محتارة تعالوا ساعدوني بنات الجامعة والتطبيقي

[نـــــ أم ـــــور]

السلام عليكم ورحمة الله وبركاته

شلونكم بنات نسبتي 79.5 (الحمدلله ادري بعضكم يقول شويه بس انا متزوجه من 4 سنين يعني الثانويه كلها درستها ومريت بضروف حمل وولادة ... الخ ) ماشاء الله اللهم بارك دست على صحتي وطلعت هالنسبة والحمدلله

انا ودي اصير مدرسة تربية اسلامية بصراحه هذا الشي اللي صج خاطري فيه

بس الحين محتارة بكذا شغله

اولا :eh_s(6): الحين يقولونلي اني ادش الشريعه احسن لاني بالشريعه اقدر اصير مدرسة وبنفس الوقت اذا ماعجبني التدريس ( الاغلبيه ودهم ينحاشون ) انا الحين ماودي بس يمكن اهم شايفين شي انا مو شايفته ليلحين

المهم يعني المجالات مفتوحه جدامي بالشريعه وهالشي انا مقتنعه فيه

بس المشكلة احس نسبتي ماتسمحلي ادش يعني اتوقع لازم ادش اداب وعقب احول

انا سجلت برغباتي بالجامعه
شريعه
تربية
علوم اجتماعية
اداب

واتوقع بيقبلوني اداب ويارب شريعه مرة وحده

الحين اذا دشيت اداب شنو الشروط اللي عقبها احول ( بضروفي اخاف ماقدر اييب امتياز )

واسهل تخصص فيه شنو والتحوييل عقب كورس ولا سنة كاملة


الحين انيي حق ثانيا

واي الله يعينكم علي شكثر اسأل
انا طبعا قلت اسجل بالجامعه والتطبيقي (تربية ,,, تربية اسلامية )

بالتطبيقي سجلت بالاستمارة الالكترونية

والمشكله ماكان يصير احط رغبة لازم 3 رغبات
حطيت اول شي
اسلامية
رياض اطفال
بدنية

ومايصير لازم البدنية او الفنية او كل المواد الباقيه لوووووووول اول رغبة يعني مايصير الاسلامية اول رغبه ومثلا اكون حاطه البدنية الاخيرة لا لازم تكون رغبه اولى


عاد انا الشاطرة شسويت
حطيت

بدنية
اسلامية
رياض اطفال

وبتفكيري انه البدنية ماراح يقبلوني لان عليه ضغط ويبيله واسطه من كلام البنات

بس عقب قلت انا مينونة يمكن يقبلوني فيها على حظي واتوهق
وحطولي موعد تاريخ 21

مادري شسوي اخاف اروحلهم مايصير اغير

او يقولونلي لازم 3 رغبات والبدنية ماتحطينها الاخيرة ومن هالحجي

شسوي
وبرايكم البدنية يقبلوني بدون واسطه يعني


والحيـــــــــــــــــــــــــــــــــــــــــــــــــــــــــــــــــــــــــــــــن

سؤال المليون وماعندكم ولا وسيلة مساعده خلاص :eh_s(6):

برايكم اذا اقبلوني اداب واقبلوني بالتطبيقي تربية اسلاميه شسوي اروح اداب اقدر عقب اكيد احول ولا اقعد بالتربية الاساسيه بالتطبيقي


عفية شوروا علي محتاجه رايكم

والله يجزاكم كل خير يارب

وسامحوني على القرقة

 

[دخيل الغلآ]

هلا وغلا ...

لا ان شـآء الله يقبلونج .. بس اتوقع يقبلونج الاداب ... واذا دشيتي اداب لازم تخلصين من 30 لي 45 وحده عشان تحولين لي الشريعه مادري اذا السالفه فيها معدل اولا ... بس الدكاترة زوينين لاغلبيه يساعدون ...

نصيحتي استخيري وشاوري اهلج ... لاتسوين نفسسي ماسمعت شور اهلي والحين متوهقه بعمري

ربي يوفقج ان شاء الله ويكتب لج الخير ....

 

[.. رفيع الشآن ..]

رد : محتارة تعالوا ساعدوني بنات الجامعة والتطبيقي

التربيه الاسلاميه مساندها عربي والله يعينج على دكاترة العربي بالتربيه الاساسيه

افضل انج تحولين من الاداب الى الشريعه افضل

 

[.. رفيع الشآن ..]

رد : محتارة تعالوا ساعدوني بنات الجامعة والتطبيقي

التربيه الاسلاميه مساندها عربي والله يعينج على دكاترة العربي بالتربيه الاساسيه

افضل انج تحولين من الاداب الى الشريعه افضل

 

[مرمووور]

رد : محتارة تعالوا ساعدوني بنات الجامعة والتطبيقي

انا الي اعررفه ان البدنيه في امتحاان قدراااااااات تلعبين رياضه جداامهم وماادري شنوو من هالسوااااااااالف وكل البناات يقولون يبوون واااااااااسطه البدنيه

اتووقع يحطوونج اسلااميه بالتربيه الاسااسيه

ماعندي فكرره بالجاااااااامعه

مثل ماقالت الاخت استخييييييييييييييييري ..........؟

 

[شوشوا]

انا الي اعرفه بالجامعه ان نسبة قبول الشريعه اقل من نسبة قبول الاداب

الشريعه 78
والاداب 78.1

ان شاء الله تنقبلين بلشريعه على طول

 

[ĆŭŧΣ Ḟầсe ㋡]

مررحبآآآآآآآآ ...

انصحج تدشين اداب والكورس الثاني مسموح تاخذين كل موادج شريعه ودكاترة الشريعه اغلبهم متساهلين يعطونج A

وشروط التحويل للشريعه تعدين 15 وحده ومعدلج مو اقل من جيد يعني السنه الجايه انتي بالشريعه ان شاء الله

ولاتضيع عليج ولاماده ولا هم يحزنون وموفقة ان شآآآآء الله :eh_s(22):

 

[يالبيه 17]

هلا حيآتي ام نور
مبروك على هالنسبه الحلـوهـ يآآقلبي

التطبيقي مآدري عنه والله
بس الجآمعه انشاءالله يقبلونج شريعهـ

واذا ماقبلوج شريعه اكيد راح يقبلونج آداب ومن بعدهـآ جيبي معدل وحولي للمكان آللي تبينه يآآآقلبي

 

[نـــــ أم ـــــور]

مررحبآآآآآآآآ ...

انصحج تدشين اداب والكورس الثاني مسموح تاخذين كل موادج شريعه ودكاترة الشريعه اغلبهم متساهلين يعطونج A

وشروط التحويل للشريعه تعدين 15 وحده ومعدلج مو اقل من جيد يعني السنه الجايه انتي بالشريعه ان شاء الله

ولاتضيع عليج ولاماده ولا هم يحزنون وموفقة ان شآآآآء الله :eh_s(22):

شلون يعني ماتضيع علي ولا مادة قصدج يعني الكورس الأول اخذ مواد عامه نفسها يعادلونها لي بالشريعه وعقب الكورس الاول احول ولا عقب كورسين

ممكن توضحيلي حبيبتي

والله يجزاج كل خير :balo:

 

[نـــــ أم ـــــور]

هلا وغلا ...

لا ان شـآء الله يقبلونج .. بس اتوقع يقبلونج الاداب ... واذا دشيتي اداب لازم تخلصين من 30 لي 45 وحده عشان تحولين لي الشريعه مادري اذا السالفه فيها معدل اولا ... بس الدكاترة زوينين لاغلبيه يساعدون ...

نصيحتي استخيري وشاوري اهلج ... لاتسوين نفسسي ماسمعت شور اهلي والحين متوهقه بعمري

ربي يوفقج ان شاء الله ويكتب لج الخير ....

مشكورة ياقلبي وان شاء الله انا خاطري ادش الاداب واحول

شنو اسهل تخصص بالآداب ولا اول كورس مايكون فيه تخصص


ومشكورة ياقلبي:eh_s(9):

 

[نـــــ أم ـــــور]

رد: رد : محتارة تعالوا ساعدوني بنات الجامعة والتطبيقي

التربيه الاسلاميه مساندها عربي والله يعينج على دكاترة العربي بالتربيه الاساسيه

افضل انج تحولين من الاداب الى الشريعه افضل

الله يستر عاد انا بالعربي :s142: بصراحه مستواي جيد اعلى نسبة اييبها 70 لووووووول

مشكورة ياقلبي وان شاء الله بستخير وعسى الله يكتب اللي فيه الخير

 

[نـــــ أم ـــــور]

رد: رد : محتارة تعالوا ساعدوني بنات الجامعة والتطبيقي

انا الي اعررفه ان البدنيه في امتحاان قدراااااااات تلعبين رياضه جداامهم وماادري شنوو من هالسوااااااااالف وكل البناات يقولون يبوون واااااااااسطه البدنيه

اتووقع يحطوونج اسلااميه بالتربيه الاسااسيه

ماعندي فكرره بالجاااااااامعه

مثل ماقالت الاخت استخييييييييييييييييري ..........؟

وي عاد انا شكلي حامل لوووووووووووول يعني اول شي بلعبلهم جمباز :eh_s(6):

ان شاء الله بستخير

مشكورة ياقلبي والله يجزاج كل خير :eh_s(21):

 

[نـــــ أم ـــــور]

انا الي اعرفه بالجامعه ان نسبة قبول الشريعه اقل من نسبة قبول الاداب

الشريعه 78
والاداب 78.1

ان شاء الله تنقبلين بلشريعه على طول

لا اصلا قالولي حتى بنات القوائم يمكن مايقبلونج بالشريعه
ويقبلونج بالاداب وعقب تحولين

نسبه القبول الفوري بالآداب 82.5
الشريعة 89


يارب انقبل على طول الله يسمع منج يارب

مشكورة ياقلبي وعسى الله يوفقج

 

[نـــــ أم ـــــور]

هلا حيآتي ام نور
مبروك على هالنسبه الحلـوهـ يآآقلبي

التطبيقي مآدري عنه والله
بس الجآمعه انشاءالله يقبلونج شريعهـ

واذا ماقبلوج شريعه اكيد راح يقبلونج آداب ومن بعدهـآ جيبي معدل وحولي للمكان آللي تبينه يآآآقلبي

هلا والله يالبيه ياعمري شلونج والله ذكرتج دايما تردين على مواضيعي وتساعديني عسى الله يوفقج

والله يبارك فيج يارب

ان شاء الله هذا اللي بسويه والله كريم

:fun:

 

[الغدق]

أول شي الله يوفقج
ونصيحة إذا اقبلوج الأساسية اسلامية
على طول خلي الجامعة ودشي اساسية
لأن انتي متزوجه وعندج ظروف
اشلج بالتحويل والمحاتاة
وبالنسبة للتحويل سهالات

 

[الغدق]

والتحويل مو شرط امتياز إذا تبين شريعة
بس إذا تبين تربية اسلامية لازم معدلج 3نقاط ومساندج عربي يكون
أما إسلامية ابتدائي يكون التخصص عربي اسلامية
كله تخصص رئيسي مو مساند
والله يبيلها مجابل دراسة الجامعة مو سهالات
بس إن شاءالله أنتي تقدرين
أنا تخصصي عربي اسلامية ابتدائي

وبالتــــــــوووفيــــــق

 

[Golden]

شوفي حبيبتي نطري شوفي شنو ربي كاتبلج وصلي استخاره

ولي طلع قبولج واحترتي ذيك الساعه نقدر نفيدج

لان ما نبي نأملج بشغله وما تصير

لي بينت الفرص جدامج عدل بشرينا

 

[نـس ـونئ غ ـلآهـم]

مأعندي فكره

بسس اتوقع الشريعه تقبلج لأن ماعليها ضضغط وأيدد

موفقه إنشالله

 

[مشاعر خجوله]

كل اللي اقدر اقوله ان الشريعه بإذن الله بتقبلج لانهم يبون من 78% و فوووق ودراستها حلووووة ..

بس دامج تبين تدريس التربيه الاسلاميه ابتدائي انصحج بالتربيه الاساسيه لانها "مثل ما سمعت" اسهههل كـ دراسه من الجامعه .. وبعدين الجامعه ماكو الا تخصص عربي مساند اسلاميه اذا تبين ابتدائي اسلاميه .. وانتي براحتج


بس اول وتاااالي استخيرررري قبل كل شي، وعسى الله يوفقج ان شاءالله ...

 

[أم حمد =)]

الله يوفقج