محتاره بين جامعه الكويت والجامعه الامريكيه

[Bokeh ward]

السلام شلونكم بنات
انا توني متخرجه من الثانويه بس محتاره وين ادخل ودي جامعه الكويت علوم اداريه وودي اخذ بعثه داخليه في الجامعه الامريكه هندسة كمبيوتر بس شرايكم بالجامعه الامريكيه وشنو مستواها واذا تخرجت راح يكون مسماي مهندسه او لا ومشكورين مقدما ادري طولت عليكم بالاساله :eh_s(7):

 

[nono93]

اب لعيووووونج ماادري حسب نسبتج \\



جامعه الكويت غيرر

 

[أدووويا]

نصيحه

جامعه الكويت كل الكليات و التخصصات حلوه

 

[vogue grl]

حرام نسبتج اذ دخلج جامعة الكويت دخليها

 

[KelyAmanii]

اذا نسبتج تدخلج الجامعه دشيها !

جامعه الكويت أحسن لج واضمن لج

أذكر وحدهـ نسبتها تقبلها الجامعه واهيا علمي يعني تقبلها هندسه بعد !

سوّت روحها كلش وقدمت ع الجامعه الأمريكيه ع اساس انها تعرف انقلش ،

طبعا اهيا متخرجه من سنتين وقدمت ع الامريكيه

هالسنه اول سنه لي بالجامعه لقيتها فجأهـ

تقولي ندمت انها راحت الامريكيه ، وحوّلت ع جامعه الكويت ودشت اداب

يعني باختصار اضمن لج جامعه الكويت وياد يتمنونها

واذا عن تخصص علوم اداريه واايد حلوو

اذا تحبين الانقلش والرياضيات دشيه

موفقه حبي

 

[Bokeh ward]

مشكورين على ردودكم اي انا نسبتي 86 يعني تدخلني جامعه الكويت بس را ح تدخلني علوم اداريه بس ودي بالهندسه فشلون الهندسه فيها ويقولون كلها بالانقلش وصعب فماادري بليز ساعدوني تسجيلي الاحد :eh_s(7):

 

[KelyAmanii]

مشكورين على ردودكم اي انا نسبتي 86 يعني تدخلني جامعه الكويت بس را ح تدخلني علوم اداريه بس ودي بالهندسه فشلون الهندسه فيها ويقولون كلها بالانقلش وصعب فماادري بليز ساعدوني تسجيلي الاحد :eh_s(7):

مشاء الله حلوهـ نسبتج

بعدين ياحبيبتي علوم اداريه بالانقلش

والهندسه فيها انقلش ،

ماعليج من صعب مو صعب !!

حابه هالكليتين ؟ قدمي عليهم

علوم اداريه حابه سوالف محاسبه ، ادارهـ وتسويق ومنهآ ،

هندسه حابتها ؟ قدمي ،

استخيري قبل كل شي ، موفقه حبيبتي :eh_s(7):

 

[Bokeh ward]

مشكوره حبيبتي كلي اماني ما قصرتي بس ما عليه تضيفيني مسن حابه استفسر اكثر عن كذا شغله

 

[KelyAmanii]

العفوو ولو حبيبتي

اكيييد ممكن

ادزلج ايميلي بالخاص اوك

بس لازم انا اضيفج بعد شلون اخذ ايميلج ..؟

مايصير تدزين لي بالخاص لأن مشاركاتج شويه

بدزلج ايميلي وضيفيني

 

[مشتاقة لاهلي]

دخلي جامعة الكويت ع الاقل تضمنين لي صار اي شي .....شلج بالطلايب بالامريكيه لغة ومادري شنو

 

[مس روبنز]

جامعة الكويت وبس لا تفكرين بغيرها ما شاء الله نسبتج حلوه وعالبركه التخرج ولو إنها ممتأخره​

 

[Mo7aSbChia]

بعثه داخليه هندسه اب auk ماراح يقبلونج 86% الا جان تحولين

فا بالمكانين لازم تحويل

و بالامريكية كل الدراسه بالانقلش

موفقه انشالله

 

[eng w3d]

اذا حابة هندسة .. لا تييييييين صوب جامعة الكويت .. انا الحين فيها و بكلية الهندسة بعد
يشهد علي الله ان اللي بقوله لج صج
و اذا ما تصدقيني تعالي سئلي طالبات الجامعة نفسهم ..

الهندسة بجامعتنا وايد متعبة و الدكاترة كل واحد يقول الحقارة عندي .. اذا تخصصج كهربا تاخذين مواد ما تحتاجينا و اللي بكليات ثانية و بنفس تخصصج ما ياخذونها .. صج كلية تحب تحشي مخ الطالب

غير الظلم اللي بتطقين على راسج منه ..
يعني كليتنا يبيلها صبر و طولة بال .. و الحياة الاجتماعية تقريبا راح تنسينها من الكراف

اذا قدرتي بجامعة ثانية احسلج .. و اي بيكون مسماج مهندسة
اما اذا ما لقيتي كلية ثانية .. فلا تتخلين عن الشي اللي تحبينه و دشي جامعة الكويت
بس حطي ابالج انج لازم تبذلين جهد فوق المعقول
و موفقة يا حياتي

 

[Bokeh ward]

مشكوورين بنات وما قصرتوا بس لي الحين محتاره :eh_s(10)::eh_s(10):

 

[KelyAmanii]

^

استخيري وشوفي

موفقه حبيبتي

 

[قدوتي سنتي]

الادارية دراستها حلوة وبالانجليزي مافيها عربي

يبونها الحكومة والخاص

 

[ذهبه]

دشي جامعه الكويت اريحلج واحسن بوايد صدقيني

 

[أحلى البشر]

اللي معدلها يدخلها جامعة الكويت وتدش جامعه خاصه حدها غلطااااانه

 

[مس روبنز]

جامعة الكويت

وبس

 

[LuLiTa]

جربي جامعة الكويت اول .. اذا قبلوج بالتخصص اللي تبيه حلو ... اذا ما قبلوج قدمي عـ الامريكية .. المهم تدرسين شي حابته .. , اذا عن الانقلش و الصعوبة فـ كل تخصص لازم تبذلين له مجهود ما راح اييج شي بدون مقابل .. اهني كراف و اهناك كراف ...