متى يرتاح قلب(ن) بالهوى ملكته راحت ايامه كلها وهو يرتجيك للكاتبة نبض ومشاعر

[نــــــــــواار]

السلام عليكم ورحمة الله وبركاته
حبيت انقلكم قصة اعجبتني وللامانه هي للكاتبه ( نبض ومشاعر) وللحين تنزل الاجزاء
بنزلكم اول ست اجزاء واذا لقيت التفاعل والتشجيع بإذن الله اكملها
اتركم مع الرواية


متى يرتاح قلب ن باالهوى ملكته راحت ايامه كلها وهو يرتجيك


روايتي سؤال يحتاج الى جواب

متى يرتاح قلب ن باالهوى ملكته راحت ايامه كلها وهو للحين يرتجيك

بقلم- نبض ومشاعر

قصتي نبض لكل ماهو جميل في حياتنا ونبض لكل مشاعر المحبه قصتي

مواقفي ليست من نسج الخيال بل من الواقع وان دخل بها شي من الخيال للحبكه

تاثرت بكتابات الكاتبه تحفه فنيه رحمها الله والتي هي قريبه من واقعي وواقع من حولي

حروفي( نبض) لكل حب عاش بين البشر

مشاعري هي احاسيسي واحاسيسكم واحاسيس من حولكم

ستجدون في حروفي

(مشاعر) قلب طال انتظاره بل فقد الامل في ان يملك قلب من يحب فهل سيكلل صبر هذا القلب بالسعاده ؟

تجدون من يعيشون تحت سقف واحد ولكن يفتقدون الكثير من الاحاسيس والرومنسيه بحكم فارق العمر فهل سيكملون مشوارهم في الحياه متخطين عقبات قلوبهم؟

ستجدون (مشاعر )الحقد والقلوب المريضه التي تسعى لتكسير القلوب لدرجه الا ( نبض)
في سبيل اشفاء غليلها

ستجدون في حروفي

القلب الذي يعيش الحب ويرسم ملامحه بل يفسر تصرفات الطرف الاخر العشوائيه باجمل تفسير من وحي خياله وماهي الاتصرفات بحت عفويه لايعني صاحبها شي الــــــــــــــــــــــــــــــــــــــــــــى ا ن ياتي اليوم الذي يكتشف فيه ان كل ما ظن هو حقيقه في غمضه عين اصبح سراب( وان من كان غارقا في هواه كان في (هواء غيره غريق)

ستجدون في حروفي من يهرب من قدره ومن قلب شخص وفجاءه يكتشف انه من كان يهرب منه اصبح يهرب من جميع من حوله ليصل فقط اليه؟

ستجدون اجمل الايام الدراسه او الشقاوه وحلاوتها بمقالبها -ببرأتها سنذكر تلك الايام معاونعيش مشاعرها

في النهــــــــــــــــــــــــــــــــــــــــــــــ ـــــــــــــــــــــايه
ستجدون (ا لنبـــــــــــــــــــــــــض والمشــــــــاعر) حين تجتمع ترسم اجمل لوح الحب في هذه الحياه

وهنا( نبـــــــــــــــــــــــض ومشـــــــــــــــــــــــاعر) جأتكم بأبهى حلتها

البنات كلهم متجمعين في الصاله العصر نوره تنشد البنات عن هذال الي طلع لاام رقيبه من يومين ولابعد جاء
نوره –كلمتو هذال ادق عليه يامقفل او مايرد جعل ربي مايضيع له تعب اشتحنت عليه برد وبر والشغل لين راسه
الجازي بخبث –يامال الحيد والمدقه الحين اشتحنتي عشان هذال وهوبسلامته ما صار له يومين وفهاد يعابل البل من اسبوع ما اشتحنتي له
نوره من جاء طاري فهاد ضاقت وانقلب وجهها بس تداركت الموقف بسرعه
نوره –أي بااالله ابشتحن لهذال وانتي اشتحني لااخوس (عجز لسانها ينطق اسمه )
الجازي – المره لازم تشتحتن عشان رجلها
نوره فهمت قصدها بس استغبت –ماشاالله للحين شايله هم مبارك ما بعد راح معهم
راحت نوره المطبخ تشوف الحلا الي مسويته
دخل عليها في المطبخ سعد
سعد- يامال العافيه يابنت نايف
نوره –ويعافيك الا ماكلمت هذال وين دياره
سعد –الاعند عمي سالم عشان يرتب مع العيال نقل اللبل وبعد شوي بيلفي
تهلل وجه نوره – اجل بشل الحلا لين يجي هذال بسلامته
سعد- الله الله كل ذا عشان هذال زين الحقينا عشان ابوي ومبارك وحمد قدهم في الصاله وينشدون عنس
شوي الاجازي داخله نوري ازحفي خليني اجدد القهوه عمي والعيال جاووابشرس هذال في الطريق
نوره – دريت والحين جايه

قبل لاتطلع نوره الاوالخدامه تعطيها كيس قالت السواق يقول عطي ماما نوره رجعت المطبخ فتحته شافت نوره الكيس ضحكت وهي تقرأ نوره ياالدبه ماجيتي للعزيمه قلت ارفع لس من كرفي مع انس ماتستاهلين
نوره ونوف رفيقات من المتوسطه حتى عقب ما تخرجو ماتغيرت علاقاتهم
بالعكس كل مالها وتقوى
دخلت نوره وسلمت عليهم
مبارك –يقولون فيه حلا وشكلنا بنتقهوى ونخلص ماهوب جاينا ذالحلا الا مع الشاهي انشالله
نوره-دافع البلا امداها تقول لك الجويزي ايه فيه حلا وفيه خير بس ماهوب حاصل شي لين يجي هذال ولااقولك خل امرتك تسوي لك ابرك ولاجيده بس تعلمك وش الي عندنا بعدين مرسول لي خاص وكثر الله خيري ان جبته ؟
الجازي –نوره اهجري شوي
ابوسعدالي منشغل في السوالف مع سعد علا صوته فجاءه - ترى القابله فيه عشاء عند ناصر تولمو كلكم
نوره تضايقت لانها ماتحب تروح واجد هناك على كثر ماحلمت ان عيشتها في بيت عمها على كثر ما تضايق لاراحت له والبنات ماهوب ذاك الزود الا مع سلمى ونوال مامن علاقه وخربت زياده عقب خطبه فهيد (فهاد)الي كانو محيرين له نوال والا اذا قعدت كل ذا كوم وتفكيرهم ان فالح هو السبب كوم تنهدت بقوه هي تقول ياذالروحه الي لاهي الشوكه الي اجرحت واطلعت من الحلق ولاهي الي دخلت وذبحت
نوره بعدم اهتمام متصنع-من هوله عشاه ابوي ناصر نفداك
ابو سعد-لنسابته هل الشرقيه
نوره كن احد لطمها على وجهها هلا هلا يعني خوات اماني وبنات عمي متجمعين والله ماشي يشفق على الروحه الاابوي ناصر
بس ابوس ناصر بتشوفينه لاجاكم الاقولي انس من زمان ماجاتس كم تهزيئه
ناصر اخو ابو سعد ماعليه عيال الافالح وسيف والباقي بنات ونوره عيونه الي يشوف بها من جات على الدنيا والله زارع غلاها في قلبه وهو الي سماها وتزوجت ولده ناصر وماصار نصيب
حمد-يمه مستوجعه من شي ؟
ام سعد –لاجعلني قبلك بس قايمه من صبح وانعس
سعد- اجل قومي ارقدي وريحي راسس
ام سعد –الابحتري هذال مبطيه منه
ابوسعد- ياوجه الله من النسوان حبكم للعلوم
ام سعد بضيقه- أي باالله ان كان شوفي لولدي وسوالفه حب علوم ياوالله الي بحب العلوم عشانه
ضحكو كلهم وما قطع ضحكهم الاهذال الي قال لو ادري اني لاغبت بتضحكون كل ذا الضحك اني لااقعد على كبودكم عشان ماتستانسون
فز سعد –ارحب يالله حييه وكلهم سلمو عليه وجاء لاابوه وسلم عليه وحب راسه وخذ يمناه وحبها
ابو سعد-لاعدمناك حي الله هذال
هذال- الله يحيك ويبقيك وش حالك يايبه اربك طيب
ابو سعد-بخير زان حالك
سعدوهو يرتكي –وش عينت يارجال عطنا علومك
قعد يسولف لهم هذال علومه الامنها صدق والي منها يطفرهم لين يدرون عقبها انها من تفليكاته
راحت نوره تجيب الحلا والمعجنات الي مرسلتها لها نوف اول مادخلت تربع مبارك وقال ما بغت تطلع كلبوذا عشان هذال
هذال التفت لهاو بصوت واطي –جعلني والله ماخلا يابنت الشايب
نوره هي رافعه حاجبها –لااضحك علي يومني ادق عليك ومزلب فيني ليه ؟لاواخذ علومك من جازي يوم رجلها يعلمها وانا سافهني
ضحك هذال-اسمعي علومي عند فهاد ومبارك عشانهم يكلموني بااشغال البل والشبكه بالحسره تلقط امه لااله الا الله متجمعه ودقيت عليس مرتين مارديتي
بعديييييييييييييييييييييييين لاخذيتي فهاد دريتي بعلومي كلها وخلي منس جويزي
التفتت نوره وهي فاتحه عينها وفيها حره والصحن الي من الصبح تغرف فيه له مدته لحمد وهملته ّّّّ وفي نفسها استغربت وشفيها الجازي اليوم تلمح وهذال بعد............................................... .................................................. .......... صدفه ولامستجد علمن جديد الله يستر................................
بس انا قلت عرس عقب فالح مابه عرس وش شفت من العرس الاالزهايد والجدري والسلال بيت ابوس يانوير ابرك لس
هذال اقرب اخوانه وخواته نوره وهو اصغر منها مع ان نوره تحس دايم انه اكبرمنها هذال رجال صدق وراعي مسؤليه وصدره شمالي وانيس كلبوها جامعها
هذال – افاااااااااااااااااااااااااااااااااايانوره
نوره-لاتدبل كبدي وابشر بعزك
مبارك –ماشالله من مسوي ذا الحلو ماقد ذقته في بيتنا
نوره –وحده من خوياتي
مبارك وهويشوف الحلا الي في يده – انشهد ان رجلها ما يدل المطاعم وينغز مرته الجازي
الجازي محتره من مبارك واخته – المره متزوجه وابشرك رجلها في المستشفى متسمم وش رايك تروح وتزاوره وتقوم بالواجب ؟
مبارك- اجل مره وحده تروحين معي لاانه والله العالم الرجال متخممممممممممممممممممممممممم ماهوب متسمم
ابوسعد- ماعليها قصور بنت سالم هذي هي تطبخ لك وتنفخ لك ولاهو على ماقيل (تمر اقصارنا حلو)
الجازي –والله محد منصفنا الاانت
مبارك- الي يسمعكم يقول ذي متوطيها رجلها دايم ولاعينت منه خير والسالفه ماغيرسالفه عيشه انشهد انكم جحادات العشير
ابو سعد- ماعليس ياابوس لاغايضس تذكري يومه حفا عشان ياخذس بس لو انه ماخذاس كان يمديه قد صار له شي والله اني اذكره في الليل وجه اسود قبضني صدري لايكون في عمانه ولااخوانه شي يوم نشدته قال انس مخطوبه لولد خالس والملكه عقب اسبوعين قلت له الهمه اجل رح لرياجيل القابله واحجرها ولااحدن بياخذها غيرك امسيت وانا اقول ياحليلك كبرت يامبارك وقدك بتحجر وتوقف في وجه الرياجيل (والجازي اكبر من مبارك 4سنين)
هياء – يالبى قلبك ياعمي
حمد-بعدي ياالشيخه الثانيه وانتي وش انتي مضيومه فيه؟
هياء- مااسرع كليتني وانا ماقلت شي يعني لازم انضام عشان البي لعمي دافع البلا
ابوسعد-محد ينظام وانا راسي يشم الهواء كلكم بناتي
ام سعد الي كانت تسولف مع الجازي عن خوالها قامت عشان ترقد عقب ماراحت الجازي وهياء يشوفون وش بيطلعون للعشاء ونوره وصت الخدامات يسون كل شي في خاطر هذال جريش ومراصيع
سعد –ماقلت لي وش صار عند عمي سالم
هذال- ماقدرت اتحاكا والبنات موجودين
مبارك – وش دخل البنات
هذال – اسمع السالفه بعدين روح علم مرتك
مبارك – مسك طرف الدله تحاكى مثل الرجاجيل ياالهلامه قبل لاازل القهوه على راسك قايل لاابوي غلطتك تسلم البزران الخيط والمحيط
هذال- ورني نفعتك ولاانت شايف خلقتي القابله هناك وعلمني ياابو المعاريف وشلون بتدير امورك وبتعرف انه ماهوب مسنعك الاالبزااااااااااااااااااااااااااااااااااااااارين ياالشيخ
سعد –اخلصو علي حد الشايب ماهوب فيه
هذال-تجاهل مبارك واعتنز وقال اسلم ياابو نايف بس الي صار ان ولدعمك محمد اسخبل رسمي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ .................................................. .................................................. .................................................. .................................................. ..............



في المطبخ البنات كلهم يسولفون هياء شايله هم الجامعه تطبيق وهي يالله يطلع صوتها والخدامات يستيشيرون نوره وش يحطون وكم
هيا-بتروحين لااهلي بنات خالي سعيد متجمعين
الجازي –ماضنيت حمود حرارته مرتفعه شوي وهناك بيرتفع ظغطي بيطلع عيوني وماهوب قاعد داخل العيال في بيت الشعر وهناك برد ياخذالعقل مامسكته وهو قدام عيني بمسكه هناك واذا بتروحين تكفين لا يشوفس سوى لنا سالفه
نوره –جايني البارح وانا على الابتوب يقول متى بنروح لاامي لفعه( رفعه) قلت شكلس امنيته بالروحه والضعيف جاي ينشدني مصدقس جعلس الي مانيب قايله قسم بالله كسر خاطري
الجازي– جنني مارقد الا بطلعه الروح قلت اذ رقدت بنروح لاامي رفعه منهبل يبي يشوف العيال ولاشاف عيال ساره استخف لاعاد يسمع كلمتي ولاعاد يركد
في الصاله العيال يسولفون
سعد –أي والله استخبل
هذال التفت لمبارك-عاد تبونها صدق ***** انا ماعاد ابلعه من عقب الي سواه في شيخه
حمد جاهم –وش عندكم ؟؟؟وراكم علم والعالم الله
هذال –ابد اعلمهم بسالفه محمد يوم يقول دايم وحنا نشارك باسم العود ليه ما نقسمه وكلن يشارك بااسمه
بس يعجبك عمي سالم يوم ردعليه وقال الحلال ماهوب مقسوم
حمد- ليلن طويل المره صدعت راسي تبيني اوديها بيت عمي ومحمد مالي بشوفه
سعد- الاروح ياابن الحلال وسع خاطرك وماعليك منه وان ماقابلته اليوم بتشوفه بكره على العشاء
حمد –اقولكم شي دايم يجي في خاطري ان بناتنا ماعينو خير من بيت عماني سالم وناصر من شيخه الى نوره الى الضعيفه هنوف الي والعالم الله بيحطون سيف الفاشل في كبدها تحت مبدا لااعرس عقل والنوري و الله اني كل ماشفتها تلاعب الجوهره تكسرني العبره يجي في خاطري اني اصغر منها وقد علي صيب وهي الي يوم اعرست ماتوفقت وليته على كذا الاقفلت باب العرس مره
سعد –انتم وش بلاكم السالفه سالفه نصيب والله يقدم الي فيه الخير ولاعيال عمكم ماهم بضارينكم وضارين بناتنا بس مقدر ومقسوم وشيخه اول مره يضربها محمد ونوره انتم خابرين هي الي طلبت الطلاق من فالح وفهاد عقب طلاقها بغاها وهي الي عيت صحيح مانيب موافقها بس تدرون ان عمي ناصرحلف انها ماتغصب على شي ماتبيه وهنيف ماهيب ماخذه الانصيبها وحتى انا قد مديت يدي على منيره ورجع كل شي تمام وابتسم وهو يقول ولايهونون نسوانكم وحمايسهم حتى مايندرى يمكن اخوانهم يقولون نفس الكلام عنا
حمد – بس ترانا اهووووووووون بواجد على القليله لاحمسو وماخليناهم عند اهلهم هم وبزرانا
قال سعد بخبث –وين يطولون في حمايسهم ؟؟؟وهم وراهم القويفل وعبد المحسن (محلات ذهب ) مشهوره في السعوديه
حمد- ودك نمسي ولاكل منا يقتق حبال خويه
سعد- وش بيطلع يعني ؟؟؟
هذال – كل واحد يستر على عمره حسبي عليكم عقدتوني ماعاد ابي اعرس دافع البلا كل ذا من النسوان
سعد- عادك بتجرب
سعد التفت لمبارك الي شارد ولايدري بشي – مبارك انت معنا
مبارك –جنيت على النوري من دون ماادري
فهاد مانقدر نرده وهو الي وقف معي يوم بغيت الجازي وهي اصغر مني وردوها من ولد خالتها عشاني وانا ادرس (لاوظيفه ولامستقبل) وشينه في حقنا وش السواه والبنت مالها به
سعد – الامور ساكنه للحين وماصار الاحكي لين يجي الشور في يد الشايب يحلها ربي
هذال وهو قايم-بس الي ماتدرون عنه ان فهاد حجرها اولت البارح
قام هذال من العيال بعد القنبله الي فجرها وراه وخلاهم وكل واحد مذهول اكثر من الثاني
والتفت عليهم وهو يقول اقطمو العلم لين نشوف الله كيف يفرجها
وش عندكم ساكتين 000؟؟؟كان هذا صوت ابوسعد الي ملا الاركان صوته وبحته المعروفه وهذال في وجهه على طول

سعد تدارك السالفه-ابدن سلامه عمرك نفكر نجوزك يارجال قال ابو سعد اهم شي مزيونه وصغيره
حمد –دامك تشرط فيها اكيد قلبك عاده خضر
مبارك – اهم شي رضوه امي شيخه النسوان قبل العرس
ضحكو العيال
حمد – وش فيك نفداك ماطولت عند التلفزيون
ابوسعد- مدري من الي ماسح العربيه والصحراء مالقيتها
ابو سعدوهو مدبر عنهم – الهمام للصلاه ياعيال وانا لاعودت بزينه
فضاء المجلس وحل صمت رهيب لمده
فكه دخول هذال الي مشمر اكمامه عقب الوضوء
هذال وهو يعدل كبك كمه –انا ماقلت كذا عشان كل واحد يسكت كنه حال عليه هم
المشكله ماهب حجر فهاد المشكله ان حنا مانقدر نرده ونوير ماتبيه عايفته
واصلا قويه في حق عمي سالم الي يبي قربنا
حمد –يعني نخلي السالفه كذا
سعد- لاماحنا مخلينها بس بعد وش نقول ؟ مالنا شي
مبارك يوم حجر الجازي وهي قدها بتخرج من الكليه وهو توه في الثانوي ترى محد وقف في وجهه وقال بتضيع عمر البنت الاكلهم هيو به وقالو ولدنا اولى في بنتنا واولهم فهاد
مبارك ونفسه ضيقه- طيب انا وشني قايل من اليوم ولاهو على ماقيل ازرع في صبخه داري وش تبون اسوي اطلق المره واقول فكوا لنوري ورقبتها
سعد بركاده- وش فيك يارجال اذكر الله وادحر الشيطان ماقلنا شي
مبارك – لااله الاالله حق 00000000000000000000000من اليوم مالكم لاسالفتي كني الي متسبب والرجال ماحجر عشان يهتم برايها مصمل يبيها
سكتو مره ثانيه لان هذي القنبله الثانيه الي انفجرت بينهم بس من
مبارك 00000000000000000000000000000000000000000000000000 000000000000000000000000000000

طلع سعد من عندهم
وهو فيه غصه من كلام مبارك الي يرن في راسه ( ان بناتنا ماعينو خير من بيت عماني )لاانه صادق بس هذا الي كاتبه ربي لكن ماحب انه يبين ان هم على حق فيزيد الي هم فيه
وهومار وقف شاف نوره جالسه على طاوله المطبخ وجنبها ورقه وقلم وفي يدها كوب شاهي وقف وطول يشوفها ما انتبه لها وهي تضحك وتأشر له بيدها الثانيه وش عندك ؟جاها قال الا انتي وش عندس قالت ابدن قاعده اكتب وش الي ناقصنا عشان اعطيه السواق قالت لحظه شوف وش كتبت ضحك عليها قالت والله اني صادقه ماعاد نشوفك في بيتنا قلت اكتبك مع الاغراض الي ناقصه البيت وانشهد ان البيت ينقص بدونك يابو نايف و جات لوتي –ماما مافيه دريم ويب
سعد- اشغال وحوسه بس قولي ياالله العافيه يالله توصين شي
نوره – لانفداك في حفظ الله
طلع سعد وهو يفكر بنوره
شيخه وهي قدام المرايه تشوف نفسها وهي تمسك خدها المورم وهي تحسسه وصلت لطرف شفاتها المجروحه ونزلت يدها لانها تعورت يوم لمست الجرح وتركت عيونها تشوف نفسها وهي تنثرالدمع و .كأن الدموع ترثي راعيها تذكرت كل شي صاروكأنه وليد اللحظه دخت غرفتها معها شاهي محمد الاخضر الي متعود يشربه وتفأجت وهو يفك الحبوب من قصديرها بهسترياء شيخه وش تفك ؟وقبل لاتقرب منه رماها بعلبه الحبوب على وجهها.وش ذا ؟ ماتحاكين ماصدقت شيخه الي صار وين طاح عليها؟ نزلت الشاهي على الطاوله قالت له محمد تكفى قصر صوتك ؟
محمد- وش اقصر صوتي به
شيخه- ماهيب لي لجازي موصيتني عليها يوم درت اني بروح للصيدليه
محمد- لاتكذبين علي ترى والله ماهوب ازين لس؟
شيخه- و الله لها لها
وحتى وان كانت لي خير ياطير وش ذا العيشه الي متشفقه اجيب بزران فيها
صفقها محمد بكل قوته لين اختفت من عيونه وصارت هي ولاارض واحد وصارت تبكي بصمت واول ماطلع طلعت حرتها

كانت الحبوب صدق لجازي بس مابكت من ضربه محمد لها
الا من خوفها اول ماشافته لايكون الحبوب الي طاح عليها هي حبوبها صدق؟؟؟؟؟؟؟؟؟؟؟؟؟؟؟؟؟؟؟؟؟

.................................................. ............................................
دخل محمد- وشافها وقال سوي لي شاهي اخضر وطلع
في الصاله الجانبيه للشقتها الي فوق- محمد يشرب الشاهي ولا يطالع في شيخه لانه يوجعه قلبه عليها وانه مثل أي رجال حاط في راسه انه اعتذر وراضاها خلاص ماهوب متنازل اكثروهي ولا معبرته هذا الي في مقدوره يسويه مايدري ان جرحه اكبر بكثير انه يندمل
شيخه –وهي تطالع التلفزيون بكره ما ابي اروح عشاء عمي ناصر
محمد-بس لازم تروحين وتخلين الوضع طبيعي قدامهم السالفه للحين مابردت
شيخه بحسره- بس تدري ان العشاء للنسابت عمي وبصراحه مالي خلق اشوف احد يعني العشاء ماهوب عائلي
محمد- واذا ماجيتي وش تتوقعين بيقولون ؟
شيخه بحسره- يقولون الي قولون يااخي افهم قلت لك روحه مابي اروح ولاانت تشوف الي سويته فيني سهل ؟
محمد- عذر واعتذرنا ورضوه وراضيناس وش تبين بعد ننشر العذر في الجرايد وقعد اترجى فيس كل ذا ومابان في عينس وش اسوي بس؟؟ ماتقولين لي
شيخه والعبره بين عيونها – لاحشاء ما ناقصك شي محمد انت ما تدري وش قاعد تسوي وانت ماتكلف على نفسك وتطالعني حتى
محمد- تصدين مني وتبيني اتبعس من جينا تجاهليني وتبيني احاكيس هذا والله الزين ؟
شيخه ودموعها تنزل-تدري الحكي معك ضايع لانك مافهمت ولاعمرك بتفهم
راحت لغرفتها وهي اكثر شي قاهرها دموعها الي خانتها دموعها الي حابسته طلعت قدامه قدامه هو
خذت حمام غسلت فيه كل شي ضايقها ومسكت مجله تقلب فيها وليتها ماقرتها لانها بكت بكت بحراره من الي مكتوب
تصدق حيل أنا تعبانه
. . . . . . , ولكن ( ماأبيِّنلك ) !
أبيك تحس من كيفك . أنا مابي ألمِّحلك ,

ترا المفروض تتكلَّم ؟!
,/ عن اللي فيني تسألني . .
إذا إنت إنسان ماتفهم , شسوي فيك علمني ؟!

بديت أخاف أنا منك ,
أحس إنك سهل تنسى !شقول أكثر بعد عنك / وإنت من الصخر(اقسى )
أنا غصبٍ علي عايش
. . . . , غصب متحمِّل طعونك
يجيني سهمك الطايش و أضمه لـ خاطر عيونك !

عقب مارجع محمد شيخه حز في خاطره عمه وعيال عمه لان موقفه صعب
وحتى عقب مارجع شيخه وارضاها علاقته مع هذال اهتزت وصارو لاتقابلو كل واحد يحاول يغث الثاني بالكلام المبطن (واخرها سالفه تقسيم البل )عشان اكثر واحد تعب عليها فهاد وهذال
شيخه قويه بس ماحبت تقعد عند اهلهااكثر وهي تشوف في وجيهم الشفقه وخاصه ابوها الي كل ماشاف ضربتها يوجعه قلبه عليها وام سعد المسكينه الي دمعتها ما توقف
الساعه7.30تقريبا
هياء-حمد بروح بعد شوي سواق اهلي بيجي وبروح معه
حمد- اولا انتي قاعده تبلغيني ما تشاوريني ثانيا السواق من معه؟
هياء –ساره وعيالها وعيال بنات خالتي توهم راجعين من الملاهي
حمد- ومن يجيبس ؟
هياء –جعل عمرك طويل انت وماهوب من بعد البيت على وحده تعال اخذني
حمد بحزم- معصيييييييييييييييييييييييييييييييييييييييييييي القابله بتشوفينهم
هياء بقله حيله – طيب لييييييييييييييييييييييييييه وبكره بشوف اهلي ماهوب بنات خالتي
قعد حمد يسولف شوي الا نوره داخله
نوره – الصديع الجويزي وينها
هياء – وش دراني
نوره- وش فيس تقولينها بدون نفس
هياء – اخوس ظاغطني عياء على المراح بس تدرين لحظه جو جو روحي لبابا وقولي له خلنا نروح ماما رفعه راحت لاابوها وهو يلعب ورقه
نجول بصوتها الطفولي –بابا متى ا ندوح ماما لفعه( رفعه) قال ماشالله وانتي متى قررتي بنت امها****** تبلغ ما تشاور*****
لمها في حظنه وقال بكره قالت
ابي نلوح الحين عثان حالي فهاد يثلني فوووووووووووووووووووووووووق وهي ترفع ايدينها وهي مغمضه
نوره الي من انذكر فهاد وقالت يالله انك تعدي ذا اليوم على خير
حمد-بس عشان هذي فوووووووووووووووووووووووووق لوتبين المريخ لااوصلس له التفت لها وقال روحي بس الساعه 12وانتي عندي
هذال لحمد –تراني بتعذر من عمي ناصر وبسرح من صبح انا وفهاد نشوف علف البل لين يجي وقت المزاين
دق جوال هذال –ارحب يارجال
فهاد- ابقه وسلمه
هذال- فهاد وش رايك نسرح من صبح ونشوف علف البل ونشوف المخيمات الي بنستاجرها والي بنحطها لابدى المزاين
فهاد- طيب خلنا نريح يوم ولاحقين على الشقاء بعدين ماتدري ان عشاء عمي القابله
وفهاد مايبي يفوت فرصه العشاء
هذال – نتعذر يارجال
فهاد – الاخلنا نوسع خطرنا ونستانس
هذال –المقعد مقعد شيبان وش انت متشفق عليه ؟؟الا صح نسيت انت قريبا تنضم لهم ماهوب من صغرك
فهاد- وانت لازم تجي توسع خاطرك مع البزان وتستانس الغلقه شينه للي مثل عمرك
ضحك هذال وقال نحضر اجل
فهاد –انشاالله
هذال- شورك وهدايه الله
فهاد- اجل تمسو على خير واسلم وسلم
هذال- وانت سالم
طبعا شيخه اول ما سمعت حشره البنات تزينت ولبست برقعها وجلالها وهي طالعه شافها عند الباب محمد وابتسم قال مانيب رايح للعشاء وبكره بنتعشاء برى جاوبته شيخه بكل برود – على خير
لانه هذا الي مفروض يصير من البدايه عشان مايرجعون للصفر دامها عنيده وهو ماراح يتنازل
نزلت تحت وهي مبتسمه
ساعه شافت هياء نست شوي ظروفها ودخلت في حوسه لبنات ومضاربهم وخاصه يوم اشتغلو البنات احزاب على سالفه نوره والجازي يوم جات حلويات ومعجنات نوف وكل وحده مشتغله دفاع البلا في لااختس والثانيه الاالبلا في الجرباء اختس
والجازي من حظها اقعدت ولاجات لان الخدامات انجنو من البزارين الي لاهم دخلو في بيت الشعر في الدفاء ولاهم دخلو الفله
وتعشو البنات واستانسو ويوم احلوت السهره دق عليها حمد تطلع طلبه سيف يتقهوى بس تعذر وقال مستعجل
اهل البيت نامو وسعد راح بيته لان عياله كبرو وحرمته مازانت علاقاتها معهم الا يوم طلعت يعني مثل ما يقولون غالي من بعيد لبعيد
والجازي توها رقدت ولدها وحمد ومرته للحين واعين للحين
سكرت الابتوب على المنتدى الي هي مشرفه فيه
بعد ما كتبت مشاركتها
اتعلم ماذا يولمني؟
يولمني حين يكون الدفع الى الحنين مطرقه الفراغ
يؤلمني
حين يراق شريط الذكريات على ارض الجحود
يؤلمني
ارتداد الشوق وعلى جدران الصمت
يولمني
حين يعلم القلب ان من يهواه غارقا في هواء غيره


اليله هذي مامرت بسهوله على نوره ومحمد وسعد
نوره الي تفكر بكلام الجازي اليوم بكلام هذال عنها وعن فهاد معقوله صار شي بس ابوي ناصر يقول مايصير الاالي تبينه يعني لاافكر وجد
محمد الي مانام يشوف شيخه وهي نايمه وهوفيه حسره على ماجناه وقال وهو يحط يده على خدها المورم ياجعلها والله للفناء يمناي ان كانها انمدت عليس مره ثانيه يابنت العم
سعد الي كسرت خاطره نوره الي عيشتها للي حواليها وبس عيشتها ماهوب لها شور هذال عندها ومشاكل مبارك مايقولها الالها ابوي الي مايحلا فنجاله الابنوره غير البنات الي كل شي يقولونه لها حمود الي ما يناديها الايمه وجوهره الي لاضاقت اخلاق امها راحت لنوره
بس سعد ما نام الاوهو حاط في راسه علم بس يدعي ربه ان نوره توافق عليه ويسهل ربي له

العشاء الي كان بيتعذر منه هذال بيغير حياته ياترى وش الي بيصير؟
نوره الي ما تداني طاري فهاد ليش ؟
فهاد ليش متشفق على عشاء عمه وهويدري ان نوره بتحضر وش هو ناوي عليه ؟
سعد وش العلم الي في راسه للنوره ؟
تواقعاتكم الله لايحرمني منكم وردودكم هي الي راح تدفعني للاجمل







البارت الثاني

قامت نوره الصباح الساعه 9 وسوت قهوه الشيبان وقعدت معهم

نوره – وش بلاس يمه من البارح وماانتيب عاجبتني ؟
ام سعد –ما بلاي شي بس مااقول الا جعل ربي يتمم لس ويوفقس كل خير
نوره –دافع البلا وانا الي قابضني قلبي من البارح وهذي هي؟؟
ابوسعدفي خاطره – ماكذب قلبس جعله مايسرق
نوره بضحكه-ابوسعد احك على عجوزك قول لها النوري بتقعد ماهيب رايحه ولامخليتس
ابوسعد –تصنع ابتسامه رضى لاانه ماعجبه رد بنته الي قطعت كل حكي ابوها الي كان يبي يقوله لها بذا الكلمتين
ابو سعد – كل بنت بتقابل نصيبها ماهوب اهلها
يالله فمان الله وقام من عندهم
ام سعد ونوره بخوف بان من صوتها –في حفظ الكريم
في بيت ابو فهاد
ابو فهاد – مانت بجاي معي المعارض
فهاد- ولا لك لو بروح انا وهذال سوق البل
ابو فهاد – على خير انشالله جعل ربي يرضى لي عليك
فهاد –مشاالله العود راضي علي عساه دوم
ابو فهاد وهويمد الفنجال للمحمد الي يصب القهوه
أي بالله راضي عليك يوم بردت كبدي تدري في خاطري من زمان يابوك تاخذ النوري اولتها ماحصل نصيب والحين الله يكتبها من حظك وعزالله انك بردت كبدي يومك حجرتها البارح ولااهتميت انها قد اعرست قبلك
محمد نزل فنجاله منصدم من الي يقوله ابوه
فهاد –افااااااااااااااااااايابو فهاد لاجاءخاطرك في شي تامر به وارقابنا سداده جعل عمرك طويل
ابو فهاد – مابغيت اغصبك والبنت ثيب وانت مابعد اعرست قلت مانيب ظالمك وحارمك من شي هو من حقوقك
محمد اخيرا تكلم – طيب بنت عمي ناصر نوال وتوها وماعليها قصورولاهي مطلقه
فهاد – اولا- ماهوب انا قايل خلو نوال لي حكي ابوها واخوانها ثانيا- البنت صغيره علي وعادها تدرس في الكليه ليه يوم تقطعون نصيبها في شايب راح العمر عليه وثالثا- ماجيت شاكي لك الحال يومها مطلقه ولوبغيت نقيت في العذارى واولهم بنات عمي ناصر ولااهم والمهم بنت نايف مانقصت رجل ولايد يومها تطلقت
ابوفهادوهو حاط يده على كتف ولده –انشهد انك صدقت الاوين بيلقى في البنات فهاد مثل النوري عقل وثقل وزين
في بيت ناصر( ابو فالح)
ابو فالح يحاكي فالح- قومو الزلابه الي راقد للحين خلوه يلحقني للمعارض
صبحه بالخير كان هذا صوت سيف الي توه قايم وهو يتمغط عند الباب
ابوفالح بصوت عالي – اعجل علي والحقني العيال ماهم جاين معي تعال وسد مكان احد
سيف بااخلاق شينه – الله يهديك ياالشايب انت خابرني مااداني المعارض
ابوفالح بصرامه – اجل ياالضفعه روح مع اخوك ماهوب عيال عمك الي يعاونون اخوك
سيف –الحين يومني رخمه وزلابه ماتخلون الرخمه ورقبته ؟ ولاكان ماقلت سد محل احد العيال لاانا ند له واقدر اسد مكانه
بعدين الحين انتم هاوين تعذيبي اكره مكان على قلبي المعارض والبل وماتسلطون فيها الاعلي
فالح- وتقدر تقولي وش احب مكان لك الاليه اسألك ؟ اجاوب انا احب مكان لك مقابل ادشير الي كنهم اياك وسفرات عشان التطعيس
وعزايم استراحات الصيع والضيع
سيف انقهر ورد بكل برود – قبل لاامشي الحق الشايب احب اقولك للحين مالقيت المكان الي يليق بي ويناسبني ثانيا التطعيس هوايه مثل ماالبل هوايه الي مرسله يراقبني و ثالثا الااستراحه اعتقد ان ---خطيب طليقتك--- قالها سيف بطريقه استفزازيه زارهاوشافها من وراي
والمهم والااهم انكم تطبقون دور المرشدين مع بزارينكم ماهوب في وحدعمره 21سنه بعدين تعال انت و فهاد كل واحد مايدني الثاني يعني مصلحتي الي جمعتكم
في الموضوع أن
فالح استغرب يوم عرف ان سيف يقصد فهاد وبينه وبين نفسه – هذا والله البلشه انا ماارسلته ولاشكيت له ؟؟
بس انا داري به يبي يتمدح عند ابوي انه ذال على سيف عشان يحسن صورته و يرضى عليه يوم خلا نوال بس ماعليه يافهاد ماهوب اختي الي تهمل

بعد مافضى الجو بين فهاد ومحمد
– حضره المدير ماعندك دوام اليوم
محمد بضحكه – ولالك لوا ماخذ اجازه
فهادحس انها فرصه يحاكيه – انا بتحاكى وابي منك تسمعني محمد شوف ياخوك
انا الوحيد الي ماتحاكيت في سالفه ضرب مرتك بس الحين يوم هدت الامور بقولك خواتنا في بيت عمي نايف محشومات وعلى العين والراس حنا مانحشم بنات عمنا
ماهوب ذا العشم فينا يابوسالم ؟؟\
محمد الي طوالي نزل فنجاله ودنق
فهاد ماحب يشوف حرجه
وقال ماله داعي الي يصير بينك وبين هذال اتوقع انك فاهم وش اقصد؟؟
محمد – عاد هنا وبس هذال يستاهل ماجاه رجال ومرته ماله دخل بينهم وان كان اخوها ولد مها وابوها
وقام يصرف الموضوع وقال – الاانت منهبل يوم تخطب نوره وناوي تعرس عليها طيب مافكرت في اخوها فالح الي كان طليقها ومافكرت بااخته نوال الي متحاكين بها لك وهملتها
تعدل فهاد بثقه –شوف اكيد فكرت وطليقها على قولتك ماعاد له حق فيها ولاهي قطعت نصيب بطلق ولاتعرس في أي شريعه ذي واخته ماعلي فيها مشروه وعن نفسي ماقد حاكيته فيهاولاقد خلوها لي يعني عرسي ذا لالي ولاعلي
محمدبخبث- طيب ياالشيخ فهاد ربعنا الي عندنا( يقصد اختها شيخه) يقولون ان نوره من حينها ما ادانيك
وشلون بتاخذها
فهاد بخبث اكثر – بصرها المهم انا ابيها
سكت وسط دهشه محمد وهمس في خاطره
(شكلس ياالنوري ماانتي بجايبتها على خير)
فهاد جاه اتصال من هذال قام من عند محمد وقبل لايرد التفت
محمد- والي يطول عمرك يافهاد لاتكلمني في ذا الموضوع واذا على الرساله وصلت
ابتسم فهاد من محمد الي فهمه وقال اهم شي
وفتح اتصال هذال وتوعدو على المكان

نوره تشوف هيا محتاسه في المطبخ
نوره –هيون البلوزه جنان بصراحه شي زين ذا التطبيق خلا ذوقس شوي يرقى قالتها بضحكه
هياعلى طول التفتت –عيدي عيدي ان كان به احد علمس الذوق فهوانا
ضحكت نوره –اضحك عليس يالخبل بس صدق ملابس التطبيق تهبل قالت لي الهنيف البارح بس ماتوقعتها كذا بصراحه وهي تأشر على لبسها رووووووووووعه
هياء-تصدقين يالنوري على كثر ماني خايفه الاانه مستانسه
مدري شعور حلو التدريس والبنات ومواقفهم مع خوياتي
نوره وهي تصب الحليب لعمرها –جاني ضحك على خويتس الي طاحت على وجهها يوم قامت بترقعها سوت نفسها مغمى عليها
انشاالله تلحقينهاو تطيحين على خشيمس ياهوياء 0000 كان ذا صوت الجازي عند الباب وعلى متنها عباتها
نوره – يالله صباح خير يالله ذي دعوه على الصبح
هياء لااختها– وجدري يالعفنه الاانتي للحين الامن مامسكوس على ختلاس اموال الناس
الجازي مديره بنك ونوره وهياء دايم يقولون انها تسرق بس مابعد كشفت
واذا جاء راتبها وباشرت يغايضونها حد الله بينا وبين الحرام؟؟؟؟؟
(الجوز يابعدهم اخلصي) -صوت مبارك -الي مايدري ان البنات في المطبخ واستحى يوم شافهم عشانه دلع مرته قدامهم فمر بسرعه وهو يقول صبحكم بالخير يابنات
البنات كلهم- صبحه بالنور
الجازي – يالله قبل لا يسحب كلمته ويطفر
البنات – فمان الكريم
الحين ماتخلون مني طريقه النذاله كل واحد يفطر عمره ويمشي ولاحد يدعي احد
الله يفرق بيني وبينكم يالله دخلت الهنوف وهي تعدل شعرها عند مرايه المطبخ ونوره تصب لها حليب
نوره – من صبح مهاده وش ذا العرب
بعدين هنيف المديره ماهيب ماسكتس على المريول وطارتس منه
الهنوف وهي تستعرض مريولها مافيه شي بس هي لازم المريول يكون واسع وكسرتين ورى وقدام الي على عهدس ويدخل معي فيه اثنين كنه ثوب حامل
ساعتها ترضى تبططططططططططططططي والله ذالمديره الي من عرفتها ماشفت عليها خلق زين مدري وين تودي دراهمها
نوره –هنيف عيب عليس يمكن عندها ظروف وش دراس عن العرب وهموهم
الهنوف وهي تقعد مقابله البنات على الكرسي خلاص – من الالوف الي تعطهياها الدوله ألي ماقصرت تستقطع ميتين ميه بلوزه وميه تنوره وتكده لين تموت وتحللها
نوره- وش دخلس فيها شاكيه لس الحال
الهنوف وتغير الموضوع الحين حمود ماخلص ياالله على مانمر الروضه والمزيونه الي جنبس كليه ولامدرسه يمدي الفصول مشت والمديره تستفرد فيني وتسمعني الكلمات الحلوه
هياء – السواق يضرب هرن
شلت عباتها والهنوف تأشر ادعي مديرتنا غايبه ياالنوري
يالله فمان الله
نوره قعدت وهي تحرك الكاس الي في يدها بحركه دائريه وتضحك على خويت هيا الي طاحت
وفجاه من دون مقدمات رجعت لذكرياتها
نوره –فالح بلا استهبال الحين ساعه اشرح لك وانت تهزا وتمسخر علي الشرهه ماهوب عليك الشرهه علي الي مقابلتك
شلت لوحاتها الي على الكرسي الي في غرفتها والسله الي فيها اسأله التطبيق وهي تقول بغيض هذا وانت بلحالك مت ضحك بنات خلق الله بكره وش بيسوون والله غير يقلبون الفصل تهريج
مسكها فالح وهو كاتم ضحكته -قال الي تضحك فيهم احشريها وهرتليها
نوره –وانت من يرهتلك
انسدح فالح على السرير – هرتيليني كل ابوي حلالس
نوره – ايه اضحك علي
فالح وهو يستقعد – اقولس الصحيح
الا ياحظ البنات الي بيقابلونس من صبح
نوره منحرجه – وش احط لك عشاء
رجع وانسدح بطفر – انتي مناانتي بوجه مدح
الحين ساعه امدح فيس والتاليه وش احط لك عشاء
قال حطي الي تحطينه
نوره –تامر
فالح – طيب خلينا بسألس
الحين ليه اذانيس تحمر؟؟ نخبر خدود تحمر خشم نبلعها لكن
اذان تحمر جديييييييييييييييييييييييييييييده
ماما ايش طلع حق غداء
كلام الخدامه طلع نوره من عالم ثاني كان احلى عالم بالنسبه لها
طلعت من دون ماتجاوب وابتسمت ابتسامه بمرح لاترتقي لعيونها بعد ماشافت عمرها في المرايه
لانها ماتدري ليه اذونها حمممممممممممرت الحين دون سابق انذار
طلعت لغرفتها وفتحت الابتوب تشيك على منتداها دايم تطل على قسم القصايد والشعروكانت المشاركه الجديده من احد الااعضاء
احاول دوم امنع نفسي آسولف بڪِ
والقلب رغم البعد للحين يسأل عن حوآلڪِ
رغم اني من طلب الفرقى الاان القلب متمسڪِ بڪِ
اشتاقك وان عز في البعد وصالك
ماقدر احتمل كون احد غيري يشاركني بك
تڪِفى ڪِثر مآ أفقدڪِ خلني على بآلڪِ
الله يصبر قلب لليوم ياصاحبي يهوجس بك
وعسى في ايام بعادي الخير دوم فالك
امتلت عيون نوره بالدموع ومااكتفت فيها
الالين جرت شهــــــقه من حرها لمت رجولها ودفنت راسه بالبكي
.................................................. .................................................. .................................................. ...................................
في احد الزوياء كانت الوكيله تمطرها بالااسئله الي مالها داعي والهنوف تعطيها على جوها
الوكيله – ليه متأخره
الهنوف – طيب تأخرت عشان المنبه خربان
الوكيله – ليه ماحد يقعدكي للمدرسه الاالمنبه وين اهلكي
الهنوف – ايه مافيه غيره و اهلي مسافرين
الوكيله – ماهو عذر ولازم نكلم ولي الامر نعلمه انكي تأخرتي
لان هذي مسؤليه يمكن ؟؟؟؟؟؟؟؟؟؟؟؟؟
الهنوف عدلت وقفتها – يمكن ايش تراني بنت حمايل وكلامس ثقييل يمكن ايش؟؟؟
الوكيله – مستانسه انها تضيع الوقت معها عشان ماتحضر حصه ابله فايزه لانها تدري ان الهنوف تحبها وحبت تنذل فيها لان هنوف مطفرتها
راحت الوكيله ودقت على سعد –السلام عليكم ولي امر الطالبه الهنوف ...ال...
سعدبخوف – نعم خير انشالله
الوكيله – الطالبه متأخره ليش ؟
سعد – يعني داقين بس تسألون اكيد تأخر السواق ولاراحت عليها نومه
الوكيله – يعني ماتدري
سعد – اخلعتوني قلت جاري عليها شي
والتاليه مـــــــــــــــتـــــــــــأخره عوافي
الوكيله – هذا تهاون في المسوليه
سعد وهو رافع صوته – ماهوب انتم تعلمونا مسوليه بناتنا ياختي
مع السلامه وسكرت السماعه
طلعت الوكيله معصبه – الهنوف عقاب خليكي واقفه طول الحصتين عشان تعرفين العوافي زيييييييييييييييييييييييييييييييييييييين
الهنوف لفت على طول وظربت برجولها الاارض علامه الاحتجاج ولاهي فاهمه
(عوافي ) الي قالتها الوكيله ؟؟؟
في احد زوايا المعرض الفخم الي كان كله زجاج
سعد – ياخوي هذا الي عندنا وهذي اسعارنا
جاز لك شي على العين والراس وان ماجاز لك خيرها بغيرها
الرجال – والله ا ن الي دلني عليكم ماشار قال ولد عمكم واكيد بينفعكم
سعد على من نبرته –أي بالله ولد عمي وان كنت معتاز علي الطلاق تاخذها بدون
(احمر ريال )يعني ولا ريال وان كنت شراي ذا سعرها
الرجال بضيق- ماتقصر بس بعد تراك ماخدمتني
سعد- الحلال ماهوب كله حلالنا حلال ناس حنا وكلاء عليهم
وما يرضيك انفرط في حلال نا س مومنين عليهم
الرجال وهو يصافح سعد – على خير يارجال وان كتب ربي برجع انشالله
سعد- على خير ياخوك وزارتنا البركه
سعد وهو متوجهه للشيبان (ناصر ابو فالح)-( نايف ابو سعد)- (سالم ابو فهاد) الي مبين من المكتب الي واجهته شفافه
فالينها وقهوه ودنيا وهو مرتفع ظغطه لاواذا تحاكو
اهلكنا الشغل في المعارض عادين روحتهم وجيتهم شغل ياحليلكم ياذا الشياب
صبحه بالخير
التفت سعد لصوت الي وراه وابتسم
السيف عندنا ارحب يارجال وش ذا الرزه والله اني استنكرتك
شكلك ساعه مقابل المرايه عشان ترتز الغتره ويسبك العقال
سيف – وش دراك ياسعد ا ن الي مستنكر ماهوب انا بس حتى
الغتــــــــــــــــــــــره دايم هي على المتن يوم حطيتها عيت تثبت
قلت ماعليه مختلعه من الوضع الجديد سميت عليها وهجدت مثل ما تشوف
سعد وهو يضحك الله يقطع ابليسك ياسيف يالله خلنا نروح نتقهوى عندعماني والله بيستانس عمي لاشافك
سيف – الله يهديك هو الي قايل اجي


هذال – يسوق السياره والساعه 11.40
فهاد – مابغينا نخلص دافع البلا
هذال انفرجت يارجال
فهاد- الحين على مانريح الا وراي قومه بجيب ذبيحه ادخلها على عمي للنسابته
غداء
هذال – خل عنك وقل لكرم الدين يجيبها
فهاد – جاب لنا ذبيحه مره ياسوى بنا الشايب سواه الذبيحه صغيره 0000ماعليها شحم 00واخذ من ذا الحكي وخل
هذال – وهو يضحك قل لسيف ولا لسعود اصغر القوم خادمهم
فهاد سكت – ياحليلك سيف رايح معهم المعارض ولارجع اسمع (تعبان ميه مره –واهلكوني ذا الشياب الف مره – وانا الي سنعت الشغل اليوم كله لاحد يامرني ملييون مره دبل كبودنا ذا الصبي بس الي مريحني انه ماله في دروب الردى كل الي ناقصه مسوليه ومدري متى بيحس بها
هذال – ابي اعرف ليش انت مهتم بسيف ومطارد اوراقه في الجامعه
فهاد وارتكى على المقعد زين- سيف لوتفكر رجال ماعليه ولو خليناه عيال الحرام ماخلوه وتاليتها بيطيح في روس ذا الضعوف الهنيف ولامشاعل وانت عارف ذا الشياب لابغو شي في العرس ماعاد لنا شور-
تدري مره سمعت مشاعل تسولف هي والهنوف وكل وحده تدعي على الثانيه انها تاخذ سيف وكنه عقوبه لانهم عارفين وحده منهم ماهيب سالمه وذا مستقبل وماهوب أي كلام ومشاعل مابيها تبهذل دام ذا حاله
هذال – الهنوف اختي ومشاعل بنت اخوي وانت على بالك لوجاء بنقول عليه قبول وذا حاله ما يكفي نوره مع اخوه نحط الثانيه
فهاد- يابن الحلال واهنيف والله مااعدها الامثل بنت اختي منيره بس سيف ما ينعاب فليه نهمل الصبي وحنا خابرين ان ولدنا في بنتنا
هذال وهو يمسح جبينه بقهر– أي بالله يافهاد قلتها ( ولدنا في بنتنا )ونا الي مابي سلمى غصبا علي باخذها ن سنين وهي لي والخطاب ما يجونها يجون بشاير الي هي اصغر منها وان قلت مابيها قالو ضيعت نصيب البنت ياوالله زمه غليس
فهاد بحرج لانه حس بنفس الشعور تجاه نوال وحب يغير الموضوع – قسمه ونصيب ولاتدري الخير هو وينه فيه
ها الحين الذ بيحه مالي ال حضره الناظر بكلم محمد يدبرها
وهذال زود على ضيقته من جاء طاري محمد خمته ضيقه ثانيه

حمود على راس نوره على السرير – عمه سوفي وس عطوني
نوره وهي ترجع شعرها وتستقد من نومها – حمودي لبى كبدك مقعدني عشان توريني الله يهديك
حمود – عمه وس فيها عيونس
التفتت للكمودينا الي يسار السرير عيونها متنفخه
تذكرت انها نامت على بكى
ابتسمت لحمود- يالله مافيني سي –تقلده
ويالله ورني وس رسمت
طلع من شنطته ورقه مقوى عليه صوره بحر بالالوان المائيه
وصارخ وهو يرفعها
سوفي بحغ (طاحت ميته من الضحك )
شوفي بحر- - بس الحروف مقلبه حبتين
رفعت الجوال تضحك تشوف الساعه الا و مكالمه من هذال لم يرد عليها
دقت عليه بس مارد
تروعت دقت ثانيه
هذال يحط صامت عشان معه فهاد
بعدها رد
هذال برسميه – ارحبي
نوره – الله يبقيك
هذال – من الصبح ادق
نوره بااستغراب من لهجه اخوها الجامده – جعلني قبلك كنت نايمه وتوني وعيت
هذال- ايه
نوره عندك احد
هذال – الله الله

نوره براحه صبيت قبلي والله اني مرجت---يعني خفت---- لايكون وراك علمن شين الله يهديك بس
هذال نسى فهاد- سم الله على قلبس ولاجيت قلت ليه متصل
ا بتسم فهاد بخبث ولبس نظاراته الشمسيه لانه عرف منهو يكلم ولف بوجهه لجهه الثانيه عشان مايشوفه هذال
لان كل المكالمه تقريبا في اذنه من صوت الجوال الي حاطه هذال على اذنه اليمين وهو جنبه وصوت السياره الهادي خلاالحكي كله يصب في اذنه
ودون كل هذا------------------------------- هو
هذال الي لمح ابتسامته

نوره في السيب شاله حمود وتمسح وجهه بالفاين نزلته اول ماسمعت التليفون يرن
نوره – هلا
شيخه – هلا بس ياالنوري
نوره اول ماسمعت صوت شيخه قعدت على الكرسي حق التليفون
حياالله شيوخ وش اخبارس و وينس غاطه يومين لاحس لاخبر
شيخه – ابد ماشي مشغلني بس انتي ليه ماسألتي وجدري يضرب بطن العدو
نوره – اصبري يابنت الاجواد لوانس ما دقيتي كان سبقتس
شيخه – ولوانه ينطحن الحب الي في راسس وتجين تقابليني مثل ماهيا واختها الجازي سوى كان ماتشرهت ولاتشرهتي
نوره تعكر مزاجها – لواني داريه ان بتحاكين بذا الحكي كان مارديت عليس
شيخه – الحين محد عندس
نوره بطفش – وش تبين محد حولي
شيخه – نوره ممكن تفهميني ليه ماتبينه رجال وماعليه قصور وشااااااااااااااعر
نوره – مابقى لاهو شكلس ماخذه مقلب في حماس وقصايده الي كلبوها في ناقته واللبل وفحل ابوي وذا طالت معه سيارته
شيخه بضحكه – انتي قلتيها ناقته حلاله وسيارته ملكه بس مابعد اعرس عشان يقول قصيده في مرته ؟؟؟وش تبين اكثر واحد سيييييييييييييييده _دغري ماعنده لف ودوران
نوره – اكيد دغري ولابعد تبين على كبره لف ودوران ولاعلى ماقيل شايب وعايب
شيخه – هي وش عند س على كلمه شايب صحيح انه تعدى الثلاثينات بس مايقال عنه شايب بعدين اموت واعرف ليه ماتدانينه ؟؟؟
نوره – كذا الله خلقني اكره الله خلقني مادني سيرته الله خلقني اكره الانذااااااااااااااال
شيخه بااستغراب – لانذال ؟؟؟وش دخل فهاد ؟؟
نوره – شيخه طفرتيني وضيقتي خاطري في ذا القايله نصيحه لاجيتي تغلقيني اتصلي في وقت زين ماهوب قايله ؟؟؟؟؟
يالله فمان الله ليت الله ولامكالمتس
شيخه - يالله فمان الله
نوره ويدها على السماعه – يارب من متى وشيخه دمها ثقيل اف ولاهو أي احد يتكلم عنه تندبل كبدي منه وتثقل طينته
الله يستر
حمودي والجازي في سيب الفله
الجازي – نوري اسم الله على قلبس مختلعه وش فيس عينس ويدس على السماعه
وعيونس شوي وتطلع
نوره- ابد مابه شي بس بشري ارب عمليه اليوم هبرتي من وراها شي ؟؟
ترانا معتازين ؟؟؟
الجازي وهي تنزل ولدها – جعل العازه تحدس على الخلا والشين قولي امين
نوره – استغفري طالبتس وانا اقول هنيف وين جايها سر الدعاوي منه ماراحت بعيد
قامت نوره من عند الجازي وهي تقول خافي ربس كل دعوه تدعينها الملائكه تقول لصاحبها ولك باالمثل بس وين تخافين ربس وانتي تلهفين حلال الناس ؟ صبح ومساء
الجازي –ماعليه يانوير نشوف لاجا الراتب والواعد قدام
نوره وهي تضحك حد الله بيننا وبين الحرام
بعد صلاه العصر طالعين من المسجد
ابو ناصر – فهاد يابوك
فهاد- سم
ابو فالح- سمعت انك خطبت ؟
فهاد جمدت يديه لانه ولو هذا عمه واسترسل عمه اربه صحيح انها النوري بنت نايف يابوك
فهاد- ايه جعلك تحيا
ابو فالح – جعل ربي يوفقك ويتمم على خير نوره بنت تستاهل وانت رجال والنعم فيك
فهاد الي مااستغرب من عمه – ماقصرت ياعم وعقبال سيف انشالله
ابو فالح – الزلابه ذا ماينرجى فيه خير قل يالله بس يستعدل مثل العرب والمسلمين
فهاد- دامه ماطاح في الردى ابشربه والله رجال وقت الوازيم ولا العيال يقولون رايح المعارض اليوم
ابوفالح ذكره فهاد بسالفه – فهاد ماقصرت وبيض الله وجهك ياولدي
فهاد على ويش ؟؟
ابوفالح – على خوفك على ولد عمك وتراني دريت انك راقبت استراحته وعرفت من يماشي \

فهاد- العيال عيالنا وان كانا هملناهم من يحط بله عليهم ومااعده الامثل اخوي سعود
ابو فالح - الله يكتب له الدراسه واربه يماشي سعود في الدراسه ابرك من مقابلهم في الااستراحات سوى

في بيت ابو سعد في بيت الشعر
سعد- وش رايك يبه
ابو سعد وهو حاط يده على لحيته الي ابقى الزمن فيها شي من السواد بعد ان غلب البياض عليها- والله يابوك ماهيب شينه بس تقولون انه ماهيب متوظفه الا عقب خمس سنين عشانها رفضت الوظيفه
سعد – جعلك تحياهذي الوظيفه الرسميه لانها يوم جات في االافلاج عيت عنها النظام مايعطيها الحق الابعد خمس سنين بس هذي ماهيب رسميه مدرسه خاصه حاكيت خوي وقال ابشر
ابو سعد – شورك وهدايه الله مع انك استعجلت الحين خطبتها يابوك و ماندري وش نقول لعمك سالم وناصر حالف علي مااغصبها
سعد – يكتب ربي الي فيه الخير

على صلاه المغرب كلن مرتبش عشان العشاء وهيا ء في غرفه نوره عشان فيش غرفتها محترق فطبت على نوره لبست هياء تنوره سوداء فيها نقش تركواز من تحت يتلاشى فوق التنوره وبلوزه سوداء واسديري تركواز وايشار تركواز و والاكسسورات ناعمه بعد تركوز كان شكلها ناعم فريب من ملامحها الناعمه وفاكه شعرها على كتوفها
وجالسه تحط لمسات الاخيره
نوره وهي تشوف نفسها وش رايس هيا –

هيا- والله ياالنوري شي هذا ومالس خاطر طالع شكلس روعه
نوره لابسه تنوره عودي كلوش وبلوزه اسبانيه هاي نك ولامه شعرها فوق
بطريقه حلوه وهي تلبس حلقها الاوالجوال يرن هذال
نوره – هلا
هذال تراكم ابطيتو بروح المسجد واصلي لاظهرت وماعينت احد رحت بلحالي والسواق ماهوب اهنا
نوره على خير
هيون وصريمه الجازي وينهاهذال مفول حده
الجازي طبعا اتسحب على الهين حمود وسالم راقدين دخلت نوره
الجازي هذال مفول ونا احسبس خالصه
الجازي – عيني خير خلي هيا والهنوف يرحون وانتي اقعدي معي لين يجي مبارك
نوره – حليلس الهنوف من مغرب وهي هناك راحت مع امي بس تدرين بقعد معس
جاء هذال ودق على نوره تراني بروح وقالت روح في امان الله
خلصت الجازي وتجمعو البنات في السيب بعد تجهزو وكل وحده عباتها في حضنها الجازي وهي تعدل بدله ولدها جاها اتصال
مبارك - اطلعو
نوره وهي تلبس برقعها في مرايه السيب الكبيره ابطى علينا قدني طافره
هيا وهي تشل شنطتها وتمد على نوره شنطتها وش معجلس عليه الحكي الزين ولا الجناب الزين بس والله لو تفتح فمها وحد ه منهم مايعينون خير
سكتت نوره وهي شارقه بدمعتها
000000000000
في مطعم الفيصليه حاجزين طاوله ويتعشون
شيخه – محمد ماكنه8 بدري على العشاء واجد
محمد – لاابد لابدري ولاشي واذا جعتي وديتس لعمي وهو يأشر بيديه واضربي على المفطح بالخمس
مسكت شيخه ايديه وهي تنزلها فضحتنا
شيخه وهي ماسكه ايدين محمد
قلب محمد ايدينها وصار هو الي ماسكها – شيخه رضيتي
شيخه – ايه
محمد – اكيييييييييييييييد
شيخه اذ ماقلبت علي
محمد سحب ايديه – ظروفي وغصب عني الاماجعتي
شيخه – لاماجعت بس وشهي ظروفك انا اعين واعاون
محمد فك ايدينها و جر تنهيده –اعين واعاون فديت منطوقس والله

في بيت ابوفالح وبالتحديد مجلس النسوان
ام فالح – الامبارك خطبت نوره
ام سعد – جعل ربي يبارك لس بس ماصار شي ماغير حكي
ام فلاح – نبارك لها بالخطبه حتى ولو ماصار شي ماعليه بس فيه احد فكر فيها ودرابها
ام سعد ماعاد تخفاها طريقه ام فالح – لو حنا نجوز كل من جانا كان ماقعدت بس حنا نتخير في عطران الشوراب ولا النوري ما تستاهل
ام فالح حست ا ن ام سعد لوت ذراعها – لابالله الاتستاهل
جات سوالف وراحت سوالف وهياء ماسكه كف نوره وكنها حاسه فيها
طلت عليهم نوال بكامل زينتها وطولها الفارع الي يجذب ومشت بكل ثقه
العجز يهلون ويرحبو ن
وجا معها بنات خالها
قامو سلممو وفي وسط زحمه السلام
الجازي – امحق لبسه
نوره – وهي واقفه – حرام عليس امداس تاكلين لحمهم
دخلت هياء عرض وهي شاله بنتها – تاكل لحمهم عادي مادام انها تاكل حلالهم
نوره ضحكت وامسكت ضحكتها يوم جاو البنات وسلمو
وهم قاعدين الجازي- ها شفتي البس وش رايس فيه
نوره – جريئات
كانت هناء لابسه برمودا وجاكيت قصير والبدي طويل فلو وصدرها واضح وهي من عمر هنوف ومشاعل
وما تهاني لابسه فستان قصير بدون اكمام عنابي وربطه شعر عنابيه فيها ورود تفاحيه صغيره وشريطه تفاحيه على الخصر وصندل تفاحي
عيده كانت استرهم لابسه تنوره قصيره سوداء وعليها بوت مخمل اسود لابسه بلوزه زهر فاتح وحزام سير صغير اسود على البلوزه الواسعه وفاكه شعرها وعقد اسود طويل ملفوف مرتين كان شكلها هادي
طبعا اشتغلو العجايز على اخت ام فالح عشان البسه حتى ام فالح قالت انها منعتهم بس البنات ماسمعو
البنات ما اعجبهم تعليق العجايز فقامو
نوال لهياء- ياربي وش عرف ذا العجايز بالبس اصلا لو طاوعناهم لبسونا (ارواز)
الجازي – من جدس تحاكين يعني الحين عادي في نظرس لبس هناء دانه
نوال – ياربي منكم وش ذا التعقيد قسم بالله منتم بعيد من العجز
نوره – بصراحه انا استحي اطالع في هناء لبسها بزود
نوال تبي تفش غلها وخاصه بعد خطبتها – لا والله انتي اصلا حاصلس
نوره – جعله ما يحصلي يارب وسكري على السالفه لانكم تغتابون البنات وتحولت النصيحه الى غيبه
نوال وهي واقفه تطالع البنات من دون ماتشوف نوره- يالله نروح في المقلط كل البنات متجمعين
قامت الجازي- نوري يالله
نوال – على راحتس نوره اذ ما اعجبتس قعده العجز الحقينا
هياء عقب ماراحت الجازي ونوال جلست جنب نوره وهي مدنقه قالت –ماعليس منها غيرانه
نوره – عرفتي قصدها من كلمه اذ ا ما عجبتس قعده العجز ( جعل تعجز من حيلها)
هياء- ماعليس منها ولاتضيقين وتفطنين العرب فينا
نوره رفعت راسها – الصاله واسعه واجد وماحد حولنا
هياء – امشي نغايضها ونروح لهم
نوره – مانيب رايحه
هياء- صاحيه انتي بتدري انس متضايقه
نوره – ماكانت معي كذا صحيح انها مادانيني بس ماكانت تبين الاعقب خطبه اخوس
هياء تشوف جوالها وتضحك وتأشر اقري
الجازي كاتبه – تعالو الجو يجنن والكوره في ملعب النوري فتحت سالفه خطبت فهاد لنوري وهايطت على نوال عشان تعرف العمر زين
نوره فاتحه فمها – انهبلت اختس روحي انتي انا استحي ومن يجي طاري اخوس امرض
هياء ويدها على خصرها – وش تمرضين
نوره استحت – يعني اتفشل
هياءوهي تسحب يد نوره – اجل يالله
دخلو على البنات في المقلط وكانو يسولفون عن البيوت وتصميمها
الجهه اليمنى كانت نوال وبنات خالهم ومقابلتهم الجازي والهنوف ومشاعل بنت سعد في نص المقلط جمدت عظام نوره اول ماقالت الجازي
فهاد يقول احسن عشان تاخذ عروسي راحتها فحط الغرفتين غرفه وحده من داخل مع دوره مياه والشقه كل يوم هو بالينا بها
مشت نوره من دون ماتحس وكانها في حلم (عروسي )و(راحتها) وصدمت الطاوله الصغيره واشوى ماكان عليها لا فاين
فقبل ماتهاجم نوال بدت الجازي – استحت العروس ياعيني
قعدت نوره ورسمت ابتسامه باهته والتفتت على الجازي – وجدري انشالله ماتقولين لي ليه ماتمسين انتي ما تفكرين بكلامس وانا وين اودي وجهي من العرب ونفرض عييت و ماحصل نصيب كل الي هامس تحرين نوال
الجازي انتي قلتيها – انتي عييتي يعني انتي الي عفتي
بعدين تعالي وش تعين ؟؟
نوره صدت عنها حمسانه
وهدى جو المناكد شوي وقامو البنات يسولفون عادي عن التخصصات وعن الدراسه واندمجت نوره وهنوف مع عيده كانت هاديه وتستحي كثير وصوتها كان احلى شي فيها



في مجلس الرجال الشيبان متصدرين الجلسه ابو سعد وبو فالح وابو فهاد وابو تركي نسيب ابو فالح
والعيال متجمعين كلهم سيف وهذال وطلال اخو تركي يسولفون وفهاد وحمد ومبارك وسعد وفالح و تركي الجيرا ن وبعض الجماعه والقرايب
وكانو يتكلمون على اللايجارات وغلا اسعارها
كانو يتكلمون عن الغلا ولا اسهم وان كل شي ماعاد مثل اول
فهاد- انشهد كل شي غلا حتى ترميم شقتي كلف علي شي واجد وقمت اخذ من ميزانيه التاثيث عشان الترميم
ابو تركي- مشالله بتجوزون فهاد
ابو فهاد والفرحه في عيونه رد بزهو – الله الله ماعاد به صغر يابو تركي
قاموالي في المجلس يباركون
ابو تركي – من هو النسيب ياابو فهاد
ابو فهاد حط يده على ركبه اخوه ابو سعد - ابو سعد انشالله قد بناتي كلهم عند عياله وهذا حنا بنحط بنته عند ولدنا
ارتاح فهاد لانه مشى الي في راسه وحط الموضوع رسمي لا ن عمه طول في الرد وحمد الله ان سالفه شقته فتحت موضوع زواجه مثل مارسم هو بالتمام

محمد يهمس لفهاد – والله انك مصيبه
فهاد بنظره من طرف عينه – يعطيك العافيه غيره عندك شي
محمد – والله اني دريت ان كل ذا ماهوب صدفه عقب حكيك البارح مع ابوي وقلت له عجل وهو قال لك اصبر قلت ( فهيد ) بتشديد الياء تصغير فهاد
ماهوب مصبـــــــــــــــــــــــر
فهاد باابتسامه – دامك خابرني ليه تقول عني مصيييييييييييبه يعني ماهيب جديده علي

وقبل العشاء بلحظات جاهم ولد سعد عبد الله يسعى ويصايح يقول حمود ي منشق راسه وطالع دم
قامت نوره تركض وجازي وراها ودموعها في عينها لا يروح منها ولدها وطلعت في وجهها الخدامه شايله حمودي خذته نوره وسيده المطبخ ثوبه كله دم وتغسل وجهه وراسه وتسمي عليه
عبد الله راح لرياجيل وعلمهم فقام فالح عشانه راعي البيت دخل المطبخ وتراجع وعرف راعيه الطيب اول ماقالت اماني مرته عود البنات فيه التفتت نوره الا عينها في عين فالح
على طول صدت وارتخت عشان مايبان منها شي
الجازي هدت وقامت تقرى عليها مشاعل مختلعه اول ماشافت ثوب ولدها كله دم وما هقت به بيبقى لها
وعقب ماحطت نوره عويدي على الجرح وقف النزيف
وغسلت وجهه وحطته على الطاوله وهي في علم ثاني ماتدري عن الي حولها و عن عبد الله الي يشرح لها كيف طاح حمودي عن كبوت السياره وعقبها خذته لهياء
وطلعت حتى ماهدت الجازي الي متجمعين عليها البنات والعجز الي توهم يحسون باالعرب والي يسأل والي يقول ما يلزمه مستشفى ام سعد تقول دقو على العيال يدخلون البزران الي برى
ازعااااااااج طلعت للمقلط كان فاضي شنط البنات في مكانها وهي في عالم ثاني الين جاها صوت طلعها من عالمها
اماني - الظاهر ان البيت فيه ريجيل ماهوب محارم لس يوم تمشين دون برقع وطرحه
وحركه لفتس على رجل نوال واخذتيه وخليت الضعيفه الي راح عمرها تحتريه
تاكلها ما تمشي علي يعني لو تبين تلفين على فالح عشان يردس وحركات تلزق من دون ستر ماتمشي على لانه عايفس وانا اكثر وحده عارفتس شوفو وادرو ياعرب ولد عمي يبيني ورجلي الاولي يبي يردني وكلن وده اياني هذا الي انتي فيه ياحبيبتي اسمه ( عقده نقص بتعوضينها ) فنصيحه عوضيها في احد بعيد عنا ولا روحي للمصحات النفسيه ترى ماانفتحت الا لس ولشكالس يام (الرياجيـــــــــــــــــــــــل )
طلعت اماني معصبه لانها في ظنها نوره تقصد تلتقي بفالح
ونوره انهارت من البكي وانكتمت جاتها الهنوف تهزها وش فيس يالنوري
نوره – مختلعه على حمودي
الجازي – خلاص افك انا تستلمين انتي
مشاعل – والله ياعمه مااختلعت ال عليس ماهوب على امه الي حاذفته اربع وعشرين ساعه عليس
الجازي – جعل تحذفين في قلايع وادرين انشالله
ومع الوقت بدت الجلسه ترجع زي اول بس بتوتر الجازي وضيقه نوره وتقفيله اماني
صوتو للعشاء قامو البنات الانوره قالت ما اشتهي وهم رايحين يغسلون قبل يتعشون وهياء واقفه تحتري الهنوف
محمد في السياره والاشاره حمراء التفت لشيخه – اوعديني
شيخه – ابشر بالي تبي
محمد- لازعلت وضيقت عليس لاتصديني دايم وتجملي بي لين الله يفرجها
شيخه وهي تبكي بصمت – وانت سامحني
ابتسم محمد – مسموحه بس على ايش
طالعها بااستغراب- بس ترى مابه شي يستاهل دموعس
لفت شيخه الجهه الثانيه وهي تحس بشعور الضياع ياترى هي كذابه وخاينه لانها ماعلمته والاتحافظ على مستقبلها لان محمد يمكن في لحظه يرجع مثل اول وترجع للهم يارب ساعدني يارب ساعدني كانت هذي الكلمات الي كانت تمتم بها شيخه طول الطريق

واول مافضت المغاسل ولابقى غير الهنوف راحت لها هياء
الهنوف – وش فيس هيون
هياء وهي تلف ورها – نوره وش فيها ما دخلت راسي خلعتها مابكت في المطبخ وهي تغسل جرحه تبكي الحين
الهنوف – عادي يمكن متحامله لاتخلع العرب
هياء دبرت بس قالت الهنوف – ايه قبل انسى يوم جيتها كانت طالعه اماني من عندها بسرعه حتى صدمت فيني من دون ماتشوف
قالت هياء- ايييييييييييييييييييه بس
راحو البنات العشاء ورجعت هياء لنوره
وشهقت اول ماشافتها ؟؟؟؟؟؟؟؟؟


الجزء الثالث


راحو البنات العشاء ورجعت هياء لنوره
وشهقت اول ماشافتها ؟؟؟؟؟؟؟؟؟
عيونها حمره وفاتحه فمها وهي تحاول تستجمع اكبر قدر من الهواء وهي مختنقه
درت هياء انها في ازمه ربو
راحت لشنطه وطلعت بخاخاتها وعطتها اياها وكنها هدت بس ماتحسنت؟؟؟؟؟
وعلى طول ارسلت حمود لامه وقالت روح لامك قول خالتي تبيس
وعلى طول جات هياء وعلى متنها حمود – وش فيكم
هياء – الجازي تراني بروح للبيت مع نوره
الجازي- ليه
هياء – نوره تعبانه
الجازي جلست جنب نوره – سلامات ماتشوفين شر
نوره وعيونها متنفخه – الشر مايجيس 000 الجوز عطيني عباتي الي جنبس
هياء – حمد اطلع بسرعه نبي نروح البيت
حمد- ليه وش عندس؟
هياء –نوره تعبانه
حمد بخوف- وش فيها؟
هياء – ازمه ربو والحين ماعليها
حمد –بخاخاتها معها
هياء – ايه وعطيتهاياها
هياء بتردد- حمد وش رايك ناخذها الطواري؟؟؟؟
حمد بلهجه خوف- اجل اجهزي يالله انابرى
قام حمد – فمان الله ياهل الخير
سكرت هياء وهي تقول يالله حمد برى
فهاد لحقه عند باب المدخل وش فيك مرتبش وبدري على المسرى
حمد- لاابد الجماعه تعبانين بوديهم البيت
فهاد- هياء وش فيها-
حمد – لا ربعنا التعاباء
فهاد بحرج – مايشوفون شر
حرك حمد سيارته وفهاد طلع جواله دق على الجازي
فهاد- الجوز وش فيه حمد سرى ووجهه مااعجبني
الجازي – نوره جاتها ازمه
فهاد – وهي طيبه
الجازي – ماعليها وانا بدق وبنشد وبطمنك
فهاد بجمود- لا مايعتاز
الجازي – اصلا انشالله مافيها شي والطواري بيعطونها اوكسجين وبتغدي طيبه
فهادبلهجه استغراب وخوف – الطــــــــــــــــــــــــــــــــــواري
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حمد في السيب حق الطواري وهو يشوف الساعه 2044
ويقرب من هياء احد كلمس
هياء – ايه وقلت ميدها لا قالو لس شي قولي سرو بدري نوره فيها خلعه على حمودي
حمد- ازين لاني معلم العيال وقايلهم لاحد يدري من الشيبان وسعد كان بيجي هو ومبارك وحلفت عليه
هياء وهي تشوف جوالها – فديت قلبها وانا اقول وش عندها محرقه جوالي اثر ابوها معلمهم والله اني داريه ان مشاعل قلبها بياكلها على عمتها
طلع الدكتور –وطمنهم
حمد – اربها طيبه
الدكتور انشالله بخير واطلعت على ملفها لقيت الربو الي تعاني منه موسمي يعني مع تقلب الجو وفجاءه جاتها ازمه في وقت تقريبا جوه مستقر ولكن الازمه الي جاتها بسبب نفسي انفعالي لان المريض اذا حس بضيقه مصاحبه لبكى فُأن الشعب الهوائيه تضيق مما يقلل استيعابها للاواكسجين على العموم راح اصرف لها نوع من – الفونتلين- اقوى من الي تستخدمه وتستمر على جهاز البخار الكهربائي اذا رجعت الحاله ياليت تجي
حمد وهو يصافح الدكتور – الله يعطيك العافيه ماقصرت
الدكتور- الحمدالله على سلامتها وانشالله ماتحتاج تجي هنا
الساعه ثلاثه وربع
انفتح الباب بشويش ودخل حمد وهو معنز لنوره
نوره وهي ساكته طول الطريق اخيرا تكلمت
هدني حمد مافيني شي
حمد ارخى يده وخلاها
دخلو بهدؤ عشان محد يحس اول مادخلت غرفتها جاها مبارك والجازي وتطمنو عليها
وهي ولاكلمه نطقتها غير طيبه
طلع مبارك وهو ضايق
دخلت الجازي غرفتها وبعدها خذت جوالها وطلعت
دقت وعلى طول
الجازي - هي ماعليها وبخير وتوهم جاين
انا ماقدر ارفع صوتي ولدي راقد عندي ولابيه يقوم
فهاد- على خير انشالله الحمدالله على كل حال
الجازي – طيب على هونك لايطيح قلبك ياالشايب
فهاد- ماتقولين ولدس راقد ماودس عاد ترقدين
الجازي – الله الله كل ذا عشان ( الشايب) ترها هي الي قايلته
فهاد- انتي قلتيها هي وهي غييييييييير ماهوب انتي و يالله النوم في راااااااااااااااااااااسي تمسي على خير
في الصباح ماقامت وطبعا نشد عنها ابو سعد لانها ماقهوته ورقعتها الجازي انها سهرانه ومارقدت ومع ان الكذبه ماركبت مع الشايب وكنه مستغرب بس مشت
واحسن شي ان اليوم خميس يعني مافيه دوامات والبنات موجودات ورقعوها

على القهوه ام فهاد وابوفهاد ومحمد وسعود
ابو فهاد- الافهاد وش عنده ماجاء يتغداء
محمد- مدري يبه دقيت وقال مشغول ولاادري وش ذا الشغل ولونه اللبل كانو العيال معه بس توني مواجه هذال وسعد
ام فهاد – يالله على ولدك احرق قلبي على انه يعرس ويوم فرحنا وطرى العرس و استانسنا احرق قلبي بعد يوم خذى مطلقه وقدها عجوز مع جدي
ابوفهاد نزل فنجاله الي في يده وبصرامه – احمدي ربس انه بيعرس ونوره ماهيب عجوز
شيخه النسوان الاهو الي يحمد ربه كانهم وافقو
ام فهاد وهي معصبه – وش قلت؟ ان كانهم وافقو ليه ذي فيها شك؟؟
ابوفهاد بصوت عالي- اقصري الحس يامره-- ايه ان كانهم وافقوعندس مانع ولاهو بالغصب ؟
سعود يبتسم – ليه ولدس وليم و لا كروز عشان يوافقون على عماهم كانها عجوز فولدنا شايب
محمد يدري بان نوره ماهيب موافقه قال بضحكه – وازيدكم من الشعر بيت ولدس يقول مانيب ماخذ الاهي وان ماالله كتبها لي ماالله كاتب لي اعرس
ام فهاد بحده- لييييييييه ماهوب معرس الاجعلها ماتوافق وبعدين وش الي طراها له الحين ليه ماخذاها من حينها ولا الحين الهاري زانت في عينه
ابوفهاد رفع صوته – انتي ماتسمعين ؟مايبي الاهي بدال ماتقولين جعلها توافق تحرمين ولدس صدق انكم (ناقصات عقل ودين) وبنت نايف لااسمعس تحاكين فيها ولاوالله مايحصل طيب وقام وهو معصب
محمدوهو يتفنجل يبتسم وسعود ماهوب بعيد منه شافتهم ام فهاد بضيق وقامت وراء ابو فهاد
سعود رفع راسه لمحمد ولف الطوفيريه من صوبه بعد ماقامت امه – انت وش قلت ازيدس من الشعر بيت
الاكان قلت ازيد النار حطب احسن- اعنبو ابليسك بكلمه قبعتها بين الشيبان
محمد – وانت ماقصرت ان كانها عجوز فولدنا شايب بس تدري والله ياسعود انك فلته داويتهم ومد عليه الفنجال وقال اكرم يا (وليم ) وقــــــــــــــــــام من عنده

في بيت سعد
فهاد- انا ولد ابوي بس هذا الي مضيق خاطرس ابشري بعزس يابنت سعد
ندى معاقه وفهاد يرحمها ويعامله غير اخوانها عبد الله ونايف ودانه ومشاعل
ندى – والله ---بس بشرط نطلع بدون دانه
ضحك فهاد ابشري
سعد – قولي لاهنت ياخال وحبي خشمه
فهاد استاذن اخته واخذ ندى يمشيها
فهاد حبها وشلها وحط عربيتها في المرتبه الي ورى
ندى – والله اني اموت فيك ودايم احبك من اليوم وانا بلحالي
فهاد- لاضقتي قولي لهم دقو على خالي واجيس
ندى – اليوم راحت امي ودانه ونايف وانا وسيتا في البيت
فهاد- ماعليه راحو لمدرسه دانه فيها حفل وانتي بعد في المدرسه
ندى بكل برائه – انييييييييي داريه بس انا زهقت
فهاد- وش تبين نروح بعوضس من زين مدرسه دوينه
ندى – ايه صح ماهيب زينه اممممم السلام مول
فهاد – مشينا لسلام مول على بركه الله توكلنا على الله
-----------
فتحت عيونها بكسل ودايخه
طالعت الساعه الاوهي 3ونص العصر قامت وهي متروعه
وبعد ماصلت الظهر الي فاتها والعصر حست بجوع
راحت المطبخ
الجازي – النوري ماشالله حي شكلس اشلاء من البارح
النوري وهي من سمعت البارح تذكرت كل شي – مسكت راسها وقالت الحمد الله على كل حال الا الجازي الله لايغضب علينا وش قومس ماقومتيني لصلاه الظهر
الجازي فاتحه عيونها – حمودي يقول قومتها وقامت
نوره – سحبت الكرسي وحطت يدها على راسها وقالت ماذكروبسرعه رفعت راسها الجازي لايكون امي وابوي يدرون عن شي
الجازي – ابدن كل شي على حاله بس انتي لاحد نشدس قولي سهرانه
نوره – رفعت راسها الجازي ذبحني الجوع
الجازي – يخسي الجوع بنادي لوتي تحط لس شي
نوره بتعب وابتسامه باهته ماتناسب وجهها الشاحب- اهم شي حلال
الجازي – ياالخايسه جزاي بس ماعليه
الجازي واجهت هياء
الجازي – وين الخدامات
هياء اتوقع برى مع البزران
الجازي – زين بروح اناديهم وانتي شوفي نوره
هياء- قامت – هي في المطبخ
الجازي – ايه في المطبخ بس تصدقين توقعت ان مزاجها بيصير اكس بس ربي لك الحمد شوي رايقه ماهقيت والله على الاقل نسألها وش صار انا بحالي ودي اموت واعرف وش الي قلبها فجاءه سالفه ولدي ماتمشي لوقالتها
هياء – خلاص انا بروح لها والحقيني
-----
في الملاهي فهاد شايلها على متنه ولايدري ليه توسع الدنيا عليه لاسمع بحه ضحكتها ولاشرقت من الضحك
ندى وهي تشاهق – تعبت
فهاد- خلاص نروح ناكل
وهو ينزلها في عربيتهاويعدل رجيلاتها وش تبين ياالشيخه
ندى- الي تبيه
فهاد- الي تبينه
ندى وهي تضحك – الي تبيه
فهاد عرف انها تبي تراده- الي تبينه وابي ايس كريم اريو
ندى- خلاص


في مطبخ شقتها تسوي نسكافيه دخل عليها فجاءه
وفي يده اوراق وزرف بني
التفتت اختلعت محمد وش فيه وجهك
محمد- سلامه عمرس
شيخه – وش الي في يدك
محمد – وانتي وش الي في يدس
ابتسمت ابتسامه حزن تجاري فيها ابتسامته- نســــــــــــكــــــــــــــافيه
محمد- وهذا حصر لناس وناس
شيخه – جعله والله فدا النسكافيه وراعيته
محمد- يالله سويلي واحد وتعالي ابشري بالعلوم
شيخه- جايه

ابوسعد- وش بلاس يابوس تونسين شي مستوجعه من بلا؟
نوره – لاسلامتك مافيني الاالعافيه
ابوسعد- من يوم عودتي من العشاء وانتي منتي بخير
نوره طرى عليها البارح وضاقت نفسها – فديتك يايبه قلت لك مافيني شي
حمد- عـــــــــــــــــــــــين تقول ميدي هياء ازين بناتنا البارح النوري
مبارك وانت صادق - حتى انها غطت على (جياركرنا)
الجازي قومت ولدهامن حضنها بقوه وهو فيه النوم- وانت وش الي حدك على الجياكر
ضحك ابو فهاد- قال مااحرس ياذا المره دايم وانتي لهيب دافع البلا
هياء ماتت من الضحك


فلاح وهو طفران- والله مادريت قلت لس البيت بيتنا قلت اكيد مابه الابناتنا
اماني وهي تبكي – ويومك مادريت ليه يوم حطيت عينك في عينها الي ماتستحي ولابالحسره صديت
فلاح وهو يقرب منها- والي خلق البيت اني من الصدمه بعدين مره وطلقتها ونسيت ايامها وطلعت لي فجاءه انصدمت تفهمين عربي
استانست اماني من كلمته( نسيت ايامها) بس قعدت معانده
لاتضحك علي بكلمتين
فلاح – شوفي ياماني لوانها في خاطري رديتها وماخذيتس والله محد يملا ذي واشر على عينه الاانتييييييييييييي
فريحيني واستريحي مابه عند فلاح الاانتي وخلصنا من البارح ماامسيت من صجتس وبكاس كنه مذبوح لس احد
اماني وهي تناشق من غلاك

شيخه سم – احلى نسكافيه
محمد – اسلمي
شيخه – محمد وش فيه وجهك منصفق وش هي الاوراق الي معك
محمد –اوراق من الوزاره
شيخه – بس انت نادر ماتجيب اورق المدرسه للبيت
محمد –لابس هذي مهمه وبشتري لها زرف وبغلفها فيه قلت بالمره اجيبها
الاوش رايس ننزل تحت ابوي ينشد عنا
شيخه يالله بطلع لي جلابيه وبلحقك
محمد في خاطره وشلون مرت عليها سالفه الاوراق بسرعه وهو مجهز مليون تصريفه وختم تفكيره بتنهيده واتبعها بصوت عالي الحمدالله على كل حال
عقب العصر
ابو فهاد- حي الله العرب الغاطه
شيخه- الله يحيك ويبقيك
ابوفهاد- وشلونس يابوس اربس بخير
شيخه – بخير جعلك بخير
فهاد دخل عليهم – السلام عليكم – وحب على راس الشايب
الكل وعليكم السلام
ابوفهاد- وينك اليوم
فهاد- ابد تغديت عند ابو نايف ومنيره
وعقبها طلعت انا وندى امشيها
ام فهاد- الله يعينهم عليها ويصلحها
ابوفهاد- ماشالله عليها قدها مره يوم سلمنا عليها البارح تسولف
فهادبحزن – تسولف غيرمابه حكى ذاك حاله
ام فهاد – احس ان بنت جارنا تفهم اكثر منها وهي سنينتها
شيخه- ياعمه عقل ندوي بطي في نموه يعني تعطين عقلها سبع سنين وهي ام 11
بس حيها تعرف العرب وتحاكى وحالها احسن من غيرها
فهاد- اليوم ياجاني ضحك تقول ميدي خلنا نروح بس لاتروح معنا دانه
شيخه – ام لسان شكلها متهاده معها
ام فهادحطت يدها على راسها- ياوجه الله كل ذا جور وتقولون عقلها تعبان لابالله ماشالله عليها
شيخه – والله ياعمه ماشفتي الصغيره ابوها يقول صديع هي بعمرها عن عشر بزران
ام فهاد – ولاتهون ندى ياعليها صوت الله يهديها يفجر الراس
فهاد- وبنتس مالها قلب يوم دخلت لقيتها تهادها والضعيفه تبكي امها تقول اهجري والبنت تجر الصوت
شيخه- منيره الله يهديها عسره مع البزران دايم اقول لهابشويش على ندوي
ام فهاد جاتها من الله – لا بالله لاعسره ولاشي لاالبزران يطفرون بالواحد وانتي عادس بتجربين
ابوفهاد- الله كريم
محمد – يكتب ربي الي فيه الخير
ام فهاد علاقتها مع شيخه اقل من عاديه لان شيخه شرطت لها شقه الي فوق
لانها تستحي والعيال كلهم عزابيه وهذا شي مااعجب ام فهاد لاان بناتها لهم ملاحق في بيت عمهم بس دون مطابخ وشيخه شقه كامله مع ان مافيه وجه مقارنه شيخه لحالها والبيت عزابي وبنات ام فهاد خوات والبيت فيه بنات

طلع محمد واول ماطلع صوت لشيخه حتى يتدارك امه لاترمي عليها كلمه تجي على خاطرها بخصوص الحمل
محمد في السيب ويصوت - وين الجوال يامره
شيخه قامت اول ماشافته حست بتانيب الضمير وحست انها تستغفله
محمد- لايضيق خاطرس كل شي قسمه ونصيب
شيخه كل ضيقه الدنيا فيها – لابه شي يضيق الخاطر ولاشي
شيخه حبت تقلب السالفه- الا جوالك وينه
محمد مسك مخباه علامه وجوده
شيخه رفعت عيونه مستغربه
محمد يضحك – ماخبلس ياذا المره
وراح عنها وشيخه قررت في نفسها قرار وهي تدعي ربها انه يكون خير عليها

نوره تحط المعمول على الجمر وهي تبخر امها
نوره – من الي بيروح معس من البنات
ام سعد- الجازي
نوره – الله يعينس يومها كنه سنه بتزهقس لين تجهز
ام سعد- طيعيني وخاويني
نوره – قلت لس يايمه ماحب الجمعات
ام سعد – مرت راكان من عمرس ودايم تنشد عنس
نوره – وهي تعدل شيله امها تنشد عنها العافيه بس مالي بالروحه
ام سعد- على هواس
ام سعد تصوت للجازي
في الغرفه هيا تلبس حمود وامه تزيين عند المرايه
دخلت نوره
نوره – الجويزي- صداع نشالله- بتاخذينه
الجازي – فجر راسي بالصياح
نوره – وماتبتي من عقب طيحته البارح
الجازي – عندس اياه انا مالي به
نوره وهي تشل حمود- وش رايك تقعد معي وقبل لاتكمل رفس برجوله
وقعد يصيح
الجازي- يالله سكتيه
نوره – خلاص روح-- وبروح انا وسالم لدكان ووانت روح مع امك
سكت واشر علامه موافقه واتبعها
عادي روحو انا بروح جيغانا ( جيرانا)
نوره – ولاترقد معي سالم بيرقد
اول ماسمع الرقاد جرها صيحه
واخيرا بعد محاولات اقتنع
هياء- الجازي وجدري عمتي تصوت وانتي تسحبين
طلعت الجازي وهي شاله عباتها ونوره رافعه حمود

في شقتها وغرفتها بالتحديد
في غرفتها طلعت العلبه حقت الااكسسوارات وطلعت منها الحبوب وقررت ترميها
وهي تطالع العلبه اخيــــــــــــــــــــــرا رست انها ماتستخدمها لكن تحتفظ فيها تحسب لااي تغيير

وبعد ماراحو اهل البيت للعشاء جهزت نوره والعيال عشان الروحه وهي طول اليوم تهرب من سؤال البنات عن الي صار
البــــــــــــــــــــــــــــــــــــــارح
نوره وهي والخدامه وسالم والجوهره وحمود عند باب المطبخ الي يفتح على ممرالحوش وبيت الشعر قدامه طوالي بس من الجهه الخلفيه عشان يصيرالمطبخ اقرب وقت العزايم وبيت الشعر يصد بوابه الفله عن باب المطبخ واول ماطلعت سمعت صوت احد جاي وسكرت الباب
نوره – يالله فديت قلبك مشينا جاء سادو
وقف فجاءه اول ماسمع صوتها الي ماخفاه
نوره لبست عباتها وهي تمشي جمدت فجاءه في مكانها
البزران تلاحقو يسلمون على خالهم
نزل الجوهره وعلى طول رفع راسه
وش حالس يابنت نايف ؟وش حال شيبانس؟
نوره بخوف- بخير جعلك بخير
فهاد- الاالعيال وينهم ماشوف سيارتهم
نوره – مابه احد
فهاد- وينهم
نوره- معزومين عند جارنا
فهاد حب يستفزها – ويوم الشيبان ماهم فيه و العيال محد به منهم
وش مطلعس من البيت ذا الحزه؟
نوره تدري ان فهاد دايم يطرد خواته لايرحون مع كرم الدين ودايم يقول السواق يجيب مقاضي ويودي دوامات غيره مابه سواق
انقهرت منه نوره – شوري بيد (ولي) ولاحد له علي كلمه وبطلع مع البزران
فهاد بيردها لها –ماقلنا شي بس (المصخن) والي تالي الليل في (المستشفيات) ما يطلع ويتمشى (ولاهو هوال نسوان )يعني دلع نسوان
نوره – تعافيت والحمد الله ان العافيه من الله ولاهي من خلقه
دنق على حمود وحبه وحس ان وقفته غلط مع انه البزران موجودين وماطول
فهاد- في امان الله وسلمي على اهل البيت
نوره وهي تنهد– في امان الكريم
وقبل لايلف
فهاد- نوره
نوره – وش بغيت
فهاد بحده لان ردها كان حاد – لاعاد تطلعين مع السواق في اليل والي في راسس ماهــــــــــــــــوب حاصل وقبل لانسى
( اجر وعافيه وجعلها اخر الاوجاع)
وانخطف من عندها وهي عادها شارده وهو وش دخله ؟؟وش الي عرفه وش في راسي ؟ واصلا من قاله اني البارح في المستشفى البنات ايه البنات هين ياجويزي وهياء
مالت عليه ماعاد بقى الاالنذل يتدخل فيني ويتمنن بعافيتي كانه الي متكرم علي ويلوموني فيه بس ماعليه ( انا والكفن كاني وافقت عليك )
وماطلعت من تفكيرها الالين سمعت صوت السياره وسادو فتح الباب للبزران
طوا الطريق ونوره الافكار تجيبها وتوديها وماقطعها الارساله في جوالها
مشاعل مرسله رساله لنوره
عمه انتي فاضيه كلمي ابوي خليه يجيبني لكم طفشت
ابتسمت نوره وسط زحمه من افكارها ومخاوفها
طلعت للقائمه ودقت على سعد
سعد- ارحبي حيا الله الصوت وراعيه
نوره – الله يبقيه ويسلمه
سعد- وش حالس اربس بخير
نوره – بخير زان حالك
سعد- والله الي زان جوالي يابنت نايف امري
نوره -تراني بمر باخذ مشاعل
سعد- وش عند س بها ؟
نوره – ابد فديتك طفشانين واهل البيت معزومين قلنا تجي تسهر ونغير جو
سعد – على خير انشالله انا بجيبها لاتمرين وانا بعد ابيس بعلم
نوره – على خيرانشالله
نوره – اجل وداعة الله
سعد – وفي حفظ من ودعتيني
سكرت نوره وهي خايفه لايكون عشان فهاد يبيني؟؟؟
(يالله ياربي هون علي امري)
(الهم اجعل من كل ضيق لي مخرجا )
وطول الطريق والهم كاسيها
عند سياره سعود مقابل بيت ابو فالح
سعود – ماقدر انا على راعي المسوليه راعي المعارض
سيف – ااقول اهجد قبل لااشغل الشيبان عليك
سعود – لاتكفى والي يرحم والديك فكنا وارقابنا يكفي غثا الدراسه وفهاد مشتغل لي من دون الشيبان
سيف- الاصحيح وش صار على دراستك
سعود – وش صاروش الي ماصار راح لهم فهاد ودبر من عنده والا المفروض حرمان والماده على ظهري
سيف – دامك دافور وماعليك وش لك والغياب
سعود- لي يومي خبل ماغير اتبعك واتبع سهر معك
سيف – يا ليل تدري ان فهاد مكلمني يقول لي عندي لك علوم زينه
وانا خايف لايقول الجامعه قبلتك وداوم الكورس الثاني
سعود- خايف اعنبو ابليسك ماتعرف تعبر زين
احمد ربك بعدين اخوياك كلهم في سعود وخويك سند من العام مقبول
يعني احمد ربك
سيف – الخوي سند انشهد انه على اسمه ســــــــــــــــــــــــــــنـــد
سعود- الا وين ايامه ؟
سيف – قبل عشاء عمي ناصر مواجهه ويقول مواعدنا بطلعه بعد فوز الهلال يقول الجمهور مسوي دنيا وتفحيط والسيارت مصبغه ورى المزاحميه وبنروح نتفرج وتعرف التقت الهويات انا الكوره وهو التفحيط- -انت عارف لارحنا الرجال مايفحط وانا مانيب مصبغ انتفرج على خلق ربي
سعود - وش تقصد باانت عارف ؟؟
سيف عدل وقفته وبدا يتكلم بصراحه – ابد بس ماله داعي تقول لاخوك فهاد وينكبنا بنروح نتفرج (ونتفرج فقط)
سعود- افا ماهقيتها منك ولافهاد مايعدك الااخوه وقعداتك وانت خابر في بيتنا اكثر من قعده اهلك من عادك صغير ورابين سوى والتاليه يروح تفكيرك بعيد
سيف – والله اني اقدره بس ماحب احد يعاملني كني بزر
سعود – تراني يوم قلت له عن الرجال الي تعرف عليك بالااستراحه حتى هو مارتاح له وسأل عنه وطلع راعي مصايب ولاقلت له الا عشاني ذال عليك ولاني مانيب معك في الااستراحه دايم ماغير خميس وجمعه وخفت ان الخاسي يستفرد فيك ويضرك
ياولد العم
سيف وهو يحط يده على كتف سعود – انشهد ان عمي سالم ماجاب رجال جاب ذيــــــــــــــــــــــــــب

في البيت وهي تفصخ عباتها الا الهنوف في وجهها
الهنوف وهي تحب راسها- جعلني قبلس قولي تم قولي تم
نوره – هاتم بالي اقدر عليه
الهنوف – باخذ لابتوب حقس حقي في المحل ماصلح
نوره – اخذيه بس امانه ياهنوف ماتحملين عليه اغاني اخذ اثمس واثم غيرس
الهنوف – ياربي بس انا ومشاعل
نوره تاشر علامه لابيدها
الهنوف – طيب ليه
نوره – يعني انا فاالله وامان الله اضحك واسولف يمكن اصلي وانتي لحظتها تكسبيني ذنوب انا عاجزه من عمري
قربت نوره منها – شوفي هنوف حتى انا اذا اناديت البنات في التلفزيون على شي اعجبني اتحسف فانا كاسبه اثمي وعندي الي يكفيني اروح بعد الحق اثم غيري؟؟
الهنوف بضيييييييييق – خلاص

منيره وهي تمد غرشه العطر لسعد –وينك رايح له
سعد – لنوره
منيره - وليه بتاخذ مشاعل ؟
تبيها نوره والهنوف
منيره – بتعشا معنا
سعد وهو يصوت لمشاعل خلصتي- ماظنيت
منيره بتردد- وش صار على خطبه فهاد ترانا بنكمل اسبوع
سعد- مدري بس عمي ناصر يقول نوره ماتغصب على شي هذا اتلاء علم لي بالخطبه وسالفتها
منيره- بس حنا غصبنا الجازي
سعد بضيق – يعني نغصب بنتنا و نصيب جازي غير ونوره غير
منيره – وش هوبه غير ؟
الاالجازي بنت ونوره مطلقه يعني تحمد ربها تاخذ واحد مابعد اعرس والي مثلها ياخذون ارمل ولايدخلون على جاره
سعد- اقطعي واخسي مثل مانتيب مستقله اخوس حنا ماحنا بمستقلين بنتنا
ولو انها مطلقه من عشر رجاجيل ماهوب واحد بتخير في الريجيل وان بغت تشرط شرطت انتي فاهمه
منيره نبرتها فيها بكي- كل بناتنا عند اخوانك وانتم وحده ومطلقه بحب خشوم وانت خابر ان البنات ماجوزناهم بالرضى ولااذكرك وش صار بالجازي
سعد- اقصري الحس وانتي مالس شور بذا السالفه
منيره – لو علي والله لاتخير في ازين البنات بس هو الي مبلشنا ولاتبينا نشوف عمره يروح دون مره ونسكت والسبه بنتكم الي محد فيكم قدر يمشي كلمته عليها
سعد- تعقبين وتخسين والله ثم والله لوتفتحين السالفه ذي مره ثانيه مايحصل مني مايسرس وان تبطين علي حمسانه
مشــــــــــــــــــــــــــــــــــــــــــــــــ ــــــــاعل وطلع وهو يصوت لبنته والنفس ضيقه
في المقلط نوره تقهوي اخوها
سعد – وينكم رايحين له
نوره – اودي البزران السوبر ماركت
سعدنزل الفنجال ورفع راسه – شوفي يالنوري واحد من اخوياي يعرف له واحد له مدرسه خاصه لها سمعتها في التعليم الخاص وكلمته عشانس - مابيس تقعدين كذا وانتي شايفه مرت مبارك مديره بنك وهياء تداوم والهنوف مثل وانتي ان وافقتي حاكيت الرجال ولاهوب مقصر
نوره – فديتك والله يابو نايف تصدق خاطري والله اتوظف بدل قعدت البيت بس عقب مارفضت الوظيفه الرسميه ماهوب جاي اسمي الاعقب خمس سنين مافكرت تعرف حمود والشيبان جعلني ماخلامنهم مالين علي وقتي ومكفيني
سعد – وانشالله بيرزقس ربي بالي يملا وقتس
نوره سكتت بعدها تكلمت بصوت بانت فيه الضيقه – سعد انا عطيت رايي ابوي وانتهينا
سعد- لاماانتهينا
نوره والصوت وكل ماله ويتغير – ليه ماانتهينا
سعد- لأن البارح فهاد طرى قدام المعازيم ترميم شقته
وسألوه الي في المجلس قالهم عشان عرسه ويوم قلو من النسيب قال عمي سالم ابو سعد ماشفتي عمي وشلون يقولها بفخر والله لوانس شايفته والله ماتفكرين تردينه
نوره وهي تبكي – تبي تدفني بالحياء زوجني تبي تقضي علي زوجني فهاد
وقامت من عنده
سعد- وهو يفكر وتأثر من نوره وقال في خاطره والله مايهون اكسر خاطر عمي ولاارد له طلب (بس خاطــــــــــــــــــــــــــــــــر النوري دونه ارقاب )
دخلت البيت وصكت عليها باب غرفتها وجرت الملحف على وجهها

وراحت في نوبه بكـــــــــــــــــــــــاء من أي مصير ينتظرهاواي حياه تستقبلها واول مره تخاف من الايام وش مخبيه لها

مبارك دخل الغرفه وهو يحط الكيسه من دون محد يشوفه
وشاف سالم نايم وجنبه جهاز الصوت عشان لا قام سمعته الخدامه وطلع من غرفه عياله ودخل غرفته ووزع الشمع بقمه الترتيب ولااناقه ويوم خلص
اخذ جواله
مبارك – الجوز وينس فيه
الجازي- توني طالع من العشاء
مبارك – على خير
الجازي دخلت جوالها ومستغربه من مكالمه مبارك
مبارك قام يفرك ايدينه من الوناسه وقام اشعل الشموع
هياء تطق باب غرفه نوره
هياء – نوره ----- افتحي – النوري فيس شي
نوره بصوت مبحوح – لا مافيني شي
هياء- وش فيه صوتس؟
نوره – مزكومه
هياء – طيب ماتبين عشاء
نوره – لاتعشو ماابي عشاء
الجازي رقت الدرج وقبل لاتكمل نزلت وهي تصوت لهياء
الجازي – سألتيها وش فيها البارح
هياء – لا مالقيت فرصه
الجازي خلاص اجل
استانس مبارك اول ماسمع صوتها
دخلت الجازي مبتسمه
مبارك حياالله الجوز
ودخلت غرفتها وعلى طول صاااااااااااااااحت
مباااااااااااااااااااااارك
مبارك على طول جاها وش فيس
الجازي – ماسكه شمعه حرام عليك سالم راقد ومولع شمع ثاني اكسيد الكربون
في الغرفه تبي تذبح الصبي
وهي تدوربالغرفه تطفي الشمع طلع مبارك وهوضايق
وفي الليل مبارك يفكر في الي سواه
الاوالجازي تهزه مبارك انت نايم
جاء مبارك شعور حلو لانه حس انها بترضيه
شل الحاف عن وجهه والتفت لها
قامت الجازي واستقعدت
الجازي – مبارك توقع عمي ابو فالح بيسكت عقب خطبه اخوي فهاد
مبارك جاته حاله اكتأب لانه خاب ظنه
مبارك بحسره – لا حبيبتي اتوقع اني مانيب ساكت وبجيب لس عيد اذا ماخليتيني امسي وانسدح بقوه وفر المفرش ولقاها ظهره
الجازي منقهره – كل ذا حمايس عشان الشمع- - - ايه تحمس مثل البزران
بس الغلطه غلطة الي تاخذ بزران استاهل
ونامت بطريقه ماهي بعيده من طريقته
مبارك – ويستاهل البزر الي ماخذ العجوز
الجازي دايم تقول لمبارك بزر وهويقول لها عجوز بضحك بس اول مره( تجرحها الكلمه)


مر الخميس مليان احداث والجمعه مربسرعه
في الرياض وشوارعها المزدحمه يكلم في سيارته
سعد- بس تخصصها عربي
لافي- ماعليه وش يضر لو اشتغلت في شي غير تخصصها
سعد- على خير بحاكي العرب وبرد لك خبر
لافي – اجل فمان الله
سعدوهوينزل سماعه الجوال – الله يكتب الي فيه الخير

وسط زحمه البنات وهم ينزلون عباتهم ويحترون ساره وهند مكملين الشله
الهنوف – شعيل الحين لوانهم سامحين لنا جوالات كان ابرك شوفي كل يوم متفقين ذا مكانا ولانلقاهم
مشاعل – على طاري الجوال شفتي السبوع الي راح مسكو جوال مع حنان بت ابله صفيه وتوقعت يفصلونها ولاشي – تخيلي طلعت عادي لافصل ولاحاجه
الهنوف – حتى مريولها كنه ثوب عرس ماقالو شي وانا عشان كسرتين يقومون الدنيا ولايقعدونها تميز عيني عينك
مشاعل وهي تشل شنطتها – تصدقين وش قالت لي هند البارح
تقول ان رجل مديرتنا عريف عند الظابط زوج ابله صفيه عشان كذا تهاون المديره معها عشان رجل ابله صفيه يلين مع رجلها
الهنوف ويدها على خصرها – مصالح مشتركه على حسابنا يعني امسك لي واقطع لك
هند – ليييييييييش الحلا زعلان
صباحو بنات
الهنوف – أي صباح والي يرحم والديس انا بروح شكل ذيك ساره المناوبه علي اليوم
مشاعل انتي ليه ماتريحين ملايكتس كل يوم واقفه مقابله ذا الباب وتشوفين الي علينا اليوم من الي جات ومن الي غابت
الهنوف – وازيدس من الشعر بيت قبل الطوابير اشيك على الغرف عشان اتأكد من معلوماتي انتي ماتصورين الفرحه في عيــــــــــــــــون البنات لادخلنا بعد الطابور وقلت فلانه غايبه حرام تمنعيني اصنع البسمه على هاالوجيه
مشاعل – فاااااااضيه
وبعد الطابور
الهنوف توقف على الكرسي – ابله خلود غايبه
والبنات يصارخون يعني مافيه تاريخ ونااااااااااسه
وابله سلمى- قطعتها وحده من البنات وهي تحط كحل – ريحو توني شايفتها لابسه بعد احمر
البنااااات اوووووووووووووووف
الهنوف ماحب احد يتطفل على المهنه والكحل لاتدخلينه ابغاه
نكمل
ضحكو البنات على اسلوب الهنوف
ابله هيفاءءءءءء تمدها جايه
البنات بخيبه لييييييييييييييه
يعني على كبودنا
الهنوف- ماعليه ماعليه الروح خلوها راضيه اتفقنا نتقبل النشره بصدر رحب مهما كانت الااخبار كئيبه من بدايه السنه
البشاره عاااااااااااااد
ابله صفيه غايبه
البنات صدق اوووووووووه فلللللللللللللللللللللللللللللللللللللللللللله
الهنوف وهي نازله من الكرسي– ولوانها غابت بنتها معها وتمت جميلها كان ابرك
سمعتها وحده من البنات مع ان صوت الهنوف واطي
مشاعل – سمعتس صديقه حنان بنت ابله صفيه ياويلنا
الهنوف دخلها خوف بس على طول تظاهرت – وتعلم كيفها وهي الي بدت تحط راسها براسي وتنقل حكي عني مالت عليها ويوم طردتني ابله لاادب مابقى احد ماعلمته


في بيت ابو فالح
ام فالح – ارتحت الحين طردت طلال يوم جاء يخطب عشان فهاد وهذي هي التاليه
ابو فالح – نصيب
ام فالح – ماقلنا شي بس بعد مايصير نسكت
قطعهم دخول فالح المفاجئ – ليه نسكت يايمه ومن قال ان حنا بنسكت
ابوفالح – تبيني احارب اخواني عشان عرس لا والله الي ماسويتها
فالح – ومن قالك تحاربهم ولاتقطعهم لاحنا محاربين احد ولاحنا قاطعين احد
بس سعـــــــــــــود ماحنا بمجوزينه بشايـــــــــــــــــــــــر
سكتو ام فالح وابو فالح
لانهم ماتوقعو ان فالح راح يخلط الامور ويدخل في السالفه اطراف مالها ناقه ولاجمل في كل الي صار بس عشان يصير لهم موقف من بيت عمهــــــــــــــــــــــــــــــــــــــــــــــم




الجزء الرابع

قطعهم دخول فالح المفاجئ – ليه نسكت يايمه ومن قال ان حنا نسكت
ابوفالح – تبيني احارب اخواني عشان عرس لا والله الي ماسويتها
فالح – ومن قالك تحاربهم ولاتقطعهم لاحنا محاربين احد ولاحنا قاطعين احد
بس سعود ماحنا بمجوزينه بشايـــــــــــــــــــــــر
سكتو ام فالح وابو فالح
لانهم ماتوقعو ان فالح راح يخلط الامور ويدخل في السالفه اطراف مالها ناقه ولاجمل في كل الي صار بس عشان يصير لهم موقف من بيت عمهــــــــــــــــــــــــــــــــــــــــــــــم
نوال الي كانت تسمع كل شي وهي تعدل وصله dsl
صحيح انها انظلمت بجزء من السالفه وزعلت على مصير اختها الي ماتدري وش يكون بس جاها شعور فرحه ان حقها( بينوخـــــــــــذ لهــــــــــــــــــا)!!!!

فتحت نوره الابتوب وهي تمر على الااقسام لفت نظرها توقيع احد الااعضاء
من الصعب ان نتأُلم ممـــــن نحب ومن الصعب ان نحب من يؤلمنــــــــا

ولفت الجهاز عنها وسافرت لذكريات بعيده
كانت مستانسه – فالح يالله ماتقول بنطلع اليوم
فالح وهو مرتبك – وش رايس نأجلها
نوره بخوف - ليش
شوفي نوره فيه موضوع ابغى احاكيس فيه
نوره وهي تنزل عباتها اول ماشافت فالح نزل شماغه- وقعدت عى السرير مقابل فالح
فالح – وش فيه خير صبيت قلبي
فالح حط يده على راسه بعدها رفع راسه
نوره دموعها غرقت خدها بطريقه صامته – وهي تقرب عنده فالح اهلي فيهم شي قول تكفى اناداريه ان فيه شي بس علمني طالبتك
وقعدت تصيح وتمتم بكلام ماهوب مفهوم
فالح على طول رفعها – والله العظيم مافيهم شي ونوره للحين تصيح
فالح – طيب انتي شوفي وجهي هذا وجه احد جاري على اهله شي لاسمح الله
نوره – هدت شوي واسترسلت طيب وش كنت تبي
قام عنها فالح – وطالع فيها بااستغراب موضوع كنت بتكلم لس فيه
نوره – بخصوص وش
فالح - شوفي شكلس يصلح نتناقش الحين وانتي كذا - لاهديتي قلت لس
كانت تذكر وشلون فالح الي تحبه يعامله بجفاء في ظروف صعبه وخاصه بعد تسقيطها الي بطنها!!!!!!!!! معاملته الي صحيح ماضرها فيها لكن الااكيد ماحبها فيها كثر ماتحبه

هذال – الله يهديك طيب ليه التأجيل وانت تشوف الوقت يسرقنا؟
فهاد- عندي دوام بكره ولابغيت مشاويري بخليها عقب الدوام
هذال – من قرب المسافه
فهاد- يابن الحلال خلصت اجازتي بس باخذ رخص بكره عقب الدوام بروح معك وباخذ رخصه يوم ولا يومين الا بنشدك اجازتك يالشيخ متى تخلص
هذال – قل اعوذ برب الفلق تراني شاك انك نظول
فهاد- وش انظلك عليه الي مثلنا ياخذون اجازات يسافرون (يعرســـــــــون) حنا ناخذ عشان نكرف
هذال – أي والله انك صادق
فهاد- لاتفتر تراني اقولها كذا وانت على طول صدقت
هذال – تعبنا والجو كل ماله ويبرد زود
فهاد- اما انا عني اسعد ماجاني ضرب الطريق والسحاب قدام عيني يختال
هذال – الله الله بدا الشاعر
فهاد- هانت يارجال وزانت انشالله
هذال- قبل لاانسى ابوي يقول تعالو مع الشايب ذ اليل
فهاد اسعد ماجاه وخاصه انه يبي يشوف نوره - على خير انشالله

في العصر في بيت سعد
مشاعل – والله يايبه ماجاك الاالصحيح
سعد- وتهاون في امانه بتنسأل عنها عشان مصالح زوجها
مشاعل – أي والي قاهرني متوليه الهنوف وبنتها ماتطيقنا بعيشه الله
الحمدالله ان المدرسه مدرسه ابو متعب هذي لوانا في حلالها كان طردتنا
سعدضحك- ماشالله ذا حكي الهنوف ماهوب حكيس وعلى طاري الهنيف بروح لهم كانس تبين المراح تجهزي وقولي للخدامه تجهز ندوي هياء ونوره ينشدون عنها وشوفي امس اذا بتخاوينا بصرها
دخلت منيره وهي مبتسمه
منيره- مشاعل شوفي ندوي تصارخ ودوينه عندها
مشاعل درت انها تصريفه فقامت على طول
منيره – وش فيك تراك من امس ماتحاكيني
سعد- مادري عنس ؟ ماذكرتي من البارح الاالحكي الي قلته طيب تمي جميلس واذكري انــــــــــــــــــــــتي وش قلتي
منيره – قل لااله الا الله يابو نايف
سعد تنهد – حق
منيره وهي تعدل جلستها – طيب انا ماضقت الا عشان السالفه طالت وهي ماهيب طويله وانت خابر بناتنا ماشاورناهم
سعد- يعني بنرجع نقول الحكي الي الي قلناه البارح
منيره – بعدين مادري حاسه ان بيكون خير
سعد –الله يسر الي فيه بركه وخــــــــــــــيره

هذال وهو عند باب بيت عمه طق الباب
سلمى – من عند الباب
هذال – هذال
سلمى طار قلبها من سمعت صوته
سلمى- العيال ماهم فيه
هذال – وينهم
سلمى – سيف مع سعودوفالح مدري وينه وابوي في المعارض
هذال – متى يعودون
سلمى – مدري والله
هذال – طيب انتي من من البنات
سلمى بحياء – انا سلمى
هذال ندم على سؤاله لانه توقع تكون نوال فحب يسلم عليها لانها كاسره خاطره بعد الي صار – ارتبك وعلى طول بادرها وش حالكم
سلمى – بخير زان حلك
هذال – شوفي لي وين مسير الرواتب العمال فيه عشان بدفع لرعيان رواتبهم وبروح وراي للبر
سلمى – على خير ا جل دونك بيت الشعر وبروح ادوره
دخل هذال وهويتنحنح0000 ياولد000
طارت سلمى للمقلط وهي تخبص الاوراق الي في درج التلفزيون تدور ملف المسير حق العمال
دخلت امها من الي جاء
سلمى – قصدس من الي بيت الشعر
ام فالح بااستغرب من ؟؟
سلمى – هذال يايمه
ام فالح –وش عنده اخو االنوري
سلمى بطفر- فكوا لنوري يايمه وهي مشغوله وتحوس بالاوراق يبي اوراق العمال عشان رواتبهم روحي سلمي عليه لين القاها
راحت ام فالح
واما سلمى الملف كان في يدهـــــــــــــــــا من اليوم بس تحتري امها تروح عشان هي الي توديــــــــــــــــــــــــــــــه
وطلعت وهي بس تسمع صوته وسارحه بطريقه كلامه
ام فالح عقب ماسلمت عليه قعدت تنشد عن المزاين

ام فالح – واربكم لقيتو مكان (ن)في ذا الزحمه وارب المخيمات وتجهيزات ماكلفت واجد ولا لحقها الغلا الي جانا ؟
هذال- المكان والله ماعليه والااسعار ياخاله بيوم وليله طارت كنا نشتري الحطب من دون ام رقيبه ايام التجهيز وسعره زين ماخذينا يومين الاواندبلت اسعارها ولحق الغلا الاماكن الي قريبه من المزاين حتى ام الجماحم ( منطقه قريبه من ام رقيبه) العرب مدري وش جاهم ياخاله يوم خذينا الاواهل قطر منكبين واهل الامارات مثل يوم شفنا الناس عرفنا مارفعوها من فراغ
سلمى انتبهت على نفسها طولت وهي تسمع لوتقعد كذا بيروح اليوم كله ماشبعت من صوته ولاجاه المسير وقعدت اتطالع الاورق وهي تقول
ياحظس ياحظس بعد شوي بتصيرين بين ايديه – وهي عند الباب تصوت
سمع صوتها هذال واوجعه قلبه ويوم قامت ام فالح نطق بهمس
وش ذنبـــــــــــــها وش ذنبها؟

هياء وهي ترفع صوتها – يعني تبي تعلمني ان ماعندك غيرها
حمد– اقصري صوتس اعنبو ابليسس فضحتينا
هياء- يعني تدري ا ن الي مسويه فضيحه
جاها على طول – أي فضيحه ؟ ان اعطيس على قد ماعطاني الله تقولين فضيحه
اسمعي هذي عبري نفس بها
لين يجي الراتب
هياء- صدق والله كلفت على عمرك واجد
حمد- اجل ابرضيس اروح اسرق ولااتدين
هياء بطفش – يعني وش السواة واذا قرروعلى السفره وش بنسوي
حمد- بيفرجها الله ومدري وين طلعولي بسفر حزه دوامات
هياء- انت ماشفت الجازي مبارك وش شاري لها وهي وش مقضيه لي
حمد دنق ثم رفع راسه وتكلم بطريقه قل حيله – شوفي مبارك وظيفته احسن مني واختس بعد متوظفه وفاتحه الله عليهم من اوسع ابوابه اما انا على باب الله – صحيح ساكنين احسن شقه وناكل من خير ذا البيت خدامه وحالنا يارب لك الحمد بس دواخل الامور محد يدري بها الحين راتبي يشيل جوالس وجوالي والخدامه وفواتير البيت بما ان مبارك عليه المقاضي ومصروفس ومصروف الصغيره وعطيه امي الرتب لك الحمد زين بس الالتزامات واجد فهمتي ولا اشرح لس من جديد؟

وبعدين ذكريني ابيس في موضوع تحاكين به نوره 00000


فتحت الباب على البنات وهي ترنم وتغنـــــــــــــي
بعدين سكتت وقالت – الانوال وش ذاك البيت الي يقول
رد علي بدافي الصوت لااموت 0000وش بعدها
نوال- وبشاير واماني فاتحين عيونهم
انسدحت ثم قامت بسرعه – ايه ايه تذكرته
رد علي بدافي الصــــــوت لاامـــــــــوت صوتـــك يحرك الااحساس فيني
رد قبل تلفي عليك الروح في تابــــــــوت ولابه شي غير صوتـــك يحييني
اماني – هييه هيييييه انتي وش فيس من بطلتي الباب وانتي تغنين ثم سكتي وبعدها قصايد كنس جايه من موعد غرامي ( اماني فيها لكنه من اهل الدمام عشان اهلها)
سلمى وهي تنسدح على سرير نوال – وش دراس؟؟؟؟؟؟؟؟
البنات يطالعون بعض مستغربين والدهشــــــــــــــه كانت سيده الموقف


سيف- دريت يالشيخ فهاد قالي ان اوراقي انقبلت في قسم دبلوم حاسب وان افلحت بمعدل زين وماظنيت – بيخلوني اتوظف في الكليه ثم عقبها يعطوني بعثه 6 شهور خارج المملكه
سعود- شوف على كلام محمد بما انه في سلك التعليم يقول الشهاده عاديه لكن اذا شد حيله وتعين في الكليه خير واجد لانه بيطلع بعثه وبيدخل سلك وظيفي لكن اذ ا ماش فمثل ماقال المعاهد الخاصه اكثر ماكثر الله فيها حاسب وشهادتك بيطلع حالها حال غيرها فااعرف لعمرك وشد حيلك مع الريجيل
سيف – الله الله كل ذا وعظ ياخي يفرج الله بعدين افلحت زين ماافلحت ازين وازين !!!!!!!!
سعود- اعنبو ابليسك كم مره قايل لك نقي كلامك احد يقول اذا ماافلحت ازين
سيف – لانك والله مادريت ابوي يوم علمه سياده المقدم اخوك تدري وش قال
قال ياطويل العمر أي والله العلم الزين يعني على سنتين الاوحنا مجوزينه لاتوظف والصدمه تخيل من( الصديع)- ماغيرها
ا م لســـــــــــــــــــــــــــــــانـــــــــيــــن –الهنوف!!!!!!!

نوره – بسم الله وانتي وش دراس
نوف – هياء كانت تقول لي انس كنتي تعبانه صحيح ماعطتني تفاصيل بس ادق كل يوم عليها اسأل عنس
نوره – اجل بيحي مني وانا اليوم الي اقول للجازي مانشدت عني ولاسألت
نوف- ظن السوء جاهز ه فيه
نوره – حرام عليس بس عمرس ماغطيتي عني مثل كذا لا وارسايل واضح انه ذي تدري بكل شي ف خاطري اقول يالبى قلبها نويفه حاسه فيني وماعلمتها بشي وانا الفقيره على نياتي ماديت ان العلوم كلها في مخباس
نوف – تصدقين استانست يانوره وتكدرت استانست لانس اخيرا بتعيشين لنفسس وبتهتمين بااحوالس وتكدرت عشان الي جاء ماهوب في الخاطر
نوره – وش اقول يانوف عمري مااغتميت مثل كذا ولاجاني هم مثل الي انا فيه وكلمه اماني بمــــــــــــــــــوت يانوف و هي في خاطري
نوف – يالله تفاصيل الاخبار بماأن موجز النشره عندي
وبدت نوره تبث كل مافي خاطره لنوف لانها ماتقدر تقول شي للجازي وهياء لانهم خواته والهنوف توها على ذا السوالف ومالها غير الله ثم نوف

هياء وهي على سجادتها – لاتحرجني مع نوره
حمد- تبيني اقولها انا صاحيه عشان لاقالت شي لاني جايب الاولي والتالي معها واهل البيت كلهم يحتمون عشان زعلها وانتي اخبر الناس نوره ماعرف اتعامل معها نفس طينتي انا حار وهي حاره
هياء وهي تلف السجاده – طيب قول لخالتي
حمد – امي ماهيب قايلته لانها ماراح توافق اكيد
هياء بزفره – والهنوف
حمد- انتي انهبلتي اقول للبزر ولابعد مواضيع كبار
هياء قامت تسفط سجادتها – شاسوي فيك احاول ابعد نفسي عن السالفه –شوف باحاول بس مااوعدك

شيخه قاعده ترتب الغرفه وشافت الزرف حقه وطلعته على الكوميدنا وركزته لان محمد قال اباخذه للمدرسه فطلعته عشان يشوفه وياخذه بكره معه لانها اعتقدت انه نساه
دخل محمد شقته وهو يفصخ غترته على الكنب- شيوخ وينس
شيخه – محمد انا في الغرفه تعال
دخل محمد – يالله تجهزي بتروحين ذا اليل عند اهلس بيروح فهاد وابوي
شيخه تغير وجهها– يا الله من زمان مارحت لبيت اهلي
محمد وش فيس تقولينها بدون نفس
شيخه – ابد عادي بس تعال وش عندهم عمي وفهاد بيرحون معنا
ضحك محمد بقوه – يابنت الحلال كل ذا ذل ابوي وفهاد رايحين ماهوب عشان الي في بالس وريحي النوري العرب منشغلين باالمزاين وبعدين ليه بيرحون معنا حنا الي بنروح معهم لان عمي هو الي عازمه يعني العزيمه لابوي ماهيب لنا
زفرت شيخه براحه ---
محمد – توقعتس تحت عند امي
واول ماجات شيخه بترد عليه وبتقوله انها بنتزل وتأخرت عشان الملابس
وقبل لاتكلم000000 طاحت عين محمد على الزرف
محمد قام للكمودينا وصوته عالي – هذا وش طلعه من مكانه ؟ وهو ماسك الزرف
شيخه بخوف – قلت بتاخذه معك المدرسه ولاخذيته قلت اكيد نسيت فطلعته وركزته على الطاوله عشان بكره ماتنساه وتاخذه لاشفته
محمد – لاعاد اشوفس تمدين يدس على اغراضي واورق شغلي كسرت يدس
شيخه رافعه صوتها والعبره شارقه فيها – انا مامديت يدي على شي انت تقول اوراق ضروريه فطلعتها لك
محمد- والله زين تسمعين الكلام اجل اضيفي لضروريه انها اورااااااق خاااااصه
فهمتي ولا لا
طلعت شيخه وهي بين الحزن واليأس على حياة كل ماقالت انها بتعدل مالــــــــــت وكل ماقالت انها بتزين شانــــــــــــــــــــــــــــــــت


دخل سعد البيت ومعه مشاعل وبنته ندوي
سعد – ياهل البيت ياعرب
مشاعل سيده لغرفه الهنوف بعد ماسلمت على عمانها
الجازي وهي لابسه جلالهاوبرقعها – ارحب يابو نايف يالله حيه
سعد – الله يبقيس ويحييس الا العرب خاشعه وينهم
الجازي – مجتمعين عند الشيبان والبنت اطيب من ابوها سلمت وانصفقت على وجهها
دخل سعد المقلط وهو يقول ماشاالله جامعه الامم العربيه بقياده عمرو موسى
ضحكو العيال
ابو سعد – حي الله المقبل
هياء اول ماشافت ندوي خذتها لنوره
وهياء ونوره يموتون عليها وعلى سوالفها وخاصه هداتها مع اختها الصغيره

مبارك – جيت في وقتك يابو نايف
سعد – خير وش عندكم
حمد- العرب وقت دوامات يبون يرحون
سعد- وين
ابو سعد – انا خاطري والعجوز في مكه والبنات يبون الشرقيه
سعد- مافيه وقت متى ؟
مبارك- يقولون يمشون الثلاثاء ونعود الجمعه يعني يغيبون يوم واحد
سعد- والله اني ماادري بس وش الي طراها
ابو سعد- العرب يشكون يقولون في عطله العيد صكيتو علينا وانشغلتو في نقل اللبل وهملتونا وقلنا نمشيهم و نغير جو بعد
سعد- طيب وش صملتو عليه
الاوالهنوف ومشاعل جايين وحده يمين الشايب والثانيه يساره
الشرقيه ولاغير الشرقيه
حمد لمبارك- شفت وين جلسوالعوبات يمين القوه ويسارها يعرفون يحصلون مايبون صدق نسوان
سعد – انا اقول ان كان به روحه فهي مكه بيت الله ابرك
الهنوف – ماقلنا شي بيت الله ابرك من كل شي وحنا قد اعتمرنا في الصيف بس ماتمشينا
دخلت نوره وهياء وسلمت نوره على سعد وفيها شي متغير
الجازي تغمز لهياء الي جلست جنبها – نوري وجهها ضاوي عساه دوم
هياء في خاطرها – الله يستر مايتغير مزاجها بعد مااعلمها وش قال حمد الله يستر
نوره – اذا بتخايلون رايي مكه والله اصرف
الهنوف – طيب مكه رحنا لها بس الشرقيه مارحنا
نوره – لاحد يسمعس شرقيه في ذا البراد وعلى السبوع الجاي بنبرد زياده
الهنوف و مشاعل كل وحده وجهها منقلب
مبارك – انا خاطري الشرقيه وهو يغمز للجازي
قامت جازي وقالت طوالي والله ان نوره صادقه بيت ربي اصرف
انقهر منها مبارك
سعد- وانت ياحمد
حمد- ان كان به مراح مكه انشالله
الهنوف – يالبى قلبك يابروك
مبارك – المصالح لبى قلبها ياام لسانين
مشاعل – طيب اخذو السالفه من منظور عدل حنا اعتمرنا بس ماتمشينا من عقب الصيف وحنا حكره
سعد- اذكرو الله وش رايكم نحطها تمشيه وعمره
الهنوف بعدم اقتناع – وشلون ؟؟؟
سعد- بعد اذنك يايبه يعني نعتمر مع بيت عمي سالم وناصر منها نتمشى ومنها اعتمرنا
الراي كان دبولماسي لكن فيه المعارض وفيه المؤيد
واول المعارضيـــــــــــــــــــــــــــــــــن نوره !!!!!!


اماني – وشلون يعني وش دراس ؟؟؟؟
استقعدت سلمى- يعني قابلت هذال يوم شافت ملامح البنات تغيرت
قالت بسرعه يعني ماقابلته جاء البيت يسأل عن اوراق
نوال – وجاء هذال خير ياطير تختبصين كذا
سلمى – وشلون اقولس!!!!! تدرين عااااارف صوتي وسوى حركه يعنني مااعرفس بس يبيني اتحاكى فدييييييييييييييته والله
تدرون صديقاتي يحترون المزاين متى تبثه الساحه عشان يشوفون هذال
انشهد ان المزاين بيتبارك لاحل به الغالي
وطلعت عنهم وهي ترنم
اماني وهي تشوف سلمى – الله يستر لايسوي سوات فهاد ويهملها والله ان تنهبل
نوال- عيدي وش قلتي ؟؟ انس ماتدرين وش سوى فالح انشهد انه برد كبدي
اماني – وش صار
راحت نوال تقول لااماني كل الي سمعته من فالح والي صار كله

مبارك – طيب الدنيا دوامات ويمكن محد حولنا
سعد- كل ابوها يوم من صلح له الوضع حياه الله والي ماجاز له المقابيل واجد ولاوش رايك يايبه؟
ابو سعد- والله يابوك ماهيب شينه وبنشوف الشيبان وابوفهاد ذا اليل بيتعشى معنا وبنحسب الامور
الله اكبر 000الله اكبر
العيال كلهم – الله اكبر
ابوسعد – مرحبا بداعي ربي الهمام ياعيال نلحق الصلاه
طبعا مافيه مجال ياخذون راي احد
دخلت ام سعد الي كانت عند الجيران – وعلى طول نطو في حلقها البنات عشان تصير مثل مايقولون عضو فعال ويبون يقنعونها بالشرقيه لكن لاحياة لمن تنادي لان العجوز خاطره مكه
حمد وهو طالع من المسجد – وين هذال
مبارك- راح ياخذ مسير الرواتب عند عمي ناصر
حمد- وش رايك بسالفه السفره الي طلعوبها ؟؟
مبارك – والله هي زينه شينه (زينه ) لان العرب مالومهم ماطلعو من زمان ونغير جو الروتين والدوامات شوي وكلها يوم واحد يمشون الثلاثاء ويرجعون الجمعه وشينه لان العرب اختلفو يعني به ناس بتعجبهم الطلعه وناس ماهيب معجبتهم لين حنا بدال ماحنا بنوسع بخاطرهم بندبل كبودهم انا ماقصداختلافهم على مكه والشرقيه كلها انشالله بيستانسون فيها
انا قصــــــــــــــــدي روحة بيت عماني معنا
حمد فهم مبارك وش يرمي له وفهم انه يقصد نــــــــوره بالحكي
الجـــــــــــــــــــــــزء الخامـــــــــــــــــــــــــــس


نوره في المطبخ تطلع جبن كيري وكاس شاهي لها
واول ماقعدت الا والجازي داخله ومعها رضاعه ولدها وتصوت على الخدامه
نوره – تراس ازعجتيني – الا بقولس وش رايس في الي قالوه اليوم عن مراحنا؟؟
الجازي وهي تمد الرضاعه على الخدامه وتقعد قدام نوره
الجازي – ابد بيني وبينس خاطري اروح مع اهلي واستانست انهم قالو بنروح سوى بس شان خاطري عشان اكيد لاراحو اهلي بيرحون بيت عمي ناصر وانا مالي بشوف الساحرات الثلاث !!!!!!
نوره بااستغراب – وش ساحرته الله لا يبلانا ويرفع عنا ؟
الجازي وهي تمد يدها على الكيري – ام فالح واماني ونول ؟
نوره تبتسم – الله يقطع ابليسس الحين ماتستحين تقولين على عجوزكبر امس ساحره ؟
الجازي – وش تبيني اقول حمامه سلام ؟!!!!
نوره – ترى حنا في نظرهم مانخاف الله وانا الي خربت عيشتهم وانا مالي بكل الي يصير ؟ وبيت عمي سالم ظالمين و ضيعو عمر البنت؟ اخذي السالفه من منظورهم شوي وبتهونين
الجازي وهي رافعه حاجبها– يعني لهم كل الحق في الي يقولونه ويسوونه وخاصه الي صار في العشاء ؟
نوره منصــــــــــــدمه!! من الجازي
الجازي –لا تفتحين عينس فيني السالفه الي انتي خاشتها عنا امانيوه ا تباهى بها عند الجمايع ومنهم خوالي وتقول انا الي وقفت الي ما تستحي عند حدها ونشرت سالفه شوفه فالح لس !!!!!
الجازي سكتت اول ماشافت نوره تجمعت في عينها الدموع وبحور الالم في عينها مابين مد وجزر وحز في خاطرها انها اول اليوم نفسيتها زينه وانقلبت على طول وكأن خدها حالف انه اول مايجف يرجع تبلله الدموع

في الااستراحه وفي جو ثاااااني بعيدعن الشله
سيف – ياخي خلها على الله0000 عرس وقالو بتعرس- قلت شيبانك ياسيف ولاتردهم قالو عقب الوظيفه المره على راسك -قلت يبون يشوفون ذري ولاتقطع رجاهم- مدري وشهم مستعجلين عليه شوف العنز وتحلب لبن يعني جيكر وش بينتج اكيد جيكر(هيه تراني زين بس هذا بعض من تواضعي لاايغرك كلامي)
لكن توصل انهم يحددون ماعادلها محل 0000 مالقو الاهي 00هـــــــــــــــــي 00هي ياسند
سند ويرتكي المركى ويلقي وجهه السماء – يمكن لك خيره ماتدري ياخوك هذا انا اموت في تراب بنت خالتي ولاطرو اسمها سند لاعاد تمسكه ارض ولاعاد توسعه سماء والتاليه اول ماخطبت وعيت انصدمت وليته ابلعت النعمه ولا قالت شي
الاجابت العيد
( مستحيل اخذ اخوكم المعقـــــــــــــــــــــــــد) تشوفني اطرد البنات من اشياء ماتصلح لهم مثل روحه سوق بلحالهم ودش في غرفتهم ومثلك خابر
ومااكره نفسي الا اذا قدها عندنا اشتري للبنات الي تبيه واهم شي كلهم عصير فنتو فرواله حتى ان البنات يعلقون علي يقولون عشانها كل شي تحبه اجيبه لهم والتاليه
وش طلعت به طلعت بمعقد
سيف توجع لحال خويه واستطرد يطلعه من الجو – الابسألك انت وشلون تحب وحده ذوقها فنتــــــــــــــــــــــو ؟؟؟؟؟؟؟؟؟؟؟؟؟
نطل سند العقال على سيف الي انفجر ضحك ماهوب من سند ونطلته العقال الا من فكره الهنوف الملسونه وش تحب وضحك لما جاء في باله شي يناسب طوالة لسانها
_بـــــــــــــــــــــاااااااايســـــــــــــــــ ــــــــــــــــــــــون!!!!!


في المقلط تقهوي ابو فهاد
ام فهاد- بتروح ذاليل لعشاء ابو سعد

ابو فهاد – انشالله بتخاويني حياس ومنها تشوفين البنات
ام فهاد بضيق- البنات بيجوني انشالله وماني مبطيه منهم الا مالي بشوفه اهل البيت
ابو فهاد بعصبيه – الظاهر انس ماعاد تحسبين لحكيس يامره ؟
ام فهاد – الااحسب لحكي يومني ام توجع من حال عيالها الكبير ماعرس ويوم اكرمه الله وقال زوجوني طرى نويران والثاني عنده اختها ولابه شمس تشرق ولاسحابه تمطر- للحين وهي ماحملت والصغيريقول مانيب معرس لين اتوظف واعرس من تعبي مثل فهاد وراح العمر ياسالم وحنا عيال عيالنا ماشفناهم سرقنا العمريابو فهاد وعيال عيالنا ماكحلنا العين بشوفهم
ودنقت ام فهاد تمسح دموعها بطرف شيلتها!!!!!!
ضاق خاطر سالم وقام من المقعد حتى من دون مايهادها على حكيها الي قالته عن بيــــــــــــــــــــــــــــت اخــــــــــــــــــــــــــوه00000وكأنها على حق !!!!!


منيره – دوينه وش انتي مسويه
دانه وهي تأشر على ندى هي والله00 هي الي تحسربي؟
ندى – كذابه تقول ميدي ابوي يقول لاراحت ندى مع خالي بوديس واشتري لس احسن من ندى لييييييييييييه ؟ وجرتها صياح
منيره وهي تحب ندى ماعليس كلنا بنوديكم وانتي الي تبينه قوليه وخالس بيسويه لس ماهوب قايل لابغت (ندى الورد )شي دقو علي خلاص ابشري بعزسس لادق عليه وش تبين بس اسكتيييييييييييي 00000
دانه وهي تصيح – ايييييييييه كلكم تحبونها اكثر مني حتى خالتي هياء وعمتي نوره يحبونها اكثر مني لييييييه عشانها ماتمشي - ليتني ماامشي- جعلني ماامشي وجعلني مااشوف- ولااسمع- عشان تحبوني مثلهـــــــــــــــــا
منيره وهي تصفق بكفها من بنتها العوباء وغيرتها من اختها الكبيره
(يالله الخيــــــــــــــــــــره بتهبل بي ذا الصغيره)


هياء تقلب في دفتر تحضيرها وتحاشى حمد
حمد- قلتي لنوره شــــــــــي
هياء – لا
حمدوهو يسوي الكبك حق كمه ويلف عليها – وليه لا؟؟؟
هياء- مدري احسها صعبه والكلام يجرح اكثر من انه يعدل وضع ؟
حمد- لاوالله يجرح -ويعدل وضع وهـــــــــــــــــــي الموقف الي خلنتا فيه و هو ؟
مايجرح وليته يجرح الايوطي الرأس عند العرب ويغسل الوجه عند عمي وولده الي نست سواتهم يوم جوزوالجازي لمبارك وهوحاله حال وهملو غيره ولاعبرت العرب الي يباركون لي كل يوم ولااهتمت بالعشاء والعلم قده قدام العرب وفرحه عمي من عيونه يوم طرى فهاد العرس ؟ اذا هم مطاوعينها انا لا والحكي الي قلت قوليه لها ولا وصلته بطريقتي وتحملي ذنب أي شي يصير بيني وبينها
وطلع والجن راكبته والشياطين على راسه من نوره وتصرفها والي قاهره ردة فعل ابوه وسعد من موقف نوره000

نوره انخنقت وتشوف الدنيا ضاقت فيها قامت من الضيقه تشغل كل انوارالغرفه من الخنقه تحس انها مظلمه
وهي قاعده تقراء سوره يس
دخلت عليها هياء اول ماشافت هياء ماقدرت تمسك عبرتها من فشيلتها من حكي اماني عند خوال البنات
هياء – نوره وش فيها انوار الغرفه مشغله كلها وليه فاتحه الدريشه كلها براد
نوره وهي تسكر المصحف وعيونها متنفخه وتربعت – اذا على الانوار احس ان الدنيا مظلمه فشغلت الانوار( والظلمه ماهيب في المكان في عيني )والدريشه حسيت انها كتمه وفتحتها( والكتمه ماهوب في المحل الافي صدري )
هياء بحزن – لذا الدرجه ماتبينه والله ماعرفتيه زين
نوره – واذا قلت لس وبدون زعل اني ماابيه لاني( اكثر وحده عارفته )؟؟؟
هياء ظهر عليها خجل وخوف واضح خلا نوره تقوم من السجاده وترفع المصحف وتقرب من هياء – هياء فيه شي ؟ مضايقس حمد بشي؟
هياء هنا كان ودها ان حمد ذبحها ولاحطها في ذا الموقف
ابد ابد مابه شي وطلعت منها
نوره استغربت منها ولاتطمنت 0000000نهائيا


هذال – وهو يفتح الباب ويطالع فيها احد ولا لا ويرجع يصكه
اعنبو ابليسس ماتهجدين استحي انا الحين اسود وجه وراعي علوم رديه
الهنوف وهي ترفع الصوت زياده – اييييييه اجل راعي بياض وجه
هذال وهويحط يده على فمها – افهمي وبعدين احكمي
الهنوف – وش دراك سمعني الحين
هذال – كنت في السيب حق عمي واعدل شماغي في المنظره وانتي خابره بيت عمي ابوفالح السيب حق الرجال الباب المقسم مابينه وبين النسون شي وانا اتعدل سمعت صوتها صوتها سكن وهو يأشر على اذونه لدرجه ماقدرت امشي بس تذكرت انهم ضيفان استحيت ومشيت مشيت غصب عني يالهنوف
الهنوف تصارخ – تراني صدقتك يالشيخ اجل وش دراك بلبسها يوم تنشد عنها
اكيييييييييييييييييييييد شفتها
هذال وهوينط عليها –انا والله ماشفتها( ماشفتهـــــــــــــا حسبي عليس )
الهنوف بعصبيه – اجل وشلون تنشد عن راعيه البس
هذال – لان الي معها عيرتها بلبسها لما قالت لها ماكان له داعي تلبسون ذا البسه كل مقام له مقال عند العرب افتشلنا
وصوتها كان عالم ثاني وردت عليها الثانيه تقول من زين لبسس بوت اسود وبلوزه زهرطويله –وحزام- كنس من اهل امريكا الشماليه
قالت لها عشاني حاشمه من لفيت على بابهم تهزوين بي
وهذا اتلا ماسمعت
الهنوف كانت تربط الي سمعته باحداث العشاء ودرت ان الحوار دار بعد ماتكلمو العجز عن لبسه البنات وعرفت ان الحوار اكيد عيده مع هناء
هذال يأشر على عيون الهنوف وييييييين رحتي
الهنوف انتفضت – تدري من انت تحاكاعنه ؟؟؟
هذال – بفضول مــــــــــــــــــــــــن؟؟؟
الهنوف -هذي عيده بنت خاله( سلمى) وصديقتها ؟؟؟؟!!!!!!!!
هذال مسه شي خلى عينه ماترمــــــــــــــش من المفاجئـــــــــــــه!!!!!!


شيخه – وهي تحت وتحاشاء التكلم معه
محمد يبيها تكلمه ولو تهاد معه اهم شي يسمع صوتها – قومي صلحي لي نعناع
شيخه – وهي تعابل جوالها القاز مليان اذا فضى سويته اومر ثانيه
محمد – ايه
شيخه وهي توقف – خيييييييير
محمدحب يضيق عليها لانها قهرته – اييييييييييييييييه لاتنسين اغراضي لاتمدين ايدس عليها ثاني مره ياويلس
شيخه انقهرت وقبل ماتروح – في حريقه انت واوراقك زييييين وشرهتك عن الي بينشد عنها وابشرك لوشفتها طايحه وطيتــــــــــــها
ويوم شافت تعابير محمد تغيرت وتجهمت استطردت مانتب تقول ميدي لاتمدين ايدس على اوراقي خلاص اجل!!!!!!!
وطلعت على طول من دون ماتشوف حتى رده فعله وش كانت
محمدبعد مااختفت عن عينه تجمعت بها الدموع وكانه شيخه بعد ماتفارق عينه حقيقي مايسد مكانها الا عزيـــــــــــــــــــــز الدمع !!!!!!!!!!!!!!!


مبارك – وش رايس الاانه مطعم يحبه قلبس وتوه فاتح ؟
الجازي – والله فديت قلبك يابروك
مبارك بفرحه غير متوقعه- عشان الجوز كل شي يهون أي بالله الصعب يهون عشان ادعج العين بس
الجازي – اجل يالله بدق على نوره والهنوف
مبارك وهو يرجع شعره على ورى – وش تبين بنوره والهنوف؟؟؟؟
الجازي- يرحون معنا انت وش بلاك؟؟؟ ماعاد قمت تجمع الحكي
مبارك – الحييين اقول بلحالنا تقولين نوره والهنوف
الجازي – ايه وانت وش فيك ( اجرب ) مالك بالعرب الله يهديك بس ؟
الجازي وهي طالعه وفي يدها جلالها التفتت لمبارك الي قال – مابي اروح – ماعاد ابي اروح وعفت المراح خلاص والمطعم بيسكرونه ويعرضونه لتقبيل انتهينا ولابه مطعم جديد ولاشي ارتحتي
الجازي وهي طالعه – وانت الصادق عشاء مع اهلنا اطعم وابرك
مبارك ضاااااااااااااقت عليه من الجازي بس وش يسوي
وهو يحبها
سلمى وهي معصبه –انتي وشلون تقولين عن نوره كذا؟؟؟
اماني تلف على نوال – سكتي اختس مالي خلق لها
سلمى – بيصير لس خلق اصلاذا جاوبتيني
اماني انا مابليت احد يتحاكا فيها سواتها والي شفته قلته
سلمى وهي تبكي– حرام عليس حرام هذي اعراض تعرفين وش اعرض ناس
اماني بطفر – وكل ذا عشانها الحماه (وقعي ابرك لس) مايندرى بكره لا يهملس مثل ماهمل فهاد الزين كله
ماقدرت سلمى ترد لان حياتها ماتخيلت ولا عيشتها دونه ا وان اتفكير والتخيل كان اكبر من القدره على التخيل

في غرفه هياء
نوره- فيه شي من البارح في خاطرس قوليه
هياء صكت الباب مشت بخطوات ثقيله لين وصلت لنوره
هياء – شوفي نوره لاتفهمين السالفه غلط وحمد يعزسس بس بعض الامور تنحل بشكل اخر
نوره – وش فيه كلامس ماهوب مفهوم ندري ان حمد يعزني وفيه امور تنحل بطرق اخرى وبعديييييييييين
هياء دنقت وبحرج تحاكت – حمد يقول ان ماخذيتي فهاد فهذا شي راجـــــــــــع لس لكن مابه رجال عقبه والي بيجي يخطبس لا اوقف له في وجهه وارفض لووافق اكبر راس ووريني أي واحد بيعرس او ياخذس دون شورا هلس وكل خطبه تجي لااوقف لها على الااقل نطلع بعذر قدام العرب انس عايفه العرس ولا تنزليييييييييين روسنا
نوره قامت تهرول ولاتدري لمن تلجى ولالمن تروح ومصدمها بس اكثر شي مجروحه
دام اخــــــــــوها ذا حكيه لها (ويامن بغته عون، صار فرعون)
ولا لقت نفسها والاوهي داقه على نوف
نوف – الو – الو نووووووره
نوره وش فيس تصيحين ردي علي !!!!
في بيت ابو سعد

وعقب صلاة العشاء – العيال متجمعين في بيت الشعر وهي في الحديقه تلعب حمودي وتفكيرها في حمد والكلام الي قاله طيب كان جاء هو ولاارسل هياء
امرته اخت فهاد وش فيه نسى يعني؟ وش صورتي عندها؟ دام ذا اخوي وكلامه علي عشان اخوها
صحيح انه من بدت السالفه العيال مقطعين نسوانهم ماتطلع العلوم برى البيت وعشان مايكثر القيل والقال بين البيتين وتصير مشاكل بس بعد احراج
سامحك ربي ياحمد – سامحك ربي
مادرت نوره انها تكلم عمرها بصوت عالي الا لين قال حمودي وس فيه عمي حمد؟؟

مشاعل – صلي والحقيني على المطبخ انا ذابحني الجوع
الهنوف – وانا بعد مثلس لاحقتس عقب ماصلي
مشاعل تطالع عمتها من نافذه المطبخ وهي تشوف حال عمتها الي انقلب حالها عقب الخطبه واجلت الحكي الي كانت بتقوله لها عن وظيفتها لوقت نفسيتها تكون احسن فيه

ام فالح – مدري ولدس وش جاه ولا لوفي عمانه خير كان اخطبوله الهنوف ومشاعل لسيف بس نطلو البايره في كبده
ام فهاد- الي قاهرني شايفين اختها ماحملت وهي سقطت ويروحون يخطبونها وش نسوي بهم حسبي عليهم حسبي عليهم
وعقب العشاء سمع صوتها تحاكى في التلفون
نوره – ياربي لك الحمد احسن
نوف – مالت اختلعت لاتلوميني اسمعس تشاهقين قلت بس ملكوها على( اليوكن )سياره فهاد
نوره منفعله – مالت عليس انتي وياه زين- صدق متفرغه الحين داقه اطمنس تغثيني يالله تمسي على خير
نوف – والله مقبول وخاطري فيه بس بصراحه اترجع طوالي لانه يخوووف
نوره – صدق انس ماتستحين ولاتنتخين يالله فارقي اخذيه حلال زلال ولاتبيني عقب الهلال اخذ اخلال 0000
عارف الصوت وراعيته وانقهر من كلامها اخذ عقب الهلال اخلال وكانت اللكلمات مفهومه ولاتحتاج لمترجم
شاف فهاد حمود وطلع من مخباه حلاو هولز ومده لحمودي وقال قل للي في المطبخ الريجيل ماعند مغاسلهم عود اسنان وطوالي اخذ عود اسنان المغاسل ورفعه فوق المغسله
وكان فهاد ذكي ماوصى حمود بنوره قال الي في المطبخ عشان مايفضحه
حمود- الريجيل ماعندهم عود اسنان
نوره – اناحاطته بيدي يابوي وخر خلني اشوفه
عدلت جلالها وبرقعها وانصعقت لما شافته
وقبل لا تلف
فهاد والغيض مالي صدره – وش حالس يانوره اربس بخير
نوره – بخير دامك بعيد عني
ضحك فهاد بسخريه – الناس يقولون بخير دامك بخير بس حقتس جديده كل ذا حمايس عشان العشاء والحكي الي قلته
نوره – فهاد والي يرحم واليك خلني ورقبتي انا عارفه ليش بتاخذني
انت ماتطيق فالح وتبي تغيضه فيني بس اقولك لا تحطني بينكم ولاتعود على النسوان عشان توطى ارقاب الريجيل الي انت فيه اسمه قله شيمه منك وقله مروه ياخي عدني بنت عمك بدال طليقه فالح ترضاهالي ؟؟؟
فهاد منصدم وشلون كل شي تحول ضده في لحظه انه حس ان كل شي من صالحه
وصحيح يدري انها ماتبيه بس مايلومها- وانانيته في انه يمتلكها ويوضح الامور لها غطى على كل شي وغروره في انه ممكن نوره تحبه بعد ماتدري بكل حاجه طغى على اشياء كثير
وتدارك الموقف – لا ماارضاها لس وشلون عقب الهــــــــــلال اخـــــــــــلال
هذي الصدمه الثانيه لنوره انه سمعها بس تداركت نفسها- اشوى انك داري في ياليت تقصر كل شي من عندك وتهون ابرك ؟
فهاد- وانا ابي اخليس – بس كلمتي وحده – تذكرين يوم قلت الي في راسس ماهوب حاصل ؟ والخلال سوى الي براسه
نوره – لاتفاخر بشي (على غصايب) انت لويت ذراعنا
فهاد وهو يرفع حاجبه – طيب وش رايس بالي يقول الي في راسس ماهوب حاصل وبطيب خاطر منس ماهوب غصايب ؟
نوره – ماتقدر لاني مستحيل اقول قبول عليك الااذا انغصبت
فهاد تنهد – طيب انا قلت ابي اخليس بس عقب كلمتس بوريس الخلال وش بيسوي وبتوافقين عن طيب خاطر
نوره فتحت فمها لما شافت فهاد ياخذ عود الاسنان من فوق المغسله وهويقول
يالله كرمــــــــــــــــــــــــــكم اللــــــــــــــــــــــــــــــــــــــــــــــه
الجزء الســــــــــــــــــــــــــــادس
فهاد وهو يرفع حاجبه – طيب وش رايس بالي يقول الي في راسس ماهوب حاصل وبطيب خاطر منس ماهوب غصايب ؟
نوره – ماتقدر لاني مستحيل اقول قبول عليك الااذا انغصبت
فهاد تنهد – طيب انا قلت ابي اخليس بس عقب كلمتس بوريس الخلال وش بيسوي وبتوافقين عن طيب خاطر
نوره فتحت فمها لما شافت فهاد ياخذ عود الاسنان من فوق المغسله وهويقول
يالله كرمــــــــــــــــــــــــــكم اللــــــــــــــــــــــــــــــــــــــــــــــه

تلاشى في لحظات وجود فهاد واسترجعت نوره كل الي صار وكأنه حلم حلم
ثاني يوم التوتر كان هو الجو السائد في البيت -
هياءوهي تشبك جراج الشاحن حق جوالها – حمد شو فلك صرفه والي يرحم والديك نوره ماغدت الااوليه وجيت انت ونكبت الحال
حمد – صدق والله – أي صرفه – ولاوش رايس اروح اقول لها الي تبينه يصير ووجيهنا عند الله وخلقه تروح عادي – شوفي عاد هوال النسوان ماله عندي محل ؟
هياء اول ماجت بترد قطعها صوت جوال حمد الي على الكمودينا رفعته هياء بخوف وهي تقول –
نـــــــــــــــــــــــــــووووووره.............. ............................
تتصل
في بيت ابوسعد الى الان الااجواء متضاربه
هذال- ليه مانتيب راضيه تفهمين
الهنوف- هذال في ذمتك تكلم من صدقك ؟وش افهم ! بعدين سلمى ماتنعاف وربي ماتنعاف
هذال – شوفي اخر شي افكر فيه الزين وعارف وفاهم وش بتقولين وشلون تعلقت بها تدرين ان طريقه تفكيرها بانت من موقف
كلامها للي معها يوم قالت حاشمه من لفيت على بابهم تكفي انها توضح انها وحده عاقله تعرف تحط الامور في نصابها
والشي الثاني يوم تهز ت الي معها بلبسها ماردت عليها من ردود البنات المعتاده الي يردون بها على احد انتقد فيها طريقتهم ولبسهم- وصوووووتها كان شي يفوق الوصف لدرجه ماقدرت استرجعه بس احس بلذته في اذني
الهنوف ماني من الريجيل الي يبي شكل وزين ابي عقل ابي رزانه والشكل اخر همومي
الهنوف اعجبها طريقه تفكير اخوها وعمقه واستغربت وشلون حلل كلام عيده الى اشياء فعلا خلته يتوصل لشي بسيط من شخصيتها لكن في النهايه هو يرسم على ســــــــــــــــــــــــــــــــراب
لان سلمى له وبنت عمه صديقتها والمهم والاهم ان عيده
مخطــــــــــــــــــــــــوبه
بس مابغت تقول عشان الوقت مايناسب هذال وعشان مايندرى الله بيتمم ولا لا ففضلت السكوت الى ان تستقر الاحوال

سيف – طيب وين اخذها منه
فهاد- تلقاها عند امين خله يعطيك اياها الرجال مواعده في المعارض ولاحصلني قلت عطها امين
سيف- ماقصرت وفالك طيب
فهاد- المهم عجل واثبت لريجيل انك قدها وينشد فيك الظهر يابوناصر
سيف- ابشر والله بياض الوجه
فهاد- بعدي والله – وماخاب ظني فيك والله يوفقك
سيف – جعل عمرك طويل يالشيخ
فهاد- توصي شي
سيف – ابدن سلامتك
فهاد- وانت سالم
من انت قاعد تكلم – كان هذا صوت فالح الي متكي على الباب وسيف حب يغيضه لانه منقهر منه بعد سالفه بشاير وسعود الي طلع بها فالح
سكر سيف الجوال بكل هدوء – الشيخ
فالح – من الشيخ
سيف – خطيب طليقتك الشيخ فهاد
فالح – شاخت اعظامك من الهم – اعنبو ابليسك مافيك كبد؟ انت ماتحس؟ وشلون تقبل عون واحد مهمل اختك وشلون تقبل تبدا بفضل غيرك الي معك قدهم اخر سنه جامعه وانت توك داخل ولابعد دبلوم فاشل عارفينها لكن ماعندك كبد ولاكرامه جديده
سيف ابتسم- اولا الشيخ الي مسمينه القوى الثلاث العظمى يعني الشيبان ثانيا انا ابي دبلوم من البدايه انا ماحب الدراسه الطويله احب على طول اشتغل لانه مثلك عارف الطموحين يحبون العمل على الدراسه ثانيا الكبد والكرامه ماحدله دخل يحددها عندي اولا- واذ عشان اختك من عذره تنعاف انا لوني ابوها مسحتها من كرت العايله !!!
وحده مغروره مايعجبها احد ماقد دخلت عليها تمدح باحد يعني ماتناسب الشيخ واذ ماخذها بقول نصيب و مثلي انا ماابي الهنوف يعني بيكرهني حمد ومبارك عشانها؟؟ مستحيل لان ماهوب حنا الي يفرقونا النسوان
ثالثاوالمهم لاتحط راسك براس الشيخ وطلع وهو مخلي وراه اخوه يغلي من الغيض !!!

حمد- هلا
نوره وهي تحاول تثبت صوتها قد ماتقدر – انت فاضي
حمد –ايه
نوره بحده – ابغاك
حمد – خلاص اجل جايس

ام فهاد- وينك ماتبين ياولدي استانست يوم خلصت اجازتك وقلت بتخف روحاته لام رقيبه وبنشوفه وانت من يوم داومت ماعاد تنشاف يادافع البلاء
فهاد بلكاعه- ابد والله يالغاليه هذا انا عندس بس انتي يقولون العرب انس حمسانه علي قلت مابي اضيق عليس دامس ضايقه ومالس بشوفي ؟
ام فهاد بترجي – وحتى لو احمس دخيلك ماتخلي مقعاد معي انت البكر وفرحه اول العمر وتاليه
فهاد وفرح يوم جاب امه لسالفه بطريقته – الله يهديس ياعجوزي يومي فرحت اول العمر وتاليه مارحتي وحاكيتي العرب في نوره ليييييه ؟؟؟
ام فهاد بنفخه- وليه احاكيهم وانا مالي بهم وقلت ولدي هو الي بيطاوع امه ويتبع شورها ولاهوب طالع من طوعها عشان مره بايره
فهاد بضيقه- الله يهديس الحين تدرين انها الحين في حسبة مرت ولدس وتحاكين عنها كذا !!
ام فهاد – لاانشالله ....وتابعت ام فهاد بترجي وضعف ... انت تبي تجيب يومي
مالقيت الاهي يامك هي..... فرحت يوم طرو عرسك والتاليه تعود عليها وهذي اختها عند محمد ولابه للحين فرج وانت ناسي ان نوره ماهيب المره الي بتجيب لك الذر المره العرب يقولون عنها تعبانه
فهاد بالم- شي بيد ربي محد يعلمه
ومايدري ليه يحس بطعنه كل ماتذكر حمل نوره من فالح
ام فهاد بعصبيه – شوف تبي رضاي هملها ولا........
ولا تبين مقعاد معي خليه على هواه ولا الباب يرد ولا يصد
كان ابوفهاد معصب من طريقه امرته يوم هددت فهاد برضاها
امافهاد كان وده يقوم يحب راس ابوه من الوناسه يوم طلعه من موقف كان القرار فيه..... صعـــــــب

حمد ساكت ونوره ساكته الى ان اكسرت حاجز الصمت بقوه منكسره بصلابه متصنعه
نوره رفعت راسها – حمد الي قلته لهياء كان خطاء في حقي وخطاء كبير
حمد – والي سويتيه كان خطاء في حقنا خطاء كبير
نوره وهي تنهد وترجع تدنق- خطاء اني اختار حياتي خطاء اني ارفض شخص ماتحمل العيشه معه
حمد- خطاء انس تثنين كلمة ابوس وخطاء انس ترخين روس اخوانس
نوره- خلاص لنفرض اخطيت تروح تعالج الخطاء بااكبرمنه
ترسل هياء علي اخته
قطعها حمدبسرعه- هياء كل شي بذا البيت ماتحاكى به ماقد طلع علمن منها
نوره- مااختلفنا بس اخته وش صورتي في عينها وش شكلي عندها بعدين كان اختصرت المسافه وسألتني لانه مستحيل اتزوج عقب فالح فماله داعي تسوي كل ذا التهديدات وانت مانتب داري بوجهة نظري
حمد- تبيني اجي واسالس وش خاطرس من الريجيل !!
نوره – فجعها حمد وطريقته
ارتفع صوتها- لا لا تسالني بس هددني وافضحني في مرتك ؟
حمد انت كســـــــــــــرت شي لك بداخلي كانت هذي الكلمات الي رمتها نوره على حمد قبل تطلع وتخليه شارد في كلامها ( كسرت شي لك بداخلي )
وطلعت منه منهاره خلاص تعبت – تعبت – ماعادلها قدره على أي شي حتى التفكير في الموضوع صار يتعبها
خذت لها حمام سريع وقبل لاتغمض عيونها جاها خوف تجهل مصدره الى ان تذكرت كلمة فهاد – وش رايس بالي يخليس توافقين برضاس ؟ وصداها في اذنها يتردد حطت يدها على اذنها تسد الصوت والصوت نابع من الداخل وش قصده يعني وش بيسحرني مثلا وش بيسوي؟؟
حسبي عليك يافهاد ماخليت فيني عقل وش بيسحرني !!! الحمدالله رب العالمين
يارب الفرج من عندك يارب يامستجيب الداعي لاتكلني الى نفسي طرفه عين ياحي ياقيوم برد على نفسي وهون علي من امري
وغطت في نوم اول ماارخت جفونها...

مبارك محتر من الجازي بسبه سالفه العشاء فحب يغيضها- خويي بيتزوج ويبي ياخذ وحده اكبر منه فأنا من تجربتي نصحته قلت لاتدفن عمرك وتاخذ اكبر منك تعلل بك ومدري عنه للحين
الجازي تدهن ايدينها وتفركها بطريقه منقهره – طيب عرفني على الي خاطبها عشان اقول لها من تجربتي لاتذبحين عمرس بالحياء وتاخذين واحد اصغر منس يتحمس كنه بزر ويحمس كبدس
الجازي – بعدين توه يعرس
مبارك الي استانس من السؤال وابتسم – ولا لس لو هذي طال عمرس الثانيه !!!!
الجازي – فتحت عينها لان الرساله الي بغى يوصلها مبارك
وصلـــــــــــــــــــــــت.........
في غرفته الغريبه اثاثها قديم وتعج بافخم عطر ( ديزل) في الزاويه شاحن جواله اخر موديل نزل والابتوب على طاوله هلكها الزمن في غرفه تجمع كل نقيض محتوياتها فخمه واثاثها قديم كان واقف قدام المرايه يتأمل نفسه لابس بدلته العسكريه وحاط طاقيه البدله على متنه من تحت الرتبه
فهاد وهو يمسك شعره الي بدا الشيب يبدا فيه
وهو مستنكر سرعه الايام
الى ان طاح نظره على الرتبه عمره ماكره حلمه كثر ذا الحظه – كان يسعى لتحقيق حلم عشان يتحقق حلم ثاني مادرى ان تحقيق حلمه بيدفعه ثمن حلم عاش على امله – حط يده على الرتبه وشد بقبضته عليها وكأنه يعاتبها ليه جات على متنه مع انه هو الي تمناااااااااها!!!!! ليه دمرته وهو الي سعى لها !!!!
قطع تفكيره الاهمومه صوت جواله
رفيق العمر عوض
فهاد- ارحب يارجال حي ذا الصوت
عوض – الله يسلمك ويبقيك
فهاد- وينك فيه؟؟؟
عوض- في الطريق
فهاد- على خير انا بقبل عليكم بعد شوي
عوض – زين لاني احسبك في اجازه قلت اتاكد على خيره الله انتواجه اجل
فمان الله
فهاد- فمان الكريم
سكر الجوال تنفس باارتياح وعدل الرتبه وسحب الطاقيه من تحتهاو لبسها تنهد بقوه وكانه يجدد طاقته وابتسم وكانه يرسم حلم اخر يسعى لتحقيقه

مشاعل – انا خايفه بصراحه تشوفنا
الهنوف – قايله جيبي غازيات ام غطى ماهوب القواطي يالقوطي
مشاعل – احمدو ربكم مباشره عليكم
الهنوف – عن المنه وياكم كديت عليكم امسي علي بعدين استحي انا عمتس
مشاعل – حلوه عمتس مصدقه عمرس واجد بعدين مايحلى لس الغازي الاوالغثيثه تشرح
الهنوف – متعه تشربين من دون ماتشوفس واذا خلصت العلبه احس بشعور النصر شربت من دون ماتدري
مشاعل – ذيك المره كشفتنا من صوت فتح البيبسي
الهنوف – عادي بكح ولا اعطس وافتحه
الهنوف افتحت العلبه ولييييييييييييييتها مافتحتها
لان صار في الفصل نافوره حمضيات غرقت البنات ودفاترهم
الغاز كان مكبوت من كثر ماتطيح العلبه
استولى على المكان لحظه صمت وسكون من الصدمه
ماطلعهم من الجو الا صراخ المعلمه
مشااااااااااااااااااااااعل والهنووووووووووووف بررررررررررررررررررى

قامت نوره تطالع الساعه دافع البلا الساعه عشر ماصليت الضحى

ام فالح – ليش ماداومتي يابنتي
نوال – ابد مالي خلق
ام فالح – كان وفرتي غيابس لين موعد الروحه
نوال بااستغراب – خلاص قررتو
ام فالح – على حكيهم والله العالم

سيف وهو وسعود مارين المعارض ياخذون الاوراق حقت سيف
اول ماشاف سيف سيارت الشيبان تنهد – ها الحين لاخذيت الاوراق لازم يسمعوني الوصلات الموسيقيه حقتهم متى ينصلح حالك لمتى وانت صايع وضايع كني مدمن والحين بتشوف وش بيقولون
اول ماشاف الواجهه الزجاج ضحك طالعه سعود بنظره ليه تضحك
اشر سيف على الشيبان وهويقول
اجتمــــــــــاع القوه الثــــــــلاث العــــــــظمى ........

تسولف عن السراب ببراءه وتفسر تصرفات عشوائيه على حلم
سلمى – ولا بيحطون معه مقابله في التلفزيون واخوي سيف يقول انه بيطلع لاادو عماني القسم يعني بشبع من شوفه
ساميه – ياعيني ياعيني شوي على عمرك خفي بس بسألك هو من النوع الي يطلع مشاعره اممممم يعني يبن الي في خاطره
سلمى تلون وجهها – بصراحه يعني ماهوب دايم بس فيه اشياء واجد توضح مثل يوم انقبلت تاريخ يقول لااخته احلى قسم احبه تااااااريخ بس عشاني دخلته
ومره كنا وكانو يسولفون عن الاسامي واخته جايبه بنت ويتكلمون عن الاسامي قال ساره زين –و تلقفت بنت اخته مشاعل وقالت سلمى ابتسم وقال بعد اسم سلمى زين تخيلي انا ماتلقيني !!!! ساميه بقولس حاجه !!!!!
انا احب اســـــــــــمي لانطــــــــــــقه .........

عقب ماصلت وافطرت وصبحت على امها دخلت غرفتها ماجاها نوم قامت تشبك الابتوب ودخلت المنتدى الي فيه ومافي راسها غير نقاشها مع حمد وكلامها مع فهاد وكل منهم حطمها بطريقته ومن دون مقدمات دخلت على انشاء موضوع جديد
وكتبت
حينما ارتجل الكتابه فهذا يعني ان هناك مايتعبني ان اقوله وحينما اتعب فهذا يعني اني اتألـــــــــــم وحين اتأُلم فهذا يعـــــــــــــني ان قلبـــــــــــي يحوي حزن لايحويه قلب بشر
وهاانا في صراع مع دمعتي التي طالما علمتها معنى العزه والشموخ وطالما رسمت لها صورتها وانها كا الدره لاينبغي ان تخرج من محارته الاحين خروجها من البحر والان كل شي فيني انهار دمعتي- قوتي- كبريائي
التفتت فجاءه الى نافذتي ربما القى متنفس لحزني غير صدري اومخرج لدموعي غيراوجاني وجدت القمر وقد غطته الغيوم وبد لي وكأنه حزن لحزني
من الصعب ان يتورى لااجل حزنك ودموعك القمربينما من جلب حزنك البشر
ولااصعب حين اريد من حولي ان يخففو عني حزني في حين ان هم من (صـــــــــــــــنع هذا الحزن لي)
*بقلمي*
تاملت الي كتبته للحظات وخذتها الذكريات لااسوء يوم تذكرته لان مشاعرها في ذاك اليوم تتكرر اليوم
نوره – هذا انا هديت قولي وش عندك ؟؟
فالح رجع لاارتباكه – شوفي نوره امي تقول عقب ماسقطتي ومالله كتب لنا ضنى الله بيعوض بس انتي سمعتي الدكتوره وش قالت لاتفكرين بالحمل في السنتين هذي على الاقل وانتي ماحملتي اصلا ا لا عقب سنتين والعمر يمشي يعني بنقعد نحتري اربع سنين لين يفرج الله
نوره ماتدري ليه قبضها قلبها
فالح استرسل فانتي خليس على ذمتي بس امي حالفه انها ماتسلم علي ولاتحاكيني اذا ماعرست
نوره مصدومه والصدمه كانت اكبر من أي شي ثاني
فالح- واختارو امـــــــــــــــــــــــانـــــــــــــــــــي
هنا بس صرخت نوره تكفى والي يسلمك الااماني لا يافالح تكفى
فالح – وش فيس انا ماقلت بطلق يومس تصارخين وبعدين وش معنى اماني بالذات ؟؟؟
نوره كانت تنغزها نوال بان فالح يحب اماني وهويبيها واماني دايم تقول مرده لي
والحين جاي يقول اماني
نوره منهاره – فالح طالبتك اكسرني الاعند شامت واجرحني الاعند كاره
فالح ببرود – نوره امي انهت الموضوع
نوره منصدمه من برود فالح بس كانت تفسره انه رجال ومايعبر عن الي بداخله
بس صرخ شي بداخلها يصدق حكي نوال و ان اماني في خاطره من زمان
نوره تمش الدموع الي رفضت توقف بس عزتها الي وقفت وقالت بكل ثقه
طلقني انا مااتحمل المشــــــــــــــاركه ولا اتحمل العيشه مناصفه طلقــــــــــــني يافالــــــــــــــــــــــح .................

فهاد سرحان وهو مع امه
ام فهاد- ولاباعوها يقولون سعرها ماهوب حقها
انت معي
فهاد ارتبك – اسلمي جعلنا نفداس العذر والسموحه
ام فهاد – غادي عليك شي ؟ وش بلاك ؟
فهاد ابتسم وهويقول – بلاي الجوع شين
استغرب فهاد من شيخه الي اربع وعشرين ساعه تحت ومحمد الي دايم برى بس ماطولت وساوسه لين قطعته شيخه
شيخه – فهاد اجل بغرف لك لان محمد يمكن يتاخرعلينا
راح تفكير فهاد لنوره اول ماشاف شيخه قامت وقعد يفكر بروحه بيت عمه ابوفالح عشان يثبت الي قاله وابتسم بمراره اول ماتذكر كلمتهاعقب( الهلال اخلال )
طيب يالنوري ذاليل بتشوفين الخلال وش بيسوي مابغيتها تصير كذا لكن انتي الي حديتني على اقصاي ادري انس ماتبيني بس مادري انس تكرهيني والله لوداري ان كل ذا في خاطرس ان مااتحاكى فيس ولوانس جيتي بطريقه غير الي تحاكيتي بها معي ان لانهي كل شي بس انتي خربتيها وبتعرفين قليل المروه وش بيسوي؟
وذالليل ان تعرفيــــــــــــــــــــن ان الله حـــــــــــــــق

في السياره وفي طريق الرجعه
سعود- ها اربك مرتاح
سيف – والله مانت بعيد من الشيبان توني مداوم يعني مدري عن الجو
سعود- بسألك ياسيف وجاوبني بكل صراحه
سيف- وش عنــــــدك ؟؟؟
سعود – ليه انقلب وجهك يوم اخذنا الاورق في المعارض يوم قال عمي اصطلب مثل الريجيل وتم دراستك عشان نجوزك
سيف تنهد والتفت للجهه الثانيه- لانهم يقصدون الهنوف
سعود- وانت ماتبي الهنوف ليه ؟؟؟
سيف- لانها وحد فاضيه من داخل اكبر همومها طواله السان -وقله الادب هويتها ووحده مدلعه وشايفه نفسها يعني لاوراها ولا دونها وتقول ليييه
سعود- عاد شايفه نفسها حرام تسولف لي دايم عنها مشاعل احسها انيسه
سيف – الامغروره وتمشكل مع كل الي تعرفهم وكل ماتذكر شكلها يومنا صغار امرض
قشتها متلقيه السماء وكل شعره فيها تدعي ربها..... ولسانها ملون دايم بالحلاو ومابه ولد في الحاره ماتهادت معه وضربته
ماااات سعود من الضحك على خويه وشلون يوصف الهنوف
سيف بتفكيروبصوت هادي – شو ف انا مانيب مخالف الشيبان والي يبونه بيصير بس الزيجه ماهيب تامه انشالله
سعود – وشلون ؟؟
سيف وهورفع حاجب – بخليها تكرهني عشان تعيفني وبضيق عليها عشان لاخطبت تردني والهنوف مصدوعه مابه احد يغصبها على شي ماتبيه حتى لوانهم القوة الثلاث
سعود انصدم من تخطيط خويه وهز راسه باستغراب وفي خاطره يقول
الله يعينك ياسيف ماعرفت الهنوف زين يمكن تقلبها عليك لادرت بنيتك وتوافق بس عشـــــــــــــــــان تنكـــــــــــــبك ؟؟؟؟؟!!!!!!​