محتاااااره .. وابي مساعدتكم !! ,, ( للي عندهم قطاوه )

[** PinkYa **]

مرحبا ..



انا يديده معاكم .. وبصراحه ويد شدني الاهتمام بالقطاوه

المهم :wqedqw:

انا بشتري قطوه .. وابي منكم تفيدوني .. اي نوع من القطاوه اخذ .. انا بصراحه واااااايد داش خاطري البيكي فيس .. مع اني ماعرف اي معلومات عنه .. واذا غيرت رايي راح اثبت على الشيرازي


وابيكم تفيدوني اي نوع اخذ يعني ذكر ولا انثى
وشنو ميزات الذكر عن الانثى ..
عفيييييييييه بليييييييييييييييييييز ابي ردودكم باسرع وقت

ومييييغسي وااايد :eh_s(7):​

 

[BlueGirl]

رد: محتاااااره .. وابي مساعدتكم !! ,, ( للي عندهم قطاوره )

مرحبتين بنكيا
البيكي فيس اهوا الشيرازي (الفارسي) الاصلي
يعني كل ما دش ويهه داخل صارت علامه قويه على اصالته
في ناس يفضلونه بسبب شكله او هدوئه
يمكن ما تحسين انه قطو لأنه وااااااااااااايد هادي ونادر اللعب
و يمكن تتأذين من عيونه لأنها دائمه الافرازات و الدموع بسبب الضغط على اعصاب العين و شعره الكثيف يمكن يضايقج
فكري فيه عدل قبل لا تشترينه

الانثى و الذكر راح يحنون وقت المراهقة ويأذونج و يأذون روحهم و أنا شخصيا أفضل عمليات التعقيم خصوصا للذكور لأنهم راح يتعبون نفسيه و راح يوصخون البيت بدون تعقيم .... النثيه اهون من الذكر

تربيه موفقة مقدما

 

[FOZQ8]

رد: محتاااااره .. وابي مساعدتكم !! ,, ( للي عندهم قطاوره )

بينكياااااااااااااااا
انا معاج
ناويه على قطوه نبي نصايح مفيده يابنات
أبي قطوه اتسلى فيها ملينا من الفراااخ .. اقصد الفراغ

 

[سكارف.فوشي]

رد: محتاااااره .. وابي مساعدتكم !! ,, ( للي عندهم قطاوره )

اي انا بعد ابيييييييييي ضبطونا بنات بخاطري البيكي فيس
مره شفت قطوه نفس وييه البيكي فيس بس شعرها قصير وكثيف
بنات الي تعرف احد يبيع البيكي فيس خالتدلنا عليها بليييييييييييييييييز

 

[سكارف.فوشي]

رد: محتاااااره .. وابي مساعدتكم !! ,, ( للي عندهم قطاوره )

بنات شنو نوعية القطوه ؟؟؟؟؟؟؟ مو جنها بيكي فيس بس شعرها قصير ؟؟؟ عجيبه احس انها شعرها مايأذي ولا يتشربك حتى شكله مايبيله تنشيف ولا استشوار ولا شرايكممممممممممم؟؟؟

 

[lojeeen]

رد: محتاااااره .. وابي مساعدتكم !! ,, ( للي عندهم قطاوره )

بينكيا فعلاا البيكي فيس الشيرازي يمتاز بفرائه الطويل و الكثيف و جدا ناعم و العيون مستديره و كبيره
و الذكر و الأنثى هادين جدا و ودودين تجاه اهل المنزل انا عندي بالبيت بيكي و اكاثرهم و الحمدالله مرتاحه معاهم داخل البيت و ما يضايقون وقت التزاوج ^^

الفراوله الحمره الصور اللي حطيتيهم يسمون هل نوع باسم اجزوتيك و اهو عباره عن تزاوج بين القط الأمريكي قصير الشعر و الشيرازي البيكي لكنه نادر الوجود بالخليج

 

[هليتني همك وانت همي]

رد: محتاااااره .. وابي مساعدتكم !! ,, ( للي عندهم قطاوره )

يالغلا البيكي فيس حلوه


بس المون فيس احلا

واذا تبين نصيحتي اخذي نثيه

النثيه تفهم اكثر

وتكون اوفى من الذكر

اما الذكر اذا بلغ

يغثج بالرش ويخيسج

النثيه احلا

وعلى العموم هذي من تجربتي

 

[** PinkYa **]

رد: محتاااااره .. وابي مساعدتكم !! ,, ( للي عندهم قطاوره )

يسلمو حباااايب قلبي :icon30:

انزين اي نوع تنصحوني .. انا كانت بخاطري البيكي فيس مادري ليش .. وايد شدتني

وهم اموت على الشيرازي ... بليز ابي تعطون من تجاربكم ..
ابي قطوه تلعب وايد وذكيه انا الي سمعته انه اذكى نوع السيامي
بس شكله مااايشوق

وشرايكم انتو ؟؟

:wqedqw:

 

[BlueGirl]

رد: محتاااااره .. وابي مساعدتكم !! ,, ( للي عندهم قطاوره )

ليش ما تربين قطوة عاديه
اللون اللي تحبينه مخطط او ساده او ملون .. حلوين وايد انا عندي قطو من سنين من احسن ما يمكن

معروف القطو العادي المحلي (DSH) ذكي وايد و لعووب و يعرف صاحبه زين و شكله يصير يشوق لأنه بسرعه يمتن جنه من القطاوة اليابانيين
تقريبا تصرفاته مثل تصرفات القطو السيامي و قريب من ذكائة و يتوالمون اذا تبين تربينهم اثنينهم

بس اذا تبين تشترين سياميه ديري بالج مو تشترينها كبيرة لأنها شرسه و تحب الا مربيها الاول .. لأنها وايد وفيه
الشيرازي قطو دلع بس يعني مستوى ذكائه مو هذاك الزود و راح يتعبج شعره
اختي كله تربيهم بالبيت بس صراحة وااايد يتعبون و شعرهم يطير بكل مكان مع انه نعطيهم الفيتامينات و كل شي

فيه نوع اسمه بورميز قريب من السيامي
http://www.burmese-cat.com/rainbow2.jpg
هذا بعد ذكي وايد و لعوب بس قليل يبيعون منه بالسوق

 

[هليتني همك وانت همي]

رد: محتاااااره .. وابي مساعدتكم !! ,, ( للي عندهم قطاوره )

الغلاا السيامي ذكي

واذا تبين قطوو يلعب وايد فكل القطاوه تلعب بس اذا كبرو اغلبيتهم مايلعبوون حيل


بس قطوتي مون فيس والحين عمرها ثلالث سنين

تموت على اللعب

 

[** PinkYa **]

رد: محتاااااره .. وابي مساعدتكم !! ,, ( للي عندهم قطاوره )

يسلمو على النصااايح

 

[nawarie]

رد: محتاااااره .. وابي مساعدتكم !! ,, ( للي عندهم قطاوره )

خواتي يعطيكم العافيه عالنصايح المفيده والله
وجنكم اقنعتوني اشتري بيكي بس من وين اشتريها ؟ واب اي عمر لازم تكون ؟
وما تأذي بالبيت لان عندي اعيالي الله يحفظهم 3 سنين و سنتين وميتين عالقطوه وانا خايفه انها تيباهم حساسيه
بليز فيدوني
ويعطيكم الف عافيه