محتارة يا خواتي

[Perfect J]

انا مو كويتية وما أقدر افيدج بالموضوع من ناحية الجنسية مستقبلا وغيره
لكن كأخلاق الله يكثر من أمثاله

وحبيبتي ما عليج من كلام الناس ولا كلام اهلج اهم شي استخيري وباذن الله اللي فيه الخير يكتبه ربج
الله يوفقج

 

[strong faith]

حبيبتي لا تفكرين بنفسج بس ،،،،

باجر عيالج شنو راح يصير مصيرهم !!

فكري عدل والله يكتبج الأنسب لج

 

[bride2011]

ذا منتي مقتنعه بوضع البدون لا تتزوجينه وتظلمينه معاج
استخيري
ومالج شغل ببنات عمي اخواني اهلي اهم شي انتي مقتنعه ولا لا
سوي بحث عن وضع البدون وعن وضع عيال الكويتيات وحياتهم
وتالي قرري
اهلج مبين بعينهم الطيب الي سواه
لكن مهما كان يظل القرار قرارج

 

[M!SS.LOBY]

لا حول ولا قوة الا بالله

 

[M!SS.LOBY]

الله يكتب لج اللي فيه الخير

 

[ليدي بجد]

شصار عليك وافقتي. والا رفضتية؟!!

 

[latkt7as]

لو منج اوافق بدون تفكير

اول شي الله الرازق
ويكفي انه خايف ربه وحافظ قران غير ممييزاته الثانيه

والي تقول افضل تاخذين كويتي ومدري شنو

ع اساس الكويتي مسكت
فيهم الغني البخييل الي عنده فلووووس ومايصرف فلس
يعني بو 550 دينار افضل منه بالف مره

الكويتي اغلبهم مغازلجيه ومايعبر ويمكن خيانات وسفريات
وطاقج بالطوفه يعني الي حافظ القران وشاريج ابرك

الي مع ربه ويخاف منه واالله ربي يفتح له الف باب وباب
ويببارك له بالي عطاه لو كان شوي

فري القسم وشوفي الي مايصرف عليها
والي يطقها والي والي؟
وتطلقو يعني الجنسيه مو مقياس سعاده
مانكر انها شي مهم وضروري

بس مع انسان مثل هذا كلش مو ضروري

 

[latkt7as]

مع انه بصراحه وبدون زعل

بعض الكلام الي قلتيه يخليني اشك بمصداقيه هالموضوع

بس بهالخصوص ربي يحاسبج مو احنا

 

[منـيـرّه]

الله يكتب لج الي فيه الخير
اختي انا اشوف ماله داعي ابوج يتكفل بالعرس
واخوج الشقة ... يعني حتى لو تحسون له فضل عليكم
فهو مجرد دين وانرد له لا تحسسون الريال انكم للحين مديونين له
يعني هالاشياء اسياسية بالزواج المفروض يعتمد على نفسها فيها
لا تعلمونه على الاتكالية عليكم تخسرون شهامته ؛)
يساعدونه لكن مو بالاسياسيات بأشية ثانية.

 

[همي رضى خالقي]

اهم شي انه الريال زين وكريم

كا مويتين وتمشيلهم فلوس الدنيا ومامو ابخل منهم طبعا مو الكل بس اهم شي اخلاق الريال لانج بتعيشين معاه

وانتي استخيري وشوفي

 

[maryom83]

صلي استخاره وتوكلي على الريال شكله زين

 

[فريدة هنا]

خذوهم فقراء يغنهم الله

 

[سعادة قلبي وياه]

الله يكتب اللي فيه الخير اندمجت بشررررينا عاد شصار معاج

 

[M!SS.LOBY]

الله يكون بعونج

 

[عيوني شقااقيه..]

هاا بشري شصار عليج ؟؟

 

[مولاي الفرج]

بنات اهما مو يقولون اليهال يصيرون كويتيين عالام ؟ اللي تعرف تقولي لان تهمني الاجابه

 

[زيين العبادي]

الله يسر لج آمورج ثقي في ربج ودوم حطي الله داخل عيونج وقلبج لأنه هو مؤكل عباده

 

[هيبة ملك]

فكري بعيالح. حرام. تبهذلينهم. معاج. ويعيشون بدونلاوظيفه ولادراسه. ولا مستقبل
عيالج. اهم. شي. فكري. فيهم
خلي. العواطف. عنج وفكري بعقلج
خوانج شعليهم كويتين وظامنين مستقبل. عيالهم
البلقي عليج. تبين تعيشين طول عمرج ع الاجارات؟
بدون بيت ولا مستقبل
وعيالح بلا وظايف. ويمكن بعد اذا كبروا مايرضا احد يزوجهم لانهم بدون


انت بعدك صغير والمستقبل قدامج

 

[هيبة ملك]

لاحبيبتي. مايصيرن كويتين يصيرون عيال كويتيه ابوهم بدون

بس مالهم جنسيه يسجل لهم بدون


انا معاي زميلاتي. كويتيات. عيالهم بدون




لاوظايف ولا معاش.

 

[بكيزة هانم]

موفقة