محتاره وين اسافر هالصيف ؟؟

[al7reyaa]

السلام عليكم
انا ودي اسافر بالصيف
الصين
او
سيريلانكا
او
الهند


ومادري وين والله ريلي شوفي وين تبين بس طبعا اعرف جم تكلف الرحله والحياة المعيشيه هناك والمطاعم و التسوق عندهم يسوى ولا لأ؟؟


ومن هالسوالف

 

[زيـنـه]

الحريه .. يعتمد بروحج و الا معاج العيال ؟
و هم الميزانيه .. و المده ..

 

[keeka]

والله يا حريه ما عندي خبره بهالمناطق بس اتوقع شرق اسيا بشكل عام رخيصه والطبيعه حلوه فيها .. اذا تبيني اسوي لج بحث مفيش مشكله

 

[flowery]

والله مادحيلي المالديف اذا برحج انتي وريلج تصلح حق شهر العسل

 

[جكورة]

ليش مافكرتي بماليزيــا أتوقع أحلى وأمـان أكثر من الصيـن ؟؟

 

[noty]

سيريلانكا طبيعععععه خيال و سوووق كل المصانع الزينه هناك

الصين سووق و شغلات التقليد والاثاث و كل ما يخطر في بالج بس اللغه متعبه حتى المترجمين يبيلهم متجرم

شوفي في سفريات اتودي رحلات حق الصين ساليهم

اذا ماني غلطانه الرابيه اللي ورى المثنى

 

[al7reyaa]

الحريه .. يعتمد بروحج و الا معاج العيال ؟
و هم الميزانيه .. و المده ..

هلا وغلا زينه

انا انشالله مع ريلي بس اعيالي وايد عليهم البحرين ودبي

الميزانيه مابين 3و4
المده اجازتي بكيفي وعندي رصيد شهرين

 

[al7reyaa]

والله يا حريه ما عندي خبره بهالمناطق بس اتوقع شرق اسيا بشكل عام رخيصه والطبيعه حلوه فيها .. اذا تبيني اسوي لج بحث مفيش مشكله

كيكه مشكوره ماقصرتي
بس لا تقولين ماليزيا ولا تايلند لالالا

 

[al7reyaa]

والله مادحيلي المالديف اذا برحج انتي وريلج تصلح حق شهر العسل

بنت خالتي راحت اولت العام قالت صج طبيعه بس وايد عليها 10 ايام تقول ماكو الا ويه ريلها جدامها ولا تلفزيون ولا شي وغرفتها بوسط البحر يعني الطبيعه عجيبه بس وايد عليها ليلتين

 

[al7reyaa]

ليش مافكرتي بماليزيــا أتوقع أحلى وأمـان أكثر من الصيـن ؟؟

جكوره
ماليزيا اذا بروح بالصيف جني بدوله خليجيه وانا ابي اصد عن العرب

 

[al7reyaa]

سيريلانكا طبيعععععه خيال و سوووق كل المصانع الزينه هناك

الصين سووق و شغلات التقليد والاثاث و كل ما يخطر في بالج بس اللغه متعبه حتى المترجمين يبيلهم متجرم

شوفي في سفريات اتودي رحلات حق الصين ساليهم

اذا ماني غلطانه الرابيه اللي ورى المثنى

مشكوره
انا ما ابي التقليد ولا ادوره كللش
لالا ابي مشترى زين وابي طبيعه

ما ابي اعر على اوربا ولا امريكا

 

[زيـنـه]

روحي استراليا .. تونس .. جنها امريكا مصغره .. و يكفيها شهر .. بس دربها طويل .. و اذا عيالج يفهمون اخذيهم .. و سوقهم حلو .. و بطريجج مري سنغافوره 5 ايام .. تسوى

 

[supermarket]

روحي سيلان جنة ماشاء الله


روووووعة شوية عليها


الهند حلوة بس يقولون وسخة

 

[manoor01]

لولا اختلاف الاذواق لبارت السلع


انا لالالالالالالالالالالالالالالالالالالاسيلان
مو شي كلش وحاره حيل وشعب يلوع الجبد ومطفوق وصخ
تبين نصيحتي وانا هذي فكرتي انشاء الله سنه هي
استراليا
او النمسا فضيعه بعد

 

[al7reyaa]

مشكورين ما قصرتوا
انا قلت بشوف اراء الاوادم
واذا يانا الصيف انشالله يحلها الف حلال

 

[bambena]

الحريه احس الثلاث دول اللي قلتيهم مو حلوين الا للي يعرف عدل الاماكن السنعه هناك

انصحج روحي باريس والبرتغال ابرك

 

[بنت العز]

انا انصحج بالهند

فيها اماكن عجيبه ومنتجعاتها ارخيصه انا بعد شكلي ناويه عليها اهي و المالديف

للصيف الياي ان شاء الله و اذا تبين اصور انا حاضره

 

[al7reyaa]

اشكر تجاوبكم معاي