مجابلتج بالدوام و لا تسولف !!

[جبنة بيضة]

السلام عليكم

شلونكم يا احلى كويتيات

بقولكم سالفتي بالدوام احنا ثنتين نفس الوظيفة المهم بنفس الغرفة الي معاي الله يسامحها طريقتها تسلم و تقعد و ماسكة البلاك البيري 24 ساعة تخيلو ما تسولف و لا شي مدري الواحد ينقمت

طبعا اهي يديدة يعني الي قبل كانت معاي اشحلوها تسولف و تضحك و الي قبلها و قبلها بس هاذي لا كلش ما تخيلون اسولف و لا ترفع عينها عن التلفون

يوم تكون مع وحدة بس تشوف انها ياية تنقز و تروح و تسولف فتقولون هاذي الي كانت جم يومين جذي

فانا ما قمت اقعد معاها كلش تخيلو الصراحة عيب و قلة ادب مهما يكون و الله

شسوي و الله انا عدتكم مثل خواتي عطوني حيل

 

[جبنة بيضة]

و الله ساعات ايود المصحف و لا كتاب شسوي في ناس جذي

 

[>> True Love<<]

خليها براحتها الناس تختلف بالطباايع

بس انتي شكلج اجتماعيه

 

[النشبه88]

عادي عندج ربعج مو ميته على صداقتها ... نفس ماا اهيا لاهيه بنفسها انتي لهي نفسج بشي ... وبعدين زمن التكنولوجيا يضيق الخلق ساعات اقعد مع رفيجاتي كل وحده مدخله راسها بتلفوووونها ... للاسف اتمنى هالشي ينقرض بس راح تطلع اشياء العن والله يعين

 

[جبنة بيضة]

اي و الله صح كلامج هالتلفونات ذابحتوهم بشكل خيالي

و على قولتج انا صايرة اقعد مع رفيجاتي و مهامتني كيفها

 

[^noonaa^]

عادي يمكن اهي ماتعرف اتسولف ابدي انتي بسالفه معاها وشوي شوي يريها بسوالف ثانيه

 

[رنه خلخال]

يمكن لانها يديده وماتعودت عليج واهي طبعها ما اتسولف نطري عليها شوي شوي بتغير وبتسولف

 

[∫ ∫ ∫ ∫ جــوان ∫ ∫ ∫ ∫]

اى احسن تسكت وتلهى بعمرها ولا تاذينج بمشاكل وقيل وقال

انا اقول دامها كافه خيرها شرها انتى بعد اشغلى نفسج بشى ثانى بلاب او قرآن او مجله او كتاب وانسيها

 

[جبنة بيضة]

اي و الله كيفها

 

[قلب - ساهي]

رد : مجابلتج بالدوام و لا تسولف !!

كيفها تبي تسولف حياها الله ما تبي براحتها ..
اللي عليج تظلين مبتسمه بويهها وبس السلام عليكم السلام
بادرت كان بها ما بادرت بالسوالف رفيجاتج يغنونج

واحسن لج تكونون رسميين بالدوام عن القيل والقال

 

[عاشقة-الكفيل]

رد : مجابلتج بالدوام و لا تسولف !!

عادي كان معاي وحده جذي وعاملتها بنفس معاملتها

 

[جروح خالده]

رد : مجابلتج بالدوام و لا تسولف !!

يؤؤؤؤؤؤؤؤؤؤؤؤؤ


لاااايكوون انا خخخ تراني يديده واقعد مااسولف وامسك البلاك بيري بس حدي خجوووله مااسولف مع احد واذا كلمني ارد عليه


والله صج واذا احد سالني او كلمني وجهي يقط الوووان
اخيييييه لاايكون انتي اللي معاي بالمكتب ؟؟؟؟؟

 

[واثقه خطاي]

عطيها عذرها دامها جديده ,ومع الوقت تتعودون على بعض.

 

[جروح خالده]

رد : مجابلتج بالدوام و لا تسولف !!

اي صح انا يديده والله احس حلجي مربوط وماقدر اتكلم وانا خجول وهذي اول مره اشوفهم يبي اتعود واتاقلم علي الوضع علي الاقل شهر

ولما تمسك البلاك بيري تشغل نفسها << وللحين حاس ان انا اللي تتكلمين عني لووووووووووووول

 

[احلامي الحمراء]

رد : مجابلتج بالدوام و لا تسولف !!

ترى فيه ناس جذي

 

[توفـــا]

هههههههههههه وايد جذي عادي سوي نفسها اا

 

[angel bysho]

رد : مجابلتج بالدوام و لا تسولف !!

عادي انا مرة بالجامعه قعدت مع وحده البنت سرحانه من امههههههههههههههههههههههههههههههه وانا ضايق خلقي ابي اسولف
جان ابدى اقولها عندج تست جان تقول اي قلت شنو جان تقول انجلش عبالي راح تفتح موضوع شئ
جان تسحب علي بطلت فوني وقعدت افرأ قصة بس مو متعوده اقعد جذي
انا ااقول ابدي موضوع معاها عن فونها مثلا شنو البرامج الجديدة تلفونج زين استخدامها ومن هالسوالف ابدي معاها بالشئ الي ملتهية فيه
مو لشئ بس عشان الروح تبي روح تحاجيها

 

[مارياq8]

رد : رد: مجابلتج بالدوام و لا تسولف !!

كل شخص حر بتصرفاته

 

[pink_dream]

رد : مجابلتج بالدوام و لا تسولف !!

كيفها

 

[..فروحه..]

يمكن لان ماتعودت ليلحيين عادي عادي