متى ولدتي بالبجر اي اسبوع من التاسع ؟ الكل يشارك خلنا نشوف

[ffanr]

حلو الموضوع. اب

 

[حبيبة عز]

ولدت بالاسبوع ال٣٨

ثاني اسبوع من التاسع

بس بطلق صناعي

لان كان عندي حساسية انزيمات الكبد اللي احتمال تقطع الاكسجين عن المشيمه

عشان جذي ولدوني طلق صناعي وتوسيع وبطوا ماي الراس قصه ههههه

اتمنى هالمره اولد طلق طبيعي

 

[مطرها يسبق رعدها]

انا طفت موعدي بعشر ايام

وقررو يعطوني طلق صناعي ونوموني عندهم وسبحان الله من الخوف من اشكال الدكاتره والممرضات
جاني طلق طبيعي

 

[ملوكة الامورة]

اول ولادة لي ولدت اول اسبوع بالتاسع
الله يهون عليكم وتقومون بالسلامة
وتفرحون بعيالكم ياااااااااااااااااارب

 

[ملوكة الامورة]

انا طفت موعدي بعشر ايام

وقررو يعطوني طلق صناعي ونوموني عندهم وسبحان الله من الخوف من اشكال الدكاتره والممرضات
جاني طلق طبيعي

ههههههههههههههههههه ياحليلك

 

[ReEm Q6R]

خوش موضوع خوخه ،.

Up up نبي نستفيد ،.

 

[توفـــا]

رفع رفع لاني ناطره متي اولد خوش موضوع

 

[ام الحلوااات]

مــــوشـــرررط الــبــجـــر تــعــــوووشـــــر
انـــا بـبــجـــري بــنــهــايـــه الاســــبــــــوع 38

امــــا الـــولاده الـثــانــيــه خــلــصــت 40 اســبــــوووع وايــااام
و كــــانــت بـنــتــي لازاالـــت نـــايــمــــه ومــومسـتـعـجـلـه عــلـى الــدنــيــا​

 

[غزلان الشماليه]

ودي اولد اول يوم بالتاسع

 

[نور دنياه]

أنا بجر وولدت بالأسبوع 39 قبل موعدي ب3 ايام ويطلق صناعي لانه المائي نزل علي

 

[اخت خالتهم]

حيـاكم الله بنات

و ناطرين باااجي البنوتات

 

[الزيـــــ^^ـــــن]

اب

اب

نبي تجارب اكثر

 

[مشتطـه]

هههههه تونسين حيل حيل حيل تذكريني فيني وبطبعي ايام الحمل


يارب يتمم عليج وتشوفين السهاله


انا ملاحظة البجر تاخذ 3 اسابيع من شهرها
وانا جذي 21 يوم


قبل اخر موعد ب 10 ايام ولدت طبيعي بطلق طبيعي بفضل ربي الواحد الاحد
الحمدلله يارب

كنت ادعي حيل بالمطر
واهلي بالعمرة ماقصرو بالدعاء

 

[قانونية]

اخر يوم بالتاسع ولا هم ولدوني

 

[امـ خــزامـى]

انا عكسكم ولدت ولاده مبكره ان شاءالله ماتمرون فيها صحيح كانت سهله وماحسيت االلا بشي بسيط وولادتي كلها نصف ساعه وبطلق صناعي بس نفسيا تعبت ترددي على الحضانه وبطء نموها وتتطورها بس الحمدالله على كل حال
ولدت بالاسبوع 32 بحسبتي والسونار 33 اسبوع
ماعرفت وش السبب لان الحمدالله حملي سليم ومافيه مشاكل بس قبل كم يوم بالصدفه قريبت وعرفت وش السبب
انه السائل الامينوسي المحيط بالجنين يعني المويه زاد مره وحده ومن غير مقدمات عشان الرحم ياخذ احتياطه ويتوسع
الرحم ماقدر يستوعب الكميه فانشق الكيس وانزلت المويه وصارت ولاذه مبكره

حاليا خايفه ان المسأله تتكرررررررر لاني سمعت وحده تقول ان اختي بكل عيالها حملها مايتم وبنفس الاسبوع من شهر الثامن تولد
وفيه ناس يقولون لا موضروري تتكرر

اذا احد يعرف شي ياليت يقولي

 

[rw3t e7sas85]

انا في بجري ولدت بعد ماخلصت الشهر التاسع بأسبوعين
يالله ولدت وبطلق صناعي بعد ومن وحده لوحده تفرق
حالتها

السهاله من رب العالمين الله يسهل على كل حامل ويرزق
كل محرومه بالحمل السليم

 

[xxx]

وعليكم السلام

اول اسبوع من التاسع

 

[متواضعة]

مافي قاعده معينه متى ما الله كتب تولدين بتولدين اعرف بنات عوشروا وبنات ماكملوا الثامن او السابع موو شرط

انا ولدت بجري بالاسبوع 37 بطلق صناعي ولدوني لانه صادني تسمم بالحمل اللي اهو ارتفاع في ضغط الدم مع بروتين في البول تكرمين

الله يسهل على كل الحمل ويولدون بالسلامه

 

[-تكفيني الذكرى-]

يارب هونها علينا وكل مسلم انا بكر وبالتاسع

 

[اخت خالتهم]

حياكم الله بنات


مشتطه هههههه حياتي والله ياهنيي