محتارة ... ساعدوني !!

[cute_angle]

السلام عليكم
انا متزوجة صارلي 8 سنين وماعندي عيال ... المشكلة عندي الانابيب فيها تشوه
بلغتني الدكتورة ان ماينفع الا طفل انابيب ..
توكلت على الله وسويتها مرتين وماصار حمل
قبل يومين زوجي قالي انا بتزوج نطرت عليج وايد
والله انا ماالومه يبي عيال واهوالحمدلله سليم مافيه ولاشي .. اقترحت عليه انه يعطيني فرصة ويصبر شوي
و قررت اسوي حقن مجهري لان سمعت ان مضمون اكثر باذن الله
بس محتارة وين اروح ؟
انا اعالج عند هدى الناصرالزكري ومرتاحه معاها بس مادري اتم معاها والا اغير ؟
فيدوني الله يخليكم ... ولكم مني الدعاء

 

[عيون بلانظر]

والله مادري بس حبيت ادعي لك ان الله يعوض صبرك خير
ويرزقك الذريه الصالحه ويصبر زوجك وينولك الصبر والثبات

 

[ريمي74]

ياااااحبيبتي انشاء ربي يرزقج ويعوض صبرج خير
الصرااااحه انا اشوف الرااااحه النفسية اهم شئ ودامج
مرتاااااحه مع هالدكتوره خلج معاها وخصوصا هي عاااارفه
حالتج "" بتروحين حق طبيب وتبدين من اول شئ
خلج معاها وتوكلي على الله الاطباء ماهم الا اسباب
اذا الله رايد لج وانتي مكانج بجيج رزقج وماتدرين من اللي بيكون السبب

وبعدين حبيبتي انتي ماسويتي الامحاولتين وانشاء الله ربي يرزقج بالثالثه
ياااااااااااااااااااااااااااااااااااااااااااااااااااااااااااااااااااااااااااااااااااااااااااااارب

 

[SOoOSA]

ماعندي فكرة عن أطفال الأنابيب انا اعالج بمركز طفل الأنبوب بالصباح ومادري عن الخاص
بس انشالله اللي يهدي لج ريلي بس اشدعوه عليه بسرعه فقد الأمل وبيتزوج انتي ماصارلج الا 5 سنين ناس وايد طولوا أكثر منكم ومايإسوا والله عوض صبرهم خير ورزقهم ليش جذي
عم أبوي تم تقريبا 13 سنه وجنه أكثر بدون اعيال جربوا كل شي ومانفع وسبحان الله بس وقفوا العلاج عشان بيريحون حملت مرته طبيعي بدون علاج وألحين ماشالله عندها 3 يابتهم ورا بعض
هذا زواج لازم يقدر التعب اللي قاعد تتعبينه انتي موحاطة ريل على ريل وموقاعد تسوين شي ،، كل اللي بيدج قاعد اتسوينه مو يقولج بتزوج عليج جنه يبي الشاره
حتى ما احترم مشاعرج
سوري طولتها بس انبطت جبدي
وانشالله البنات بيفيدونج ماراح يقصرون معاج

" ربي لاتذرني فردا وأنت خير الوارثين"

 

[سيدة الانتظار]

اسأل الله ان يعوضج خير ويرزقج الذرية الصالحة

 

[ذهـ الكويت ـب]

:eh_s(21)::eh_s(21)::eh_s(21):

مرحب


ربي يرزقج

ويصبرج ان شاءالله

مااعرف والله انا داشه بس ابي ادعي لج

والله يكون بعونج

:eh_s(21)::eh_s(21)::eh_s(21):

​

 

[ريمي74]

حبيبتي سوسى لاتزيدينها اللي فيها مكفيها
الرييايل مو كلهم نفس الشئ بعد هو ماااقصر
غيره ماتكمل السنه ويبدي يحن
وبعد زين انه قال لها مافاجئها "" الله يجزيه خير
ويعوض صبرهم هذا الشئ غصب عنه ..
لو احنا بمكانهم مااعتقد بنصبر "" اذا الشرع يحلل لو
ماااافي عذر وشلون اللي عنده عذر ؟؟

 

[نيبال الايمان]

السلام عليكم
انا متزوجة صارلي 8 سنين وماعندي عيال ... المشكلة عندي الانابيب فيها تشوه
بلغتني الدكتورة ان ماينفع الا طفل انابيب ..
توكلت على الله وسويتها مرتين وماصار حمل
قبل يومين زوجي قالي انا بتزوج نطرت عليج وايد
والله انا ماالومه يبي عيال واهوالحمدلله سليم مافيه ولاشي .. اقترحت عليه انه يعطيني فرصة ويصبر شوي
و قررت اسوي حقن مجهري لان سمعت ان مضمون اكثر باذن الله
بس محتارة وين اروح ؟
انا اعالج عند هدى الناصرالزكري ومرتاحه معاها بس مادري اتم معاها والا اغير ؟
فيدوني الله يخليكم ... ولكم مني الدعاء

ياعمرى اول شى عسى الله يرزقج بالذرية الصالحه البارة عاجلا غير اجلا اللهم امين يارب

بعدين ياعمرى لا تزعلين منى اذا بقولج يعنى اذا زوجج تزوج اللحين بيضمن ان الله بيرزقه بالذرية ترى الارزاق بيد الله لا بيدج ولا بيده
قولى له تعوذ من الشيطان واذا كان صابر عليج عشان العيال بس فخليه يتزوج من اللحين ليش ينطر انتى وين رحتى والعشرة اللى بينكم يعنى كلها عشان العيال بس الله يهديه بس 000

ياعمرى والله اتمنى لج الله يرزقج وبتوووم باذن واحد احد وعاجلا غير اجلا اللهم امين يارب

بس والله ضيقتى خلقى من حجى زوجج يعنى لازم يكون ايمانه بالله قوى ويكون عارف انه الارزاق بيد الله وانه
مو ضامن لو تزوج وحده ولا اثنين عشان الخلفه انه بيخلف 000

ياعسى الله يرزقج يا عمرى ويرزقنى ويرزق كل محروم ومحرومه منهم اللهم امين يارب

 

[((الماسه))]

الله يبرد على قلبج ويهدي زوجج وانشاءالله تترسين البيت يهال
حبيبتي انا وايد سالت دكاتره وناس فاهمه قتلهم منو احسن شي بالكويت اغلبهم قالو منصور العرف بس مواعيده ابعيده اشوي بس صج دكتور فاهم والله يرزقج انشاءالله واذا على الدكتوره الي قلتي عليها ولامره سمعت عنها

 

[*caramel macchiato*]

خل ينطر وان شاء يايكم الفرج من رب العالمين.....الله يهديه يااارب

بالنسبة حق د هدى حدها حبووووبة ومريحة بس اتوقع تصلح حق متابعة الحمل والولادة ...يعني مو تخصص بالعقم واطفال الانابيب....

تبين رايي غيري الدكتورة ...روحي دكاترة تخصص مثل فوزية او منصور العرف او ماجدة اليتامى.....يعني روحي حق احد تخصص طفل انبوب وحقن مجهري....\

عسى الله يرزقني ويرزقج هالسنة ياااارب

 

[ام تركي2008]

اللي يرزقج بالذريه الطيبه عاجلا غير اجلا
ونصيحه روحى حق منصور العرف

 

[هداوي المطيري]

نصيحه اخت روحي مستشفى لندن عند د باترك .... حيل زين باذن الله

 

[cute_batoota]

الله يهدي زوجج انشالله يا رب انا ما عندي فكرة عن الحقن المجهري بس في اسامي دكاترة شطار سالي عنهم فيه دكتور باتريك بانترناشونال كلينك واسامه صالحه وناهض حمادي بدار الشفا وفيه الاشنيهي بالسلام عياده جنين سالي عنهم وشوفي والله يرزقج يارب الذريه الصالحة عاجلا غير آجل ياااا رب العالمين

 

[cute_angle]

حبايبي والله ماقصرتوا
بس بقولكم ترا زوجي مسكين واهو ماقصّر صبر 8 سنين ومن حقه يفكر بالزواج لان العيب مو منّه
والمشكلة انه اهله ذبحوه بالنقزات ويعايرونه واهو موراضي يقول زوجتي اللي فيها العيب
انا والله قلبي يعورني عليه بس لما افكر فيها ادري ماراح اتحمل انه يتزوج علي
خلاص بتوكل على الله باجر بدق باخذلي موعد عند منصور العرف ..
والله يرزقني ويرزق كل محرومة

 

[cute_batoota]

العرف وااااايد زين وايد يمدحونه بس مشكلته واااااايد زحمه يعني موعدج اذا بتدقين باجر بيقولولج بعد شهرين فليش ما تاخذين موعد عندة وعبال ما ايي وقت موعدج جربي عند دكتور ثاني مثلا اسامه صالحة واااااااااااااااايد واااااااااااااااااايد يمدحونه والاشنيهي هم زين فجذي ظربتي عصفورين بحجر جربي نصيحتي حبيبتي والله يرزقج ياااارب الذريه الصالحة ويهون عليييج يا رب

 

[@ دهن العود @]

اسأل الله ان يعوضج خير ويرزقج الذرية الصالحة

 

[ايمانو حلوة]

الله يرزقج حبيبتي وانشالله اعوض صبرج خير يارب

 

[mosta7eel]

عسى ربي يرزقج تووم يعوضونج سنين عمرج
ويجبر بخاطرج وعسى ربي يسخر لج زوجج
وان شاءالله البنات يفيدونج بخصوص العملية

 

[SOoOSA]

الله يرزقج انشالله
وسوري اذا ضايقتج موقصدي

 

[sweet-rose]

السلام عليكم ،


الله يروقج ان شاء الله عاجلا غير آجل .. وخلي زوجج يفكر عدل .... لو كان العيب منه جان انتي صبرتي عليه ولا قلتب بنفصل واتزوج غيرك ... ليش هو ما يضحي على شانج وينطر ويحط في باله انه الرزق من رب العالمين .. انتي وياه كثروا الاستغفار والدعاء وان شاء الله ربي يعطيكم الذرية الصالحة