متى خسرتي صديقة عمرج؟؟

[قهوة]

الزوج ياخذ من وقت المراة


ترا الشي هذا مو بايدها


اتحدث عن اللي اتقوم بواجباتها و امورها مع زوجها و حمولتها و اهلها و عيالها


يعني وين اتلاقينلها وقت المسكيينة


زين اذا قالت ابي اطلع






بالنسبة للموضوع


انا مافقدت صديقة عمر



اها ما كانت صديقة علشان اتصير صديقة عمر



وحدة شاب قلبها غيرة بشكل غريب

على شنو الله اعلم


وللحين مو متخيلة ليش

هذي الغيورة وشلك ابها هذي صداقتها مرض مو صداقة ...

والمسؤوليات تحد والله بس يبي للوحده وقت لنفسها ترى إحنا مرة بزيادة ننسى أنفسنا بهاالبيت والشغل ..ندفن أنفسنا بينهم..

 

[قهوة]

ااااااااااااااااه

السبب كل وحده فينا دشت كليه

عموما الصديق الصدوق ما يقطع برفيجه عشان اختلفت اماكنهم ...

ماله عذر عالقطاعه وسائل الاتصال عد و خربط

عموما الله يوفقها

من راح من كيفه كيفه يوديه ... خله ع كيفه و كيفه يجيبه

حتى لو رد نو وي ارد مثل اول

انا مو ستاند باي اذا غيرت مكانها تنساني و لا ردتله تذكرني

ترى إذا كانت طيبة وبنت حلال ...عادي إصفحي وانتي كريمة بنت كريم ..

واذا قطعت عاتبيها العتب مايكون الا بين الأحبة ...

 

[قهوة]

البنات اللي مبقين على صداقتهم ما شاء الله تبارك الله الله يديم عليكم فضله ويمد بصداقتكم العمر ...

شاكره مروركم جميعا يابنات نورتو المتصفح...

 

[عتيبيه ذوق]

لا تقولين متى خسرتي صديقة عمرك ..
قولي متى هي اخسرج ..
الانه يفرق واجد ..
ثاني شي الزواج ماله دخل في علاقتكم سوا استمرت ولا لا .!
الصديقه هي بيدها لما تتزوج تخلي العلاقة تستمر او ولا .!
انا بالسنه هذي ثلاث من رفيجاتي تزوجوا
ثنتين منهم استمروا معاي
ووحده منهم قبل يومين عالطول حسيتها تبي توقف العلاقة
سالفة تافهه وبسيطه كبرتها
المشكلة فيه بنات لما يتزوجون يكبر راسهم ويغترون مادري على شنو -_- ..
الله لا يجعلنا منهم ><

وثاني شي لا تزعلين ولا تتضايقين لو تغيرت عليج صديقتك ..
هذا معناتها م كانت صديقه
بل زميلة مرحلة وعدت ..​

 

[شونغ هونغ]

انا صديقتي كرهتني وصارت عدوتي البغيضه وكله بسبب حاجه تافه لو اقولها بتضحكون لين تموتون صدق الي قال قله العقل مصيبه ولا مافكتني من شرورهاا قاعده تاذينــــــــــــي وتخرب علاقاتي بالناس

 

[شهد-الكويت]

انا رفيجت عمري معانا بالمنتدي ويا ليت تقرا كلامي قبل لا اطلق شبه يومي اهي عندي وله انا عندها ونطلع مع بعض ونسهر مع بعض بس من تطلقت وخرت عني ولا حتي تسال وكل ما كلمتها تشكا من زوجهاااا وله مريضه بس مريضه حقي انا معنا كله تطلع مع رفيجاتها بدوام بس حقي تعذر

 

[قمر على هئة بشر]

انا خسرة صديقه كنت اعتبرها اعز صديقة

كانت صداقتنا لأكثر من 10 سنين بعد كل السنين بس عرفتها على زوجت اخويه بدات تتغير عليه وتروح لها من غير ما اعرف ويطلعو مع بعض حتى ملابسهم يتقمو مع بعض وصارة تخبرها عن اسراري

بكل بساطة قطعت الصداقة الي بيننا و ما تعبت نفسها بتبرير السبب

بعدها قعدت سنتين ما اثق باحد

وللحين احس بقلبي جرح منها واقتنعت انها هي الي خسرت صديقة وفية و انا الي ربحت اني كشفتها على حقيقتها
و صراحة صداقة اصبحت شيء بي مقابل
وكل علاقة فيها هدف لكن الاهداف تختلف من شخص الى اخر
فهناك صداقة شخص لشخصه
واخرى لستغلاله في حياته الشخصية

الحياة مسرح وكل منا يمثل حياتهعلى الاخر
أصلا ما بقى فيه أصدقاء بها الزمن...
و اللي باعك بأرخص ثمن بيعوو...

شكرا لك على طرح الموضوع..

 

[αησмα]

من تزوجت راحت على وجها = ما تشوف شر !

 

[قهوة]

عتيبية ذوق ... صدقتي الوحده منا لاتزوجت مفروض ماتغير شخصيتها تبقي علي محيطها من العلاقات لان البيت يجيب المرض والوحده تسبب الكآبة

 

[قهوة]

شونغ هونغ ..من جد ودي اعرف السبب ليش البنات يتغيرون بسرعه وما تاثر فيهم العشرة مع ان المرأة عاطفية اكثر من الرجل بس اللي أشوفه ان الرجل أوفي للصداقة من المرأة

عتيبية وشونغ هونغ

شكراً لمروركم

 

[قهوة]

شهد الكويت
قمر
فيه حاجز بينكم لازم تكسرونه بالمواجهة اعتقد لو واجهتيها ممكن ترجع احيانا الوحدة لما تقاطع صديقتها او قريبتها تستحي ترجع خوف من العتب والإحراج لكن بمجرد ما ينكسر هالاحراج ترجع الصداقة اقوي..
شكراً لمروركم

 

[قهوة]

من تزوجت راحت على وجها = ما تشوف شر !

والله صدقتي اعرف وحده قاطعت كل صديقاتها ومقابله هالرجال اربع وعشرين ساعه ليما زهق من خشتها وهج للشاليهات يوميا سهرات مع اصحابه وقتها صارت وحيده بين اربع جدران صديقاتها المكنسة والمغسلة والمكوا
حتي الكلام نسيته يادوب تحط كلمتين علي قد السؤال ..

العلاقات الاجتماعية مو بس زيارات واجب ولا مجاملة بالعكس تبعد عنها الوحدة والملل .

 

[الحــــياة]

لا الحمدالله رفيجة عمري للحين معاي ولاتغيرنا على بعض ابدا لان احسنا اختيار بعض حتى عيالها ينادوني خاله

الله يخليها لي ولايغير علينا..

ثآآنكس.

 

[دلوعة أبوهآ]

لمآ تزوجت وصآر عندهآ زوج وبيت ومسؤوليه فقدتهآ

 

[قهوة]

لا الحمدالله رفيجة عمري للحين معاي ولاتغيرنا على بعض ابدا لان احسنا اختيار بعض حتى عيالها ينادوني خاله

الله يخليها لي ولايغير علينا..

ثآآنكس.

تبارك الله ..الله يديم عليكم المحبة والوفاء ويصيرون عيالكم بعد مثلكم..

شكرا لمرورك عزيزتي

 

[قهوة]

لمآ تزوجت وصآر عندهآ زوج وبيت ومسؤوليه فقدتهآ

هذا اللي يبط الجبد ...مدري شمسويلهم هالزواج ..

يجيها يوم وترجع لج ...وتتمنى منج نظرة حبيبتي. العيب فيها مو فيج وهي اللي خسرتج على قول أختنا عتيبية ذوق

شكرا لمرورك ..

 

[* ليــــدي *]

رفيجتي يوم تزوجت تركتني عقب صدآقه سنييين
و توهآ الحين من شهر تطلقت و قاعده تحآول ترد بس تبطي عظم مآرديتهآ ..
مآكو صديقآت يدومون

 

[* ليــــدي *]

بس ممكن تتعرفين على صديقآت جدد آبرك من اللي قبل ..
انا الحمدلله حآليا عندي رفيجه تجنن وحبوبه وعلى قلبي ..
الله يآخذ و يعطي وممكن تكون روحتهآ خيره لج

 

[ام سعود ديكسون]

عندي وحدة لازقة فيني بطريقة غريبة لدرجة التحكم
و بعد فترة انقلبت المعزة غيرة لي سويت رجيم تحاول تخرب
بالدوام تحاول تمر و تشغلج يدام المسؤولة او طلعي لي برا !!!!
بالطلعات اهم ما عندها بيتها و عيالها وتزعل لي صارت لي ظروف و اعتذرت
غير الفترة الاخيرة تهكم و تمسخر ؟؟؟؟هووو!!!! ليش شنو تغير !!!

هذا أنا بطيبتي و ذرابتي ما تغيرت
بس اكتشفت انها ما تستأهل مساير و طيبة زايدة
صار موقف و فجيت عنها بس تعلمت الدرس

كل ما كانت العلاقة فيها مساحة من الحرية و بعيدة عن الالتصاق الزائد
كل ما كانت صحية

و الحمدلله عندي غيرها رفيجات ندش و نطلع
كل ما ظروف الحياة الاجتماعية اشغلتنا كل ما ردينا اقوي من قبل
حلو بكل مرحلة بحياتج اكو صداقات بس مو بالضرورة لي تغيرت ظروفنا نزعل وننسي نقدر ظروف بعض

حلو صداقة من غير دراما تحكم و لقافة وأبي اعرف تفاصيل بيتج والا أزعل
و حلو لي صارت وناسة من غير تمصلح و تنفع 

 

[شونغ هونغ]

حبيبتي اللي تترك صديقتها بعد الزواج تحس بنقص اساليني انا علمتهم الطبخ والمكياج قبل ماتعرف غير ثقافة ليلة الدخله ومثيرات الرجل ههههههههه
ايه زمان كتبه جنسيه وكتبي رياضه وطبخ ومكياج ياحبي لنفسي
ومن ايام الملكه بدوا يتغيرون علي
ويكذبون واصيدهم عاد انا ما عطيتهم فرصه تغديت فيهم قبل لا يتعشون فيني
بحفل الزفاف بنفس اليوم غيرت جوالي هههههههه صدمتهم
اعرفهم محتاجين احد يسليهم ويدعهم نفسيا ولا راح يلاقوني حديث الروح علي قولتهم

وكملت حياتي ومنقهرين مني حييييييل تدرين ليش حبيبتي
حبوا هم اللي يستغنوا عني مادروا اني انا مستغنيه عنهم
وعن نفسي رغم كثرة علاقاتي وقلة التواصل
بس اللي تقطع واضحه لااتصال لا مسج لا اهتمام بالمقابلات والزيارات هنا قطعت
فاقول لك مو لازم تتصلين كل ساعه عشان تصرين صديقتي
رنه وقفله معناها ذكرتيني مسج كل اسبوع انتي وافيه بقوه لمااحتاج لك مااستحي اطلبك تساعديني بمشكلتي هنا الصداقه والاهم لما تنتهي العلاقه تبقي الاسرار اسرار
مااحد يستغلها لغرض شخصي مثل بعض الحشرات
فأنا عن نفسي أقول هم خسروني مو أنا اللي خسرتهم
والدليل هم باقي ثنتين مع بعض يوم راضين عن بعض وسنه متقاطعين ههههههه
بس انا الحمد الله صديقاتي اغلبهم اذا مو كلهم كل وحده بمنطقه وكل وحده وضعها مختلفه عني بالعمر والحاله
بس علاقتنا توب والثقه توب والمعزه بتبقي دوم
لان اللي يختارك عن قناعه غير اللي تجبره صفوف الدراسه علي صحبتك عزيزتي
بلا صديقة عمر بلا بطيخ صديقك من صدقك وليس من تخلي عنك ===>> حكمتي بالصداقه

كلامك درر يسلم بوئئئك:rerrerek: