مثل إصبعين بكف .. نبعد ونتلاقا .. قصه كويتية حقيقيه

[فتاة الكئابه]

Ambeeeeeeh 7dii mn9dma
kmly
waiting

 

[om sa3ad]

ناطرينج اخييييه ريان الله يرحمها ويصبر اهلها ويشفي امهاا متشوقة حق النهاية

 

[miss $_$ semsem]

كثر خيره ناصر متحملها المسكين يعني حتى لو ماحبته اوكي ماالومها بس اهوه ماله ذنب ترا

 

[كويتيه ذربه]

مشكوووره
وننطر النهايه
بس الله يخليج بالنهايه قوليلنا كل واحد بالقصه اشصار عليه
كلهم يكسرون الخاطر
اولهم ساره
احمد وزوجته
ومريم
ومشاري مادري شسمه اللي كان يبي ساره
ناصر
كل واحد من الشخصيات قوليلنا اشصار عليه <<<<<< اسألتي وايد
مشكوووووووووووووووووره

 

[Dalal.E]

Ba3ad 3omri bo Nasra

Gabil kint 7asa ina ti6alag min bo nasra oo ta5ith a7mad
Bas mosta7el 7aram ra7 yra3i shi3or mortaa 3ashan feha shalal

Ummm
Na6ra 3ALA NAAAAAR

 

[بطلع لاتدفون]

وربـــــــــــــــي كلمة رؤؤؤعة قليلية بحقها
بس سؤاال انتي تعرفيين ساارة شخصيا خخخ!!!؟؟
ااذا تعرفينها سلميلي عليها هع >> شحس فييه خخخ​

 

[جفاكـ ضيع غلآكـ]

البااارت روووووووعةة شويــةة علييييـه ..

ثاانكسس بنت الدوام حبيبتي ع كل حرف كتبتيه ب الروايــةة ..~*

و نااااطريـــن التككككملــــه ,*

 

[الريــم]

وحشتينا ياعمري ,, عاد انا فيني بجوة ومن قريت بارت مريم وريان حدي انقمتت الله يرحمها ريان ويصبر ابوها

 

[fdk_q8]

waiting ​

 

[DIOoOoO]

متابعتج ... وناطرينج كلنا الله يعطيج العافيه حبيبتي

 

[BAHRAINIYA]

waiting ​

 

[انت العمر كله]

ياريت بنهايه القصه تحكيلنى ش علاقتك بساره
وكيف ساره هلء ازا بتعرفيها ومريم وكل الشخصيات

والله حينا القصه وعشنا باحداثها وحبيتك كتير وساره :eh_s(7):

ناطرينك

 

[بنت الدوام]

انا كاني ييت

عندي لكم مفاجأه :*

 

[sana71]

بشرى شنو المفاجأه بلييييييز قولي بتحطين بارتين )))))

 

[انت العمر كله]

بليز بسرعه احكينى لنا بسرعه شو المفاجأه يلااااااااااااااا

 

[بنت الدوام]

لحظه الحين بتعرفون

 

[بنت الدوام]

​

​

​

Part 44​

​

​

​

[FONT=AF_Najed]ساره ضاعت بعيونه وبنفس الوقت بسؤاله!! امبيه!! اهوا حسباله اني مو بنت!! امبيه انا شلون مافكرت فيها!![/FONT]​

​

[FONT=AF_Najed]جان شوي شوي توخر ايده : ناصر تعوذ من ابليس .. اي انا بنت!![/FONT]​

​

[FONT=AF_Najed]ناصر ينزل راسه : استغفر الله استغفر الله ..(واهوا طالع من الغرفه قاعد يقول بصوت واطي) الحمدلله الحمدلله ..[/FONT]​

​

[FONT=AF_Najed]قعدت ساره على الفراش ولمت ريولها وقعدت تبجي .. ياربي شسوي!! ما اقدر اخليه يجيسني احس اني مو قادره !! ياربي شسوي !! ياربي ساعدني
[/FONT]​

​

[FONT=AF_Najed]شوي وله ناصر يناديها : ساره ..[/FONT]​

​

[FONT=AF_Najed]ساره قامت من الفراش وراحتله : هلا؟[/FONT]​

​

[FONT=AF_Najed]ناصر : نجبيلي ما اعرف اكل من غيرج[/FONT]​

​

[FONT=AF_Najed]ساره بقلبها .. آآآآآخ يا ناصر !! جان زين انتا مو زين وياي !! عشان اكرهك واوفر على نفسي هالعذاب !! ليش مو قادره احبك ليش!! [/FONT]​

​

[FONT=AF_Najed]وتغدوا .. راح ناصر ينام .. وقعدت ساره بالصاله ..[/FONT]​

​

[FONT=AF_Najed]تفكر تفكر شتسوي ..[/FONT]​

​

[FONT=AF_Najed]والله ناصر مايستاهل اللي قاعده اسويه فيه!![/FONT]​

​

[FONT=AF_Najed]حرام ناصر وايد متعلق فيني ووايد يحبني .. صج عصبي .. بس شاري خاطري .. وما الومه على اللي قاعد يسويه فيني انا استاهل اكثر من جذي انا استاهل اموت على اللي سويته ..[/FONT]​

​

[FONT=AF_Najed]..............[/FONT]​

​

[FONT=AF_Najed]طبعا مريم رفعت قضيه على ريلها .. وكان عندها تقرير بحالتها من الطبيب الشرعي يثبت كل اصابه صارت فيها وخسارة الجنين بسبب ضرب في اسفل المعده ادى الى سقوط الجنين ..[/FONT]​

​

[FONT=AF_Najed]ربحت القضيه والمحكمه احكمتلها بتعويض مادي على الاضرار النفسيه والجسمانيه .. وقدمت الكمبياله ام 20 الف بس ريلها ماقدر يردلها فلوسها على طول .. فالقاضي عطاه مهله يدفع المبلغ او ينسجن ..[/FONT]​

​

[FONT=AF_Najed]باع سيارته وجيب المورانو ويابوله بس 13 الف دينار .. وباجي ال 7 آلاف دينار قدر يبيع اسهم كسور بيت التمويل ب 2500 دينار وباجي ال 4500 تسلفهم من اخوانه وربعه وامه ..[/FONT]​

​

[FONT=AF_Najed]وسدد لها المبلغ كامل .. والقاضي حكم لها بالطلاق والتعويض مثل ما قلت لكم ..[/FONT]​

​

[FONT=AF_Najed]والحين مريم عايشه ابيت ابوها الحمدلله مرتاحه .. بس نفسيتها وايد تعبانه من كل اللي صار..[/FONT]​

​

[FONT=AF_Najed]وصارت ماتثق بالرياييل وتكرههم .. [/FONT]​

​

[FONT=AF_Najed]........................[/FONT]​

​

[FONT=AF_Najed]نرجع حق ساره ..[/FONT]​

​

[FONT=AF_Najed] [/FONT]​

​

[FONT=AF_Najed]ساره كانت بصراع نفسي مع روحها ..[/FONT]​

​

[FONT=AF_Najed]ساعات تفكر انها قاعده تخون احمد مع زوجها .. وصدقوني والله وصل فيها التفكير (الله يهداها ان علاقتها بناصر حرام وانها خيانه حق حلالها احمد!! للأسف جذي كانت تحسب الامور!)[/FONT]​

​

[FONT=AF_Najed]وهذا طبعا ابتلاء من الله على اللي كانت تسويه بالحرام مع احمد .. [/FONT]​

​

[FONT=AF_Najed]كانت دايما تفكر تتوب وترد تصلي وتستغفر ربها بس الشي كان فوق طاقتها وكانت محتاجه توقف مع احمد بهالوقت .. وكانت للأسف حاطه امل انها ترجعله ويتزوجها![/FONT]​

​

[FONT=AF_Najed]حاولت اكثر من مره تتقبل وضعها مع ناصر بس ماقدرت ..[/FONT]​

​

[FONT=AF_Najed]...[/FONT]​

​

[FONT=AF_Najed]بالصاله ناصر قاعد على الكمبيوتر وساره تطالع التليفزيون[/FONT]​

​

[FONT=AF_Najed]ناصر : ساره ماتبين تسافرين شهر عسل؟[/FONT]​

​

[FONT=AF_Najed]ساره : لا ناصر شحقا الخساير [/FONT]​

​

[FONT=AF_Najed]ناصر : بس انا ودي اسافر![/FONT]​

​

[FONT=AF_Najed]ساره : اي عادي سافر مع ربعك[/FONT]​

​

[FONT=AF_Najed]ناصر انصدم من كلامها ووقف على طوله: انتي شفيج!! والله احسج مو طبيعيه ساعات !! [/FONT]​

[FONT=AF_Najed]ساره : هذا يزاتي ابيك تستانس!! ومابي اخلي شي بخاطرك!![/FONT]

[FONT=AF_Najed]ناصر : بس انا خاطري اسافر وياج!![/FONT]

[FONT=AF_Najed]ساره (بلا مبالاة): اي بس انا مالي خلق اسافر [/FONT]

[FONT=AF_Najed]ناصر : ساره!! انا شنو بالنسبه لج؟[/FONT]

[FONT=AF_Najed]ساره : ناصر شنو هالسخافه !! انتا زوجي![/FONT]

[FONT=AF_Najed]ناصر : انا زوجج مع وقف التنفيذ انا صابر عليج ومطول بالي لأني اخاف الله فيج وله لو واحد غيري جان ما يتم معاج يوم واحد[/FONT]

[FONT=AF_Najed]ساره لفت ويهها صوبه وتطالعه من فوق لي تحت : ناصر اذا ماتبيني ردني بيت اهلي!![/FONT]

[FONT=AF_Najed]ناصر: ماشالله كل شي عندج سهالات!! (ومشى عنها وخلاها بالصاله وراح الدار يبدل بيطلع)[/FONT]

[FONT=AF_Najed]واهوا طالع ..[/FONT]

[FONT=AF_Najed]ناصر : عسى الله يهداج ويفتح على بصيرتج ..[/FONT]

[FONT=AF_Najed]ساره بصوت واطي : الحمدلله والشكر[/FONT]

[FONT=AF_Najed]ناصر ما سمعها وطلع ..[/FONT]

[FONT=AF_Najed].............[/FONT]

[FONT=AF_Najed]خل اكلمكم شويه عن ناصر .. ناصر انسان ملتزم .. مايطوف ولا فرض وعلاقته بربه وايد زينه .. انسان قمه في الاخلاق .. بار في امه وابوه وايد .. ناجح بشغله وكلامه موزون .. [/FONT]

[FONT=AF_Najed]بس للأسف ماتوفق بساره .. مع انه حبها من اول ماشافها .. بس تصرفاتها قاعده تكهرهه فيها ..[/FONT]

[FONT=AF_Najed]تهقون راح يصبر عليها؟؟[/FONT]

[FONT=AF_Najed].....[/FONT]

[FONT=AF_Najed]ناصر راح الدوانيه من بعد ما طلع من البيت ..[/FONT]

[FONT=AF_Najed]قعد مع رفيجه الروح بالروح (رفيجه متزوج من 5 سنين وعنده ولدين) [/FONT]

[FONT=AF_Najed]ناصر : هلا بو عزوز شلونك[/FONT]

[FONT=AF_Najed]سالم : هلا بالغالي زين شفناك انا زين انتا شلونك[/FONT]

[FONT=AF_Najed]ناصر يتنهت : انا الحمدلله زين[/FONT]

[FONT=AF_Najed]سالم : مادري نويصر شكلك مو عاجبني شفيك؟[/FONT]

[FONT=AF_Najed]ناصر : والله مادري[/FONT]

[FONT=AF_Najed]سالم : هههه شكله الزواج منسيك الدنيا![/FONT]

[FONT=AF_Najed]ناصر : اسكت واللي يعافيك خلني ساكت بس[/FONT]

[FONT=AF_Najed]سالم : افا!! ليش شفيك![/FONT]

[FONT=AF_Najed]ناصر : والله تعبان حيل احترت في هالمره!! مادري شنو اللي يرضيها![/FONT]

[FONT=AF_Najed]سالم: ليش ناصر عسى ماشر![/FONT]

[FONT=AF_Najed]ناصر : مو عارفلها سلوم!![/FONT]

[FONT=AF_Najed]سالم : ميخالف ناصر اول سنه زواج لازم جذي!! يبيلكم فتره تتأقلمون مع بعض توكم ماصارلكم 6 اشهر!![/FONT]

[FONT=AF_Najed]ناصر : انتا من صجك! المره مو طبيعيه اليوم اقولها خنسافر شهر عسل تقول مالها خلق[/FONT]

[FONT=AF_Najed]سالم : هههههه والله مرتك لوءطه!! اخاف تتغشمر وياك! مستحيل مره ماتحب السفر!![/FONT]

[FONT=AF_Najed]ناصر : انا قاعد اكلمك من صجي!! والله ماتبي تسافر![/FONT]

[FONT=AF_Najed]سالم : ليش شفيها!![/FONT]

[FONT=AF_Najed]ناصر : والله احسها مو بالعتني!! اطلع وادش ما تسألني وينك!! اتأخر ماتدق علي!![/FONT]

[FONT=AF_Najed]سالم : والله ودي ازعل بس والله مستانس!! يابختك!! شلك بالحنه! والله انتا بنعمه!! [/FONT]

[FONT=AF_Najed]ناصر: شنو نعمه؟! اقولك مرتي ماتحس ماتغاااااااااااااااااااار علي!! اليوم تقولي سافر مع ربعك !! [/FONT]

[FONT=AF_Najed]سالم واهوا ميت ضحك مو قادر يمسك نفسه : هههههههههه والله انك بنعمه !! احنا الرياييل نتمنى حريمنا يصيرون نفس مرتك[/FONT]

[FONT=AF_Najed]ناصر ماقدر يستحمل جان يقوم: والله الشرها علي انا اللي قاعد اشكيلك[/FONT]

[FONT=AF_Najed]سالم يمسكه من ايده ويحاول يقعده: تعوذ من ابليس نصور والله قاعد اتغشمر وياك اقعد اقعد بس خنعرف شسالفه![/FONT]

[FONT=AF_Najed]ناصر واهوا يتأفف: استغفر الله .. ساعات افكر اطلقها![/FONT]

[FONT=AF_Najed]سالم : اعوذ بالله ماتوصل هالمواصيل وانا اخوك[/FONT]

[FONT=AF_Najed]ناصر يساسر سالم : سلوم انا لي الحين مادخلت عليها ..[/FONT]

[FONT=AF_Najed]سالم يلف ويها ويطالع ناصر منصدم : يلعن شكلك !! شلون مستحمل 6 اشهر!!! انتا حمار!![/FONT]

[FONT=AF_Najed]ناصر : جب سلوم لا تصارخ !! والله من صجي اكلمك اهيا ماتبيني![/FONT]

[FONT=AF_Najed]سالم : بيييييييه مرتك سالفتها سالفه!![/FONT]

[FONT=AF_Najed]ناصر : سلوم شور علي شسوي!! اطلقها وله اصبر عليها!![/FONT]

[FONT=AF_Najed]سالم : لا يبا شنو تطلقها!! البنت مافيها شي تلقاها خايفه او متعقده من شي!! انتا لازم تعرف مايتها[/FONT]

[FONT=AF_Najed]ناصر : مت وانا احاول ماكو فايده والله اني بكل صلاة ادعي ان الله يهديها !! بس كل مالها وتزيد!! كل ما اقرب منها تصارخ وتزعل وتبجي وتسوي بلاوي!![/FONT]

[FONT=AF_Najed]سالم : انزين شوف انا عندي لك خطه ماتخر الماي!![/FONT]

[FONT=AF_Najed]ناصر : على ايدك!![/FONT]

[FONT=AF_Najed]ناصر : اسمعني ............. وبعدين ........... ولما ........... عاد انتا ........... بس ها ......... يعني لا تزودها .......... وتاليتها ........... فهمت!![/FONT]

[FONT=AF_Najed]سالم : اتهقى!![/FONT]

[FONT=AF_Najed]ناصر : اهقى ونص!![/FONT]

[FONT=AF_Najed]............[/FONT]

[FONT=AF_Najed]راح ناصر البيت ودش على ساره..[/FONT]

[FONT=AF_Najed]كانت قاعده تطالع التليفزيون ..[/FONT]

[FONT=AF_Najed]ناصر: انا بسافر باجر[/FONT]

[FONT=AF_Najed]ساره منصدمه بس مسويه روحها مو مهتمه : الله وياك تروح وترد بالسلامه[/FONT]

[FONT=AF_Najed]ناصر منقهر شنو هاللامبالاة: ماتبين تعرفين وين ومتى برجع؟[/FONT]

[FONT=AF_Najed]ساره تسوي روحها مو مهتمه: اذا تبي تقول قول[/FONT]

[FONT=AF_Najed]ناصر : شهالبرود اللي فيج؟![/FONT]

[FONT=AF_Najed]ساره : نفس برودك اللي خلاك تقولي قبل سفرتك بيوم![/FONT]

[FONT=AF_Najed]ناصر : اها! انا امس دريت[/FONT]

[FONT=AF_Najed]ساره : اوكي[/FONT]

[FONT=AF_Najed]ناصر: ماتبين تعرفين يعني؟[/FONT]

[FONT=AF_Najed]ساره : لا مو لازم اعرف[/FONT]

[FONT=AF_Najed]ناصر : على راحتج.. قومي سويلي جنطتي[/FONT]

[FONT=AF_Najed]ساره تطالعه بنظره يعني شتبي ومو عاجبها![/FONT]

[FONT=AF_Najed]ناصر : شفيج تطالعيني جذي؟! ماتبين تسوين جنطتي؟[/FONT]

[FONT=AF_Najed]ساره : كاني قايمه [/FONT]

[FONT=AF_Najed]راحت تسوي جنطته .. جان تقعد تحط بنطلونات جينز وقمصان واهيا قاعده تحط جان يدش ناصر[/FONT]

[FONT=AF_Najed]ناصر : لا لا شيلهم!! حطيلي شورتات وتي شيرتات!![/FONT]

[FONT=AF_Najed]ساره مستغربه : ليش؟[/FONT]

[FONT=AF_Najed]ناصر: الديره اللي بروحلها على البحر![/FONT]

[FONT=AF_Najed]ساره بتقهره واهيا اللي منقهره : يعني احطلك مايوهات[/FONT]

[FONT=AF_Najed]ناصر بقلبه (اللهم طولج ياروح) : اي لو سمحتي[/FONT]

[FONT=AF_Najed]ساره : اوكي[/FONT]

[FONT=AF_Najed]طلع ناصر واهوا مقهور منها!! شهالبرود اللي فيها!! حتى ماتبي تعرف وين رايح؟[/FONT]

[FONT=AF_Najed]جان تطل عليه ساره من الدار واهوا قاعد بالصاله يطقطق بريموت التلفزيون ..[/FONT]

[FONT=AF_Najed]ساره : ناصر تبيني احطلك سن بلوك وله سن تان؟؟[/FONT]

[FONT=AF_Najed]ناصر واهوا حاس بروحه تطلع منه: حطيلي سن بلوك ..[/FONT]

[FONT=AF_Najed]ساره : اوكي ..[/FONT]

[FONT=AF_Najed]خلصت ساره من الجنطه وسكرتها ..[/FONT]

[FONT=AF_Najed]ومن باجر الساعه 9 الصبح ..
[/FONT]
[FONT=AF_Najed]ناصر خذا جنطته .. واهوا طالع شاف ساره نايمه ماحب يقعدها وراح ..[/FONT]

[FONT=AF_Najed]كتب لها ورقه انا لقيتج نايمه ماحبيت اقعدج .. انا رايح المطار .. اذا قدرت بدق عليج اذا ماقدرت عذريني ..[/FONT]​

 

[BAHRAINIYA]

:yaaaaaarb: يلاااااااا ا الله يخليج بسرعة اعصابي ما تتحمل

 

[BAHRAINIYA]

شنو المفاجأة يا الحلوووة البارت صغير ودي اعرفه وش بيصير

اخ منج يا أم المفاجات

 

[بنت الدوام]

Part 45

والأخيـــــــــــــــر


[FONT=AF_Najed]قامت ساره الساعه 12 الظهر ..[/FONT]

[FONT=AF_Najed]شافت الورقه يم راسها ماتت من الحره!! شنو يعني بعد مايبي يدق؟؟[/FONT]

[FONT=AF_Najed]بدلت هدومها وراحت بيت اهلها ..[/FONT]

[FONT=AF_Najed]طبعا ماقالت حق اهلها ان ريلها مسافر خافت يسئلونها وين رايح ومتى بيرد ..[/FONT]

[FONT=AF_Najed]ولما اسالوا عنه قالت لهم طالع مع ربعه ..[/FONT]

[FONT=AF_Najed]قعدت لي بليل ..[/FONT]

[FONT=AF_Najed]على الساعه 8 بليل .. ام ناصر دقت على ساره ..[/FONT]

[FONT=AF_Najed]ام ناصر : السلام عليكم[/FONT]

[FONT=AF_Najed]ساره : وعليكم السلام هلا خالتي[/FONT]

[FONT=AF_Najed]ام ناصر: هلا بنيتي .. شكلج مشغوله[/FONT]

[FONT=AF_Najed]ساره : لا خالتي عادي انا ابيت اهلي [/FONT]

[FONT=AF_Najed]ام ناصر: لا بس كنت بقولج ان ناصر دق علي وقالي انه وصل بالسلامه وقالي اقولج بالمره[/FONT]

[FONT=AF_Najed]ساره ماتت قهر بس ماتبي تبين: اي خير ان شالله الحمدلله على سلامته[/FONT]

[FONT=AF_Najed]ام ناصر: خلاص بنيتي ما اطول عليج [/FONT]

[FONT=AF_Najed]ساره : اخذي راحتج خالتي[/FONT]

[FONT=AF_Najed]ام ناصر: يالله مع السلامه وسلمي على امج[/FONT]

[FONT=AF_Najed]ساره : يوصل ان شالله مع السلامه[/FONT]

[FONT=AF_Najed]وقعدت ساره تاكل بعمرها !! هذا شيبي ليش سافهني!! صج مايستحي على ويها !! [/FONT]

[FONT=AF_Najed]وشوي ترد وتقول بالطقاق احسن انه مادق علي !! شبي فيه !![/FONT]

[FONT=AF_Najed]وبعد 3 ايام ناصر رد من السفر ..[/FONT]

[FONT=AF_Najed]دش البيت لقى ساره توها طالعه من الشاور ..[/FONT]

[FONT=AF_Najed]واهيا طالعه انصدمت لما شافته ابويهها جان ترد تدش الحمام !![/FONT]

[FONT=AF_Najed]واهيا شويه مطرفه الباب وناصر يقط هدومه ويبي ياخذ الفوطه يبي ياخذ شاور[/FONT]

[FONT=AF_Najed]قعد يتحلطم عليها[/FONT]

[FONT=AF_Najed]ناصر : الناس يسلمون!![/FONT]

[FONT=AF_Najed]ساره : انتا ليش ماقلت لي انك بترد!![/FONT]

[FONT=AF_Najed]ناصر : وليش اقولج انتي ماتبين تعرفين![/FONT]

[FONT=AF_Najed]ساره : انزين مو فجأه جذي تدش علي!! انتا ماتدري ان الريال مفروض مايفاجيء مرته لما يرد من السفر؟[/FONT]

[FONT=AF_Najed]ناصر باستهزاء وحقاره : والله زين تعرفين بالدين والاصول!! والحق والواجب؟[/FONT]

[FONT=AF_Najed]ساره : تتطنز؟![/FONT]

[FONT=AF_Najed]ناصر : سلامت عمرج ما اتطنز بس يالله طلعي ابي اخذ شاور..[/FONT]

[FONT=AF_Najed]ساره : ماني طالعه لين تسكر عيونك![/FONT]

[FONT=AF_Najed]ناصر : يعني توني شايفج!! يالله طلعي خلصيني ترى مو ميت عليج!![/FONT]

[FONT=AF_Najed]ساره اندقرت حدها: انا ماقلت ميت علي بس سكر عيونك (وبقلبها هذا شيبي على شنو شايف عمره!)[/FONT]

[FONT=AF_Najed]ناصر : اوهووووووووووووووو خلصينييييي يالله كا غمضت عيوني !![/FONT]

[FONT=AF_Najed]طلعت ساره ومرت جدام ناصر وناصر مسكر عينه .. واهيا ماره جان يبطل عينه ويطالعها ويهز ايده مو عاجبه جان يقول الحمدلله والشكر ويدش الحمام[/FONT]

[FONT=AF_Najed]ساره انقهرت شكووووووووووو يبطل عينه!! لا وبعد يطالعني جنه شايف واحد من الربع !! ماجني بنيه!! شنو يعني انا ما اغريه!! [/FONT]

[FONT=AF_Najed]ويع وييييييييييييييييييع صج كرييه!![/FONT]

[FONT=AF_Najed]والله لا البس شي اخليه يبجي جدامي!![/FONT]

[FONT=AF_Najed]جان تطلع الهدايا ملوت استقبالها .. (كل قمصان النوم حاطتهم بجنطه بروح .. كل قميص عليه تاق السعر حتى مو شايلته!)[/FONT]

[FONT=AF_Najed]جان تنقي قميص نوم احمر !! صاير قطعه وحده نفنوف علاق دانتيل احمر لازق على الجسم قصيييييييير حيل وصاير من تحت شورت .. ولبست فوقه روب دانتيل اسود لي فوق الركبه .. (لي الحين وايد تستحي منه) .. ونشفت شعرها ستريت وحطت دهن العود وبخرت روحها وحطت ميك اب حيل ناعم !! [/FONT]

[FONT=AF_Najed]صار شكلها يشوق .. ناصر لما راح يشوفها جذي يمكن ياكلهااااااااااا!![/FONT]

[FONT=AF_Najed]طلع ناصر من الحمام وساره كانت بالمطبخ تسويله قهوه تركيه ..[/FONT]

[FONT=AF_Najed]طلع ناصر سمع صوتها تحوس بالمطبخ ..[/FONT]

[FONT=AF_Najed]جان يقول : سويليييييييييي قهوه[/FONT]

[FONT=AF_Najed]ساره : قاعده اسويلك[/FONT]

[FONT=AF_Najed]قعد ناصر ومد ريوله على القنفه وقعد يطالع التلفزيون ..[/FONT]

[FONT=AF_Najed]طلعت ساره بيدها الصينيه .. واللبس اللي لابسته وهالريحه اللي تشلع الخشم .. بخور على دهن عود على ريحة القهوه !! .. [/FONT]

[FONT=AF_Najed]ناصر شافها جان يقوم يقعد عدل .. جان يطالعها من فوق لي تحت!![/FONT]

[FONT=AF_Najed]ناصر : شلابسه!![/FONT]

[FONT=AF_Najed]ساره بعبط : بجامه![/FONT]

[FONT=AF_Najed]ناصر : ويع تلوع الجبد!! روحي غيريها لبسي بجامه طويله وجم طويل وايد احلى!![/FONT]

[FONT=AF_Najed]ساره فيها بجيه ومصدوووووووومه من ردة فعله!! جان تحط الصينيه حيل وينكت شويه من القهوه وتحقره وتروح الدار تبدل قميص النوم ابجامه قطن جم طويل وبنطلون طويل ووسيعه .. وقعدت بالدار تبجي ..وناصر بالصاله حاقرها وقاعد يطالع مباراة .. واهيا تسمع صوته يشجع المباراة ..[/FONT]

[FONT=AF_Najed]فجأه جان يناديها [/FONT]

[FONT=AF_Najed]ناصر : سووووووووووووووووووير ابي قهوه بعد !![/FONT]

[FONT=AF_Najed]ساره بقلبها (الله ياخذك ان شالله حيوان ماتستحي على ويهك اكرهك!! ماكو احساس ماكو شعور!! صج حيوان)!![/FONT]

[FONT=AF_Najed]ساره طلعت من الدار ودشت المطبخ وشافها لابسه البجامه وضحك عليها بصوت واطي ..[/FONT]

[FONT=AF_Najed]جان يدق تليفون ناصر .. [/FONT]

[FONT=AF_Najed]اول ماطلعت من المطبخ جان يقول : خلاص بو عزوز اكلمك انا بعدين بطالع المباراة [/FONT]

[FONT=AF_Najed]جان ساره تحط الصينيه وتوها تبي تمشي ..[/FONT]

[FONT=AF_Najed]ناصر : لحظه لحظه اخذي قلاص الماي غسليه!! يعني ماتشوفينه مو نظيف!![/FONT]

[FONT=AF_Najed]ساره بنرفزه: انا مو خدااااااااااامه!! تبي احد يغسل مواعينك يبلك خدامه !![/FONT]

[FONT=AF_Najed]ناصر : ما عندنا شي زايد عشان انييب خدامه!! وخدامة اهلي مو مقصره قاعده تنظف الشقه كل يوم!
[/FONT]

[FONT=AF_Najed]ساره : انا من باجر بداوم مع ابوي بالشركه !! وشي طبيعي راح نحتاج خدامه![/FONT]

[FONT=AF_Najed]ناصر : ماشالله ماقلتيلي!![/FONT]

[FONT=AF_Najed]ساره : انتا تدري قبل لا نتزوج اني بشتغل مع ابوي![/FONT]

[FONT=AF_Najed]ناصر : ما اختلفنا بس ما قلتيلي بتداومين باجر![/FONT]

[FONT=AF_Najed]ساره : واذا قلت لك شنو بتسوي؟[/FONT]

[FONT=AF_Najed]ناصر : كنت راح اطلب خدامه يديده على الاقل تجابلينها قبل لا تداومين![/FONT]

[FONT=AF_Najed]ساره : مو مشكله اطلبها انتا واذا يت يصير خير![/FONT]

[FONT=AF_Najed]ناصر: شلون يصير خير![/FONT]

[FONT=AF_Najed]ساره : خالتي تعلمها![/FONT]

[FONT=AF_Najed]ناصر : امي!![/FONT]

[FONT=AF_Najed]ساره : اي امك !! شفيها !![/FONT]

[FONT=AF_Najed]ناصر : تبيني اقول حق امي تعالي علمي الخدامه؟![/FONT]

[FONT=AF_Najed]ساره : وشفيها يعني!![/FONT]

[FONT=AF_Najed]ناصر : اقول روحي دارج بس دام النفس عليج طيبه ! والخدامه انتي بتعلمينها عملي حسابج[/FONT]

[FONT=AF_Najed]ساره بنرفزه : اففففففف زين وراحت الدار ..[/FONT]

[FONT=AF_Najed]قعدت بالدار ضايق خلقها وقلبها مقموت حست انها وصلت لي طريج مسدود مع ناصر!![/FONT]

[FONT=AF_Najed]حست انها وبكل انوثتها ماراح تقدر تغريه![/FONT]

[FONT=AF_Najed]كانت متوقعه شي وانصدمت بشي ثاني[/FONT]

[FONT=AF_Najed]ناصر ماكان على كيفها متى ماتبيه ايي ومتى ماتبيه يروح ويخليها على راحتها![/FONT]

[FONT=AF_Najed]استوعبت ان من كثر ما دقرته نفر منها ومن اسلوبها ومن حتى شكلها[/FONT]

[FONT=AF_Najed]حست ان خلاص ناصر مايبيها وانها طول عمرها بتعيش معاه على هالحاله![/FONT]

[FONT=AF_Najed]وشويه تفكر بأحمد وطريقته واسلوبه معاها وان شلون كان يحبها ويموت في شكلها[/FONT]

[FONT=AF_Najed]وبنفس الوقت ناصر اللي يشوفها جنها واحد من ربعه وان بس خلاص يأس منها[/FONT]

[FONT=AF_Najed]واهيا تفكر طاحت عينها على المصحف بين الكتب على الرف ..[/FONT]
​

[FONT=AF_Najed]قامت وخذت المصحف وقعدت تقرى وتقرى وتقرى واهيا تبجي ..[/FONT]​

​

[FONT=AF_Najed]وصلت لي عند سورة (( [FONT=AF_Najed]قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ [/FONT]

[FONT=AF_Najed]إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ[/FONT] [FONT=AF_Najed]))[/FONT][/FONT]​

​

[FONT=AF_Najed]ماقدرت تمسك نفسها .. قرتها مره ومرتين وثلاث مرات .. لين طاحت على الارض قامت تسجد وتبجي وتقول يارب اغفرلي يارب اغفرلي ..[/FONT]​

​

[FONT=AF_Najed]وراحت لبست ثوب صلاة وفرشت السياده ومسكت القرآن وقامت تصلي .. قرت سورة البقره كلها بصلاتها ..[/FONT]​

​

[FONT=AF_Najed]خلصت من الصلاة وكملت قرايه القرآن .. شوي تبجي واهيا تقرا وشويه تستغفر ربها ..[/FONT]​

​

[FONT=AF_Najed]خلصت من القران ولمته ودعت ربها يارب انا تبت يارب تقبل توبتي يارب اذا قبلت توبتي لا تردني طريج الحرام ولا تخليني اصادف احمد بأي مكان ولا تخليني اضعف واتصل فيه .. يارب ترحمني وتغفرلي يارب تزرع حب ريلي في قلبي .. يارب تستر علي وتغفرلي ..[/FONT]​

​

[FONT=AF_Najed]وقعدت لامه القرآن واهيا تبجي .. [/FONT]​

​

[FONT=AF_Najed]ساعتين كاملين واهيا بالدار وناصر بالصاله ..[/FONT]​

​

[FONT=AF_Najed]شوي وله بدخلت ناصر غرفة النوم ..[/FONT]​

​

[FONT=AF_Najed]شافها لامه القرآن وتبجي ..[/FONT]​

​

[FONT=AF_Najed]جان ينزل تحت ريلها ويقعد على ركبه ويقط راسه بحضنها ..[/FONT]​

​

[FONT=AF_Najed]جان يقولها ساره انا آســـــــــــــــــف سامحيني والله ينقص لساني اذا قلت لج كلمة تزعلج والله انتي حبيبتي وانا مستعد انطرج العمر كله تكفين سامحيني لا تسوين بنفسج جذي تكفين .. والله انا تعمدت اسوي فيج هذا كله عشان تحسين فيني!! والله العظيم اني ما قدرت استحمل لما شفتج بقميص النوم والله مادري شلون مسكت نفسي بس قلت مايخالف خل ادوس على قلبي واحساسي واتحمل شويه عشان تحسين ولو شويه باللي حسستيني فيه![/FONT]​

​

[FONT=AF_Najed]جان تقوم وتقومه وتلمه حيييييييييييييل وتقوله سامحني انتا ماتستاهل ..[/FONT]​

​

[FONT=AF_Najed]وخيره انك سويت فيني جذي عشان اتوب وارجع حق صلاتي وربي ..[/FONT]​

​

[FONT=AF_Najed]والحمدلله صفت القلوب .. وتراضوا وصاروا سمن على عسل ..[/FONT]​

​

[FONT=AF_Najed]وبعدها بيومين احجزوا بفندق ميزوني 3 ايام .. ودخل عليها ناصر ..[/FONT]​

​

[FONT=AF_Najed]كانت فرحته بساره مو طبيعيه لأنها تغيرت وصارت تصلي وملتزمه بصلاتها .. [/FONT]​

​

[FONT=AF_Najed]وهذا الشي بالنسبه حق ناصر نعمه كبيره ان الله هداها على ايده![/FONT]​

​

[FONT=AF_Najed]............[/FONT]​

​

[FONT=AF_Najed]الحمدلله ساره قامت ماتطوف فرض وقررت كل يوم بعد صلاة المغرب تقرى ولو صفحتين من القرآن .. كانت كل ماتقرى قرآن ترتاح نفسيا .. والحمدلله [FONT=AF_Najed] الله هداها وتحجبت.. وعاشت احلى ايام عمرها مع ناصر ..[/FONT][/FONT]​

​

[FONT=AF_Najed]وبعد سنه من زواجهم ...[/FONT]​

​

[FONT=AF_Najed]احملت واهيا الحين بالشهر الرابع ..[/FONT]​

​

[FONT=AF_Najed]ادعولها ان الله يثبتها ويتمم عليها ..[/FONT]​

​

[FONT=AF_Najed].........[/FONT][FONT=AF_Najed] النهايـــــــــــــــــــه .........[/FONT]​