محتاره وابي تطمنوني ( ولدي يقولون لازم يعيد كي جي 2

[كويتية هيبه]

شخباركم
بعد ماضاقت فيني الوسيعه مالقيت غيركم اشكيله
ولدي بكي جي 2 بمدرسه كينبردج الانجليزيه
ذاك اليوم نادوني وقالولي مايصير نرفعه السنه اليايه حق اولى ابتدائي لانه ضعيف !!!!

وجدامج حلين
اما انه تاخذينه مدرسه ثانيه يعني تحولينه
او انه اتييبيلنه من التعليم الخاص لامانع انه يعيد كي جي تو

محتااااااااااااااااره ومادري شسوي انا حيل مرتاحه للمدرسه واخاف اذا قدمتله على مدرسه خاصه ثانيه مايقبلونه وماينجح بالاختبار مع العلم اهو ليلحين مايعرف يقرا ولا يكتب الحروف الانجليزيه اما العربيه يعني اشويه

 

[حرم_طيار]

ما ادري شقولج

دام مستوى ضعيف حرام يروج اولى ابتدائي راح يضيع لان راح يكون صعب عليه

 

[noorq8]

أدري ان صعبه على الأمهات يعرفون ان عيالهم عندهم ضعف بالتعلم لكن مواجهة الحقيقه أحسن من اغماض العين عنها .
حبيبتي أول شي سوّي اختبار ذكاء لولدج واذا طلع ذكاءه عادي فحصي سمعه انتي تقولين يعرف يكتب شويه معناته مشكلته باذن الله بسيطه ساعات يصير الطفل عنده ماي بالاذن فمايسمع عدل فما ينطق عدل فمايركز مع الاطفال ويصير أقل من مستواهم ولو اتضح ان سمعه سليم يبقى شوفي المشكله عندج انتي .........اي نعم عندج اشكثر تقعدين معاه ؟؟ تكلمينه ؟؟ تفتحين معاه كتب وقصص؟؟ تحاورينه؟؟ لو ماتسوين هالأشياء عالأقل ساعتين باليوم فمعناته الولد عنده قلة بالمفردات لان محد يسولف معاه فالمدرسه تشخصه بطء تعلّم والله يحفظ لج ولدج .

 

[sarah125]

أدري ان صعبه على الأمهات يعرفون ان عيالهم عندهم ضعف بالتعلم لكن مواجهة الحقيقه أحسن من اغماض العين عنها .
حبيبتي أول شي سوّي اختبار ذكاء لولدج واذا طلع ذكاءه عادي فحصي سمعه انتي تقولين يعرف يكتب شويه معناته مشكلته باذن الله بسيطه ساعات يصير الطفل عنده ماي بالاذن فمايسمع عدل فما ينطق عدل فمايركز مع الاطفال ويصير أقل من مستواهم ولو اتضح ان سمعه سليم يبقى شوفي المشكله عندج انتي .........اي نعم عندج اشكثر تقعدين معاه ؟؟ تكلمينه ؟؟ تفتحين معاه كتب وقصص؟؟ تحاورينه؟؟ لو ماتسوين هالأشياء عالأقل ساعتين باليوم فمعناته الولد عنده قلة بالمفردات لان محد يسولف معاه فالمدرسه تشخصه بطء تعلّم والله يحفظ لج ولدج .

بالفعل اختي ...اول ماقريت مشكلتج هذا الللي تبادر لذهني ...انتي تجابلينه ؟؟؟؟تقرين معاه ؟؟؟ بنتي اليوم مسجلتها بالكمبريدج كي جي 1 للسنه اليايه ، ومن عمرها سنتين بديت اشتريلها قصص واقرا معاها ..واللحين بدينا نكتب مع بعض......ان شاء الله مافيه الا العافيه ..واحتمال الموضوع مو اكثر من قلة متابعه منج.......جربي عزيزتي

 

[ReeMaN]

والله اختى ترا الغلط من المدرسه مو من ولدج ليش توهم يقولون لج ؟؟؟؟ جان قالو من نص السنه عشان يمديج اتدخلينه تقويه عندهم بالمدرسه

او برا في معاهد خاصه حق الاطفال اتساعدهم على الكتابه والمحادثه واتهيأهم حق المرحله اللي بيدخلونها ..... ولدي من اول شهر دخلته

مدرسته قالو لى ان ماييتكلم انجليزي بس يفهم علينا ويخاف يتكلم يغلط ويضحكون عليه اليهال سجلته عندهم تقويه محادثه لمده شهرين ويكون

بروحه مع المدرسه والحمدلله تجاوز المشكله وصار يتكلم ......

انتى قولي لهم عطونى فرصه شهر واذا في مجال اتدخلينه تقويه عندهم يساعدونه اشوي وبنفس الوقت حيلج فيه بالبيت وبالمعهد لان حرام

بتتعبين معاه بعدين وراه مرحله حيل صعبه يير 1 مو سهل لو تشوفين كتبهم والله تخترعين ..

وبنفس الوقوت حرام يعيد الكي جي 2 اذا الولد مافيه شي انشالله غير ان يبيله متابعه

 

[كويتية هيبه]

على راسي كل اللي ردوا بس فهمتوا ولدي غلط
لا ولدي مافي بطء تعلم بس تبون الصج وااايد مدلعته وماادرسه واايد
وكله ماله خلق وبس يبي يلعب
عفيه شسوي

 

[miss_heathrow]

حيلج فيه الحين ودرسيه وعوضيه يمديج تغيرينه

وخل يشوفون مستواه يمكن يطوفونه لج

واذا بيتم جذي حرام دخليه حكومه اسهل واحسن له

لان مناهج الخاص صعبين حييل وما يبيلهم اهمال او التهاون عن الدراسه كل شي يوم بيومه

 

[شواهد]

لاتعليق انا شفت اسم مدرسة((كيمبردج الانجليزية)) خترعت لان ولدي مسجلة فيها سنة جاي بيدخل إن شاء الله
kg1
وربي خفت واخرتها دلع بذبحج
خوفتيني..بس شلون!!! لازم في تركيز عندهم وهتمام شلون مافي متابع ؟؟ انتي معهم دوم؟؟؟!!
فات فوت ماينفع الصوت ،والله يعين وربي خفت انا ولدي دلوع وحيدي خوفتيني"@ انتي بالبيت ماتقعدين مع شتري لها سي ديات تعلميه حلوه في هو رسوم متحركه وقصص كرتونيه علي هئية تعليم،،،تلقينهم، سنتر بويت وكل مكان..شتري لها العاب تعلميه منها لعبه ومنها يتعلم
الطفل مرحلة الحركه والعلب يبي يلعب مايتحمل مسؤاليه.يحب يلعب شتري له العاب تعلميه شحلاتهم فيهم abcd
وفيهم الاوان وفي القصه في لها صوت حس لمس واجد شغلات تلقينهم سنتربويت سوق شرق ديسكفري فوق محل وليد بروي شويخ كلهم عندهم وكل مكان عندهم العاب حلوه منها لعبه ومنها يتعلم بطريق غير مباشره قعدي مع ويتعلمعورتي قلبي اه
حاولي معهم شوفي شنو سصير معاج حرام يحصل معااج بالامان طمنيني عليكم
انا اعرفه مدرسه اسلوبهم حلو وزينين وبنت اخوي فيها kg1والحمدالله بس خرعتيني kg2??!!
إن شاء الله خير ياارب مايكون الا خير لي ولدج يارب تعبي شوي جتهدي تحصيدين إن شاء الله بالتوفيق يارب
الله يعينج
سلام عليكم

 

[حلم الطفولة]

دام الحمدلله متاكده ماعنده صعوبات تعلم :،، Learning disabilities ،، learning disorders
فان شالله مجرد بعض التركيز معاه راح يفيد .. ان شالله.

بس يالحبيبه ,, هم بعد تأكدي لأن مو معقول حتى لو انتي مدلعته ومو مجابلته بالدراسه لابد بيلقط معلومات من الصف ..
ترى الرئيس الأمريكي : جورج بوش عنده صعوبات تعلم ومايقدر يقرا بالخط العادي .. وهذا مايمنع التعلم والتفوق لأنه حاله معينه ولها نظام وبرنامج تعليمي خاص ..
وممكن يكون نظره شوي ضعيف أو سمعه شوي ضعيف ومايدرون عنه وبالتأكيد وعن تجربه شخصيه راح يأثر على مستواه وتحصيله.
الله يكون بعونكم وأتمنى تلقين الحل الشافي اللي يريح قلبج حبوبه ..

 

[سيدة الكويت]

شلونج ..أختى بس معقوله المدرسه شلون توهم يقولون لكم ؟؟؟؟وينهم العام صراحه المدارس الخاصه اذا حسو الياهل ما يفهم على طول يبلغون الأهل عشان يتابعونه
من كيجى 1..بعدين همن هذا معناه فشلهم المفروض يحطونه على كتر ويكثفون تدريسه ..أنتى دافعه فلوس مو يايه ببلاش

 

[توتا وحب الكويت]

هلا اختى

عفوا اختى ولدج من أي مواليد اذا الولد أصغر دفعته يعني مواليد شهر 1 و2 و 3 انشاء الله لا بأس وراح يكون مع اللي بعمره و لا يمكن اكبر شوي فالمعلومات تكون حلوه بالنسباله وايد . هذا اذا كنتي حابه ترجعينه

اما اذا كان هذا عمره وعادي لا والله لا تردينه حرام تضيع عليه سنه كامله ليش . علشان الدلال علشان الدلع لالالالالالالا حرام

اختى الموضوع انتي فيه الحين لا تأخذين قرار الا بعد ما تقوين ولدج عدل الحين درسيه وديه القاعده الحلبية وبعد ييبيله مدرسة شاطره مو اي وحده واضغطيه - درسيه عربي و انجليزي وبعدين شوفي مستواه

وبعدين ترى اختى الركه الكبيره على المدرسة المفروض في متابعه من المدرسة والبيت . المفروض المدرسة ينبهونج على الولد من كي جي 1 مو الحين لما وصل كي جي 2 يقولولج ماراح يروح الصف الاول .
اختى الكمبرج عليها ملاحظات وايد اللي اعرفه انهم ماديين ومادامج قاعده تدفعين ماعليهم الولد مستفيد او لا
انتي ماعليج فيهم طالما ما خلصت السنه يلا اعزمي الهمه ولا يضيق خلقج وتأكدي انه كل مشكلها ولها حل .
الحين اخذي نفس عميق وابدئ
1- روحي اقعدي مع مدرساته وشوفي وين مواطن الخلل عند الولد اسئليهم شنو يعرف وشنو ما يعرف .
2- سجليه في القاعده الحلبية عربي وانجليزي
3- ييبيله مدرس او مدرسة تأسيس لغه عربية بس لا تقوليلها انه ولدج في القاعده الحلبية ابدا ماراح تهتم وايد وحفزي المدرسة على المكافئه اذا صار مع ولدي تحسن خلال فتره معينه
4- ييبيله من سوق الاسره بالفحيحيل كتب للمهارات والمفاهيم عباره عن ( قص ولصق - توصيل - يمشي على الخط - تركيب ) وانتي العبي معاه بالبيت واذا عندج عيال ثانيين سويلهم مسابقات منو اللي يخلص اول ووووووو
والله الموفق

 

[توتا وحب الكويت]

حبوبا لي رجعه لج انشاء الله

 

[frfr197]

حبيبتى ترى يعطون الولد فتره لعمل اختبار له ويشوفون المستوى شلون صار.....بس حرام تخلينه يعيد السنه وانتى طلبى منهم مهله ودرسى ولدج عدل خليه يكون عنده خلفيه عدل.......واعتقد تقدرين تطلبيله موعد على شان يشوفون مستواه مره ثانيه وعسى الله يوفقه وخليلج اياه

 

[كوكو لاتي]

شوفي حبيبتي الغلط منج انتي !!!!!! انا اقولج ليش



انا ولدي بالتكامل العالميه بكيجي ون اوكي؟


مره من الملرات مرض علي وكله ترجيع وماوديته السكول لمدة اسبوع وبهالاسبوع خذوا احرف وكلمات وقالتلي المس


ان الولد مو حافظ نص الاحرف والكلمات والارقام وبعد اسبوع عندهم امتحان قالتلي دخليه تقويه ب 30 دينار كل يوم سبت

فكرت فيها بس ما وديته قعدت انا جابلته ودرسته عدل مدل كل يوم اقعد معاه ساعه ويوم راح الامتحان المس تقول ممتاااااااااااااااااااز

كل شي حافظ من غير تقويه ولا شي لاني جابلته



وعموما لازم تقعدين مع الولد كل يوم على الاقل نص ساعه تحفضينه وتكتبينه اللي اخذه بهذا اليوم عشان يرسخ بمخه


حرام انتي دافعه فلوس ويطلع ولدج من كيجي تو مايعرف انجليزي والله حرام

بس هم المدرسه لازم يبلغونج بهالشي من قبل مو الحين يا تنقلينه او يعيد السنه شلون جذي؟؟؟؟؟

 

[ام دودو المزيونه]

الله يعينج تري بهالزمن ما ينفع الدلع لابد تكونين لولدج الأم المصرية ( لعصب علي بنتي اقول لها بصير الأم المصرية اهي بصفها 15 بنت اغلبهم مصريات وجنسيات ثانيه من سوريا وتونس والأردن حتي فلبن مدرستها بحولي ماشاء الله علي اعيالهم حافظين المنهج دخلت حضور حصة البنات يشرحون الدرس للأبله مو المدرسة تشرح وبنتي حبيبتي ما تغايش معاهم بثانيه ابتدائي ) لازم تضغطين عليه لمصلحته
اختي تري الخاص يضغطون الياهل و يبيله امجابل ومتابعه منج وللأسف الطفل يقضي سنواته الأولي بالخاص تدريس مكثف يمكن تقولون افضله بالنسبه لي اشوفها ضغط علي الطفل وما يستمتع بطفولته حتي الأم تنضغط معاه
بنتي كانت ببلي غروب سلوي مرحلة الروضة بس للأسف كنت اغيبها وايد مرات مريضه وحرارتها ترتفع او انا مالي خلق او عطلتي منتصف السنه الحكوميه غيرهم فتغيب معاي اسبوعين بس كنت ادرسها ويعطونها هوم ورك وايد واللحين اهي بالحكومة مستواها ضعيف خاصةً بالعربي الصف الثاني ابتدائي وما تعرف تقري عربي عدل بس الشيئ الوحيد الي استفادته من بلي غروب انها قويه بالمحادثة والاستماع بالأنجليزي ومس الe تمدحها والعربي تذمها وكاني قاعده اشد عليها بالعربي والرياضيات
تدرين احس اعيالنا طفولتهم غيرنا حرام صارت تدريس بتدريس والأم تنضغط معاهم بالتدريس يا حلونا واحنا اصغار حتي اهلنا ما يجابلونا وماشاء الله وايد منا مراكز ونجحنا بحياتنا يمكن لأن اول يدرسونا الفلسطينيات بضمير وبرعب

 

[كويتية صغيرة]

و الله حرام ثانية روضة و تخلينه يعيد السنة ..... عيل بالمتوسط و الثانوي شنو يسوي ؟

و اذا ما تابعتيه ..... عيل كل يوم يروح المدرسة شنو يعطونه ؟
و ليش توهم يتكلمون !!!!!!
الغلط من المدرسة طبعا
يعنى اذا الأم ماجابلت عيالها بالروضة .... اذن يعيدون السنة و يسقطون !!!

حبيبتى انتى دافعة فلوس المفروض اهما يصيرون حريصين او على الأقل يجمعون الطلبة الضعاف و يركزون عليهم اكثر
او ابسط شي يبلغونك بوقت ابكر
حاولي تنقلينه مدرسة ثانية و اذا مافاد ....عندك بالصيف دخليه معاهد و دورات
ولا يعيد السنة حرام تروح سنة من عمرة و هو توه طفل موفاهم شي

 

[أم عبووووود]

هلا فيج حبيبتي

ان شالله ولدج ما في الا العافية بس الواحد يتطمن احسن شيكي على النظر والسمع عنده حتى لو تسوين له اختبار ذكاء مافيها شي بالعكس بس زيادة اطئنان لان الدلع ما يوصله ان مايعرف الاحرف بالمرة لابد ان يكون متعلم ولو بالمدرسة وانا اللي اعرفه عن هالمدرسة انها واااايد قوية فشلون ولدج ضعيف ودام مايبون ينقلونه الصف الاول فهو واااايد ضعيف

الياهل لو ماتجابلينه كلش راح يتعلم جم حرف عالاقل وخصوصا الانجليزي لان المدرسة اصلا قوية من هالناحية وخصوصا ان الطفل يتعلم بكثرة الترديد والتكرار واذا سويتي الفحوصات وطلعت سليمه حاولي تنقلينه مدرسة اسهل يمكن تكون طريقة المدرسة صعبه عليه

ان شالله مافي شي بس لازم تتأكدين ياقلبي علشان يرتاح قلبج

ربي يوفق وليدج ويحفظه ويطمن بالج عليه

 

[كويتية هيبه]

حيلج فيه الحين ودرسيه وعوضيه يمديج تغيرينه

وخل يشوفون مستواه يمكن يطوفونه لج

واذا بيتم جذي حرام دخليه حكومه اسهل واحسن له

لان مناهج الخاص صعبين حييل وما يبيلهم اهمال او التهاون عن الدراسه كل شي يوم بيومه

اي احس اني انقرصت حدي وبشد عليه
بس لاا الله لا يحدني على الحكومه

 

[كويتية هيبه]

لاتعليق انا شفت اسم مدرسة((كيمبردج الانجليزية)) خترعت لان ولدي مسجلة فيها سنة جاي بيدخل إن شاء الله
kg1
وربي خفت واخرتها دلع بذبحج
خوفتيني..بس شلون!!! لازم في تركيز عندهم وهتمام شلون مافي متابع ؟؟ انتي معهم دوم؟؟؟!!
فات فوت ماينفع الصوت ،والله يعين وربي خفت انا ولدي دلوع وحيدي خوفتيني"@ انتي بالبيت ماتقعدين مع شتري لها سي ديات تعلميه حلوه في هو رسوم متحركه وقصص كرتونيه علي هئية تعليم،،،تلقينهم، سنتر بويت وكل مكان..شتري لها العاب تعلميه منها لعبه ومنها يتعلم
الطفل مرحلة الحركه والعلب يبي يلعب مايتحمل مسؤاليه.يحب يلعب شتري له العاب تعلميه شحلاتهم فيهم abcd
وفيهم الاوان وفي القصه في لها صوت حس لمس واجد شغلات تلقينهم سنتربويت سوق شرق ديسكفري فوق محل وليد بروي شويخ كلهم عندهم وكل مكان عندهم العاب حلوه منها لعبه ومنها يتعلم بطريق غير مباشره قعدي مع ويتعلمعورتي قلبي اه
حاولي معهم شوفي شنو سصير معاج حرام يحصل معااج بالامان طمنيني عليكم
انا اعرفه مدرسه اسلوبهم حلو وزينين وبنت اخوي فيها kg1والحمدالله بس خرعتيني kg2??!!
إن شاء الله خير ياارب مايكون الا خير لي ولدج يارب تعبي شوي جتهدي تحصيدين إن شاء الله بالتوفيق يارب
الله يعينج
سلام عليكم

لا ابشرج اخترعي يعني تخيلي بهالمرحله وحتى الحروف الانجليزيه مايقولها ومع العلم لما كان بالحضانه كان يقولهم كلهم صم معناته من رداه المدرسه الله يذكرها بالخير حضانه التميز

وانا ترا ادرسه مو ماادرسه بس مااشد عليه وايد

 

[كويتية هيبه]

دام الحمدلله متاكده ماعنده صعوبات تعلم :،، learning disabilities ،، learning disorders
فان شالله مجرد بعض التركيز معاه راح يفيد .. ان شالله.

بس يالحبيبه ,, هم بعد تأكدي لأن مو معقول حتى لو انتي مدلعته ومو مجابلته بالدراسه لابد بيلقط معلومات من الصف ..
ترى الرئيس الأمريكي : جورج بوش عنده صعوبات تعلم ومايقدر يقرا بالخط العادي .. وهذا مايمنع التعلم والتفوق لأنه حاله معينه ولها نظام وبرنامج تعليمي خاص ..
وممكن يكون نظره شوي ضعيف أو سمعه شوي ضعيف ومايدرون عنه وبالتأكيد وعن تجربه شخصيه راح يأثر على مستواه وتحصيله.
الله يكون بعونكم وأتمنى تلقين الحل الشافي اللي يريح قلبج حبوبه ..

مشكوره ياعمري ريحتيني
بس اللي طمن قلبي انه لما اجابله وادرسه الحمدلله اراجعله ثاني يوم يكون حافظ بس هناك بالمدرسه ماايكتب مادري اشسالفته حتى اسمه بالكامل يكتبه معاي كامل وبالمدرسه تقوللي مدرسته مايعرف يكتب اسمه !!!!