محتاجه شوركم ادخلوا تكفونً....

[American.Life]

الله يعينج حياتي ويسخره لج

 

[STAR FAR]

بصراحة انا احس الوضع عندكم بالبيت مؤ متوازن مادري يطقج وجاف وما يسال وفوق هذا تبادر ين بالكلام الحلو مادري يعني احس الريال الي جذي حقرانه أحسن شي لأنه المفروض الي يدلل الريال مؤ المرة الي تبادر هذي وجهة نظري ويمكن تنفع او مات نفع معاج والله يهديه لج

 

[بسمه00]

مشكورين على الردود الحلوه وصدق الحقران حلو بكل شي أنا تعلمت أني كل ماتضايقت بتعب وبيكبرني الهم على شي مايسوى صدق الحمدلله لما اشوف مصايب الناس تهون علي مشاكلي بس جد كثرة المشاكل ممله مايمر اسبوع الاونتطاق ليه مادري أنا اشوف نفسي صح وهو بعد يشوف نفسه ملاك مايغلط

 

[ام الحلوااات]

اللـــــه يـــســـخــــره لـــــــج

 

[*آسوومه*]

الله يعينج حبيبه قلبي

 

[حبيبي مالكني]

شوفي ترى بعض الريايل ما يفيد معاهم لا الحقران
حقريه لا تتصلين فيه
بيني له انه اهو مو مهم بالنسبه لج
ادري اني اهو كل حياتج بس مثلي
بيني له انج تعبتي

 

[جذابه بنت ذيابه]

خلج قويه. وعندج اراده احقريه وراح ينعدل
اسكتي عنه لا تجادلينه و لا تبينين له انج ميته عليه مع الوقت بينننندم

 

[Patcholli]

صدقيني حياتي لو كنتي وقت المشاكل تسكتين وماتردين عليه مستحيل توصل بينكم لي الطق ..

بس اذا كل واحد بيعلا صوته عالثاني هاذي بتكون النهايه ..

بالنسبه لسفر زوجج اختي يعني 6 ايام راح الريال وانتي سديتي نفسه اسمحيلي بس بكلمج بصراحه ليش تنكدين عليه ؟؟
خلاص قوليله مشاعرج واذا مارد عليج بالمثل سكتي ماله داعي تقولينله باجي الكلام اهو الحين مسافر وبلويه ويمكن مسافر يبي يرتاح شوي العتاب والمشاكل لاحقته لي اهناك ؟؟

ترى الرياييل مايحبون العتب والله العظيم تلوع جبودهم والله دم ظروسهم تعاتبين وماقتلي وليش ماشتقتلي وليش ماقتلي كلمه حلوه اصلا الكلمه الحلوه اذا ماطلعت منه بالطيب مو حلوه تطلع بالغصب وبالمعاتب ..

موفقه

 

[فجر 1]

البنات ماقصرو الله يسخرو لج اهم شىء انج ماتردين اذا معصب كلها ايام بيقضيها معاكم وبيروح ... ديرى بالج على زوجج .. لاتحنى الحنه مو زينه ... الله يصلح احوالكم ويسعدكم

 

[ليمونة وزيتونه]

اب اب

 

[أكذب عليك]

لاحبيبتي هالشي مو تافهه كل مرا طبيعيه تحب تشوف اهتمام وحب زوجهااا لهااا
مو تأدية واجب يدق يسأل

بس سالفه الطق وغيرها دامج تصالحتوا لاتفتحين هالباب عليك لانج بتحسين انج منكسره
فانسي ولاتذكرين هالشغله



ويخصوص المشاعر والاهتمام

في ازواج مايعرفون يقولون احبج ولا كلام حلووو كلش اهم مو متعودين

وفي ازواج يعرفون بس يبخلوون فيهااا لانه عندهم المرا لازم تشتاق لهالكلام

وفي ازواج طاق الدنيااا بالطوفه



واذا تبين تعرفين زوجج اي نوع جربي انه ماتهتمين لرومنسيه معااه اكشخي والبسي وتسنعني
بس كل هذا لج يعني حسسيه انه انتي تهتمين بروحج عشان روحج مو عشان احرميه من كلمة احبك ومشتاقتلك وبموت عليك

وهني بتعرفين نوع زوجج اذا حسيتيه يحاول يتقرب ويقولج كلام حلو معناته من الصنف الاول واذا شفتيه يسألج ليش صايره بارده فهو من النوع الثاني
واذا ماهتم بشي فهووو من الصنف الاخير



وبكل الحالات والاصناف والانواع لا تعطين مت روحج واجد ياقلبي اذا هو مو مشتاقلج لاتشتاقيله حتي لو داخلج ولهانه عليج
واذا يحاجيج برسميه خلج رسميه واصلا حسسيه انج مة محتاجه هالمكالمه وبينيله انج مشغوله بحياتج وانه لج وضعج وحياتج
فلاتعطين اكبر من حجمه ..

وللاسف الرجال مايحس الا بالمرا الثقيله البارده اللي اهم ماعليها وناستهااا وحياتهااا*

 

[غـَلآهـ]

الله يوفقج وياه يارب ويسخره لج ويخلي لج ولدج امين يارب

 

[نـعـومـه]

جربي البرود شوفي اييب نتيجه ولا لا !!

 

[غلآ نوآف]

الله يكون بعونج
ادري شي مو هين انه يمد ايده عليج
وصحيح مو كل شي سهل ننساه

لكن حاولي انج تاخذين الي صار درس
وماتحاولين تستفزينه
او تراددين بالكلام
لاتناقشين وايد ااذا عصب
وحاولي دايما تردين عليه وقت النقاش بهدوء
حتى لو هو رفع صوته عليج
وصارخ اطلبي منه انه يتكلم معاج باحترام وبهدوء
مثل ما انتي قاعدة تكلمينه باحترام وبهدوء

واذا ع الكلام الي بقلبج

انصحج ماتقولينه وجه لوجه
اكتبي كل الكلام الي بقلبج
ف رسالة وحطيها بظرف

لما يرد بالسلامة
استقبليه وممكن تسوين امسية رومنسية لكم انتوا الاثنين
واليوم الثاني رتبي اغراضج لكم ليلة تروحين فيها تباتين عند اهلج
قولي له ابي اغير جو واعطيه الظرف الي فيه الرسالة
وقولي له لما اروح عند اهلي
ابيك تفتح الرسالة وتقري الي فيها بتمعن
وتفكر بالي قلته وقلبك مفتوح ليستقبله
وان شاء الله انا ماني مطولة يومين بالكثير بخليك تفكر بينك وبين نفسك بالي بتقراه
واذا قررت انك تنفذ رغبتي برد لك بكل شوقي ولهفتي
وقولي له انه يهتم باكله وبنومه وقت غيابك عنه حتى مايحس انج رايحة ومو مهتمة فيه وهو توه جاي
وقولي له ان احتجت شي دق علي وانا كلي لك

ولماتروحين بيت اهلج
لاترسلين له
ولا تدقين عليه
ولاتطرينه حتى بينج وبين نفسج
خلي هاليومين لج انتي
لتفكيرج لراحتج لاسترخاءج

وان شاء الله يتعدل
ولي رديتي له
لاتقصرين معاه
ودلعيه ودلعي نفسج

 

[رنا 2012]

قولي لة انا احبك بس بصارحك باشياء في قلبي عليك ابي اصفيها عشان ارتاح ومايكون بقلبي عليك شي
صارحية اختي عشان ترتاحين ويصفى قلبك موتراكمي وتكضمي على قلبك
وبعدين لاتخلية كل اهتمامك لانة رح يزيد في التصرفات الغلط
اشغلي نفسك بولدك اللة يحفظة لك بهواياتك باي شي
موفقة ان شاء اللة

 

[خابت هقاويناا]

الله يسخره لج ويفرج همج

 

[Le chat]

اكيد مو شي سهل تنطقين واتنسين الا الي متعوده عالتكفخ ببيت اهلها اهي الي تطوف هالموضوع المفروض اهلج يدرون ويوقفونله بنته مو من الشارع تكفخ فيها روح كفخ خواتك مو بنات الناس وبعدين ليش تطرين منه اكلمه الحلوه طراره! يا تطلع من قلبه وللا مو لزوم وعامليه مثل مايعاملح عشان يحس ولاتردين على طول على مكالماته خليه يفكر فيج طول الوقت هذي وينهي وشتسوي شغلي تفكيره والله يسخره لج ويسخرج له ويجمعكم على خير ويبارلكم بولدكم

 

[بسمه00]

يعطيكم العافية جد ردودكم تبرد الخاطر حتى لو أنها قاسيه ،،،، لي فتره طويله ما دخلت المنتدى والحين رجعت لكم كنت بفتح موضوع جديد بس قلت أكيد مارح ينزل على طول ،،، أبشركم صرت بارده وصرت ما اهتم لكن زوجي طايح بموضه جديده أهي شيلي أغراضك اوديك لأهلك ،،،،، قلت له أهلي اللي ربوني وأنا صغيره مؤ عجزانين عني وأنا كبيره وبيتهم مفتوح لي طول العمر بس مؤ حلوه كل شوي اوديك لأهلك جد مليت من هال وضع مكاني أنا وولدي معاك يكفي أي مشكله بيننا أهله يدرون لأني ساكنه معهم هذا بحد ذاته مشكله أخرتها امس جاي ويرفع علي صوته عشاني ماقومته للفطور وخليت ولدي يقومه يعني أنا مشغوله مؤ بحال أرقى وانزل ،،،،بعد المغرب تندم وكأنه ما صار شئ بالنسبة له وطلع من البيت ماجا إلا الساعه11 قالت له امه أبيك تؤيدني حق أختي وقالي يله ضفي أغراضك اوديك لأهلك قلت شلون يعني ضفي أغراضك بتجي وإلا ننوم قال مدري يمكن أجي يمكن تنامون قمت أنا وأخذت لي كم لبس حق كم يوم ،،، واليوم دق يبي ولده يأخذه يفصلون للعيد ،،،، يعني مادري شلون أتصرف معاه كل شئ سويته معاه كل شئ الحقران التطنيش الكلام الذوق بس ماينفع شوروا علي وش أسوي ،، حتى مواعدني نطلع من البيت ونستقر بس خايفه لي جا وقت الجد جحدني مادري شلون أتصرف إذا جا دلته زاد بالعناد وإذا سايسته ماينفع بعد ،،،