محتاره في مدرسة بنتي ؟؟؟

[miss_lawyer]

السلام عليكم ورحمة الله وبركاته
اشلونكم بنات
قاعده ادور حق بنتي مدرسه اسلاميه وبنفس الوقت يعلمونها انجليزي وماادري سمعت بروض الصالحين والرؤيه والابداع فاتمنى اللي عندها فكره عنهم تقولي ؟؟ انا اهم شي عندي تحفيظ القرأن الكريم والانجليزي
وجزاكم الله الف خير

 

[حلم الطفولة]

الابداع أحسن شيى خصوصا بالإنجليزي يعلمونهم عدل واليهال يحبون يروحون يسوون لهم وايد أنشطه ومهتمين بالدين والعربي وايد ,, أدعيه ومسابقات وشغل عدل بس منهج القرآن العادي مال الحكومة.عيالي بالابداع.

الرؤية عيال خالتي وبعض صديقاتي ومعارفنا يمدحونها والدين والأخلاق شي خيالي ..بس يقولون بعضهم الانجليزي مو زود.

روض الصالحين عيال صديقتي فيها .. تقول خوش إداره وشغل عدل ونظام وعندهم منهج قرآن نص جزء بالسنه.. مناهجهم قويه بس الأبلات منهم عرب والطريقة شوي ما هي زود يعني تحفظ ونقل بس ما يطلع الياهل يكتب ويقرا القصص الطويله مثل الأجانب .. يعني خوش مدرسه بس فيهم نقص شوي بمستوى الانجليزي

 

[miss_lawyer]

جزاج الله الف خير انزين بسألج الابداع مايحفظون القران

 

[جوكليت بار]

حبيبتي اذا اتهمج الناحيه الدينيه

فمدرسة الرؤية ثنائية اللغة اقوى المدراس من ناحية التوازن بين الألتزام الديني واللغة الأنجليزية

وماكو وجه مقارنه بينها وبي باجي الأبداع الامريكية

لأنهم يعطون الطلبه حصص حفظ أجزاء القرآن الكريم

يعني تخيلي عيال ولد عمتي بالمتوسطه وبلبل انجليزي وحافظين أجزااء من القرآن الكريم

لا واذا اذن الظهر كل الطلبه بالمسجد يصلون

للأسف كنت بدخل ولدي بس طافني التسجيل

 

[جوكليت بار]

جزاج الله الف خير انزين بسألج الابداع مايحفظون القران

بعد اذنج حلم الطفوله

لا حبيبتي مايحفطون ,, بس تربيه اسلاميه منهج الحكومه

 

[Dancing^Queen]

الابداع ماعرف فيها
بس عيال اختي بروض الصالحين
وايد زينه المدرسه وقويه بالدين ماشاءالله

الروئيه المدرسات كانو يطقون اليهال

 

[miss_lawyer]

انا سمعت ان روض الصالحين صوفيين صج هالحجي