محتاره شسوي لزوجي علشان...... البنات بلا لـــــقافه

[ten 10]

السلااااااام عليــــــــــكم
حبابـــــــــــــــــــــــــــــي
بليز ابي اقتراحاتـــــــــــــــــــكم
عيد زواجنــــــــــــــــــــــا 28 \3
واهو اول عيد زواجـــــــــــــــ لنا امانه ابي كل وحده تقترح اقتراحات وافكــــــــار
بنات تكفون لحد يطلع بدون ما ترد ساعدوني
انا ودي اجيب كيكه وفيها صورتنا يوم العرس بس استحي اخاف خالتي تشوفها
شلوون بصعد الكيكه بشقتي بدون لحد يدري http://www.q8yat.com/images/ehdaa_smilies/eh_s(2).gif
امممممممممم وبعد ابي افكار تكفون

 

[granted]

:tongue22:
Up

 

[أجمل إنسـآنـه ~]

وعليكم السلام ورحمه الله وبركاته


أللـه يوفقكم...~.~

عقبال كل العمر وياا بعض يارب..~.~

عاتي حطي الكيـكه بجيس موجيس مطعم ..واذا قالو شنو قولي ملابس لي.. وقبل لأتدخلين تاأكدي ان بطرييجج ماكو أحدد..ْ.ْ


والله يسعدكم,, مأعندي أفكـآر

 

[ماتغير شي]

اقترح أنكم تقعدون بفندق جم ليله وأشتري له هديه ساعه عطر تلفون اي شي حلوه فكرتج بس ماتخافين احد يشوفها يعني اللي راح يسون الكيكه اكيد ريايل ..؟
وظبطي نفسج بالصالوون وكل شي خليه مفاجاءه بدون مايدري والله يسعًدكم

 

[مشتطـه]

اشوا ان اللي عندي ما يحب هالسوالف

عاد انا قبلج عيد زواجي بجم يوم اول عيد زواج لنا هيهيهي
وبإذن الله بكون ب مكّـه :$

 

[بولندية]

اي فكرتج حلوة عن الكيكة انا بعيد ميلاد ريلي سويت كيكة على صورته و اهو بيبي

و محتارة هالمرة شنو اسوي

 

[Tosta]

سافروا .. قعدوا بفندق .. اجروا شاليه .. اشتري هديه بس

 

[إنسانه وأكثر]

صعبه انج تحطين صورتج عالكيكه مادري

صورته اهو ممكن بس انا مااحب احط صورعالكيك يمه قلبي شلون اقصصهم واكلهم

عندج ليله بفندق عندج هديه مع حجز بمطعم اذا انتي من الكويت عندج مطعم التسيمو يزهبلج الطاوله ويزينها والكيكه وكل شي صج غالي بس شي معتبر وحلو

حاولي تعرفين شنو الشي المفضل عنده وييبله منه على حسب مقدرتج طبعا

الله يوفقكم حبيبتي

 

[pusy cat]

صح ديري بالج تحطين صورتج ترى تردلج عكسيه

 

[كريزية]

الكيكة ما انصح تحطين صورتكم لان اكيد اللي بيسوييها ريال وماتدرين يمكن يسوي كوبي للصورة استغفر الله
مابي احط بذمتي بس دربالج ...

هذي افكار مني ... سوي حركات بكل مكان يحط عينه عليه

حطي صورة الملجة وصورة للعرس وصورة لكم بدون مناسبة على حايط فلين اللي ينباع بايكيا حلو شكله ،،،، احسن صور كوبي مو الاصلية لا تخترب من اللزاق وغيره ( هذي حركة سويتها وعجبت ريلي واايد)

كتبي باوراق صغيرة (10 تقريبا ) كلام حب مثل : مالي غيرك - الله لا يحرمنا من بعض - اعشقك يا فلان - انت الوحيد اللي تامر وتنهي وانا اقول حاضر - حبيبي فلان ......... الخ
وحطهم بمغلف رسالة شكله حلو بورد وقلوب حب .. ولزقيييه على منظرة التسرييييييحة

اشتري كفر يديد ويفضل لونه احمر او بقلوووب ..
هذا غير الشموع والورود الحمرا وفواحة ...


خلي اليوم كله مميز من الصبح لي الليل
وبالتوفيييق مابي الا دعوة حلوة منج :*

 

[مـس مـطـيـر]

سوي كيكه على صوره بطاقه العرس اذا للحين محتفظه فيها احلى ويبين الكلام حلو و يكون عليها التاريخ و انتي البسي ابيض و سوي مكياج مقارب لليله العرس و خلي الاضاءه خفيفه و رومانسي اكثر
و الله يسعدج و يتمم عليج

 

[دلوعة أبوهآ]

آلله يوفقكم

 

[! بــدويه وآآيــد !]

،


حطي عالكيكه صورة عقد زواجكم احلى واذرب لهالمناسبه

 

[الجوهرا]

انا مره لبست ثوب ابيض وكنت رايحه الصالون مسويا شعري عاد اهو كان جاي من دوانيه وناسي اخترع لما شافني يقولي شسالفه اخخخخخخخ

 

[om 7sony]

والله انا بعد عيد زواجي الشهر الياي
ومادري شنو بسوي

السنه اللي فاتت رحت مطعم جاوتشو جريل بالنخيل
واتفقت معاهم اني احط الهديه عالطاوله
اخترت الطاوله اللي ابيها وحطولي شموع وورود نثروها عالطاوله وحطوا علب الهدايا رتبوها عالطاوله
كان شكل الطاوله حده كيوت ومميز
بالليل ,سويت روحي مادري وين بنروح وبس قربنا انا وزوجي من المطعم قلت له خل ندخل هني يقولون حلو
ولم دخل هههه راح على طول الطاوله اللي يمها ما توقع ان الهدايا هذي حقه ,,,,,
والصراحه حدده استانس لم شاف الاغراض والناس كانوا يطالعونا,, تعرفون اللي شافوا الطاوله وناطرين يشوفون منو اللي بيقعد عليها
وكل شوي يسالني ,,, يعني هذا حقي ؟؟!! يعني منو اللي حاطه
شلون حطيتيه هني؟؟؟
ووااايد استانس

 

[ديانا سبنسر]

اب اب ماعندي افكار

 

[بيلسسان]

انا للحين بنوته
بس حلو لما تلبسين فستان ابيض
وغير جذي تطلعين صور عرسكم
ذكرى حلوه

 

[om_3azoz]

اول شي عيد زواجكم يوم ملجتكم ولا يوم عرسكم
اذا يوم ملجتكم سوي كيكه على عقد الزواج وحطي شمعه على جم سنه صارلكم متزوجين
واشتري له هديه

اذا كان عيدزواجكم يوم عرسكم سوي كيكه على صورتكم يوم عرسكم وحطي السنه ,,,


وانا عندي لو تحجزين فندق لو ليله وحده وتشترين الهديه وتعطينها حق الفندق يجهزون لج الغرفة ويحطون الهديه وكل شي احسن لج مفاجاه تكون حق ريلج حلوه


انا ان شاءالله عيد زواجي يوم عرسي 11_4 بسوي جذي

 

[سندس 90]

والله ماعندي الا
Up

 

[فوفو22]

طلبي كيكتين لهم بدون صوره ولج بصوره

عشان ما يركزون بالموضوع

فوفو