محتاره بهالتلفونين

[الاسطورية]

هاي بنات

انا ابياشتري تلفون محتاره شاخذ

في 2 عاجبيني

بس مادري عن ولا شي عنهم
حتى اسعارهم فبحطهم الي مجربه اي واحد منهم او تعرف سعره ياريت تقوي

هذا الاحمر

هذا عاجبني لان ولامره شريت شي جذي ثقيل قوي كله كيوت ههههههه بغير

والي تعرف تلفون يديد حلو تقوولي

 

[nero]

الاحمر مو طالعه صورته

والثاني قديم .. اخذي شي توه نازل احسن

 

[الاسطورية]

الاحمر E56

شنو تعرفون شي حلو نازل

مشكورة

 

[عذوبkw]

الجهاز اللي صورته آخر شي اهو n91 يهبلللللللللللللللللل

كان عندي بس طاح بالماي واحترقت شريحتة وكنت حاطة موضوع عنة يوم اخترب
اهني بهالرابط ..

http://www.q8yat.net/showthread.php?t=69048


ياحلوووووووو هالجهاز صج حجمة كبير شوي بس شنو روعة قلبي يعورني وانا اكتب عنة صج بيني وبين هالتلفون قصة حب الله يرحمه



اشتريت n76 و تقريبا توه نازل ماصارلة جم شهر مو حلو كلللللش :

وع وع وع طاااااااااااااااح بجبديييييييييييييي

يعلق ويعل القلب واذا صورت او سجلت شغلة احصلها بمدير الملفات ماتروح الاستيديو سيدة وبطييييييييييييييييء يرفع الضغط وفوق هذا صبغتة تقشر وتطير

وخري عنه لا تشترينة


اما التلفون الاحمر ما اعرفة والله


اللي الحين ماشي سوقة وحلو n95 عند اخوي ويمدح فية


حبيبتي انتي تعرفين اسعار التلفونات مو شوية يعني دققي عدل قبل لا تشترين تلفون ويطيح بجبدج ..



انشالله افدتج :eh_s(17):

 

[الاسطورية]

مشكوره وااااااايد عذوب انا ارتحتله بعد

 

[رضاب]

هلا الأسطوريه

ما ادري كنت بقولج تشتريين n76 بس عذوب ماتمدحه

أنا جهازي حلو n95 بس ثقيل شوي واحس موعملي

 

[مريووووومه]

..............................

انا ما احب اجهزة نووووووووووكيا ودعتها من سنه واكثر والحين جهازي سوني اريكسووووووووووووون

 

[noty]

ودي افيديج بس نوكيا من زماااااااااان عنه


توني شفت جم وااحد

سوني اريكسون ( واحد ضعييييف جنه كرت اونس ) في واحد طويل وواحد قصير ,, حده بناااتي ,, اشوف وايد بنات حابينه

في ال جي ( ال جي شاين ) تووه نازل بعد ,, امسويتله دعايه الزغبي بفيديو الكليب اليديد

و في سامسونج حلووووو ( كاميرتا 3.2 ميغا بيكسل ) احتمال اخذه ,, بس لونه مو زود :/ هذا اللي مرددني

اما اذا تبين نوكيا الثاني احلى من الاول


روحي يوريكا السالميه كلهم يم بعض الاجهزة و تنقي

 

[sweet..hart]

انا ماحب نوكياا
احب سوني اركسون لأن وايد زين احسن من نوكيا

 

[MANGA]

حبيبتي هذا E65



عاد والله انا امس رايحه محلات وعجبوني هذا التلفون وN95

والحين انا حاطه موضوع شبيه بموضوعج هههههههههههه

وابي احد يفيدني ,,, وسعره 120 او 130 جذيه تقريبا وماشالله

جربت الكاميرا العاديه كانت وايد ,, وايد صافيه الصوره وواضحه

بس هذا الي اعرفه عنه

 

[الاسطورية]

هلا فيكم
وانا احب سوني اريكسون بس في شغلات ماتصير بالسوني اريكسون ردتني على نوكيا

وشريته الاحمر حده يهبل والجنت ويووونس عجبني وايد
وفي شغلات يديده