره تسلم الجره .. وعبالج هذيله الي اندعموا ولا سوا حادث عبالهم الشارع مو فاضي .. الحادث ماهو ناطرج ولا جاي بالتدريج فجاه تطلع سياره بويهج يعني حتن لو الشارع فاضي ما يبرر ... ولا تعرضين حيات غيرج للخطر كيفج بنفسج بس مو خلق الله !:rgewrg:


​

 

[(حكاية قلب )]

حبيبتي لآ تزعلين بس احنا نخاف عليكم والله ياما ناس وايد ماتو بسبة الحوداث الله يكفينا شرها
ان شاء الله هذا درس لج حبوبة
​

 

[ليش يادنيا93]

شعلق شخلي ؟!:rgewrg:

اول شي اخلاقي الحمد لله لا سبيت ولا غلطت عليج .. وحتى لو اسلوبي شديد تستاهلين وهاذا بسبب فعلج اغلط مو مني والطريج !
وبعدين لا حول ولا قوة الا بالله ... ناطره تذبحين احد انتي عشان تتادبين وتتعلمين من غلطج ؟ ترا مو كل مره تسلم الجره .. وعبالج هذيله الي اندعموا ولا سوا حادث عبالهم الشارع مو فاضي .. الحادث ماهو ناطرج ولا جاي بالتدريج فجاه تطلع سياره بويهج يعني حتن لو الشارع فاضي ما يبرر ... ولا تعرضين حيات غيرج للخطر كيفج بنفسج بس مو خلق الله !:rgewrg:​

اختي كنتي تقدرين توصلين وجهه نظرج بسلوب احلا مو بعصبيه
علا العمووم شكراا علاا الرد

 

[مهندسة الابيات]

اختي ليش يا دنيا حبيبتي من نكج مبين عليج ياهل موايد 1993 ما ادري انتي بايعه عمرج ولا شنو

وبعدين لا تلومين مونيا اهيا مرت بتجربة اخو رفيجتها مااات تعرفين يعني شنو مات

هي قصدها تنصحج بس من الحره اللي فيها قالت جذي

عسى ربي يهديج بس حبيبتي حطي في بالج الدنيا ما هي طايره
وحتى لو كان الشارع فاضي مو من حقج تطوفين الاشاره لا سمح الله لا سمح الله صار حادث شنو بيفيدج وشنو اللي مستعجله عليه
يعني انتي خفتي من اهلج عشان لا تصير لج مشاكل طيب انتي وخري عن المشاكل

واسمحي لي اقول لج البنت حلاتها بانوثتها بالشارع مو دايسة 150 لا تنسين عمرج وتخسرين حياتج


اتممنى جد من ربي يهديج وما تتهورين مره ثانية

 

[لمعة سراب]

بنات شدعوه عليكم الي تقول ياهل واللي توصل خوفها بطريقه غلط ؟؟!!

حتى لو هي ياهل ع الاقل تكلم الناس بذوق. ماتطالعهم على اساس عمرهم ؟؟!

حبيبتي أنا اقول روحي مع احد قريب لج وثقه يوصلج العاصمه

او اذا ماكو احد يودييج نصيحه لا تروحين بروحج مكان هالبعد قولي حق ابوج اللي صار

أحسن من تروحيين والله يكافينا شر الحوادث يصير لج شي. ماتسووى !
^_^

 

[طموحه بزياده]

الحمدلله عالسلامه زين ما صارلج حادث 150 قويه



قولي لامج ماتعلم ابوج وتصرفوا

 

[كويتية وكلها جاذبية]

١٥٠. عفيه قلب. عبالج مايكل شوماخر ترى الشارع. مو فاضي. يمكن في ياهال طالعين مع اهلهم. ما فكرتي. بهالشي. توج تسوقين و ١٥٠ عيل. عقب. ٥ سنين. جم. ١٨٠. وااااااي. لا تزعلين. بس. تحرين القلب. انا اطوف. البرتقاليه. وارتجف. اموت من الخرعه. لا. وحدي ١٠٠
لا تزعلين. وانتي. حطيتي. مشكلتج. عشان الكل. يقول. رايه. بصراحه. مهما. كان. قاسي اتمنى يكون درس لج. حياة الناس. مو لعبه.

 

[جذابه بنت ذيابه]

الحمدالله والشكر شهالردود ..!



البنت تقول انها بتلحق على امها ،،! يمكن امها تعبانه يمكن فيها شي



حبيبتي اهم شي خلصتي الموضوع وتم بسلااام


و دربالج على نفسسج و الله الله بالركاده

 

[~ tOoOtA ~]

حمدلله على سلامتج

والاخت الي تدعي اسلوبج صارحتن لو انه صح بس ينرفز

اسلوبج بالنصيحه غلط للاسف

صاحبة الموضوع

الحمدلله انحلت مشكلتج

بس مره ثانيه ديري بالج
ترا الشوارع تخوف الحين

وانا بعد مثلج اسوق وصج اسرع بس اخاف واخفف سرعتي
فانتبهي