محتاجه لاخت توقف معاي؟؟

[كلك حلاااا]

بنات الي تقرا مأساتي تدعيلي ولاتشمت فيني من شان الله لايبليها انا زوجي تزوج علي والسبب خواته يكرهني وكان يمووت فيني بس انا فتحت لهن باب ادخلن منه وخربن بيتي والسبب انا احمل ورا بعض اربع اطفال وصرت رفله الغرفه وصخه والبخور اشتري ارخص شي علشان اوفر للبس اعيالي والشكل زفت برا وداخل فاهمين صدمني بملكته وانا عند اهلي وقلت ما ارجع لما تعطيني زي ماعطيتها غصب ارجع من شان اعيالي فهمتو والحين ابي اتغير بس انا رفله ومكتأبه ودي وحده توقف معاي تعطيني جدول سهل ولا ادويه سهله مو طعمها مر وانا قايله ارجع متى ماابي وهو مبسوط ماوده حتى ارجع الابعد دخلته انتوخواتي لو ماحسيت ماكتبت لكن

 

[الريمـ اللعوبـ]

الله بعينج ياااارب
حبيبتي انتي لازم تعيدين ترتيب اوراقج اولا اذا رديتي لاتفكرين بالحمل مهما كان وابدي بنظام
خلطاااات وحمامات وكل دوره لازم تهتمين بنفسج عدل عشان تردين احسن من اول

وشوفي خلطات البنات ماشاءالله كل وحده تقول الزين عندي لو اعرف انزل روابط نزلتلج وبس

 

[سالم الروح]

اول شي الله يكون بعونج

ثاني شي شنو الاشياء اللي بتغيرينها؟ ودشي شوفي جداولنا بالحمله المثبته ان شاء الله تستفيدين

 

[standat]

يحياتي الله يكوون بعوونج

اااااب

 

[Miss^NeozZ]

شنو تبين بالضبط
وشنو اللي تعانين منه

 

[•• لبـّيِــگ }]

الله يكون بعونج

http://www.q8yat.com/t797283.html


هذا موضوع يمكن ينفعج للعناية الخارجية ..

اما العناية الداخلية شوفيلج مرة اختصاص اعشاب تساعدج .. الله يكون بعونج وينصرج

 

[كلك حلاااا]

مشكوره على تعاطفكن معاي انا بيضا مومحتاجه بياض بس عندي مناطق موسود بس اغمق

 

[كلك حلاااا]

ابي اتغير بطني كبير شوي وادويه ماعرف

 

[كلك حلاااا]

الله يبعد عنكن كل شر يالي رديتووو يعكيكن العافيه

 

[كلك حلاااا]

تنصحني اسوي تاان واصبغ اشقر ابي شغل دلع

 

[كويتيه فرنسيه]

الله يعينج

قولي الحمدلله على كل حال والله يعوضج خير بعيالج وان شاء الله تشوفينهم في احسن المناصب

بالنسبه لشكلج دشي نادي اذا بطنج كبير خلي جسمج يتنااسق ترا الرياضه تغير النفسيه وتحلي الجسم

والشعر اصبغي صبغه حلوه لون غريب وفاتح والدارج الحين اللون الواحد من غير خصل صبغي عسلي او بندقي وقصي قصه حلووه روحي جاك قصاتهم رووعه


البشره روحي اختصاصي خل يسوي لج تقشير للركب والاماكن الداكنه

وتعلمي دايم تحطين كريم خفيف مع قلووس ومسكرا يعني ميكب خفيف خلج دايم حلوه وطبعا غيري لوكج باللبس يعني روحي واشتري اشياء جديده

وبالنسبه للعنايه الداخليه عندج هالموضوع فيه كل شي بيفيدج ان شاء الله





http://www.q8yat.com/t739509.html

 

[mnoooll]

يارب يساعدك ويجبر على قلبك وان شاء الله انتي الكسبانه بعيالك وهم اللي راح ينفعونك

شوفي ياقلبي صلي صلاتك بوقتهااا هذاا اولاً

ثانياً اقري اذكار الصباح واذكار المساء يومياً لاتتكاسلي كل ماكررتيها راح تحفظيها عن ظهر غيب بإذن الله

ثالث شي خصصي ساعه باليوم لسورة البقره ممكن تكون فيك عين او حسد على عيالك مو رفاله

رابع شي قبل لاتنامين قولي سبحان الله 33 مره والحمد الله 33 مره والله أكبر 34 مره

فإنهاا تقوي البدن داومي عليهاااااااااااااا بتحسين بسعاده قصوى ...

وبعد هالشي نجي للاهتمام بالبشره ....وبالشعر و... بالمنطقه الحساسه ... وبالرائحه الطيبه ورائحة النظاافه

على فكره انا اشوف الاهتمام باانه تكون لك صابونيه خاصه مرتاحه لها بشرتك
ومرطب رائع لانه الترطييييييييييييب مهم على االاقل بعد كل فرض صلاه
وعندك خلطة زيوت خاصه للبشره بوقت الراحه على الاقل مرتين باليوم
وقولي دائماً بصلاتك وانتي ساجده السجده الاخيره حسبنا الله سيؤوتينا الله من فضله < باذن الله ربي يحلها من عنده
وادعي ان الله يسخرلك زوجك
وعنايتك بوقت الدوره مهمه ووقت الولاده لانه اهم شي تكون المنطقه ...... كح كح

وادعيلي اختي انا في هم عظيم ادعيلي ان الله يفرج همي ويجعل تدبيرهم تدميراً لهم
ترى دعوة المسلم لاخوه المسلم بظهر الغيب مستجاابه
وعيشي حياتك ياقلبي الرجال بعضهم مايهتم غير بنفسه انتبهي بصحتك ولا تهتمين ولاتفكرين احنا كلنا انخلقنا عشان نعبد الله سبحانه مو نفكرر فيهم بحريقه تحرق كل ظالم

 

[كلك حلاااا]

اختي اناتعبانا نفسين ودي اسوي كل شي مو من شانه من شان اقهرهن بس تخسر اسوي شي واقول لا مادري وشفيني كارهته احس بيستانس اني متغيره له احس ماودي اشوي شي

 

[كلك حلاااا]

وربي لادعيلك ياعيني الله يفرج همك ويسر قلبك بالي تمنين انا موزعلانه من شانه انا زعلانه لنفسي ميته قهر لانه يحبني بس غيروه

 

[mnoooll]

لا سوي وانتي واثقه خلاص لا توفرين شي خليه يقول ياالله ياليتني نبهتهاا ولا اتورطت

اصبغي صبغه جريئة وقصي ودلعي نفسسسسسسسك دلع دلع واستانسي

وخوات زوجك الله قادرررررر يردها لهم لو بااعيالهم



....................... اهم شي انتي قريتي اللي كتبته هنا

 

[mnoooll]

حبيبتي تعرفي شلون تقهرينهم ...

بعنايتك وسعادتك وابتسمي لخوات زوجك ورحبي فيهم هههههه راح ينهبلون

لانه واضح غايتهم انهم يقهروك لكن صاار العكس

ودووم الابتسامه لا تفارق شفاتك حتى لو فيك ضيقه اكتمي نفسك وابتسمي لحد ماتصيري لوحدك وقتها صارخي براحتك

الله ينصرك على من يعاديك ويجعل كيدهم في نحورهم ياكرررررريم

 

[معشوقتهـ]

الله يعينج حبيبتي العيال خليهم اخر همج اهم شي ماكلين شاربين وبس ..
لو الاطفال شي مهم عنده جان ماتزوج عليج الاهم اللحين تردين تهتمين بنفسج عدل اول شي سوي عمليه المهبل عند دكتوره معروفه واهتمي كأنج نفاس .. والحمامات مو شرط تبييض لا الحمامات تنعم وتصفى وتشيل الجلد الميت وتوحد اللون ..
اسألي اللي حواليج شنو احلى بخور البيت وخلطات البيت .. بخورج الخاص وعطوراتج الخاصه والفرنسيه ..
ترتيب بيتج وتنظيم وقتج مابين النظافه وطباخج والعيال والزوج والاهم نفسسسسسج !!
واي شي تبينه انا بالخدمه حبيبتي عالخاص والله يسخره لج ويبعد عنج الشر وحمواتج اقطعي علاقتج فيهم نهااااائيا مثل مايقولون حشم كرم وبسسس ..

 

[كلك حلاااا]

جزاكن الله خير واسفه ازعجتكن معاي

 

[كلك حلاااا]

جزاكن الله خير ازعجتكن معي اسفه وشون يعني اسوي خياطه احس تعب انا ماعرف على الخاص بس مافي ادويه افضل من الخياطه احس صعبه

 

[دربي طويل]

حبوبه انتي من وين قبل؟!
اذا بالكويت انصحج تروحين لمعالجه نفسيه
لاتخافين من الأسم لكن اهي الوحيده الي بتعالج
وتعطين نصايح وتوجهج للتغير افضل من القص والصبغ
تصيرين وحده ثانيه بأذن الله ،،،اطردي الأكتئاب والهم وابدي حياة جديده وشكثر عندنا معالجات نفسيات بارك الله فيهم عندج باسمه الكوس وهيام الجاسم وهدى الجاسر وهم حاولي تاخذين دورات تنميه الذات وياكثر مايحطونها وشاركي راح تشوفين الدنيا غير غير ،،
وخذيها قاعده لاتخلين حياتج تصير محور ع شخص واحد
وخير دليل زواج زوجج بمباركه خواته ،،لاتخلين اليأس والقنوط يقتلج انتي توج وان كنتي من احد دول الخليج فدوري لج ع معالجه تساعد وتصحح مسار حياتج ابدي من الداخل عشان يبين التغير من الخارج ،،توكلي ع الله ،،وراح تذكرين كلامي لاشفتي تحسن والتغير ياأنج بتضحكين ع امور كنت معظمتها واهي ولا شي
والله وياج حبي :eh_s(7):
والعفو حبي النوووم سلطان :eh_s(2):