محتاجه لاخت توقف معاي؟؟

[القصيدة]

السلام عليكم و رحمة الله و بركاته

الله يكون بعونك يا قلبي :eh_s(17):

حلو انو تبغين تتغيرين حتى ترضين نفسك مو بس حتى تعجبين غيرك

اهتمي بنفسك جسدياً و معنوياً .. البنات ما قصّروا بنصائحهم

استعيني بالله وحده و اختاري من الخلطات اللي يناسبك و داومي ع المشي

و اعملي موازنة = لا تهملين نفسك و زوجك و تهتمين بعيالك و لا تهتمين بنفسك على حساب عيالك

و الله يوفقك :eh_s(7):​

 

[ام فواازي]

ليش تحطين الذنب بخواته انتي قلتي بنفسج انا رفله وشكلي ولبس اكس و من داخل مو مهتمه وشقتج وصخه مالوم الرجال لو تزوج سوري لاتزعلين مني بس لاتحطين ان خواته هم السبب مافكرتي ان الرجال مل منج ومن طبعج وشنو يعني عندج اربعه من كلامج مبين انج مو موظفه يعني قاعده لا شغل ولا مشغله
كل هالاشياء مو عذر لج في بنات وايد عندهم دسته عيال ماتبهذلو وعندج انا عيالي 3 الكبير 5 سنين و 4 سنين و سنه وكا حامل وتعبانه بس مااهملة نفسي وبيتي الريحه حلوه مو بخور لا نظافه لان بنتي صدرها يتعب وماابخر الا من وين لي وين عشانها بس اهتم بريحة البيت من ديتول و ترتيب وبالنسبه تقولين من داخل المفروض الله يهداج ضاغطه على نفسج بنفاسج وماكله الادويه واللهوم عشان ترتاحين بعدين وتريحين زوجج لان هذا اهم شي عند الرجال بالله شيصبره عليج
والحين اذا ماتبين المره الجديده تاخذه منج تلاحقي عمرج واهتمي بنفسج و بيتج لا تخلينه يميل للجديده واخذي رضوتج وردي قبل عرسه عشان يحس بالتغير مو يدخل عالعروس وهو للحين فكرته عنج هي نفسها القديمه

 

[تفاؤل وأمـــل]

الله يفرجها عليك ويرد لك زوجك ردا جميلا

 

[sh_mashael]

زعلت وايد لج وعليج و منج :\
إشدعوا تهملين نفسج؟
شوفي حبيبتي انتي لازم تبدين تهتمين بنفسج عشان الناس يهتمون فيج!!
اول شي رفعي روحج المعنويه
تقدرين تتابعين دكتور في تطوير الذات و رفع المعنويات ع اليوتيوب
و اذا تبين اقدر اجيب لج بعض الروابط ان شالله عشان تستفيدين
لأنه الزم ماعليج نفسج و تالي اهلج
والبنات ماقصروا بالاهتمام من الداخل و الخارج
و لاتخافين ترا السالفه سهله بس يبيلها صبر و وقت
و راح تطلعين مثل القمر

 

[سمو]

لا سوي وانتي واثقه خلاص لا توفرين شي خليه يقول ياالله ياليتني نبهتهاا ولا اتورطت

اصبغي صبغه جريئة وقصي ودلعي نفسسسسسسسك دلع دلع واستانسي

وخوات زوجك الله قادرررررر يردها لهم لو بااعيالهم



....................... اهم شي انتي قريتي اللي كتبته هنا

حبيتبي الله يكون بعونج يارب ...... تري الريال ما يهمه المره شكثر مشغوله اناني ويحب المراه دايم تكشخ له ... ان شاءالله تعبانه ومريضه ما يهمه :eh_s(14):


المهم مثل ماقالت الاخت منوول ..... انتي نفسيتج تتغير وترتاحين ...واهوه بيستانس من شكلك اليديد ... وحتي لو ما هد زوجته الثانيه ...بس المهم يرد لج احسن من اول .


واحيانا الخوات مو شرط شريرات ...بس يهمها راحه اخوها ...ويمكن اهوه اشتكالهم ....المهم تري محد يقدر يغصب الريال يتزوج ولا يخربط ...اهوه اللي يبي يسويه يسويه.... والحين ما عليج من خواته ...خليج بريلج .


الله يسهل امورج يارب ....ويشوفج حلوه بعينه :eh_s(15):

 

[Laidy n3ooma]

ان شاء الله زوجج بيرجع لج بس حطي خطه جدامج ووقفي حمل خلااااااااص نهائيا لايقص عليج والحمد الله عندج 4

الحين جا دور الاهتمام حطي خدامه اول شي اذا ماعندج عشان تساعدج مع العيال والغسيل والطبخ

وانتي تفرغي لنفسج

روحي نادي والعبي رياضه يوميا وخففي من اكلج

اهتمي بنفسج من الداخل ووقت الدوره واهتم بالغسولات عشان المنطقه

اخذي كريمات حق المنطقه السمرا ودخلي قسم العنايه بالبشره شوفي خلطات انل ومس انجل

غيري صبغه شعرج وقصيه

غيري من ستايل بييييتج

غيري تعاملج وياااااه واهتمي فيه

ماعرف شاقولج اكثر من جذي

بس حاولي تقرين اكثررررر

 

[غنج اهلها]

ماشاء الله فيه وايد ردود روعه بس عليج العزيمه والتطبيق

 

[ana_q8eya]

على قولتهم تعترفين بالغلط وتنوين انج تصلحينه

هذا سويتي اصعب خطوه وعديتها

يوم انج كتبتي الموضوع


الحين الجزء السهل ووتقدرين ان شالله تسوينه

لج ولنفسج

تفرحين بجسمج وشكلج
والله شعور حلووو

النت موجود يعني كل شي جدامج

التغيرات الي اتسوينها

داخليا
نفسيتج اقري مواضيع ناعمه الهاشمي روووعه
وغيره كتبي طرق تعزيز الثقه
ادعيه اذكار قراءن وعباده
لاتحقدين ولاتشغلين قلبج عليهم بالطقااااااااق فيهم كلكهم

اهم شي انتي ثم انتي ثم انتي اذاصرتي قويه تقدرين تعطين
عيالج طبعا لاتنسينهم اكيد
والحين اجازه ! ماعندج عذر


وخارجيا.

اول شي سوي تغير ملموس تشوفينه جدامج وسريع

الملابس:الحين نص السوق مسوي خصومات
قطي ملابسج القديمه تصدقي فيها
اشتري لج ملابس بيت جديده
محلات وايد عندهم شغلات رخيصه عمليه منهم سنتر بوينت
غيري ستايلج
لقنز تشيرتات جينز نفانيف قصيره <=== شوفي ستايلات البنات الي مو متحجبين بره وسويه لاتقولين لا


الشعر:
شعرج صبغه قص شعر<=== وايد تغير النفسيه
شوفي باليوتيوب ستايلات شلون يسون تسريحات

الميك اب:
لاتخسرين فلوسج
دقي على الهندي يوصل لي بيتج اخذي حمر كحل ملون على دينار وعلى ودينار ونص اخذي الوان حلوه
هم شوفي باليوتيوب اذا ماتعرفين شلون تحطين ميك اب

والي ياخذ وقت وياج
سوي لج جدول يبي ورقه وقلم
سجلي الشغلات الي تحتاجينها روحي الحواي اشتريها
ردي البيت وطبقي
من شعر من تبيض حواجب رموش تفخ شفايف
بعد شنو بقى مناطق سودا بالجسم ومثل ماقالو البنات خلطات تضيق وغيره

في مواضيع وايد تفيدج بالمنتدى

قروبات الرجيم ههههه بتلاقيني بنص القروبات نحاول بروحها ههههه

حبي نفسج بتلاقين الناس تحبج​

 

[كلك حلاااا]

جزاكن الله الف خير مشكوره الله يسعد الجميع امين شكرن لتعاونكن معاي

 

[أإلع ـشق دلع ـهـأإ]

أول شي إدعي ربج يرجع لج زوجج ..

ثآني شي آنتي أعترفتي بعيوبج اللي آهي آنج هآمله نفسج من دآخل ومن بره !!

ورفله !!

اللي عليج تقومين وتصيرين جيده وتتذكرين زوآج زوجج علشآن تقوين

أبدئي من دآخل في عندنآ تآجره نكهآ خبيره أعشآب عندهآ ادويه روحي عندهآ واستفسري وطلبي منهآ ..

إشتريلج كورسيه وظلي لبسيه يوميآ بس قطيه بالنوم وأمشي يوميآ مدة سآعه أو سآعتين

وشوفي الصبغآت للشعر !! وصبغي شعرج وقصيه

وأخذيلج فره بقسم الوكآت والعنآيه بالبشره وإستفيدي

شوفي في بنآت يصورون مكيآجهم شوفي وقلدي طريقة مكيآجهم

وشوفي في تآجرآت يبيعون خلطآت إشتري

وسالفة الترتيب في قسم الترتيب إخذيلج فره عليه وشوفي البنآت وسنعهم

وتعلمي الطبخ بعد

والله يفرج همج ويرجع زوجج لج يآربً

 

[mnoooll]

طمنيني عنك ياقلبي ؟

 

[Om zayd]

حبيبتي سوي رجيم ودشي نادي الجسم ثم الجسم
عقبها لا تعبين نفسج مع خلطات التبيض سوي تااان
هاذا الدارج والمرغوب صبغي بني فاتح اذا شعرج اسود حرام تحرقينه سيده اشقر
عقبها بيتعب شعرج واذا شعرج بني صبغي اشقر
اشتري عدسات رمادي واخضر فاتح من تراي كولر
روحي العربيد فصلي 6 دراريع قصار مني هابين قيهم مع كعب واكسسوارات
روحي الايوب وغيري ستايلج بغمصان النوم اشتري اشياء ما جربتها من قبل كروسيهات مع دلاغتهم
بيبي دول
روحي باث اند بودي بالافنيوز واشتري قلوسات نكهات مع عطر فواكه وعطر الفنيلا يدوووخ وست تات جذي
وبتطلعين بذن الله زووغه

 

[Om fhoood]

ياحبيبتي عورتي قلبي

ميخالف الدنيا تعلم غيري نفسج من داخل قبل برا عشان تحسين بالتغيير صج

وابدي اهتمي بنفسج بلشي بأبسط الأشياء روحي سوي دلعي نفسج حمام مغربي وبديكير بأحلى صالون وسوي شعرج تسريحة ناعمة وحطي مكياج خفيف وحلو مو صارخ واشتري جم بدلة حق البيت برمودات وبلايز حفر وتنانير وسوي ريجيم اذا جسمج خربان ودشي النادي

غيري حياتج حق روحج مو عشانه اهوا تزوج وخلاص ارضي بقسمتج ونصيبج عشان عيالج وربي يهدي سرج

 

[عاشت بلادي]

نصيحتي اذا تبين تتغيرين اتركي لكلمات الهم " انا كئيبه انا ممله انا انا انا "
انا متاكده انج احسسن انسانه وكل شخص يملك بداخله شي جميل
بعتقادي ومن ردودج على البنات
عرفت انج على نياتج ومتوسطه الثقافه

انا اعتقد انج اذا تبين تبهرين زوجج من بس بشكلج حتى بكلامج وثقافتج
حاولي تقرين الكتب الي تساعد على تنميه الذات
وانا انصحج بكتاب المترجم للعربيه " السر " راح تلقينه بمكتبه جرير

والله يكتبلج الصالح

 

[عسل مرت قيمر]

البنات ماقصرو طبقي الي قالو حبوبه

واي شي بعد تحتاجينه كلنا اهني نساعدج

لا تخلين زواجه يكسرج

وسوي كل شي قالو البنات حق نفسج ونفسيتج


يعني لا تنطرين منه شي


اهم شي انتي تكونين راضيه عن نفسج


احسج وايد طيبه وفيج اشياء وايد حلوه


بس ناقصج تتعبين على روحج بنقاط

وسالفة الحمل خلاص الحمدلله على الاربعه الي عندج لا تيبين بعد


تفرغي حق نفسج وعيالج وبيتج شوي

 

[SWiiiRZ]

الله يكون بعونج