متى علمتي حمولتج واهلج بالحمل؟؟؟

[ذبحني البعد]

رد : متى علمتي حمولتج واهلج بالحمل؟؟؟

انا اعلم امي وخواتي بس لانهم بيفرحون لي صج واذا كملت 3 شهور اقول حق ريلي لانه فضيحه ماقدر اعلمه من البدايه وبعدها اللي يسالني اعلمه وبس

 

[طالبه]

حياكم الله خواتي واختي ذبحني البعد ما شاءالله عليج شلون ماتعلمين ريلج والله قويه
انا العكس زوجي ما يبي احد يدري لا اهله ولا اهلي بس سبحان الله انا عكسه وكاله كونا ما اخلي احد ودي امسك نفسي شلووون

 

[๓ίşś зśŏłả..!]

رد : متى علمتي حمولتج واهلج بالحمل؟؟؟

انا
من اول ما طلعت النتيجه
اول شي طبعا ريلي معاي اول واحد يدري
اقول لأمي << عاد امي ما قصرت علمت الكويت كلها
وابوي واخواني وخواتي وخالاتي وعماتي << منو بقى
واعلم خالتي ام ريلي وعمي واهل ريلي


يعني بأختصار اعلم الكل << جذي سويت لما حملت ابنتي البجر والله لا يوريكم بغت تموت بنتي اسم الله عليها واهيا بطني

والحين لما حملت علمت اهلي يعني امي وابوي واخواني وخواتي بس
ريلي علم اهله امه وابوه وخواته

وبعد شهرين بعلم على ما يثبت البيبي

 

[om al ghaleen]

من المختبر الخبر ينتشر
ومن خبآه مارباه ~
الله الحآفظ


\\

 

[زوجة الفنان]

رد : متى علمتي حمولتج واهلج بالحمل؟؟؟

انا على طول لان يبن علي من النتسااااة نساتي صعبه

 

[يستاهلكـ الـورد]

بالمختبر اعلم


لان الحافظ الله وماراح يصير شئ الا الله كاتبه لي

 

[كـ غلا ــلي]

انا اول ما حللت قلت لامي وخواتي

وبعد 3 اشهر لاهلي الباجين واهل ريلي

 

[a7la_7b]

بنفس يوم التحليل
والحافظ الله ادعولي الله يثبت حملي ويرزقني الطفل السليم المعافى الكامل بلا زيادة ولا نقصان

 

[طالبه]

فديتكم

 

[طالبه]

والله يرزقنا بالاطفال السليمين المعافيين بس صراحه المفروض ما نقول الا بالثالث

 

[أحساس نفسي]

اول مااحمل مثل باجي البنات

 

[بنت سعود21]

بحملي الأول اكل درى بس حسيت انهم يحسبون لي ويقولون شفيج طولتي ؟

بالثاني قلت لهم بعد شهرين والحمد لله

الحين حملت وسقطت وماقلت لأحد حتى امي

 

[hazel eyes]

رد : متى علمتي حمولتج واهلج بالحمل؟؟؟

انا اذا حملت ان شاءالله بقول للكل والله الحافظ
ادعولي بالذريه الصالحه لي ولكل البنات بقسم تاخر الانجاب

 

[انــــا احبك]

والله الناس ماتعطي خير بس الله الحافظ ان شاااءالله

 

[روان_الكويت]

اهلي وامه اول شي والباقي البعاد لما اتنسى يعني شهرين او 3