مثل إصبعين بكف .. نبعد ونتلاقا .. قصه كويتية حقيقيه

[بنت الدوام]

​

Part 38[FONT=AF_Najed][/FONT]​

​

​

​

​

​

[FONT=AF_Najed]مريم مع ريلها بالبيت ..[FONT=AF_Najed][/FONT][/FONT]​

​

[FONT=AF_Najed]مريم لابسه قميص نوم اسود مضرب من الاجناب .. وفيه مربعات سيلفر .. وقصير حيل يعني لو تجندس تطلع المـ... سوالف ستربتيز! القميص حده يغررررررررررررررررري ..[/FONT]​

​

[FONT=AF_Najed]سوت شعرها بف وويفييييييييييي وفل ميك اب .. سوالف بنات الليل (مع التحفظ على اللفظ) [/FONT]​

​

[FONT=AF_Najed]وسوت العشا وزهبت الطاوله والشموع وريحة الدار كلها اتينن ... [/FONT]​

​

[FONT=AF_Najed]كانت مسكره الليتات ولابسه روب فوق القميص وناطره ريلها يدش لأن اليوم عيد ميلاده!![/FONT]​

​

[FONT=AF_Najed]دش البيت الساعه 10 بليل!! [/FONT]​

​

[FONT=AF_Najed]محمد متنرفز : ليش مسكرين الليتات!! [/FONT]​

​

[FONT=AF_Najed]مريم بصوت واطي : حياتي انا مطفيتهم![/FONT]​

​

[FONT=AF_Najed]محمد يحاول يدورها بالظلمه : وينج؟[/FONT]​

​

[FONT=AF_Najed]مريم واهيا تبطل الليت شوي شوي (ليت فر مو سويتج)[/FONT]​

​

[FONT=AF_Najed]محمد انصدم لما شافها : واااااااااااااااو شحلاتج!![/FONT]​

​

[FONT=AF_Najed]جان تقط الروب ..[/FONT]​

​

[FONT=AF_Najed]محمد : @@[/FONT]​

​

[FONT=AF_Najed]مريم كانت شاريتله هديه وكانت رابطه الهديه على خصرها جان تروح يمه وتطق جتفها بجتفه بدلع ..[/FONT]​

​

[FONT=AF_Najed]مريم : حياتي شوووف صوب خصري شنو اكو[/FONT]​

​

[FONT=AF_Najed]محمد واهوا يتحسس جسمها كله ويروح صوب خصرها : اخيييه مريم ليش ماتلبسين لي كل يوم جذي!![/FONT]​

​

[FONT=AF_Najed]مريم : حبيبي شوف انا شنو يايبتلك ..(وتحاول ترفع خصرها عشان ياخذ الهديه)[/FONT]​

​

[FONT=AF_Najed]محمد واهوا زايغ عليها وياخذ الهديه : والله جان زين كل يوم عيد ميلادي [/FONT]​

​

[FONT=AF_Najed]بطل الهديه وله قلم ديور ..[/FONT]​

​

[FONT=AF_Najed]محمد : الله والله وايد حلو .. بس امشي خنروح غرفة النوم ..[/FONT]​

​

[FONT=AF_Najed]مريم : لأ لأ ابيك تجربه!! (وتروح تييب اوراق وتحطهم على الطاوله مالت الطعام)[/FONT]​

​

[FONT=AF_Najed]محمد مستانس حده واهوا يلعب بالقلم يكتب اسم مريم [/FONT]​

​

[FONT=AF_Najed]مريم : وقع خل اشوف توقيعك بالقلم[/FONT]​

​

[FONT=AF_Najed]محمد قاعد يوقع على الورقه ..[/FONT]​

​

[FONT=AF_Najed]جان مريم تسوي روحها سكرتيره .. وتروح تمسك الاوراق بيدها وتقوله : حضرة المدير ممكن توقعلي على هالاوراق ..[/FONT]​

​

[FONT=AF_Najed]محمد : اوقعلج ليش ما اوقعلج .. والله لو عندي سكرتيره نفسج ما اطلع من المكتب![/FONT]​

​

[FONT=AF_Najed]مريم واهيا لايعه جبدها وتعطيه الاوراق بدلع .. ومحمد قاعد يوقع ويطالعها ميت عليها بس يبها تروح معاه الفراش ..[/FONT]​

​

[FONT=AF_Najed]حطت مريم الاوراق على الطاوله[/FONT]​

​

[FONT=AF_Najed] ومحمد شال مريم ووداها الفراش ونام وياها ...[/FONT]​

​

[FONT=AF_Najed]ومريم كارهه نفسها حيييييييييييييييييييييييل ودها بس يقوم ..[/FONT]​

​

[FONT=AF_Najed]واهيا كل شويه تتحجج بالعشا .. كل شويه تقوله بس عاد قوم خنتعشى لا يبرد العشا ..[/FONT]​

​

[FONT=AF_Najed]وبعد ما خلصوا دش محمد يتسبح وراحت مريم تعدل الطاوله وتشيل الاوراق .. خذت الاوراق وحطتهم على جنب ..[/FONT]​

​

[FONT=AF_Najed]طلع محمد وتعشوا .. .. واهوا وايد مستانس انه مريم اعجبته اليوم بحركاتها وبلبسها حتى قالها يالله متى نسوي جذي مره ثانيه![/FONT]​

​

[FONT=AF_Najed].............................[/FONT]​

​

[FONT=AF_Najed]ساره واهيا بالسياره..[/FONT]​

​

[FONT=AF_Najed]امبيه وين اروح!! شسوي!! شاللي صار .. راحت على البحر .. مواقف شاطيء انجفه .. سفطت ونزلت ..[/FONT]​

​

[FONT=AF_Najed]راحت صوب البحر .. وقعدت على الدجه اللي تحت المظله ولمت ريولها وقعدت تبجي .. [/FONT]​

​

[FONT=AF_Najed]شوي وله مريم داقه عليها ماردت عليها ..[/FONT]​

​

[FONT=AF_Najed]مريم كانت تدري انها بتشوف احمد وكانت تبي تعرف شنو صار وتبي تقولها اهيا شنو سوت مع ريلها.. دزتلها مسج وماردت .. (سوير وينج طمنيني شصار؟)[/FONT]​

​

[FONT=AF_Najed]تمنت اللي داق احمد .. لو حتى مسد كو لو مسج فاضي!![/FONT]​

​

[FONT=AF_Najed]لا مو قادره اصدق ان كل شي صار بسرعه .. توقعتك تقولي لاء توقعتك توقف بويه الدنيا كلها عشاني!! انا كنت مستعده ابيع الدنيا عشانك!![/FONT]​

​

[FONT=AF_Najed]تمت قاعده على البحر لي الساعه 11 بليل.. [/FONT]​

​

[FONT=AF_Najed]دقت عليها امها ردت عليها قالت لها كاني يما يايه وامها طبعا شخلتها لأنها متأخره ..[/FONT]​

​

[FONT=AF_Najed]راحت ركبت سيارتها واهيا عيونها مغورقه .. تشوف ليتات الشوارع مغبشه مو واضحه ..[/FONT]​

​

[FONT=AF_Najed]آآآآخ يا احمد .. خلاص كل شي انتهى!![/FONT]​

​

[FONT=AF_Najed]...[/FONT]​

​

[FONT=AF_Najed]طبعا مريم ما وقفت اتصالات وساره ماتبي ترد عليها ..[/FONT]​

​

[FONT=AF_Najed]ودها تنشق الارض وتبلعها ودها تموت ..[/FONT]​

​

[FONT=AF_Najed]..[/FONT]​

​

[FONT=AF_Najed]بعد يومين ..[/FONT]​

​

[FONT=AF_Najed]ام ساره : ساره تليفون[/FONT]​

​

[FONT=AF_Najed]ساره : منو؟[/FONT]​

​

[FONT=AF_Najed]امها : مريم[/FONT]​

​

[FONT=AF_Najed]ساره : انا اكلمها بعدين [/FONT]​

​

[FONT=AF_Najed]امها : حبيبتي ساره تكلمج بعدين[/FONT]​

​

[FONT=AF_Najed]مريم : اوكي خالتي .. مشكوره[/FONT]​

​

[FONT=AF_Najed]امها : العفو يما حياج الله[/FONT]​

​

[FONT=AF_Najed]..[/FONT]​

​

[FONT=AF_Najed]امها : ليش ماتبين تردين على البنت[/FONT]​

​

[FONT=AF_Najed]ساره : يما برد عليها والله برد بس مو الحين[/FONT]​

​

[FONT=AF_Najed]امها : المهم الحين خلصيني شصار على الريال ترى قاعدين ينطرون (الام كانت مزهبه اسطوانه طويله عريضه بتقولها )[/FONT]​

​

[FONT=AF_Najed]جان تقاطعها ساره : انا موافقه![/FONT]​

​

[FONT=AF_Najed]امها : ماشالله .. الله خير هادي .. هقيتج بتفققين [/FONT]​

​

[FONT=AF_Najed]ساره : ليش اتفقق !! مافيني زود عشان اتفقق[/FONT]​

​

[FONT=AF_Najed]امها : والله المنه عليه !! بنتي سنعه[/FONT]​

​

[FONT=AF_Najed]ساره : الحين يما؟[/FONT]​

​

[FONT=AF_Najed]امها : جب عاد من زمان اقول عنج سنعه بس فيج مصاخه[/FONT]​

​

[FONT=AF_Najed]ساره مو مهتمه كلش : خلاص يما كلميهم انا موافقه[/FONT]​

​

[FONT=AF_Najed]امها : انزين عيل خل ادق عليها نتفق على عشى التعارف[/FONT]​

​

[FONT=AF_Najed]ساره : كيفج يما اي يوم ويك اند ماعندي شي[/FONT]​

​

[FONT=AF_Najed]امها : خوش عيل ..[/FONT]​

​

[FONT=AF_Najed]راحت الام ودقت على ام الولد ..[/FONT]​

​

[FONT=AF_Najed]ام ساره : السلام عليكم هلا ام ناصر شلونج شخبارج [/FONT]​

​

[FONT=AF_Najed]ام ناصر : هلا والله ام مشاري زين اللي سمعنا هالصوت والله بطيناج[/FONT]​

​

[FONT=AF_Najed]ام ساره : بعد عمري والله تسلمين .. احنا الحمدلله سألنا عن الولد ماشالله الكل يمدح فيه وانتوا ناس ما اتخيرون ..[/FONT]​

​

[FONT=AF_Najed]ام ناصر: يابعد عمري والله يزاج الله خير انتوا بعد ونعم العايله .. [/FONT]​

​

[FONT=AF_Najed]ام ساره : خلاص عيل ام ناصر شوفي متى تبين عشى التعارف وبلغيني[/FONT]​

​

[FONT=AF_Najed]ام ناصر : شرايج هالاسبوع يوم اليمعه[/FONT]​

​

[FONT=AF_Najed]ام ساره : اي حياكم الله تشرفونا[/FONT]​

​

[FONT=AF_Najed]ام ناصر : الله يحييج بعد عمري .. خلاص عيل ان شالله احنا عندكم بعد صلاة العشا[/FONT]​

​

[FONT=AF_Najed]ام ساره : حياج الله حبيبتي[/FONT]​

​

[FONT=AF_Najed]ام ناصر : ماكو الا انا وعمته العوده وخالته وبناتي الثنتين[/FONT]​

​

[FONT=AF_Najed]ام ساره : اي حياكم الله البيت بيتكم[/FONT]​

​

[FONT=AF_Najed]وسكرت التليفون [/FONT]​

​

[FONT=AF_Najed]وام ساره قالت لها تتزهب ووصت السايق اييب حلو من واو ودقت احجزت ملوت القهوه وطلعت الاطقم والمواعين والخبه وحالتها حاله الام ميته من الوناسه ..[/FONT]​

​

[FONT=AF_Najed]ساره : يما انا بروح النادي[/FONT]​

​

[FONT=AF_Najed]امها : يالله عاد ماكو نادي روحي الصالون ..[/FONT]​

​

[FONT=AF_Najed]ساره : واي يما تو الناس اليوم االاحد اهما بيوون اليمعه![/FONT]​

​

[FONT=AF_Najed]امها : اي ولو !! شحقا تروحين النادي بروحج صايره تخرعين .. لاتخرعين الاودام بس روحي اهتمي بنفسج شوي[/FONT]​

​

[FONT=AF_Najed]ساره : خلاص يما بروح حق مريم[/FONT]​

​

[FONT=AF_Najed]امها : خلاص روحي خل تعلمج وتنصحج[/FONT]​

​

[FONT=AF_Najed]ساره : اي ان شالله[/FONT]​

​

[FONT=AF_Najed].................[/FONT]​

​

[FONT=AF_Najed]ساره دقت على مريم ..[/FONT]​

​

[FONT=AF_Najed]ساره : الوو[/FONT]​

​

[FONT=AF_Najed]مريم : وثول ان شالله انتي وينج ماتردييييييييين!! صارلي جم يوم ادق عليج[/FONT]​

​

[FONT=AF_Najed]ساره : مريم تكفين والله مالي خلق شي[/FONT]​

​

[FONT=AF_Najed]مريم : انزين خل اقولج شنو صار[/FONT]​

​

[FONT=AF_Najed]ساره : اووووه صح نسييت!! قوليلي شصار معاج؟[/FONT]​

​

[FONT=AF_Najed]مريم : خليته يوقع على 3 اوراق !![/FONT]​

​

[FONT=AF_Najed]ساره : هههههههه انتي عجيبه!! انا قلت لج بس ورقتين كافي بس خلي الثالثه احتياط..[/FONT]​

​

[FONT=AF_Najed]مريم : افا عليج انتي ماشفتي شكله شلون منثول حده! [/FONT]​

​

[FONT=AF_Najed]ساره : اشوا انج ماحملتي منه جان صج توهقتي فيه[/FONT]​

​

[FONT=AF_Najed]مريم : اي والله الحمدلله حدي مرتاحه !![/FONT]​

​

[FONT=AF_Najed]ساره : انزين خليني ادق على فؤاد (محاسب شركة ابوها) على شان اتفق وياه يسوي الاوراق[/FONT]​

​

[FONT=AF_Najed]مريم : انزين اوكي يالله مريني نطلع واعطيج الاوراق ..[/FONT]​

​

[FONT=AF_Najed]ساره : يالله اوكي نص ساعه انا عندج..[/FONT]​

​

[FONT=AF_Najed]..............................[/FONT]​

​

[FONT=AF_Najed]من باجر .. راحت ساره شركة ابوها .. [/FONT]​

​

[FONT=AF_Najed]مكتب فؤاد ..[/FONT]​

​

[FONT=AF_Najed]فؤاد : اهليينن[/FONT]​

​

[FONT=AF_Najed]ساره : هلا فؤاد .. ابيك بخدمه[/FONT]​

​

[FONT=AF_Najed]فؤاد : لك من عيوني .. ئليلي شو في..[/FONT]​

​

[FONT=AF_Najed]ساره قالت له سالفة مريم كلها ..[/FONT]​

​

[FONT=AF_Najed]فؤاد : اعوزوو بالله في ناس هيك!![/FONT]​

​

[FONT=AF_Najed]ساره : والله يا فؤاد في العن من جذي بعد .. بس اللي ابيه منك انك تاخذ هالاوراق وتكتبلي عليهم كمبياله قانونيه باشراف محامي الشركه وبتوقيع ريلها اللي موجود على الاوراق هذي!![/FONT]​

​

[FONT=AF_Najed]تكلمت ساره بكل ثقه وبدون ماترمش عيونها !! تكلمت واهيا عارفه شنو قاعده تسوي!![/FONT]​

​

[FONT=AF_Najed]الله يالدنيا!! هذي ساره؟! هذي ساره الدلوعه الياهل !! شلون الدراسه غيرتها؟ شلون الدنيا علمتها!! شعرفها بهالسوالف!؟[/FONT]​

​

[FONT=AF_Najed]فؤاد منصدم من تفكير ساره : لك انتي شلون خطرت في بالك هالفكره؟! لك صحيح بنت ابوكي![/FONT]​

​

[FONT=AF_Najed]ساره بضحك : كل آفه الله يسلط عليها آفه هههه[/FONT]​

​

[FONT=AF_Najed]فؤاد : شو شو مافهمت !![/FONT]​

​

[FONT=AF_Najed]ساره : لا خلاص ولا شي .. المهم ابيك تسويلي كمبيالتين كمبياله بقيمة 20 الف دينار وكمبياله بقيمة 10 آلاف دينار والورقه الثالثه خلها فاضيه احتياط اخاف يلعب بذيله وله شي الا عندنا شي احتياط.[/FONT]​

​

[FONT=AF_Najed]فؤاد : ليش؟![/FONT]​

​

[FONT=AF_Najed]ساره : بعدين اقولك .. المهم متى يخلصون!![/FONT]​

​

[FONT=AF_Najed]فؤاد : ان شالله بيخلصوا اليوم انا ببعتلك المندوب البيت [/FONT]​

​

[FONT=AF_Najed]ساره : فؤاد دير بالك على الاوراق!! ترى هذا مستقبل البنت ! لا يضيعون منك![/FONT]​

​

[FONT=AF_Najed]فؤاد : ماتعتلي هم انا بدي اخدون للمحامي بايدي[/FONT]​

​

[FONT=AF_Najed]ساره : تسلم ايدك .. يالله انا بمشي [/FONT]​

​

[FONT=AF_Najed]فؤاد : الله معك ..[/FONT]​

​

[FONT=AF_Najed]....................[/FONT]​

​

 

[بنت الدوام]

حق البنات الحلوين اللي اسألوني جم بارت بقى اتوقع 5 بارتات وتخلص القصه

شكلكم مليتوا

 

[miss fa6om]

حراااام ساره :/
احمد بط جبدي صج كل الرياييل جذي :eh_s(2):

اما خطتها :rerrerek: لايوقف لول خوش حركه..
كملييي waiting :eh_s(7):

 

[كياني المجروح]

لا والله ما ملينا بس ما نقدر نصبر كل يوم ننطررر

 

[Banoota333]

بنت الدوام انا اقره قصتج من اول ما نزلتيها
بصراحه من اجمل القصص الي قراتها للحين
اسلوبج دمااااار
بس السبب الي خلاني اسجل هو سؤال واحد ردت اسأله لان مدا اگدر اكمل القصه بدون ما اعرف!
اهيه شلون تريد تترك احمد وتتزوج ومريم تقنعها انو تتزوج واهيه مووو بنت!؟؟؟ يعني مو بعذراأ؟!!!
اهيه مو سبع سنوات مع احمد تسوي كل شي! معقوله للحين بقت بنت!؟؟؟
انا بس هذا ردت اعرفه ومشكوووره
وبانتظار البارتات الجايه

 

[كلي أحزان وهموم]

ثانكس على البارت حبوبة وماملينا من روايتج بس متشوقين بنعرف النهاية

 

[غلا الخالدي]

تسلم اييييدج حبيبتي

 

[miss $_$ semsem]

لووووووووووووووووووووووووووول سارة عجيبة ماشاء الله بدعت بالخطة
مريم ان شاء الله تتزوج اللي كانت تحبه << للحين متأملة
وكلش ما ملينا بس متحمسين حق النهاية بس صدقيني بس نقرا آخر بارت بنقول جان زين ماخلصت
تسلم ايدج

 

[بنت الدوام]

ashwa wanasaaaa wanastoony

7ag eley tes2al 3an sara etha bent aw mo bent ehya bent bas madrey shlon ashra7lech

ya3ny a7mad ma 5alaha t9eer maraa

plz a7ad yetarjemlaha plz thx

me no arabic

 

[fdk_q8]

لا حبيبتي روايتج تينن ومانبيها تخلص بس من التشويق ودنا نعرف شيصير
يعطيج العافيه وناطرينج :*

 

[زوجة الاستاذ]

فعلا بارتات جديدة رووووعة واسلوبج بالسرد مشووووق بس سالي هو مثل سؤال بنوتة هو معقولة سارة لساتها بنت (وعذرا للسؤال يعني) لكن بنت ورجل في بيت مغلق وغرفة مغلقة وهو مكتفي بيهة عن زوجته معقولة ما صار بينهم شي ؟ وسؤال ثاني اني لو (لا سمح الله) بمكان سارة ما كنت تزوجت بسرعة لان الزواج بسرعة بهالشكل هذا بيه خداع لرجل ثاني جاي يخطب من الباب يعني عالاقل ترجع لربها وتتوب توبة نصوحة قبل مترتبط . هذا رايي ولكي حبي بالانتظار يالغالية

 

[Dalal.E]

Olaaa marYaam!!
Ballah rayilha ma3inda floos?? Lool wahga;/

Waitiiiiiiiiiiinnngggggg


Aywa aywaa

 

[مغليهآ]

thanks thanks thanks :$
Fdddwwwwa ;** ;o
waiting yoou

 

[لمسة ايد]

يسلمووووووووووووووووووووو

 

[بنت الدوام]

حق البنات اللي اسألوا عن ساره اذا لي الحين بنت او لا

مادري شلون اشرحلكم .. اي اهيا لي الحين بنت وبنفس الوقت اهيا سوت هالشي مع احمد بس احمد ما دخل عليها :/

والله مادري شلون اشرحلكم

بس الزبده انهم سووا كل شي بس اهيا لي الحين بنت

:x

 

[بنت الدوام]

​

[FONT=AF_Najed] [/FONT]​

​

Part 39​

​

​

​

[FONT=AF_Najed]صار يوم اليمعه ..[/FONT]​

​

[FONT=AF_Najed]وساره كانت طول اليوم مع امها بالصالون ..[/FONT]​

​

[FONT=AF_Najed]خلصوا من الصالون ورجعوا البيت ..[/FONT]​

​

[FONT=AF_Najed]كانوا حاطين ورد ابيض ومزينين الصاله .. [/FONT]​

​

[FONT=AF_Najed]كانت الصاله حلوه شكلها وايد حلو ومرتب وناعم .. امها تموت بالنزاكه والشغل المرتب ..[/FONT]​

​

[FONT=AF_Najed]يو السيرفس ملوت الجاي والقهوه الساعه 6 .. حطوا اغراضهم وسوو قهوتهم .. والسايق ياب الحلو .. [/FONT]​

​

[FONT=AF_Najed]كل شي زاهب ..[/FONT]​

​

[FONT=AF_Najed]ساره بغرفتها ..[/FONT]​

​

[FONT=AF_Najed]تحط مكياج وتطالع روحها واهيا سرحانه ..ياربي استغفر الله مالي خلق احط شي!![/FONT]​

​

[FONT=AF_Najed]شوي وله تليفونها يدق .. وله مريم!![/FONT]​

​

[FONT=AF_Najed]ساره : هلا مريوم[/FONT]​

​

[FONT=AF_Najed]مريم : وينج انتي انا تحت قاعده انطرج[/FONT]​

​

[FONT=AF_Najed]ساره : تعاليلي فوق انا لي الحين احط مكياجي[/FONT]​

​

[FONT=AF_Najed]مريم : يالله صاعده[/FONT]​

​

[FONT=AF_Najed]...........[/FONT]​

​

[FONT=AF_Najed]كملت ساره مكياجها وخلصت ومريم كانت وياها وخوات ساره الثنتين .. يابتلها الخدامه الفحم وامها طرشت لها البخور ..[/FONT]​

​

[FONT=AF_Najed]مريم واهيا ماسكتلها المبخر .. وواقفين على جنب (بعيد عن خوات ساره)[/FONT]​

​

[FONT=AF_Najed]مريم : ماشالله اتيننين[/FONT]​

​

[FONT=AF_Najed]ساره: مريوم الحين وانا طالعه بطلي الدرج هذا واخذي الظرف مالج .. انا سويتلج الكمبيالات ..[/FONT]​

​

[FONT=AF_Najed]بطلي الظرف واخذي الكمبياله ام 10 الاف دينار .. [/FONT]​

​

[FONT=AF_Najed]مريم : هاه؟[/FONT]​

​

[FONT=AF_Najed]ساره : تكفين مريوم ماكو وقت ركزي معاي مابي احد يحس فينا!! اخذي الكمبياله ام 10 الاف وبعدين انا بس اخلص من الحريم اكلمج بليل اقولج شنو تسوين اوكي!! الكمبياله اللي قيمتها 20 الف خليها بالظرف لا تاخذينها !! فهمتي!![/FONT]​

​

[FONT=AF_Najed]مريم : اي اي فهمت فهمت!! انزين وبعدين شسوي فيها![/FONT]​

​

[FONT=AF_Najed]ساره : خليها عندج وانا راح ادق عليج بليل اقولج شتسوين فيها! انتي متى ريلج يرد بليل؟[/FONT]​

​

[FONT=AF_Najed]مريم : يعني على الساعه 10 ومرات يتأخر[/FONT]​

​

[FONT=AF_Najed]ساره : خلاص انا راح ادق عليج قبل الساعه 10[/FONT]​

​

[FONT=AF_Najed]مريم : اوكي ناطرتج..[/FONT]​

​

[FONT=AF_Najed]راحت ساره ولبست نفنوف ذهبي ضيج من فوق جم قصير ووسيع من تحت .. قصير لي نص الركبه .. ولبست معاه كعب اسود فيه فيونكه من ورا ذهبيه .. .. سوت شعرها ويفي ورفعته على جنب ولبست قلب ذهبي من كارتير على خنفسانه فيها حبتين الماص مع تراجيها واسوارتها وخاتمها .. كان شكلها وايد ناعم .. ميك اب خفيف وحمرا حمرا مات ..[/FONT]​

​

[FONT=AF_Najed]على الساعه 7 ونص وصلوا الحريم ودشوا .. قعدوا جذي نص ساعه جان الام تقول حق الخدامه تنادي ساره ..[/FONT]​

​

[FONT=AF_Najed]ساره طلعت من دارها واهيا رايحه الصاله كل خطوه عن 1000 .. تجدم خطوه وتوقف .. ودها ماتوصل ..[/FONT]​

​

[FONT=AF_Najed]تسمعهم يسولفون .. اي عاد ولدنا مايتخير .. والام ترد والله حتى بنتي الحين تشوفونها .. [/FONT]​

​

[FONT=AF_Najed]هذوله يمدحون ولدهم والام تمدح بنتها .. وساره ابقلبها استغفر الله شنو هالنفاق بس!![/FONT]​

​

[FONT=AF_Najed]دشت ساره والكل لف ويها يطالعها .. سلمت بصوت واطي ولفت على الحريم تسلم عليهم وحده وحده .. وراحت وقعدت يم امها وخواتها[/FONT]​

​

[FONT=AF_Najed]ام ناصر : ماشالله ماشالله شهالزين شهالحلاة ..[/FONT]​

​

[FONT=AF_Najed]ام مشاري : حبيبتي والله عيونج الحلوه ..[/FONT]​

​

[FONT=AF_Najed]وطبعا من الحجي اللي كلكم عارفينه ..[/FONT]​

​

[FONT=AF_Najed]وقبل لا يمشون قالوا ان الرياييل راح يتفقون على خطبة الرياييل الرسميه ..[/FONT]​

​

[FONT=AF_Najed]واهما طالعين .. قالت ام ناصر حق ساره : ان شالله نشوفج عن جريب[/FONT]​

​

[FONT=AF_Najed]ساره : اي ان شالله خالتي ..[/FONT]​

​

[FONT=AF_Najed]طلعوا الحريم وام ساره وخواتها حدهم مستانسين ..[/FONT]​

​

[FONT=AF_Najed]وساره حست قلبها مقمووووووووووووت والارض مو شايلتها [/FONT]​

​

[FONT=AF_Najed]...[/FONT]​

​

[FONT=AF_Najed]صارت الساعه 9 ونص بليل جان ساره تدق على مريم..[/FONT]​

​

[FONT=AF_Najed]ساره: هااا مريوم وينج؟[/FONT]​

​

[FONT=AF_Najed]مريم : انا بالبيت ناطرته ايي!! الحين قوليلي شسوي!![/FONT]​

​

[FONT=AF_Najed]ساره : سمعيني عدل .. ابيج ............................. [/FONT]​

​

[FONT=AF_Najed]مريم : سوير اخاف!!![/FONT]​

​

[FONT=AF_Najed]ساره: خلي شخصيتج قويه ولا تخافين احنا بدال الكمبياله عندنا ثنتين وتاريخ استحقاقهم بعد شهر يعني مستحيل يلعب بذيله![/FONT]​

​

[FONT=AF_Najed]مريم : خلاص اوكي بس اخاف يذبحني !![/FONT]​

​

[FONT=AF_Najed]ساره : وين قاعدين يذبحج اهيا مو فوضه![/FONT]​

​

[FONT=AF_Najed]مريم : اخاف يذبحني من الطق سوير والله خايفه ..!![/FONT]​

​

[FONT=AF_Najed]ساره : دقي على ابوج خليه ينطرج تحت عند البيت وخلي ريلج واهوا داش يشوف ابوج قولي حق ابوج يسفط بالمواقف اللي جدام .. عشان لا يفكر يسويلج اي شي![/FONT]​

​

[FONT=AF_Najed]مريم : اي والله فكره خلاص الحين بدق على ابوي .. خلاص اوكي انتي نطري مني تليفون اقولج على كل اللي صار [/FONT]​

​

[FONT=AF_Najed]ساره : اوكي حبيبتي الله يوفقج ويعينج عليه[/FONT]​

​

[FONT=AF_Najed]مريم : اميييييييييييين[/FONT]​

​

[FONT=AF_Najed]............[/FONT]​

​

[FONT=AF_Najed]نرجع حق ساره ..[/FONT]​

​

[FONT=AF_Najed] [/FONT]​

​

[FONT=AF_Najed]طبعا ساره ماكلمت اللي متقدملها .. اهوا شافها مره وحده .. وما سئلته عن ولا شي .. واهوا بعد ما سالها وايد اسئله بس عن الجامعه ومتى تتخرج وشنو ناويه تسوي عقب تخرجها ..[/FONT]​

​

[FONT=AF_Najed]..[/FONT]​

​

[FONT=AF_Najed]طبعا بعدها باسبوع يو الرياييل وخطبوها رسمي .. وعقب ماطلعوا الرياييل قامت توصل مسجات واتس اب وبي بي ام ..[/FONT]​

​

[FONT=AF_Najed]مريم بحاله مع ريلها .. (راح اقولكم شنو صار بينهم) بس ودها تعرف شصار على ساره واحمد ..[/FONT]​

​

[FONT=AF_Najed]مريم : واجهتي احمد!![/FONT]​

​

[FONT=AF_Najed]ساره : تكفين لا تقولين اسمه وبليز سكري الموضوع مابي اتكلم فيه![/FONT]​

​

[FONT=AF_Najed]مريم : والله حلفتج تقولين شنو صار!![/FONT]​

​

[FONT=AF_Najed]وقالت لها ساره بكل اللي صار ..[/FONT]​

​

[FONT=AF_Najed]مريم : شفتي قلت لج !![/FONT]​

​

[FONT=AF_Najed]ساره : جب مريم جد مالي خلق مواعض خلاص كل شي انتهى بيني وبينه[/FONT]​

​

[FONT=AF_Najed]مريم : خلاص خلاص لا تزعلين عسى الله يوفقج ويهنيج وان شالله ناصر ينسيج كل شي[/FONT]​

​

[FONT=AF_Najed]ساره : يصير خير .. انا بكمل نومتي[/FONT]​

​

[FONT=AF_Najed]مريم : اوكي نوم العوافي ..[/FONT]​

​

[FONT=AF_Najed]...[/FONT]​

​

[FONT=AF_Najed]قعدت ساره من النوم حست قلبها مقموت!! وفجأه استوعبت !! انا شسويت!! شلون بتزوج واحد ما اعرف عنه ولا شي!!! ليش وافقت بدون تفكير!! شلون سويت جذي!![/FONT]​

​

[FONT=AF_Najed]راحت حق امها ..[/FONT]​

​

[FONT=AF_Najed]ساره : يما!! ابي اكلمه![/FONT]​

​

[FONT=AF_Najed]امها : هو غوبرا!!! منو بتكلمين!![/FONT]​

​

[FONT=AF_Najed]ساره : بكلم ناصر!![/FONT]​

​

[FONT=AF_Najed]امها : ويي فشله!![/FONT]​

​

[FONT=AF_Najed]ساره : يما شنو فشله!! ترى انا ما اعرف عنه ولا شي!![/FONT]​

​

[FONT=AF_Najed]امها : اي ميخالف اهما اللي يطلبون مو انتي!![/FONT]​

​

[FONT=AF_Najed]ساره : يما تكفين بلا شكليات انا قلبي مقموت والله !![/FONT]​

​

[FONT=AF_Najed]امها : بعد عمري اسم الله عليج (وتلمها) بس حبيبتي السنع والاصول ان اهما يطلبون مو انتي ..[/FONT]​

​

[FONT=AF_Najed]ساره : خلاص اللي تشوفينه يما بس صج يما احس قلبي مقموت ..[/FONT]​

​

[FONT=AF_Najed]امها : طلعي تمشي روحي اي مكان تبين غيري جو ..[/FONT]​

​

[FONT=AF_Najed]قامت ساره راحت دارها بدلت وطلعت ..[/FONT]​

​

[FONT=AF_Najed]طلعت بروحها ومادقت على احد من رفيجاتها .. وراحت تتمشى على البحر ..[/FONT]​

​

[FONT=AF_Najed]حاولت تغير جو شويه .. وردت البيت على الغدا ..[/FONT]​

​

[FONT=AF_Najed]تغدوا اهيا وامها وابوها .. [/FONT]​

​

[FONT=AF_Najed]راح ابوها ينام وقعدت اهيا مع امها بالصاله .. ساره تطقطق بالريموت وامها قاعده تحييك ..[/FONT]​

​

[FONT=AF_Najed]كان يوم روتيني كئييب..[/FONT]​

​

[FONT=AF_Najed]شوي وله يدق التليفون ..[/FONT]​

​

[FONT=AF_Najed]شالته ام مشاري: الوو[/FONT]​

​

[FONT=AF_Najed]ام ناصر : السلام عليكم[/FONT]​

​

[FONT=AF_Najed]ام مشاري : هلا وعليكم السلام هلا والله هلا ام ناصر[/FONT]​

​

[FONT=AF_Najed]ام ناصر : هلا حبيبتي اشلونج شخبارج ..[/FONT]​

​

[FONT=AF_Najed]ام مشاري : انا الحمدلله زينه بشري عنج[/FONT]​

​

[FONT=AF_Najed]ام ناصر : والله الحمدلله بخير .. ساره شلونها؟[/FONT]​

​

[FONT=AF_Najed]ام مشاري : ساره الحمدلله زينه كاهيا قاعده يمي ماكو الا انا وياها متجابلين بالصاله[/FONT]​

​

[FONT=AF_Najed]ام ناصر : وي عسى الله يخليها لج .. الا بغيت اسئلج ام مشاري[/FONT]​

​

[FONT=AF_Najed]ام مشاري: هلا حبيبتي سئلي[/FONT]​

​

[FONT=AF_Najed]ام ناصر : والله مادري مفتشله منج .. بس ناصر وده يكلم ساره اذا ماعندكم مانع[/FONT]​

​

[FONT=AF_Najed]ام مشاري : اي ان شالله ماكو مانع بس خليني اخذ شور ابوها واردلج خبر ان شالله[/FONT]​

​

[FONT=AF_Najed]ام ناصر : وي بعد عمري ماتقصرين .. خلاص انا ناطره اتصالج لا اتأخرين علي[/FONT]​

​

[FONT=AF_Najed]ام مشاري : لا ان شالله[/FONT]​

​

[FONT=AF_Najed]وسكرت التليفون[/FONT]​

​

[FONT=AF_Najed]ام مشاري : سوير ما اقولج الصبر زين! كاهما داقين يبونج تكلمين ناصر[/FONT]​

​

[FONT=AF_Najed]ساره بدون اهتمام : اي اوكي[/FONT]​

​

[FONT=AF_Najed]ام مشاري : عاد انا خل اقول حق ابوج بعد مايصير من كيفي اعطيهم[/FONT]​

​

[FONT=AF_Najed]ساره : اللي تشوفينه يما[/FONT]​

​

[FONT=AF_Najed]صار بليل وقالت الام حق الابو والابو وافق ..[/FONT]​

​

[FONT=AF_Najed]دقت ام مشاري على ام ناصر وعطتها الرقم ..[/FONT]​

​

[FONT=AF_Najed]وعلى غشمره اسالتها متى تنام ساره والام ردت عليها واهيا تضحك تقولها بنتي تنام مبجر[/FONT]​

​

[FONT=AF_Najed]...[/FONT]​

​

[FONT=AF_Najed]نرجع حق مريم وشنو سوت مع ريلها من بعد ماخذت الكمبياله من ساره[/FONT]​

​

[FONT=AF_Najed]مريم بالبيت ناطره ريلها ..[/FONT]​

​

[FONT=AF_Najed]محمد : مريووووووووووم مريووووووووووووم .. [/FONT]​

​

[FONT=AF_Najed]مريم بنفسيه : نعم؟[/FONT]​

​

[FONT=AF_Najed]محمد: نعم الله عليج .. عمي ناطرج تحت شنو شسالفه وين بتروحون؟![/FONT]​

​

[FONT=AF_Najed]مريم : وانتا تدري عن شي!![/FONT]​

​

[FONT=AF_Najed]محمد : افا عسى ما شر شصاير ..[/FONT]​

​

[FONT=AF_Najed]مريم تطلع الورقه وتحطها جدامه على الطاوله : هذا اللي صاير!! واذا مارديت فلوسي برفع عليك قضيه![/FONT]​

​

[FONT=AF_Najed]محمد منصدم من كلامها واهوا مايدري الورقه شنو فيها !! راح وخذا الورقه وقراها!![/FONT]​

​

[FONT=AF_Najed].........كمبياله قابله للدفع[/FONT][FONT=AF_Najed].........[/FONT]​

​

[FONT=AF_Najed]تاريخ استحقاق الكمبياله : 02/06/2010 [/FONT]​

​

[FONT=AF_Najed]مبلغ الكمبياله : 10,000 دينار كويتي (فقط عشرة آلاف دينار كويتي لاغير)[/FONT]​

​

[FONT=AF_Najed]مكان الوفاء: مكتب المحامي نواف الـ.. – العنوان : شرق ......... مبنى ...... الدور .......[/FONT]​

​

[FONT=AF_Najed]اسم الساحب : محمد عبدالوهاب عبدالله الـ.... (اسم زوج مريم الرباعي) – بطاقة مدنية رقم :.....[/FONT]​

​

[FONT=AF_Najed]عنوان المسحوب عليه : .......... (عنوان بيت زوجها)[/FONT]​

​

[FONT=AF_Najed]ادفعوا بموجب هذا الصك لأمر السيدة / مريم عيسى سليمان محمد الـ.... / المبلغ الموضح أعلاه وقدره (فقط عشرة آلاف دينار كويتي لاغير) في تاريخ الاستحقاق المذكور أعلاه.[/FONT]​

​

[FONT=AF_Najed]توقيع الساحب :...............................(توقيع محمد زوجها)[/FONT]​

​

[FONT=AF_Najed]تاريخ انشاء الكمبياله : 18/01/2010[/FONT]​

​

[FONT=AF_Najed]مكان انشاء الكمبياله : مكتب المحامي نواف الـ..[/FONT]​

​

[FONT=AF_Najed]هذه الكمبيالة واجبة الدفع[/FONT]​

​

[FONT=AF_Najed].............................................................................[/FONT]​

​

 

[انت العمر كله]

يلا ننتظر البارات لا تتاخرين

waiting

 

[انت العمر كله]

يسلمواا على الباااارت بس والله يشوق كتير للبارت الجاي
عشان نعرف شو يصير بين ساره وناصر
والله ساره تكسر الخراط
ناطرينك

 

[فرروووشه]

قلبي يعورني ماقدر اصبر بنات الدوام صار فيني هبوط ههههههههه

 

[Dalal.E]

Oooooopppppsss el7aaal8aaa 7aaaamyaaaaa ;/