محتاجه احد يطمني

[shouqa]

سلام عليكم
مبارك عليكم باجي الشهر وتقبل الله طاعتكم

بنات ابي مساعدتكم وخبرتكم
أنا وزوجي سوينا تحاليل بالحكومي عشان نروح حق دكتور خاص ونعالج للحمل
ابيكم الحين توصفولي دكتوره زينه وخبره وتعرف تعالج من خلال تجاربكم
أنا ودي اروح حق فوزيه القطان بس متردده اللي تعرفها تقولي عنها شلون طريقتها واذا مضمونه ولا
واذا تعرفون دكاتره جيديين بعد لاتبخلووني علي لان وايد محتاااجتهم
ادعولي الله يرزقني ويرزقكم معاي
واللي بتساعدني جزأها الله الف خييييير بداعيلها ليل نهار *

 

[ثنايا الورد]

ياليت اعرف قلت لج بس انا مو من ديرتكم للاسف على كل حال انا راح ادعيلج
وااااااايد خصوصا بهالليالي العظيمة ليالي القدر وحق خواتنا كلهم واكيد راح يساعدونج
ومابيقصرون كلنا اهني خوات وحبايب ربي يرزقج ويرزقنا ونعيد بالاخبار الزينه قولو آآآآمين​

 

[shouqa]

حبيبتي تسلمين

 

[ام دليار]

عندك الدكتور محمد قطب مجمعة فاطمة كلينك السالمية
كمان بيداوم مشفى الصباح
أنا بتعالج عنده
انا ماجربتها بس بقوله الدكتورة ماجدة اليتامى الجابرية مجمع البراء أنها شاطرة

 

[مرا111حب]

الله يرزقج عاجلاا غير اجل انصحج بدكتوره معصومه مخصيد وعن تجربه واي شي تبين راسليني ع الخاص حاضر حبيبتي

 

[هيبة ملك]

منصور العرف تخصص أطفال أنابيب
ومتابعة عقم صج غالي بس شاطر وعنده كم دكتور ودكتورة بمجمعه

بالجهراء والله يرزقج ويرزقنا

 

[iLLuMinaTion]

الله يرزقج ياااارب

 

[هذا مزاجي]

حبيبتي نصيحه : لاتقطين فلوسج على كل طبيب
استخيري وتوكلي ع الله وروحي للدكتور ماجد الشمري
والله ثم والله ثم والله مراح تندمين
هالدكتور فيه خير ماشاءالله الله موفقه عنده خبره اكثر من غيره
وانا ماقلت هالكلام الا لاني مجربه قطيت فلوسي ع كم دكتور ودكتوره
بالكويت ومانفعوني ولا اعرفو علتي
وانصحج مره ثانيه بماجد الشمري عيادته بالجهراء واذا تبين رقمهم
انا حاضره

 

[جديده 1]

موفقه و شوفي توقيعي يمكن يفيدج

 

[@ام يوسف@]

الله يرزقكم الذريه الصالحه