محتارة باسم بنتي التؤام أغيره ولا لا

[ام رينـاد]

اذا عاجبج لاتغيرينه ماعليج من الناس اهم شي عاجبج

والاسم حلو وخفيف

 

[كويتيه وافتخر]

اذا مضايقج من الحين بدليه

 

[om-3azo-83z]

اذا انتي عاجبج على راحتج
بس بصراحه ما انصحج عاجبج صح بس فكري فبنتج باجر شلون بيعلقون عليها بالمدرسه ولا بره
وايد ناس اسامي عادي و غيروها اولهم ريلي قعد باسمه سنه و غيروه حقه مع ان اسمه مافي شي كان اسمه نواف صار بدر
بس كان صغير و غيره بس انا عمري و حياتي ما قلتله بدر

 

[♥الجــــــوري♥]

امممممممم شي يحير

 

[حلاتي بندرة وجودي]

هلا حبيبتي امبلاااا انا ساامعه في كانت مدرستنا الفرنسي سوريه وونناديها مدام بااانه حلوو وغريب

ويعني مااشوف فيه هالتعقيييد اذا محتاره صلي صلاااة الاستخاره وربي العالمين احسن مننا ومن راينا
الله يخليييييييييييهم لج

 

[Om 3zo0oz_2011]

دانه وبانه
بالعكس مايلوق مع بعض لو مسمينها داليا او ديمه

معني الثلاث ماعجبووني

 

[أحلام العمر]

شدعوه عليك تغيرينه عشان الناس شكو اهم شي عاجبك بعدين الاسم بصراحه روعه حلو بصراحه انتي مبين عليك حيل حساسه مو لي هالدرجه اغير اسم بنتي عشان مو عاجب الناس

 

[منتظرة الفرج]

نصيحه بانه موحلو غيريه قبل ماتكبر واذا عاجبج كيفج

 

[سنيوره101]

لا حراام اسم داانه احلى بوااااايد من اسم بانه احسه مو اسم بعدين باجر لكبرت البنت بتحس في فرق بين اسمها واسم اختها بنسبه لناس لشافوهم
نصيحتي غيريه في اسامي احلى

 

[.حــنــان.]

احسه مو وايد حلو الاسم

ولا اقولج غيري اساميهم ثنتينهم لوول

مثلا نوف و هنوف

حنان و جنان

بشاير و مشاعل

امنه و امينه

منى و هدى و ندى << اختاري لوول

منال و منار

واذا مصره على دانه
سمي اثانيه دلال ولا ديمه نفس الاحرف حلوو ..

والله يخليهم لج يارب ادري قرقت وايد لول

 

[Cute mama]

الله يحفظهم ويخليهم لج يارب

اهو صح اسم غريب بس دام عاجبج خلج عليه
ودانه وايد حلو​

 

[♥الجــــــوري♥]

خلاااااااااااااااص
عاجبني اسم بانة مابغييييييييييييييره
والنااااااااااااس طنشتهم
لاني فكررررررررت أغيره بسسس بعــــــــــــدين تراجعت لأن الأسم عااااااااااجني وبقووووووووووووة
لأن لناس مايعجبهم العجب ولا الصيام في رجب

 

[كوسا]

ما عليش اختي مو حلو
سمي دانه ودانيه
الله يصلحهن