متى ولدتي بعيالج الصبح و الا الفجر والا العصر والا الظهر والمغرب والا بليل خلنا نسولف

[magnolia]

ولدت ولدي فديت خشمه الساعة 2 بالليل

طلوق بلشت من الصبح و دخلت الطبيب الساعة 5 العصر و ولدته الساعة 2

 

[قشطـــة]

الله يتمم لج على خير وتشبعين ترفس إن شاءالله

اول ولادة كانت الظهر ٢:٢٥ داخله قبلها المستشفى من إسبوع والحمدلله
ثاني ولادة كانت الفجر ٣ داخله قبلها المستشفى بيوم والحمدلله

الله يتمم للجميع ويرزق الجميع إن شاءالله

 

[فوفتي 2007]

دخلت العصر وماولدت الا 6 ونص الصباح

 

[اخت خالتهم]

ياحلوكم وياحلو عيالكم

 

[كويتيه شماليه]

اعيالي واحد الفجر عالاذان والثاني الصبح عالساعه ثمان والله يتمم عليج وعلينا بالخير
وتحسين بترفس البيبي ومايخليج تنامين خخخخخ <<<< نحيسه

على فكره انا معاج والبيبي بعد خانس ولاحسيت فيه الله كريم الدكتوره قالت لي يمكن فيج طبقة شحوم علشان جذي ماحسيتي فيه مع ان باعيالي حسيت فيهم من الشهر الرابع ..!! الله يطمنا بالخير

 

[a7la siorah]

الله يتمم لنا على خيييرر

 

[اخت خالتهم]

كويتيه الله يسمع منج يمكن والله انا حملت و انا طالعتلي كرش

 

[rora_q8]

أنا الغير ولادتي

 

[rora_q8]

الفير أولد بالاثنين

 

[q8 knosha]

انا ولدت عل 10 الصبح

 

[أكذب عليك]

دشيت المستشفى 12الظهر
ولد الساعه 9ونص بليل 

 

[أأأميرة الورد]

الله يهون عليج اخت خالتهم

ويرزقج بالولاده السهله

 

[قلب ريلها]

ولدت ولدي الساعه 12:08 مع اذان ألظهر يوم الجمعه ودخلت المستشفى من الخميس الساعه 9 بليل

 

[انصاريه قمره]

انا بنتي البجر يبتها 9 الصبح
وبنتي الوسطيه 2 بليل
وبنتي الجعده ييبتها مع اذان الفير طلعت روحي فديتها ولا خواتها الله يحفظهم ما اذوني

 

[ترف بابا]

انا الظهر ولادتي

 

[.:lady bug :.]

الاول 10 وثلث الصبح
والثاني 9 وشي الصبح
هههههههههههه
عاد ادعو لي ربي يسهل علي
واكتب لكم متى ولدت الثالثه

 

[انصاريه قمره]

الله يسهل عليج حبيبتي ليدي
وانشالله تبشريناااا بولادتج بالسلامه وتقر عينج بشوفة البيبي

 

[حوريه ...]

برمضان

العشر الاواخر

طبعاًبدت طلوق من ٥ او ٦ الصبح وولدتها قبل الاذان بدقايق

لان صلوا عليها ع صلاة الظهر ودفنها زوجي

الله يجعلها شفيعه لي ولابوها ياااااارب

 

[!الجادل الصعب!]

1 ونص الظهر
و 11 و نص الضحى !!

صباحي احنا

 

[بنوته ستايل]

انا ولدت الساعه 8بليل وكنت بالمستشفئ من قبلها بيوم.....