متي ابدأ احجز؟؟؟؟

[7abebat elq8]

قوة بنوتات .... ان شالله بسافر ماليزيا انا و زوج المستقبل هههههه بعد العرس ........ العرس راح يكون بأول شهر 8 ..... ابي اعرف منكم متي نبدا نسوي حجوزاتنا؟ الطيران و الفنادق؟ باي شهر؟ و مشكورين

 

[أم بدير]

اول شي مبروك مقدما والله يهنيج ويرزقج بالذرية الصالحه اللهم امين

ثاني شي بالنسبه لسفرتكم
سفرتكم بالعطله
يعني صعب تلقون حجز حزة الحزة
قبلها بشهرين ضبطوا الحجوزات والا بتتوهقون وحتى لو بتلاقون حجز منتوا لاقين عالطيران اللي تبونه وان لقيتوا ماراح تلقون بالفندق اللي تبونه

قبل شهرين حجزوا وان قدرتوا عالكويتيه خير وبركه لحد يقص عليكم ويقولكم طيران الاماراااااااااااااااااااات
ترى والله نجااااااااااااااااااال
غير ان كراسيهم متقاربه يعني اذا ريلج طويل بيتسفط بالكرسي واذا مو طويل هم ماراح يرتاح طول الست ساعاااات

وبالنسبه للفنادق احسن فندق بماليزيا الهوليداي إن
صراحه مريح
وهادي
والقعده فيه تينن خصوصا بالليل اذا مالكم خلق تطلعون والا تعبانين روحوا حدر عند أحواض السباحه والنخل مال هاواي والكافيهات على أضواء تينن وموسيقى تنفع حق شهر عسل خخخخخخخخخخخخخخخخخخخ

جنج قاعده بهاواي​

 

[7abebat elq8]

الله يسهل عليج يا ام بدير ..... يعني تعتقدين بشهر 5 او 6 ان شالله بيكون مناسب اني احجز.
انا دايم مقابله النت ادور الاوتيلات و جذي و استفدت وايد من موضوع الاخت شهد q8 عن ماليزيا و بعد من منتدي العرب المسافرين و سويتلي برنامج و تقريبا اخترت الفنادق و الهوليداي ان واحد منهم لان خطيبي تارك لي كل شي بالسفرة فابيها تكون زينه و نستأنس ان شالله. الله يتمم علينا بالخير

 

[mooomooo]

الله يتمم عليكم ان شاء الله

وتسافرون وتستانسون وترجعون بالسلامه

 

[هابة ريح]

اولا مبروك مقدما على الزواج والله يتمم عليكم بكل خير بارب

اما بالنسبة للسفرة خليها بعد رمضان احسن لأن الجو يتحسن هناك وتخف زحمة السياح وتضمنين حجوزات الطيران والفنادق

واذا ما ودج عقب رمضان تقدرين تحجزين مع بداية عروض السفريات اول شهر 7
وتلقين فيها حجوزات انشالله

الله يسهلها عليكم وانشالله يارب تستانسون

 

[7abebat elq8]

مومو ، هابة ريح مشكورين يا احلي كويتيات

 

[banota]

مبروك على الزواج مقدما
ولازم تحجزين من الحين لان ماليزيا صايرة على زحمة مو طبيعية
انا حجزت من الحين وريحت بالي
حق شهر 6
على الكويتيه

 

[& مــشــايــخ &]

ليش ماتروحون مع قرووب

 

[شهدQ]

الله يسهل عليج يا ام بدير ..... يعني تعتقدين بشهر 5 او 6 ان شالله بيكون مناسب اني احجز.
انا دايم مقابله النت ادور الاوتيلات و جذي و استفدت وايد من موضوع الاخت شهد q8 عن ماليزيا و بعد من منتدي العرب المسافرين و سويتلي برنامج و تقريبا اخترت الفنادق و الهوليداي ان واحد منهم لان خطيبي تارك لي كل شي بالسفرة فابيها تكون زينه و نستأنس ان شالله. الله يتمم علينا بالخير

هلا وغلا حبيبتي وعليج بالعافيه سوري توني اشوف الموضوع

حبيبتي شهر 8 زحمة حيل كل مابجرتو بالحجز كل ماكان افضل من ناحية الطيران والفنادق

باشري الحجز من باجر

وبالنسبه لفندق الهوليدي ان الي ببيانج اذا كنتي تقصدين فماانصحج فيه

الافضل شانغرلا راسا سينغ الي بشارع باثوفرنجي انتبهي في اثنين في واحد بعيد عن شارع الليل باثوفرنجي انتي اخذي الي بشارع الليل

وفي واحد حيل فخم بس لازم تزورين شارع الليل بتاكسي واهو موتيرا رووعه خصوصا للمعاريس

اما الفنادق الاقل مستوى في شارع الليل ببينانج

اهما

بارك رويال

ويقع بمنتصف السوق وهذا فرشه ماادري عنه

وبي فيو فرشه جدا عادي وقديم بس الطله روووووووعه وهم البوفيه وموقعه باول شارع الليل


اما بكولالمبور

اختاري احدى هالفنادق بشارع العرب

ماريوت وويستن درجه اولى

وريجنت تحتهم

اما اذا تبين شي فخم ورخيص و10 دقايق مشي عن شارع العرب

عليج بالتايم سكوير راقي جدا ورخيص وبصراحه احلى من كل الي بشارع العرب وحلوو للمعاريس خصوصا انه بعيد عن الضجه ونظام سويت رغم قلة سعره يعني 30 دينار راح يكونلج غرفه نوم وغرفة معيشه وتلفزيون مطبخ تحضيري وحمام رووعه وانصحج فيه خصوصا السوق تحتج وتايم سكوير من افضل المجمعات بماليزيا

تتهنين ان شاء الله ومبروووك

واي سؤال لايردج الا لسانج

 

[7abebat elq8]

الله لا يحرمني منج يا شهوده ..... اي و الله ليش ما احجز بالتايم سكوير؟ ان شالله باحجز فيه .... اقول ابدأ بحجز الفنادق من الحين ؟ انا حجزت الطيران بس ما قصيت التذاكر؟ انا ان شالله راح اسوي حجوزات الفنادق بنفسي من النت

 

[النبيطة]

هلا حبيبتي انا رايحه لماليزيا وممكن افيدك
الهوليدي ان انذا بارك في كوالا لمبور مانصحك فيه كان اكبرمقلب وكله صراصير
احسن شي شانقريلااو ويستن او (نسيته ) اذكره ان شاء اللله
اذا بينانج اخذت في الرويال بارك موقعهحلو في السوق الليلي امان
وحلو وبحره حلو واهلي فيالموتيارا خيااااااااال وبصراحه هو حق عرسان لا تفوتنه
لنكاوي ما ادري للاسف صن وي ليجون ىممكن تاخذين فله فيها مسبح خاص

 

[النبيطة]

هلا حبيبتي انا رايحه لماليزيا وممكن افيدك
الهوليدي ان انذا بارك في كوالا لمبور مانصحك فيه كان اكبرمقلب وكله صراصير
احسن شي شانقريلااو ويستن او (نسيته ) اذكره ان شاء اللله
اذا بينانج اخذت في الرويال بارك موقعهحلو في السوق الليلي امان
وحلو وبحره حلو واهلي فيالموتيارا خيااااااااال وبصراحه هو حق عرسان لا تفوتنه
لنكاوي ما ادري للاسف صن وي ليجون ىممكن تاخذين فله فيها مسبح خاص