محتارة حيل وأبي رايكم يزاكم الله خير

[6amo7a]

مشكورة ياخيتي ويزاج ربي كل خير

وربي يسهل دربكم ويسعدكم ويفتحها عليكم وين ماتكونون

 

[@كويتية ذربة@]

والله ياقلبي مااشوف انها مشكله انابنات خالتي متزوجين سعوديين وعااااااااااااااااايشين ماشالله احسن عيشه ومدلعين شلون اذا انتي بتعيشين بالكويت يعني فرصه العمل متوفره لج وله والله انا اقول مادام الرجال صايم ومصلي وشاريج وااااااااااااااااااااافقي وين تلقين هالشي عند شبابنا والله صج مدلعين ومتفتحين وقبل كل شي صلي صلاة استخاره والله يكتب اللي فيه الخير
انا اسفه عالأطاله

 

[غروري ضروري]

صلي استخارة

والله يكتب اللي فيه الخير..

 

[دلع السلاطين]

انا راي من راي الموت الحمر


فكرى بعقلج اكثر
ولله يكتب الى فيه الخير

والشغله نصيب

 

[عشيقة ريلها]

والله ان كان خوش ريال لاطوفينه وباجي ان شاء الله يتيسرج

شوفي انا كويتيه ومتزوجه سعودي عشت معاه بالسعوديه بس طبعا مع اهله

ولمن في كفااااح علشان نوصل اللي نبي

وهذا جامعي والحين مسافر الى كندا يكمل ماجستير من الحكومه السعوديه الله يرجعه لي بالسلامه

ان صار نصيب حاولي تخلينه يكمل دراسته ويبتعث بره هالشي يحسن مستواكم في المستقبل

ونفس شي اختي متزوجه سعودي وعاشت خمس سنين في السعوديه وهالسنه

رجعت اسكنت الكويت معنى كان في بالها انها راحت تسكن الى

الابد بالسعوديه بس صار نصيب وارجعت

والحمدلله ريلها مومقصر معاها بشي وهذا الحين قدمت على ديوان وبتشتغل

واهم من كل هذا راااااااااااااااااااااحه البال <<< حطي عليها مليون خط احمر

دايما اسال روحي لو انا ماخذه كويتي بكون سعيده معاه

وخاصه انه اهني وايد اسمع اللي ريلها يخونها ولي ريلها يكلم بنات ولي له سوابق

ففكري انتي من كل الجهات وشوفي شنو يعطيج خيارات وين مثلا بتعيشين


والله يوفقج

 

[q8tya 3asaal]

حبيبتي اذا انتي شهادتج اعلى منه نصيحه فكري
ترى الريال بطبعه الغيره و مايحب يشوف المراه اعلى منه خاصه الرجل الشرقي

بتصير مشاكل بسبت هالنقطه في وايد حريم ريايلهم يعايرونهم عشغلهم او شهاداتهم

اعرف وحده مدرسه خذت واحد ثانويه ماصارلهم شهور شافها تصلح الدفاتر لا اراديا خذهم و شقهم يقولها انتي ماتجابليني كثر ما تجابلين شغلج

 

[دنيا رديه]

نصيحه مني ارفضي وربي باجر بتندميين ندم وراح تحسفيين وتتمنيين لو متزوجه كويتي

 

[ماما ام بدر]

يمكن يابنيتي ردي مو كافي بس لان هذي القرارات صعب غيرج يتخذها لج او صدقيني يشاركج يها لان اللي في راسج راح تسوينه وانا المح رغبتج في الارتباط فيه
انتي صلي استخاره وهذا شي طبيعي
ومن ثم قوليله انا صغيره وانت صغير كمل دراستك ومن ثم الله يكتب اللي فيه الخيره ولمسي فيه الاصرار والعزيمه في انه يرتبط فيج اذا اكمل دراسته اما اذا قال بعد الزواج فاسمحيلي راح اكون في ريبه واعتبر كل رغبته بالزواج تخطيط طفولي وطيش وحب مراهقه والله اعلم مني ومنج يابنيتي

 

[6amo7a]

جزاكم الله خير خواتي كلكم وربي يجعله في ميزان حسناتكم

سبحان الله وجهات النظر مختلفة .. ربي يكتب إلي فيه الخير والصالح ان شاء الله

ماما ام بدر :

جزاج الله خير على ردج لي .. أكييد سبحانه يعلم مالم نعلم

ارد عليج على رغبته بالزواج تخطيط طفولي وطيش وحب مراهقة .. آنا مو معاج

لأنه اهوا تفكيره مو جذي بالعكس اهوا يبي يكمل وناوي ان شاء الله

عالعموم مشكورة وربي يجزيج كل خير

بنتج 6amo7a

 

[ياشايل الظبى]

انتظرينى على الخاص

 

[بنت عز وما تنهز]

اول شي استخيري اختي
مره ومرتين وثلاث

وبيني وبينج ياحلو السعوديين يدللون حريمهم
انا رحت الخبر بتسوق رديت محبطه

تدرين ليش

من ازواجهم كل واحد مجلب بيد مرته جنهم معاريس مو واحد واثنين الا الاغلبيه

مو احنا اذا وداج السوق يعصب وبس يبي يخلص ولما اتقوليله امسك ايدي يقولج لا فشله

ومو بسالفت السوق بس هم في كثير من جماعتنا بالسعوديه ولما يسولفون حريمهم عنهم والله شنو رمانسيين

الله يهنيهم ان شاء الله

والي فيه الخير يقدمه ربج

وبالتوفيق ان شاء الله

 

[6amo7a]

اول شي استخيري اختي
مره ومرتين وثلاث

وبيني وبينج ياحلو السعوديين يدللون حريمهم
انا رحت الخبر بتسوق رديت محبطه

تدرين ليش

من ازواجهم كل واحد مجلب بيد مرته جنهم معاريس مو واحد واثنين الا الاغلبيه

مو احنا اذا وداج السوق يعصب وبس يبي يخلص ولما اتقوليله امسك ايدي يقولج لا فشله

ومو بسالفت السوق بس هم في كثير من جماعتنا بالسعوديه ولما يسولفون حريمهم عنهم والله شنو رمانسيين

الله يهنيهم ان شاء الله

والي فيه الخير يقدمه ربج

وبالتوفيق ان شاء الله

مشكورة حبيبتي ويزاج الله خيير

واهما صح رومانسيين ^_^

ربي يكتب الي فيه الخير والصالح