متي تنظفين غرفه نومك وشتستخدمين خل نستفيد يالمتزوجات

[جنون العشق]

بنات احب انظف عدل غرفه نومي بس عيبي اني ماحب الخدامه تدخلها فماكون فاضه يوميا عشان اتفرغ للتنظيف



فابي كل وحده تقول منو ينظف غرفه نومها وبشنو وكل متي وبالتفصيل الممل خل نستفيد حتي بالمواد الي تستخدمها

 

[الـحـ الاول ـب]

مرحبا حبيبتي

انا عن نفسي

غرفتي سجاد طبعا ما يجيها وسخ لان ماكو الا انا وزوجي
وابرش السجاد يومين بالاسبوع وانظف الدريشه والتواليت والكمدينو
من الغبره ولما ابرش اول شي ابرش بماي وثاني شي اغير الماي احط فيه
خلطه بالماي وابرش وبنفس الوقت اكون شابه بخور وشوفي الريحه شلون تثبت بالغرفه
وامسح الطوف بفوطه نظيفه بيضاء بماي وشويه خلطه حاطه فيه

حتى انا ما احب الخدامه تدخل غرفتي

 

[عذآب إلـ أنآ]

هلآ وآلله ،

آنا آول شي آمسح الغبار كله بالغرفه وطبعا الخدامه تسوي هالشي ،
خدآمة خآلتي خخخخخخخخ
وبعدين آرؤح حق تسريحتي آنا آشيل الغبار عنها والستآير وكلشي ..
وبعدين آقولها تمسح الدريشه وتنظفها ..
واغير الشرشف واعدّل السرير ،
وعقب عاد اقولها تمسح السيراميك بديتول الياسمين ريحته تجنن موت ,,
وصآيره مآحب آلبخور ، آخذتلي فواح من سنتربوينت تجنن ريحته أحطه واشب الشمعه وعاد الريحه تجنن تصير وبس

 

[عذآب إلـ أنآ]

رشششششي دآنتيل من آلشايع بعد ريحته عجيبه

 

[جنون العشق]

زوجي يموت بشي اسمه نظافه وانا نوعي ماحب خدامتي تدخل الغرفه وغرفتي فيها ذهبي والماساتي وساعات فاخاف تبوقهم اقفل غرفتي 24 ساعه واغير كفري مرتين بالاسبوع بس الستاير ماعرف انظفهم

 

[noor al3yoon]

رد : متي تنظفين غرفه نومك وشتستخدمين خل نستفيد يالمتزوجات

نفسي مااحب الخدامه تدش غرفتي
حطي يوم بالاسبوع تنظيف شامل
انا قبل مانام انظظفها وارتب كل شي من اقعد من النوم بس ارتب السرير
اول ماارد من الدوام اشغل اعواد البخور من سنتر بوينت واشغل التكييف لان زوجي من يتغدى علطول يروح غرفة النوم عندنا قعده خاصة فينا فلازم ترتيب يومي
اي اذا بمسح السراميك احط معطر الارضيات مرات من جمعيه ومرات من الدليل مال العطورات اذا تذكرت شي برجع لموضوعج الحلووو

 

[جنون العشق]

محتاجه للافكار:080402ask_prv:

 

[دلع الكون]

من ناحيتي انا احب الترتيب وبنفس الوقت فوضويه

يعني كل يوم ترتب خدامتي الشقه واشوف اللي مايعجبني اكمل عليها طبعا مره بالاسبوع تنظيف شامل

تنظف خدامتي وتنزل وانا امسح من وراها والشرشف مره بالاسبوع والكفر يقعد اسبوعين الى 3 اسابيع

والبخووور شبه يومي مع الفواحه

 

[جنون العشق]

مشكووووورة ياعسوله

 

[شموااهـ]

رد : متي تنظفين غرفه نومك وشتستخدمين خل نستفيد يالمتزوجات

اب
اب

 

[جنون العشق]

مشكوووره عالرفع

 

[حلمي الأمومة]

في شغلة حلوة للكبتات

مفارش معطرة ورقية من الشايع

تحطينها داخل الكبتات والادراج وحطي ورد مجفف رشي عليه العطر الي تبينة

وبخري الكبت

وشوفي الكبتات ودج تقعدين داخلها
والمفارش لما تخف ريحتها تقدرين ترشين عليها اي عطر وتبخرين الكبت وبجذي تثبت الريحة

 

[جنون العشق]

صج شغله زوووووغه


يارب يحقق حلمك

 

[د.شريفة]

رد : متي تنظفين غرفه نومك وشتستخدمين خل نستفيد يالمتزوجات

غرفتي كل يوم جمعه انظفها من خمام .. تغيير الكفر والشراشف مع التعطير والتبخير والارضيه سيراميك اخمها وامسحها بالديتول وبعدها بماي وكمبفورت وعقب ابخر الغرفه يبيلها ثلاث ايام تقريبا ريحتها تعط من الريحه الخنينه والبخور

 

[كوستا]

وااااااااااااااايد متعب لما تنظفين واللي معاج يحوس الغرفة


حبيت اضيف شغلة بخصوص الكبتات

في بالمعلم اللي في مجمع بيروت تحت .. المحل اللي بالزاوية على اليمين

اللي يبيع كفرات واغراض الحمام عزكم الله

تحصلون ورق للكبت ريحته خياااااااااااااااال يهبببببببببل و واااايد ارخص من الشايع

سعره 900 فلس والشايع يبيعهم على دينار ونص ..!!!

انا جربتهم ريحتهم تهبل بنات جربوا وادعولي الله يتمم حملي واولد بالسلامة لاني حيل تعبانة

 

[fife4ever]

رد : متي تنظفين غرفه نومك وشتستخدمين خل نستفيد يالمتزوجات

شوفي حبيبتي انا انظف غرفتي بالاسبوع مره

اول شيء فوطه فيها ديتول امسح الكباته والتواليت والكومدينه وسرير
وبعدها يبقي الارضيات اخمها وانظف الا تحت السرير
اشيل الفراش
وارفع صندوق السرير
واخمه
وبعدها بفوطة امسحه

وبعدها اجيب ديتول

داك مطهر

عطر

كولونيا اي نوع تبين

كولونيا اشرقت من اجمل
خلطهم وبعدها اكته في الغرفة واجيب المساحه وامسح من اول الغرفة الي اخرها طبعا من الربع تلاقينه الوصخ شعر وخيوط
اجيب الفوطه واشيله واكمل وبعدها اجيب الفوطة المسح الغرفه كلها طبعا في هذا الوقت مشغله البخور ومصكره التكيف
علشان يظل البخور فتره


بنات الطريقة سهله
وتلاقين السراميك نظيف وريحه حلوه
وهمن اجيب اي عطر وارشش على الكباته والفراش وبسسسسسسسسسسسسسسسسسسسسسسسس


اما اثناء الاسبوع الغرفة مرتبه بس الفراش اعدل اذا قمت وفوطت زوجي المزعجه لازم يقطها على السرير على توليت

والريحه دايم فيها عطر لاني اتبخر في غرفتي وهمن زوجي يوميا فالريحه ثابته في الغرفة

 

[ريماا]

رد : متي تنظفين غرفه نومك وشتستخدمين خل نستفيد يالمتزوجات

انا اول كنت اخلى الخداامة تنظف داارى بس تخم وتمسح وتغير الكفر بس انا استلم كبتى
بس صاارلى سنتين اكررررة الخداامة تجيس داارى ماتدخلها الا بس عشان تركبلى السبوت لايت وبس حتى حمامى ماتعرف شكلة
عندى يوم السبت هذا يوم النظاافة السنعة اول شى انفض سريرى وابدل المفرش الابيض والكفر والمخاد وبعدها بالمكنسة الكهرب امشى عالدراايش وبعدها اكمل عالسيراميك وتحت السرير والزوايا
بعدها بفوطة وملمع الزجاج انظف حوااف السراميك يسمونها العتبة واامسح التواليت والكوميدونى وعلاق الملابس وتاج السرير والثلاجة و و و و الخ كل شى يحتااج مسح امسحة
بعدها امسح الارضية بديتوول وماى ونتفة صاابون وكلوركس واخذ الزاايد وابدى بالحمااام ارش باجى المااى وامسح الارضية واكون قبلها حااطة منظفى ماااستغنى عنة هاربيك الاسود على الحنفية والمغاسل والدوش والمرحااض وبس افرك بالاسفنجة الا كل شى يلمع
واشغل فواااحتى ولله كل هذا ماياخذ منى ساعة تقريبا مع انة داارى كبيرة بس تعود اشتغل عليها بسررعة
وللى يسهل الموضوع انى كل يووووم ارتب داارى كل مازوجى ماشالله يحووس من لحظتها ارتب

 

[وزيره الخارجيه]

اب

اب

 

[جنون العشق]

واي نحتاج فعلا للاتقان والخدم ضورورة

 

[@الياسمين@]

انا التنظيف العميق يكون بنهاية الاسبوع
اما يوميا قبل لاانام لازم ارتب كل شي وما اخلي شي مقطط لان تدرون ماشالله الرياييل حيل فوضي

اما طريقتي كالتالي
انا غرفتي فارشتها زوليه
فأول شي انفظ الغبار من الاثاث والاكسسوارات و اكون حاطه تب صغير في ماي وديتول
وامسح بالفوطه كل الاثاث والدريشه
واشيل الشراشف طبعا واخم الفرشه بالمخمه واحط المخمه عالبرده عشان الغبار
واخم اطراف الدريشه
واخر شي الارض
وابدل الشراشف ..... والكفر على حسب مو كل اسبوع ابدله
وارش رشوش عالفراش والبرده ، وارش شويه بودرة الزوليه المعطره
واخر شي ابخر او اشب الفواحه

وماكو احلى من النظافه